NUMBERS 29 - Ottawa New Testament Penteteuch and Psalms 1874

¹ Uhpe dush neenzhwahsookeziswuhguk, uhpe ningoodoo-goonuhgezid owh kezis, kegahahnuhmeä‐mahwunjeëdim; kahween gagoo kegahenuhnookeseem: ewh suh kezhigud me uhpe koo poodahduhming enewh poodahjegunun.

² Kegahsahsahgewejeganahwah dush chahgeda‐sahsahgewejegun kamenoomaundung Jehovah; pazhig uhyahba‐pezhekeense, pazhig uhyahba‐mahnishtahnish, kuhya neenzhwahswe mahnishtahnisheensug nangoo‐pepoon‐uhgezejig muhyahkezesegoog:

³ Me dush oo‐oo oomejime‐sahsahgewejegunewah buhquazhegun bahsaug ewh emuh duhgoonegahdag pemeda, koomah goo menik oonje pazhig uhyahba‐pezhekeense, kuhya nuhwuj oonje pazhig uhyahba‐mahnishtahnish,

⁴ Kuhya punge nuhwuj oonje pazhig mahnishtahnisheense, me goo kuhkenuh egewh neenzhwahswe mahnishtahnisheensug:

⁵ Kuhya pazhig oomeshahboozoonsemewaun egewh meshahboozoong oonje ewh pahtahzewine‐sahsahgewejegun, kaöonjeähbwayanemegooyag:

⁶ Kahween ween ewh chahgeda‐sahsahgewejegun andussookeziswuhguk pagedenegahdag duhgwuhginjegahdasenoon, kuhya ewh meejime‐sahsahgewejegun dabandahgwuk emuh, kuhya ewh chahgeda‐sahsahgewejegun andussookezhiguk suhyahsahgewejegang, kuhya ewh mejime‐sahsahgewejegun dabandahgwuk emuh, kuhya enewh oomenequa‐sahsahgewejegunewaun, nahsaub egoo anandahgwukkin, manoomahgwukkin, sahsahgewejegun chuhyahgedag Jehovah pagedenuhmuhwind.

⁷ ¶ Uhpe dush medahsoogoonuhgezid wuhowh neenzhwahswe kezis kegahahnuhmeämahwunjeëdim; kegahkooduh-geähwaug dush kejechaugoowaug; kahween kagoo kegahenuhnookeseem ewh uhpe:

⁸ Kegahpuhgedenuhmuhwahwah dush ween Jehovah chahgedasahsahgewejegun kamenoomahgwuk; pazhig uhyahba‐pezhekeense, pazhig uhyahba‐mahnishtahnish, kuhya neenzhwahswe mahnishtahnisheensug nangoo‐pepoon‐uhgezejig; kahween tahmahkezesewug:

⁹ Me dush oo‐oo kaöomejime‐sahsahgewejegunemewaud, buhquazhegun bahsaug ewh emuh duhgoonegahdag pemeda, koomah goo menik oonje pazhig uhyahba pezhekeense, kuhya nuhwuj pungee oonje pazhig ahyahba‐mahnishtahnish,

¹⁰ Punge oonje pazhig mahnishtahnisheense, me goo kuhkenuh egewh neenzhwahswe mahnishtahnisheensug:

¹¹ Pazhig oomeshahboozoonsemewaun egewh meshahboozoog oonje ewh pahtahzewine‐sahsahgewejegun; bakish ewh ahbwayaninga‐pahtahzewine sahsahgewejegun, kuhya ewh kahgega chahgeda‐sahsahgewejegun, kuhya ewh oomejime‐sahsahgewejegun, kuhya enewh oomenequa‐sahsahgewejegunewaun.

¹² ¶ Uhpe dush medahswe‐uhshe‐nahnoogoon‐uhgezid owh neenzhwahswe kezis kegahahnuhmeämahwunjeëdim; kahween gagoo kegahenuhnookeseem, kegahahnuhmeä‐wekoondim dush Jehovah oonje neenzhwahsoogoon:

¹³ Kegahpuhgedenuhmahwahwah dush Jehovah chahgeda‐sahsahgewejegun, sahsahgewejegun chuhyahgezuhming, manoomahgwuk; medahswe‐uhshe‐neswe uhyahba‐pezhekeensug, neenzh uhyahba‐mahnishtahnishug, kuhya medahswe‐uhshe‐newin mahnishtahnisheensug nangoo‐pepoon‐uhgezejig; kahween tahmahkezesewug:

¹⁴ Me dush oo‐oo kaöomejime‐sahsahgewejegunimewaud, buhquazhegun bahsaug ewh emuh duhgoonegahdag pemeda, koomah goo menik oonje papazhig egewh medahswe‐uhshe‐neswe uhyahba‐pezhekeensug, punge nuhwuj oonje papazhig egewh neenzh uhyahba‐mahnishtahnishug,

¹⁵ Kuhya punge oonje papazhig egewh medahswe‐uhshe‐newin mahnishtahnisheensug:

¹⁶ Kuhya pazhig oomeshahboozoonsemewaun egewh meshahboozoog oonje pahtahzewine‐sahsahgewejegun; bakish ewh kahgega chahgeda‐sahsahgewejegun, ewh oomejime‐sahsahgewejegun, kuhya ewh oomenequa‐sahsahgewejegun.

¹⁷ ¶ Uhpe dush neenzhookezhiguk kegahsahsahgewejeganahwaug medahswe‐uhshe‐neenzh uhnooke‐pezhekeensug, neenzh uhyahba‐mahnishtahnishug, medahswe‐uhshe‐newin mahnishtahnisheensug nangoo‐pepoon‐uhgezejig kaduhgezesegoog:

¹⁸ Ewh dush oomejime‐sahsahgewejegunewah kuhya enewh oomenequa‐sahsahgewejegunewaun oonje enewh uhnooke‐pezhekewun, enewh uhyahba‐mahnishtahnishun, kuhya enewh mahnishtahnisheensun, menik egoo tahpuhgedenegahdawun nahsaub anduhchewaud, azhechegang uhkoo;

¹⁹ Kuhya pazhig enewh oomeshahboozoonsemewaun egewh meshahbozoog oonje ewh pahtahzewine‐sahsahgewejegun; bakish ewh kahgega chahgeda‐sahsahgewejegun, kuhya ewh oomejime‐sahsahgewejegun, kuhya enewh oomenequa‐sahsahgewejegunewaun.

²⁰ ¶ Uhpe dush nesookezhiguk medahswe‐uhshe‐pazhig uhnookepezhekewug, neenzh uhyahba‐mahnishtahnishug, medahswe‐uhshe‐newin mahnishtahnishcensuh nangoobeboonuhgezejig muhyahkezesegoog;

²¹ Ewh dush oomejime‐sahsahgewejegunewah kuhya enewh oomenequa‐sahsahgewejegunewaun oonje enewh uhnooke‐pezhekewun, enewh uhyahba‐mahnishtahnishun, kuhya enewh mahnishtahnisheensun, menik tahpuhgedenegahdawun nahsaub anduhchewaud, azhechegang uhkoo:

²² Kuhya pazhig meshahbooz oonje ewh pahtahzewine‐sahsahgewejegun; bakish ewh kahgega chahgeda‐sahsahgewejegun, kuhya ewh oomejime‐sahsahgewejegun, kuhya ewh oomenequa‐sahsahgewejegun.

²³ ¶ Uhpe dush newookezhiguk medahswe uhnooke‐pezhekewug, neenzh uhyahba‐mahnishtahnishug, kuhya medahswe‐uhshe‐newin mahnishtahnisheensug nangoo‐beboon‐uhgezejig muhyahkezesegoog:

²⁴ Ewh oomejime‐sahsahgewejegunewah kuhya enewh oomenequa‐sahsahgewejegunewaun oonje enewh uhnooke‐pezhekewun, enewh uhyahba‐mahnishtahnishun, kuhya enewh mahnishtahnisheensun, menik egoo tahpuhgedenegahdawun nahsaub anduhchewaud; azhechegang uhkoo:

²⁵ Kuhya pazhig enewh oomeshahboozoonsemewaun egewh meshahboozoog oonje ewh pahtahzewine‐sahsahgewejegun; bakish ewh kahgega chahgeda‐sahsahgewejegun, ewh oomejime‐sahsahgewejegun, kuhya ewh oomenequa‐sahsahgewejegun.

