NUMBERS 3 - Ottawa New Testament Penteteuch and Psalms 1874

¹ Me kuhya oonoo oodahneka‐bemahdezewinewaun Aaron kuhya Moses ewh kezheguk uhpe Jehovah kanoonaud Mosesun emah Sinai wuhjewing.

² Mesuh dush oonoo oodenoozoowinewaun Aaron oogwissun; Nadab owh netumoozhaun, kuhya Abihu, Eleazar kuhya Ithamar.

³ Mesuh oonoo oodezhenekahzoowinewaun Aaron oogwissun, egewh sahsahgewejega‐wenenewug kahnuhmuhkoonindjig, enewh kahkechetwahweähjin cheühnookenid emuh ooduhnookewining owh sahsahgewejega‐wenene.

⁴ Nadab dush kuhya Abihu keneboowug emuh anahsuhmeühyahnid Jehovahun, uhpe kahuhtoowaud emuh sahsahgewejegunahbikoong ewh muhyugge ishkooda emuh anahsuhmeühyahnid Jehovahun, emuh Sinai buhgwuhduhkummig, kah dush keöonejahnesesewug: Eleazar dush kuhya Ithamar keühnookewug emuh ooduhnookewining owh sahsahgewejega‐wenene emuh anahsuhmeühyahnid Aaronun oosewaun.

⁵ ¶ Jehovah dush oogekuhnoonaun enewh Mosesun, oo‐oo keënaud,

⁶ Pashoo peëzhewizh Levi oodenoodawezewin, kuhya nebuhweh emuh anahsuhmeühyaud Aaron owh sahsahgewejega‐wenene, cheähnooketuhwahwaud.

⁷ Oogahkuhnuhwandahnahwah dush ewh ween pagedenuhmuhwindebun chekuhnuhwandung, kuhya ewh pagedenuhmuhwindwahbun chekuhnuhwanduhmoowaud kuhkenuh egewh muhyahmuhweenoojig, emuh anahsuhmeühyahmuhguk ewh puhpuhgewuhyahne‐ahnuhmeäwegummig emuh koo anduhzhe‐mahwunjeëding, chemekinduhmoowaud ewh ahnookewin kaëzhechegangebun emuh puhpuhgewuhyahne‐ahnuhmeä‐wegummegoong.

⁸ Oogahkuhnuhwandahnahwah dush kuhkenuh enewh ahbuhjechegunun dabandahgwukkin emah puhpuhgewuhyahne‐ahnuhmeä‐wegummegoong emah kooanduhzhe‐mahwunjeëding kuhya enewh pagedenuhmuhwindwahbun Israel oonejahnesun chekuhnuhwanduhmoowaud, chemekinduhmoowaud ewh ahnookewin kaëzhechegangebun emuh puhpuhgewuhyahne‐ahnuhmeä‐wegummegoong.

⁹ Kegahmeenah dush enewh Levitun owh Aaron kuhya enewh oogwissun: wawane meenah enewh wandenemindjin emuh uhyahwaud Israel oonejahnesun.

¹⁰ Kegahenahkoonaug dush Aaron kuhya enewh oogwissun, chemekinduhmoowaud oosahsahgewejega‐ahnookewinewah: owh dush mayuhgezid pashoo buhezhaud tahnesah.

¹¹ Jehovah dush oogekuhnoonaun enewh Mosesun, oo‐oo keënaud,

¹² Benuh, neen suh ningeöodahpenaug egewh Levitug, emuh uhyahwaud Israel oonejahnesun keöonjeöodahpenugwah mashquud kuhkenuh egewh netumoozhahnug nahgejig emuh uhyahwaud Israel oonejahnesun: egewh suh dush Levitug neen ningahdebanemaug;

¹³ Kuhkenuh mah egewh netumoozhahnug nindebanemaug; ewh suh kezheguk kepuhketawugwah kuhkenuh netumoozhahnug emuh Egypt duhzhe uhkeeng ningekechetwahwetuhmahdiz kuhkenuh egewh netumoozhahnug emuh Israeling, egewh bamahdezejig kuhya egewh ahwuhkaunug: neen ningahdebanemaug: owh Jehovah nindowh.

