NUMBERS 28 - Ottawa New Testament Penteteuch and Psalms 1874

¹ Jehovah dush oogekuhnoonaun Mosesun, oo‐oo keënaud,

² Kuhgaunzoom Israel oonejahnesun, oo‐oo dush ezhe, Nesahsahgewejegun, kuhya nimbuhquazhegunim tagooüh-chegahdag emuh nindishkooda‐sahsahgewejeguning, kamenoo-maunduhmaun kegahaungwahmezim chepuhgedenuhmuhweyag uhpe dabishkoosagin.

³ Oo‐oo dush kegahenaug, Me suh oo‐oo ishkooda‐sahsahgewejegun kapuhgedenuhmuhwag Jehovah; neenzh mahnishtahnisheensug nangoo‐pepoon‐uhgezejig kaduhgezesegoog andussoo‐kezhiguk, uhpena tahishkooda‐sahsahgewejegam.

⁴ Owh pazhig mahnishtahnisheense kegahsahsahgewejeganun uhpe kekezhabahwuhguk, owh dush menuhwah pazhig mahnishtahnisheense kegahsahsahgewejeganun uhpe oonahgooshig;

⁵ Kuhya punge buhquazhegun bahsaug oonje ewh meejime‐sahsahgewejegun, punge kuhya paketabeguhegahdag tahduhgoonegahda.

⁶ Kahgega chahgeda‐sahsahgewejegun suh ewh, kahenahkoonegahdag ewede wuhjewing Sinaiïng chemenoomaunduhming, ishkooda‐sahsahgewejegun Jehovah pagedenuhmuhwind.

⁷ Ewh dush menequa‐sahsahgewejegun dabandahgwuk emuh punge tahuhyoom oonje owh pazhig mahnishtahnisheense: emuh kechetwahwandahgwuk kegahsegenuhmuhwah Jehovah ewh mashkuhwahgummig shooweminahboo oonje ewh menequa‐sahsahgewejegun.

⁸ Owh dush menuhwah pazhig mahnishtahnisheense kegahsahsahgewejeganun uhpe oonahgooshig: azhesahsahgewejegayun ewh mejime‐sahsahgewejegun uhpe kakezhabahwuhguk kuhya ewh menequa‐sahsahgewejegun dabandahgwuk emuh, kegahezhesahsahgewejegan ishkooda sahsahgewejegun, Jehovah manoomaundung.

⁹ ¶ Uhpe dush ahnuhmeäkezhiguk neenzh mahnishtahnisheensug nangoo‐pepoon‐uhgezejig kaduhgezesegoog, kuhya punge buhquazhegun bahsaug oonje ewh mejime‐sahsahgewejegun, ewh emuh pemeda duhgoonegahdag, kuhya ewh menequa‐sahsahgewejegun dabandahgwuk emuh:

¹⁰ Me suh oo‐oo chahgeda‐sahsahgewejegun kasahsahgewejegang andussoo‐ahnuhmeäkezhiguk, kuhya dush ewh kahgega‐chahgeda‐sahsahgewejegun, kuhya ewh menequa‐sahsahgewejegun dabandahgwuk emuh.

¹¹ ¶ Uhpe kuhya washkeühgoojenoowahjin kekeezisoomewaug kegahpuhgedenuhmuhwahwah Jehovah chahgeda‐sahsahgewejegun; neenzh uhyahba‐pezhekeensug, kuhya pazhig uhyahba‐mahnishtahnish, neenzhwahswe mahnishtahnisheensug nangoo‐pepoon‐uhgezejig kaduhgezesegoog;

¹² Kuhya punge bahquazhegun bahsaug oonje ewh mejime‐sahsahgewejegun, ewh emuh duhgoonegahdag pemeda, oonje owh pazhig uhyahba‐pezhekeense; kuhya punge buhquazhegun bahsaug oonje ewh mejime‐sahsahgewejegun, ewh emuh duhgoonegahdag pemeda, oonje owh pazhig uhyahba‐mahnishtahnish;

¹³ Kuhya punge buhquazhegun bahsaug ewh emuh duhgoonegahdag pemeda oonje ewh mejime‐sahsahgewejegun oonje owh pazhig mahnishtahnisheense; oonje ewh chahgeda‐sahsahgewejegun manoomahgwuk, ishkooda‐sahsahgewejegun pagedenuhmuhwind Jehovah.

¹⁴ Oomenequa‐sahsahgewejegunewaun dush ahbetuh hin menik shooweminahboo oogahuhyoonahwah oonje pazhig uhyahba‐pezhekeensun, kuhya nuhwuj punge oonje pazhig uhyahba‐mahnishtahnishun, kuhya nuhwuj menuhwah punge oonje pazhig mahnishtahnisheensun: me suh oo‐oo chahgeda‐sahsahgewejegun andussoo‐keeziswuhguk kuhbakekenoonoowin kapuhgedenuhmag.

