NUMBERS 30 - Ottawa New Testament Penteteuch and Psalms 1874

¹ Moses dush oogekuhnoonaun enewh nahgaunezekunduhmenejin enewh enoodawezewinun, keduhzhemaud Israel oonejahnesun, oo‐oo keënaud, Me suh oo‐oo Jehovah kahezhekuhgaundwad.

² Kishpin enene wahweenduhmuhwaud Jehovahun, gamuh kuhya mushkuhwekezhwad tuhgoobenedezood tuhkoobene-goowin enandahgwuk; kahween oogahbegoobedooseen oodekedoowin, tahezheehega nahsaub egoo kuhkenuh ewh oodooning wanjebahmuhguk.

³ Kishpin kuhya equa wahweenduhmuhwaud Jehovahun, tuhgoobenegoowin enandahgwuk, emuh oosun oowegewaumening uhyaud magwah ooshkenegid;

⁴ Oosun dush noonduhmenid ewh oowahweenduhmuhgawin kuhya ewh mushkuhwewahweenduhmahgawin kahtuhkoobenedezood, oosun dush pezaunuhyahnid: kuhkenuh enewh oowahweenduhmahgawinun tuhmushkuhwesenoon, kuhya anduhchingin enewh mushkuhwe‐wahweenduhmahgawinun kahtuhkoobenedezood tahmushkuhwesenoon.

⁵ Kishpin dush ween enewh oosun oonjeëgood ewh goo kezhiguk uhpe nwaunduhmenid; kahween tahmushkuhwesinsenoon enewh oowahweenduhmahgawinun, gamuh kuhya enewh oomushkuhwewahweenduhmahgawinun kahtuhkoobenedezood: Jehovahun dush oogahahbwayanemegoon, oosun mah oogeöonjeëgoon.

⁶ Kishpin dush wanahbamegoobunan, uhpe wuhyahweenduhmahgad, gamuh kuhya uhpe gagoo akedood, ketuhkoobenedezood dush;

⁷ Oonahbamun dush kenoonduhmenid, kepezaunuhbenid dush ewh kezhiguk uhpe nwaunduhmenid: tahmushkuhwesenenewun enewh oowahweenduhmahgawinun, enewh kuhya oomushkuhwewahweenduhmahgawinun kahtuhgoobenedezood tahmushkuhwesenenewun.

⁸ Kishpin dush ween enewh oonahbamun wanjeëgoogoo-bunan ewh kezhiguk uhpe kahnoonduhmenid tahuhnookewun gagoo cheënahbuhdussenenig ewh oowahweenduhmahgawin kahezhewahweenduhmahgad, kuhya ewh kahekedood, ketuhkoobenedezood Jehovahun dush oogahahbwayanemegoon.

⁹ Anduhchingin dush ween enewh oomushkuhwewahweenduhmahgawinun owh shegah, kuhya owh kahwabenid, kahezhetuhkoobenedezoowaud, oogahkuhnuhwandaun.

¹⁰ Kishpin dush kemushkuhwewahweenduhmahgad emah oowegewaumening enewh oonahbamun, gamuh kuhya kishpin ketuhkoobenedezood ewh mushkuhwekezhwawin;

¹¹ Kenoonduhmenid dush oonahbamun, kuhya kepezaunuhbenid, keöonjeëgoosig: tahezhechega kuhkenuh kahezhemushkuhwe‐wahweenduhmahgad, kuhya kuhkenuh kahezhetuhkoobenedezood.

¹² Kishpin dush ween enewh oonahbamun kekecheöonjeëgood ewh kezhiguk uhpe kahnoondahgood: kahween tahezhechegase wagoodoogwan kemushkuhwewuhweenduhmahgad, gamuh kuhya kahezhetuhkoobenedezood: oonahbamun suh oogeoonjeëgoon; Jehovahun dush oogahahbwayanemegoon.

¹³ Oonahbamun tahahyeenjesedoone anduhchingin enewh mushkuhwewahweenduhmahgawinun, kuhya anduhchingin enewh mushkuhwekezhwawinun takoobenedezoong wegooduhgeëdezoong, gamuh kuhya enewh oonahbamun tahbuhnahjetoone.

¹⁴ Kishpin dush ween enewh oonahbamun ahpeje pezaunuhbemd andussookezhigudenig; oodahyeenjesedoone kuhkenuh kahezhetuhkoobenedezood: oomushkuhwesedoone, kepezaunuhbewun mah ewh kezhiguk uhpe kahnoondahgood.

¹⁵ Kishpin dush ween webuhnahjetoonid kahishquahnoonduhmenid; oogahbemoonduhmene ewh oomujjeëzhewabezewin.

¹⁶ Me suh oonoo enahkoonegawinun Jehovah kahezhekuhgaunzoomaud enewh Mosesun, keduhzhemaud enenewun kuhya oowedegamahgunene, enewh wayoosememindjin kuhya enewh oodaunene, magwah washke‐negenid emuh oosun oowegewaumening ayaud.