¹⁴ ¶ Jehovah dush oogekuhnoonaun enewh Mosesun emuh Sinai duhzhe buhgwuhduhkummig, oo‐oo keënaud,

¹⁵ Uhgim Levi oonejahnesun nahsaub anandahgwudenig oosewaun oowegewaumene, kuhya oodenoodawezewinewaun: kuhkenuh enenewug nangookeezis‐wuhgezejig kuhya uhwushema kegahuhgemaug.

¹⁶ Moses dush oogeühgemaun nahsaub egoo kahekedoonid enewh Jehovahun, kahezhekuhgaunzoomind.

¹⁷ Me suh dush oonoo Levi oogwissun kahezhenekahzoonid; Gershon, kuhya Kohath, kuhya Merari.

¹⁸ Me suh kuhya oonoo oodezhenekahzoowinene Gershon oogwissun emuh oodenoodawezewinening; Libni, kuhya Shimei.

¹⁹ Kuhya Kohath oogwissun emuh oodenoodawezewinening; Amram, kuhya Izehar, Hebron, kuhya Uzziel.

²⁰ Kuhya Merari oogwissun emuh oodenoodawezewinening; Mahli, kuhya Mushi. Me suh oonoo oodenoodawezewinewaun egewh Levitug nahsaub anandahgwudenig oowegewaumene oosewahbuneen.

²¹ Gershoning keöondahduhdene oodenoodawezewinewah egewh Libnitug, kuhya oodenoodawezewinewah egewh Shimitug: me suh oonoo oodenoodawezewinewaun egewh Gershonitug.

²² Egewh kahuhgemindjig wenuhwah, menik egoo anduhchewaud kuhkenuh egewh enenewug, nangookeezis‐wuhgezejig kuhya uhwushema, egewh suh goo kahuhgemindjig wenuhwah neenzhwahching medahswauk uhshe nahnwauk keduhchewug.

²³ Enewh oodenoodawezewinewaun egewh Gershonitug tahkuhbashewun emuh oobequuhnahwung enuhkuhkayah ewh puhpuhgewuhyahne‐ahnuhmeäwegummig apungishemoog enuhkuhkayah.

²⁴ Owh dush kanegahnezekundung ewh oowegewaumene egewh Gershonitug oosewahbuneen, me owh Eliasaph Lael oogwissun.

²⁵ Ewh dush kakuhnuhwanduhmenid Gershon oogwissun emuh puhpuhgewuhyahne‐ahnuhmeägummegoong emuh koo anduhzhemahwunjeëding, me ewh puhpuhgewuhyahne‐ahnuhmeäwegummig, kuhya ewh puhpuhgewuhyahnegummig, ewh uhgwuhnuhegun dabandahgwuk emuh, kuhya ewh agoodag emuh ishquaundamewung ewh puhpuhgewuhyahne‐ahnuhmeäwegummig emuh koo anduhzhemahwunjeëding.

²⁶ Kuhya enewh agoodagin dabandahgwukkin emuh ewh wuhyahkahkenuhming, kuhya ewh uhgoobejegun dabandahgwuk emuh ishquaundamewung ewh wuhyahkahkenuhming, pashoo ayaug emah uhtag ewh puhpuhgewuhyahne‐ahnuhmeä‐wegummig, kuhya emuh uhtag ewh sahsahgewejegun‐ahbik kawetahuhyeëe, kuhya enewh uhsuhbaubeen dabandahgwukkin emuh kaöonjeähnookahzoong weëzhechegang kuhkenuh kaëzhechegangebun emuh.

²⁷ ¶ Kohathing dush keöondahdudene oodenoodawezewinewah egewh Amramitug, kuhya ewh oodenoodawezewinewah egewh Izeharitug, kuhya ewh oodenoodawezewinewah egewh Hebronitug, kuhya ewh oodenoodawezewinewah egewh Uzzielitug: me suh oonoo oodenoodawezewinewaun egewh Kohathitug.