²⁶ ¶ Uhpe dush nahnookezhiguk shaunguhswe uhnooke‐pezhekewng, neeezh uhyahba‐mahnishtahnishug, kuhya medahswe‐uhshe‐newin mahnishtahnisheensug nangoo‐pepoon‐uhgezejig muhyahkezesegoog:

²⁷ Ewh dush oomejime‐sahsahgewejegunewah kuhya enewh oomenequa‐sahsahgewejegunewaun oonje egewh uhnooke‐pezhekewug, egewh uhyahba‐mahnishtahnishug, kuhya egewh mahnishtahnisheensug, menik egoo tahpuhgedenegahdawun nahsaub anduhchewaud, azhechegang uhkoo:

²⁸ Kuhya pazhig meshahbooz oonje ewh pahtahzewine‐sahsahgewejegun; bakizh ewh kahgega chahgeda‐sahsahgewejegun, kuhya ewh oomejime‐sahsahgewejegun, kuhya ewh oomenequa‐sahsahgewejegun.

²⁹ ¶ Uhpe dush ningoodwahsookezhiguk shwahswe uhnooke‐pezhekewug, neenzh uhyahba‐mahnishtahnishug, kuhya medahswe‐uhshe‐newin mahnishtahnisheensug nangoo‐pepoon‐uhgezejig muhyabkezesegoog:

³⁰ Ewh dush oomejime‐sahsahgewejegunewah kuhya enewh oomenequa‐sahsahgewejegunewaun oonje egewh uhnooke‐pezhekewug, egewh uhyahba‐mahnishtahnishug, kuhya egewh mahnishtahnisheensug, menik egoo tahpuhpedenegahdawun nahsaub anduhchewaud, azhechegang uhkoo:

³¹ Kuhya pazhig meshahbooz oonje ewh pahtahzewine‐sahsahgewejegun; bakish ewh kahgega chahgeda‐sahsahgewejegun, ewh oomejime‐sahsahgewejegun, kuhya ewh oomenequa‐sahsahgewejegun.

³² ¶ Uhpe dush neenzhwahsookezhiguk neenzhwuhswe-uhnooke‐pezhekewug, neenzh uhyahba‐mahnishtahnishug, kuhya medahswe‐uhshe‐newin mahnishtahnisheensug nangoo‐pepoon‐uhgezejig muhyahkezesegoog:

³³ Ewh dush oomejime‐sahsahgewejegunewah kuhya enewh oomenequa‐sahsahgewejegunewaun oonje egewh uhnookepezhekewug, egewh uhyahba‐mahnishtahnishug, kuhya egewh mahnishtahnisheensug, menik egoo tahpuhgedenegahdawun nahsaub anduhchewaud, azhechegaug uhkoo:

³⁴ Kuhya pazhig meshahbooz oonje ewh pahtahzewine‐sahsahgewejegun; bakish ewh kahgega chahgeda‐sahsahgewejegun, ewh oomejime‐sahsahgewejegun, kuhya ewh oomenequa‐sahsahgewejegun.

³⁵ Uhpe shwahsookezhiguk kechewawane kegahmahwunjeëdim: kahween gagoo keguhenuhnookeseem ewh uhpe:

³⁶ Kegahpuhgedenuhmuhwahwah dush ween Jehovah chahgeda‐sahsahgewejegun, sahsahgewejegen chuhyahgezuhming, manoomahgwnk; pazhig ahuooke‐pezheke, pazhig uhyahba‐mahnishtahnish, neenzhwahswe mahnishtahnisheensug nangoo‐pepoon‐uhgezejig muhyahkezesegoog:

³⁷ Ewh oomejime‐sahsahgewejegunewah kuhya enewh oomenequa‐sahsahgewejegunewaun oonje owh uhnookepezheke, owh uhyahba‐mahnishtahnish, kuhya egewh mahnishtahnisheensug, menik egoo tahpuhgedenegahdawun nahsaub anduhchewaud, azhechegang uhkoo:

³⁸ Kuhya pazhig meshahbooz oonje ewh pahtahzewine‐sahsahgewejegun: bakish ewh kahgega chahgeda‐sahsahgewejegun, kuhya ewh oomejime‐sahsahgewejegun, kuhya ewh oomenequa‐sahsahgewejegun.

³⁹ Me suh oonoo kadooduhwag Jehovah emuh kedahnuhmeä‐wekoondewinewaung anahkoonegahdagin, enewh dush kuhya kewahweenduhmahgawinewaun, kuhya enewh kepuhgedenegawinewaun kenuhwah goo ananduhmag pagedenuhmag, oonje enewh kechahgeda‐sahsahgewejegunewaun, kuhya enewh kemejime‐sahsahgewejegunewaun, kuhya enewh kepezauneëwawine‐sahsahgewejegunewaun.

⁴⁰ Moses dush oogeweenduhmuhwaun Israel oonejahnesun nahsaub egoo kuhkenuh Jehovah kahezhekuhgaunzoomaud enewh Mosesun.