¹⁵ Pazhig kuhya oomeshahboozoonsemewah egewh meshahboozoog oonje ewh pahtahzewine‐sahsahgewejegun tahpuhgedenuhmuhwah Jehovah, ewh dush kuhya kahgega chahgeda‐sahsahgewejegun dabandahgwuk emuh kuhya oomenequa‐sahsahgewejegun.

¹⁶ Uhpe dush medahswe‐uhshe‐newoogoonuhgezid owh netum keezis me ewh Jehovah ookuhbekoosa‐wekoondewin.

¹⁷ Uhpe dush medahswe‐uhshe‐nahnoogoonuhgezid wuhowh keezis me ewh uhpe chewekoonding: neenzhwahsoogoon owh buhquazhegun wambesejegahzoosig tahaumwah.

¹⁸ Netum kezhiguk tahahnuhmeämahwunjeëdim; kahween gagoo kegahenuhnookeeseem ewh uhpe:

¹⁹ Kegahpuhgedenuhmuhwahwah dush ween Jehovah ishkooda‐sahsahgewejegun oonje ewh chahgeda‐sahsahgewejegun; neenzh uhyahba‐pezhekeensug, kuhya pazhig uhyahba‐mahnishtahnish, kuhya neenzhwahswe mahnishtahnisheensug nangoo‐pepoon‐uhgezejig: kahween tahmahkezesewug.

²⁰ Me dush oo‐oo oomejime‐sahsahgewejegunewah buhquazhegun bahsaug ewh emuh duhgoonegahdag pemeda: koomah goo menik kegahsahsahgewejegam oonje owh uhyahba‐pezhekeense, kuhya nuhwuj punge oonje owh uhyahba‐mahnishtahnish;

²¹ Punge nuhwuj kegahsahsahgewejegan oonje anduhchewaud egewh mahnishtahnisheensug, naunzhwahchejig:

²² Kuhya pazhig meshahbooz oonje ewh pahtahzewine‐sahsahgewejegun, kaöonjepoonanemegooyag.

²³ Kegahsahsahgewejeganahwaug oogoo ewh dush kuhya chahgeda‐sahsahgewejegun kakezhabahwuhguk pagedenuhming, ewh kahgega chahgeda‐sahsahgewejegun.

²⁴ Me suh oo‐oo kaëzhesahsahgewejegayag andussoo‐kezhiguk, enewh neenzhwahswe kezhigudoon, ewh, ewh sahsahgewejega‐mejim chuhyahgezuhming, Jehovah manoomaundung: tahsahsahgewejegam kahween ween ewh kahgega chahgeda‐sahsahgewejegun tahgwuhginjegahdasenoon, kuhya ewh menequa‐sahsahgewejegun dabandahgwuk emuh.

²⁵ Neenzhwahsookezhiguk dush kegahahnuhmeä‐mahwunjeëdim; kahween gagoo kegahenuhnookeseem.

²⁶ ¶ Uhpe kuhya oojechesag ewh kezhigud uhpe koo netum mahwunjetooyag enewh uhkeeng wanjegingin, uhpe beduhwag Jehovah ooshkemejime‐sahsahgewejegun, bahmah kekuhbekoosagin enewh kedahnuhmeäkezhigudoomewaun, kegahahnuhmeämahwunjeëdim; kahween gagoo kegahenuhnookeseem:

²⁷ Kegahsahsahgewejeganahwah dush ewh chahgeda‐sahsahgewejegun Jehovah kamenoomaundung; neenzh uhyahba‐pezhekeensug, pazhig uhyahba‐mahnishtahnish, neenzhwahswe mahnishtahnisheensug nangoo‐pepoon‐uhgezejig;

²⁸ Kuhya ewh oomejime‐sahsahgewejegunewah buhqnazhegun bahsaug ewh emuh duhgoonegahdag pemeda, koomah goo menik oonje owh pazhig uhyahba‐pezhekeense, punge nuhwuj oonje owh pazhig uhyahba‐mahnishtahnish,

²⁹ Punge nuhwuj oonje owh pazhig mahnishtahnisheense, me goo kuhkenuh egewh neenzhwahswe mahnishtahnisheensug;

³⁰ Kuhya pazhig oomeshahboozoonsemewah egewh meshahboozoog, kaöonjepoonanenegooyag.

³¹ Kegahsahsahgewejeganahwaug kahween tahgwuhginjegahdasenoon ewh kahgega chahgeda‐sahsahgewejegun dabandahgwuk emuh, (kahween tahmahkezesewug) kuhya enewh oomenequa‐sahsahgewejegunewaun.