²⁸ Me oo‐oo kahduhchewaud kuhkenuh egewh enenewug, nangookeezis‐wuhgezejig kuhya uhwushema, shwahching medahswauk uhshe ningoodwahswauk, kanuhwandungig ewh kechetwah wegewaum.

²⁹ Oodenoodawezewinene Kohath oogwissun tahkuhbashewun shahwunoong enuhkuhkayah ewh puhpuhgewuhyahne‐ahnuhmeäwegummig.

³⁰ Owh dush kanegahnezekundung ewh oowegewaum owh wayoosemegood enewh oodenoodawezewinewaun egewh Kohathitug, me owh Elijaphan Uzziel oogwissun.

³¹ Me dush oonoo kakuhnuhwanduhmoowahjin, ewh kechetwah mukkuk, kuhya ewh uhdoopoowin, kuhya ewh wahsuhgoonanjegun‐ahbik, kuhya enewh sahsahgewejegun‐ahbikoon, kuhya enewh ahbuhjechegunun dabandahgwukkin emuh kechetwah wegewauming enewh anookahzoowahjin, kuhya ewh kebuhgoojegun, kuhya kuhkenuh enewh anookahzoong emuh.

³² Eleazar dush Aaron oogwissun owh sahsahgewejega‐wenene oogahnegaunezekunduhwaun enewh oodoogemaumewaun egewh Levitug, kuhya oogahuhkuhwahbuhmaun enewh kanuhwanduhmenejin ewh kechetwah wegewaum.

³³ ¶ Merariïng suh keöondahdudene oodenoodawezewinewah egewh Mahlitug, kuhya oodenoodawezewinewah egewh Mushitug: me suh oonoo oodenoodawezewinun owh Merari.

³⁴ Egewh dush wenuhwah kahuhgemindjig, nahsaub egoo anduhchewaud kuhkenuh egewh enenewug, nangookeezis‐wuhgezejig kuhya uhwushema, ningoodwahching medahswauk uhshe neenzhwauk keduhchewug.

³⁵ Zuriel dush Abihail oogwissun oogenegaunezekundaun ewh oowegewaum owh wayoosemegood Merari oodenoodawezewinun: oogoo tahkuhbashewug emuh kewadenoong enuhkuhkayah ewh puhpuhgewuhyahne‐ahnuhmeä‐wegummig.

³⁶ Me dush oonoo kakuhnuhwanduhmoowahjin Merari oogwissun, enewh nuhbugesuhgoon dabandahgoozenejin emuh puhpuhgewuhyahne‐ahnuhmeäwegummigoong, kuhya enewh bemedahkoosejegunun dabandahgwukkin emuh, kuhya enewh ahswahkwuhegunun dabandahgwukkin emuh, kuhya kuhkenuh enewh ahbuhjechegunun dabandahgwukkin emuh, kuhya kuhkenuh enewh dabandahgwukkin emuh,

³⁷ Kuhya enewh ahswahkwuhegunun dabandahgwukkin emuh ewh wuhyahkahkenegahdag kewetuhyeëe, kuhya enewh ooduhshoojesejegunemewaun, kuhya enewh ooduhsuhbaubemewaun.

³⁸ ¶ Egewh dush ween kakuhbashewaud enahsuhmeüh-yahmuhguk ewh puhpuhgewuhyahne‐ahnuhmeä‐wegummig wahbunoong enuhkuhkayah, emuh suh goo anahsuhmesing ewh puhpuhgewuhyahne‐ahnuhmeäwegummig emuh koo anduhzhemahwunjeëding wahbunoong enuhkuhkayah, me owh Moses kuhya Aaron kuhya enewh oogwissun, kuhnuhwanduhmoowaud ewh kechetwah wegewaum kaöonjekuhnuh-wanememind Israel oonejahnesun; owh dush mayuhgezid pashoo buhezhaud tahnesah.

