NUMBERS 27 - Ottawa New Testament Penteteuch and Psalms 1874

¹ Me dush kebeëzhahnid oodaunun owh Zelophehad, Hepher oogwissun, Gilead oogwissun, Machir oogwissun, Manasseh oogwissun emuh oodenoodawezewinening enewh Manassehun Joseph oogwissun dabandahgoozewaud: me suh oo‐oo kahezhenekahzoonid oodaunun: Mahlah, Noah, kuhya Hoglah, kuhya Milcah, kuhya Tirzah.

² Kenebuhwewun dush emuh anahsuhmeühyahnid Mosesun, kuhya Eleazarun enewh sahsahgewejega‐wenenewun kuhya emuh anahsuhmeühyahnid enewh oogemaun kuhya kuhkenuh enewh muhyahwunjeëdenejin, emuh ishquaundamewunenig ewh oopuhpuhgewuhyahne‐ahnuhmeäwegummigoowah egewh muhyahwunjeëdejig, oo‐oo kekedoonid,

³ Noosemenahbun buhgwuhduhkummig keduhpena, kahween suh oogeweedookuhwahseen enewh kahmegahnahnid Jehovahun enewh suh goo Korah oodooshkenegemun; emuh suh atuh tebenuhwa oobahtahzewining keneboo, kah dush keöogwissese.

⁴ Wagoonan suh ewh oodenoozoowin owh noosemenahbun kaöonje‐ekoonegahdanigebun emuh uhyahmuhgudenig oodenoodawezewin, oonje owh oogwissesig? Meenzheshenaum suh dush debandahsoowin emuh uhyahnid wekahnesun owh noosemenahbun.

⁵ Moses dush oogeühweweenduhmuhwaun Jehovahun ewh keënaud.

⁶ ¶ Jehovah dush oogekuhnoonaun enewh Mosesun, oo‐oo keënaud,

⁷ Zelophehad oodaunun quuhyuk ezhekekedoowun: ahbedakummig egoo kegahmeenaug debandahsoowin kadebanduhmoowaud emuh uhyahnid enewh wekahnesene oosewahbuneen; kegahahnekadebanduhmoowaug dush ewh oodebandahsoowinenebun oosewahbuneen.

⁸ Kegahkuhnoonaug dush Israel oonejahnesun, oo‐oo cheënudwah, Kishpin enene nebood, oogwissesig dush, kegahahnekahdebanduhmoonahwah enewh oodahnun ewh oodebandahsoowin.

⁹ Kishpin dush oodahnesig, kegahmeenahwaug enewh wekahnesun ewh oodebandahsoowin.

¹⁰ Kishpin dush wekahnesesig, kegahmeenahwaug oosun wekahnesene ewh oodebandahsoowin.

¹¹ Kishpin dush oosun wekahnesesenig, kegahmeenemahwaun ewh oodebandahsoowin enewh oodenuhwamahgunun, mahmuhwe pashoo anuhwamegoojin emuh oodenoodawezewining, tahdebanduhmoon dush: oo‐oo dush oogahoodenahkoonegawenenenahwah Israel oonejahnesun, kahezhekuhgaunzoomaud egoo Jehovah enewh Mosesun.

¹² ¶ Jehovah dush oo‐oo oogeënaun Mosesun, Ezhaun wuhgedahke oo‐oo wuhjewh Abarim, wahbundun dush ewh uhke kahmeenugwah Israel oonejahnesun.

¹³ Uhpe dush kewahbunduhmun, kuhya keen kegahezhewenenegoo emuh uhyahwaud kedahnishenahbamug, kahezhemahjewenind Aaron owh kekahnisebun.

¹⁴ Kegemegahdahnahwah mah ninguhgequawin emuh Zin buhgwuhduhkummig, uhpe mahgahzoowaud egewh muhyahwunjeëdejig, kah dush kegekechetwahweëseem emuh nebeeng anahsuhmeuhyahwaud: me suh emuh Meribah duhzhe nebeeng Kadeshing anduhgoog emuh Zin buhgwuhduhkummig.

¹⁵ ¶ Moses dush oogekuhnoonaun Jehovahun, oo‐oo keënaud,

¹⁶ Mahnoo suh Jehovah, owh wa‐Kesha‐Muhnedoowemegood oojechaugoowaun kuhkenuh wahyahsewejig, oogahenah-koonaun pazhig enenewun kakuhnuhwanemahnejin enewh muhyahwunjeëdenejin,

¹⁷ Owh kasahsahguhung emuh anahsuhmeühyahwaud, kuhya kabahbeendegad emuh anahsuhmeühyahwaud kasahgejewenaud, kuhya kapeendeguhnaud; enewh dush Jehovah oodahnishenahbamun egewh mahnishtahnishug wadoomahnishtahnishe‐wenenemesegoog cheëzheühyahsenig.

¹⁸ ¶ Jehovah dush oo‐oo oogeënaun enewh Mosesun, Oodahpin Joshua oogwissun Nun, owh enene kagishkuhwaud enewh oojechaugwun, uhtuhmowh dush keninj emuh ooshtegwauning;

¹⁹ Nebuhwah dush emuh anahsuhmeühyaud Eleazar owh sahsahgewejega‐wenene, kuhya emuh anahsuhmeühyahwaud kuhkenuh egewh muhyahwunjeëdejig; kuhgekim dush emuh anahsuhmeühyahwaud

²⁰ Kegahmeenah dush ahnind kekechetwahwandahgoozewin, kuhkenuh dush nah egewh muhyahwunjeëdejig Israel oonejahnesun chenuhittuhmoowaud.

²¹ Tahnebuhwe dush emuh anahsuhmeühyahnid Eleäzarun enewh sahsahgewejega‐wenenewun, kakuhgwadwanid kaëzhechegad azhechegang koo wekekanduhming Urim emuh anahsuhmeühyaud Jehovah: uhpe akedoojin tahsahguhuhmoog, uhpe kuhya akedoojin tahpeendegawug, ween, kuhya kuhkenuh Israel oonejahnesun kuhkenuh suh goo egewh muhyahwunjeëdejig.

²² Moses dush keëzhechega kahezhekuhgaunzoomegood Jehovahun: oogeöodahpenaun dush Joshuaün, oogeühsaun dush emuh anahsuhmeuhyahnid Eleazarun enewh sahsahgewejega‐wenenewun, kuhya emuh anahsuhmeühyahnid kuhkenuh enewh muhyahwundjeëdenejin.

²³ Oogeühtuhwaun dush ooninjeen emuh ooshtegwaunening, oogekemaun kuhya, nahsaub egoo Jehovah kahezhekuhgaunzoomahpun enewh Mosesun.