NUMBERS 25 - Ottawa New Testament Penteteuch and Psalms 1874

¹ Israel dush keduhnuhke Shittiming, egewh dush ahnishenahbag oogemahjeweejpeshegwahdezemahwaun Moab oodahnun.

² Oogenundoomahwaun dush enewh ahnishenahban emuh uhtanig enewh sahsahgewejegunun pagedenuhmuhwahwaud oomuhnedoomewaun: enewh dush ahnishenahban kewesenewun, oogeshahgushketuhwaune kuhya enewh oomuhnedoomewaun.

³ Israel dush oogeweejewaun Baal‐peorun: Jehovah dush oogenishkeëgoon Israelun.

⁴ Jehovah dush oo‐oo oogeënaun enewh Mosesun, Oodahpin kuhkenuh egewh nahgahnezejig emuh uhyahwaud egewh ahnishenahbag, uhgoon dush emuh anahsuhmeühyaud Jehovah emuh anahsuhmuhgoojing owh keezis, ewh dush nah Jehovah oogootahmegoo‐gedahzoowin cheëkoonuhmuhwind Israel.

⁵ Moses dush oo‐oo oogeënaun enewh tabahkooneganejin emuh uhyaud Israel, Nesik anduhcheyag egewh kedooshkenegemewaug kahweejewahwaud enewh Baal‐peorun.

⁶ ¶ Benuh dush pazhig Israel oonejahnesun kebeëzhah oogebeduhwaun dush wekahnesun pazhig Midian duhzhe equawun, emuh anahsuhmeühyahnid Mosesun, kuhya emuh anahsuhmeühyahnid kuhkenuh enewh muhyahwunjeëdenejin Israel oonejahnesun, magwah mawenid emuh anahsuhmeühyahmuhguk ewh emuh ishquaundamewung ewh oopuhpuhgewuhyahne‐ahnuhmeäwegummigoowah egewh muhyahwunjeëdejig.

⁷ Uhpe dush Phinehas, oogwissun Eleazar, oogwissun Aaron owh sahsahgewejegawenene, wuhyahbundung oo‐oo, emuh uhyahnid enewh muhyahwunjeëdenejin keöonjepuhze-gwinjesa, oogenuhwuhdenaun dush shemahgun;

⁸ Oogenoosoonawaun dush enewh Israel duhzhe enenewun muh puhpuhgewuhyahnegummigoong, oogepuhzhebuhwaun dush nuhyanzh, enewh Israel duhzhe enenewun, kuhya enewh equawun emuh oomesudahning. Me suh ewh mujjeënahpenawin keïshquahuhyahmuhguk emuh uhyahwaud Israel oonejahnesun.

⁹ Egewh dush kahneboojig kemujjeënahpenang neeshtuhnuh uhshe newin duhching medahswauk keduhchewug.

¹⁰ ¶ Jehovah dush oogekuhnoonaun enewh Mosesun, oo‐oo keënaud,

¹¹ Phinehas, oogwissun Eleazar, oogwissun Aaron owh sahsahgewejega‐wenene, oogeëkoonuhmuhwaun Israel oonejahnesun ewh nenishkahdezewin, ningemeenwawezekundaug mah emuh uhyahwaud, me dush ewh kahoonjechahgenuh-nahsewugwah Israel oonejahnesun magwah kekezhahwanjegayaun.

¹² Oo‐oo suh dush ekedoon, Benuh nemeenah ewh nimpezauneëwawine‐wahweenduhmahgawin:

¹³ Oogahuhyaun dush, kuhya enewh oonejahnesun kanebemahdezenejin, ewh suh goo kahgega‐sahsahgewejegaöowine‐wahweenduhmahgawin; oogemeenwawezekunduhwaun mah oo‐Kesha‐Muhnedoomun, kuhya keühnooke cheboonane-memind Israel oonejahnesun.

¹⁴ Owh dush Israelite kahnesind, owh suh goo kahduhgoo-nuhnind uhpe nasind owh Midian duhzhe equa, Zimri keëzhenekahzoo, oogwissun Salu, owh wagemahkundung pazhig nahgaunandahgwuk wegewaum emuh uhyahwaud egewh Simeonitug.

¹⁵ Owh dush ween Midian duhzhe equa kahnesind Cozbi keëzhenekahzoo, oodahnun owh Zur; wuhowh oogenegaunezekunduhwaun ahnishenahban, pazhig suh goo nahgaunandahgwuk wegewaum emuh Midianing.

¹⁶ ¶ Jehovah dush oogekuhnoonaun enewh Mosesun, oo‐oo keënaud,

¹⁷ Migooshkahjeïk egewh Midianitug, megahnik edush:

¹⁸ Kegemegooshkahjeëgoowaug mah kewuhyazhemenagwah oonje owh Peor, kuhya oonje owh Cozbi, enewh wadahnejin pazhig Midian duhzhe oogemah, ooduhwamahwaun kahnesememinjin ewh kezhiguk kemujjeënahpenang oonje owh Peor.