³⁹ Kuhkenuh egewh Levitug kahuhgemindjig, enewh Moses kuhya Aaron kahuhgemahwahjin kahezhekuhgaunzoomegoowaud Jehovahun, menik anduhchenenig oodenoodawezewinewaun, kuhkenuh egewh enenewug nangookeeziswuhgezejig kuhya uhwushema, neeshtuhnuh uhshe neenzh duhching medahswauk keduhchewug.

⁴⁰ ¶ Jehovah dush oo‐oo oogeënaun enewh Mosesun, Uhgim kuhkenuh egewh netumoozhahnug anenewejig Israel oonejahnesun nangookeezis‐wuhgezejig kuhya uhwushema, kuhya uhginduhmowh enewh oodezhenekahzoowinewaun.

⁴¹ Kegahoodahpenuhmowh dush egewh Levitug (neen nindowh owh Jehovah) mashquud kuhkenuh egewh netumoozhahnug ayahwaud magwaühyeëe uhyahnid Israel oonejahnesun: kuhya ooduhwuhkaunewaun egewh Levitug mashquud kuhkenuh egewh natumoozhahnewejig Israel oonejahnesun ooduhwuhkaunene.

⁴² Moses dush oogeühgemaun kuhkenuh enewh netumoozhahnun Israel oonejahnesun; kahezhekuhgaunzoomegood egoo enewh Jehovahun.

⁴³ Kuhkenuh dush egewh netumoozhahnug anenewejig, anduhchenenig egoo oodezhenekahzoowinewaun, nangookeezis‐wuhgezejig kuhya uhwushema, egewh suh goo wenuhwah kahuhgemindjig neeshtuhnuh uhshe neenzh duhching medahswauk uhshe neenzhwauk uhshe neenzhwahsemeduhnuh uhshe neswe keduhchewug.

⁴⁴ ¶ Jehovah dush oogekuhnoonaun enewh Mosesun, oo‐oo keënaud,

⁴⁵ Oodahpin egewh Levitug mashquud kuhkenuh egewh netumoozhahnug Israel oonejahnesun, kuhya enewh ooduhwuhkaunewaun egewh Levitug mashquud enewh ooduhwuhkaunewaun; egewh dush Levitug neen ningahdebanemaug: neen nindowh owh Jehovah.

⁴⁶ Egewh dush ween wahkeeshpenuhnindjig egewh neenzhwauk uhshe neenzhwahsemeduhnuh uhshe neswe netumoozhahnug Israel oonejahnesun, uhwushema buhyahtuhyenoojig egewh dush ween Levitug;

⁴⁷ Kegahoodahpenuhmuhwaug nahnun shekelug papazhig, nahsaub egoo anandahgoozid owh shekel uhyahbuhjeïnd emuh kechetwah wegewauming kegahoodahpenaug: (owh shekel neeshtuhnuh gerahug enuhginzoo:)

⁴⁸ Kegahmeenah dush Aaron kuhya enewh oogwissun enewh shooneyaun enewh kaöonjekeeshpenuhnindwah egewh nuhwuj buhyahtuhpenoojig.

⁴⁹ Moses dush oogeöodahpenuhmuhwaun enewh ookeesh-penuhjega‐shooneyahmene enewh uhwushema kahduhchenenejin kahkeeshpenuhnindjig mashquud dush keöodahpenindwah egewh Levitug:

⁵⁰ Oogeöodahpenuhmuhwaun ooshooneyahmene enewh netumoozhahnun Israel oonejahnesun: medahswauk uhshe nahnun shekelug, nahsaub egoo anandahgoozid owh shekel uhyahbuhjeïnd emuh kechetwah wegewauming:

⁵¹ Moses dush oogemeenaun Aaronun kuhya enewh oogwissun, enewh ooshooneyahmene enewh kahkeeshpenuhnemindjin, nahsaub egoo kahekedoonid Jehovahun, kahezhekuhgaunzoomaud Jehovah enewh Mosesun.