NUMBERS 24 - Ottawa New Testament Penteteuch and Psalms 1874

¹ Uhpe dush Balaam wuhyahbundung ewh Jehovahun minwanduhmenid cheshahwanemahnid Israelun, kahween oogeühwenunduhwahbundunsenun wahbunoowewinun, kahezhechegapun ween, keënahbe atuh buhgwuhduhkummig enuhkuhkayah.

² Balaam dush kaöombishkeenzhigwane, oogewahbuhmaun dush Israelun dahnid emuh oopuhpuhgewuhyahne-gummigooning nahsaub egoo anandahgwudenig oodenoodawezewinene; Kesha‐Muhnedoo dush oojechaugwun oogeöodissegoon.

³ Keähwachega dush oo‐oo keëkedood, Balaam oogwissun owh Beor keëkedoo, owh kuhya enene puhyahkahkoosenenig ooshkeenzhigoon keëkedoo:

⁴ Keëkedoo owh kahnoondung Kesha‐Muhnedoo oodekedoowinun, owh kahwahbunduhegood enewh Muhyahmuhwe‐mushkuhwezenejin uhnooj gagoo, oodissegood muhmaunze-nuhmoowin, pahkahkoosenenig dush ween ooshkeenzhigoon:

⁵ Kagate suh minwahbuhmenahgwudoon kepuhpuhgewuhyahnegummigoon, O Jacob, kuhya kewegewaumun, O Israel!

⁶ Debishkoo enewh emuh duhwuhdenaug ezhezhinguhdasenoon, debishkoo ketegaunansing cheeg‐sebe, debishkoo egewh metigoog aloes azhenekahzoojig Jehovah kahketegaunahjin, debishkoo kuhya egewh kezhikug cheegahyeëe nebeeng paduhkezoojig.

⁷ Emuh oonembahguning oogahoonjesegwabenaun ewh nebe, oomenekaun dush nebewah nebeeng tahuhyahmahgudene, oodoogemaumunkuhya nuhwujtahkenoozewun enewh dush ween Agagun, ewh kuhya oodoogemahwewin tahoombenegahdane.

⁸ Kesha‐Muhnedoo suh Egypting oogeöonjesahgejewenaun; azhemushkuhwezeed owh wadashkunid papazhigoogunzhe me ewh azhemushkuhwezenid: oogahgedumwaun enewh ahnishenahban enewh shaunganemegoojin, oogahbooquuhuh-muhwaun kuhya ookunene, tahshahshahboobedawun enewh ookeenaukoomun emuh ooweyowening.

⁹ Kezhingishin, meshebezheeng keëzheshin, kuhya kechemeshebezheeng: ahwanan kaühmuhjeäud? Shahwandahgooze suh owh keguhshahwandahgooz anik, kuhgwahnesuhgandahgooze dush owh nuhyahneboomik.

¹⁰ ¶ Balak dush oogenishkeëgoon enewh Balaamun, kepuhketaöoninjeöodezoo dush: Balak dush oo‐oo oogeënaun Balaamun, Kegenundoomin chenahneboomudwah egewh shaunganemugig, benuh dush ahzhe nesing kegahshahwandahgoozim keche wawane kegeënaug.

¹¹ Kewan suh dush: ningeënandahnahbun ahpeje chekechetwahweënaun; benuh dush Jehovah kegeühzhakahbuhweïk wekechetwahweëgooyumbun.

¹² Balaam dush oo‐oo oogeënaun Balakun, Kah nuh dush ween ningekuhnoonahsebuneeg egewh keminzhenuhwamug kahezhenezhuhwudjig emuh uhyahyaun, oo‐oo keënugwah,

¹³ Kishpin Balak wemeenzhepun oowegewaum emuh mooshkenanig shooneyah kuhya oozahweshooneyah, kahween nindahkushketooseen chebahzheduhuhmaun Jehovah ookuhgequawin, cheëzhechegayaun ewh wanesheshing gamuh kuhya ewh muhyahnahduk neen egoo ananduhmaun; ewh suh goo Jehovah akedood, me ewh kaëkedooyaun?

¹⁴ Benuh suh dush nindezhahnug egewh ninduhnishenahbamug: oondaus suh, kezhah kegahweenduhmoon oogoo ahnishenahbamug kedooduhwahwaud enewh kedahnishenahbamun uhpe enewh ishquauj kezhegudoon.

¹⁵ ¶ Keähwachega dush, oo‐oo keëkedood, Balaam oogwissun owh Beor keëkedoo, owh kuhya enene ayenahbid keëkedoo:

¹⁶ Keëkedoo, owh kahnoondung Kesha‐Muhnedoo oodekedoowinun, kuhya kahkekandung ookekandahsoowin owh Muhyahmuhwe‐ishpandahgoozid, ahnooj gagoo kahwahbunduhegood enewh Muhyahmuhwe‐mushkuhwezenejin, magwah muhmaunzenung, uhyenahbid dush ween:

¹⁷ Ningahwahbuhmah suh, kah dush ween noongoom: Ningahkuhnuhwuhbuhmah kah dush ween pashoo; Uhnung Jacobing tahoonjemookuhum, Oogemah‐suhkuhoon kuhya Israëling tahoonjepuhzegwemuhgud, oogahpuhketaäun dush anegookookummegaug ewh Moab, oogahjahgenuhnaun kuhya kuhkenuh Sheth oonejahnesun.

¹⁸ Edom kuhya tahtebanjegahda, Seir kuhya oogahtebane-megoon enewh mahgahnahjin; Israel dush tahkeche maungoodausahwe.

¹⁹ Emuh Jacobing tahoonjebah owh kamushkuhwezeed, oogahjahgenuhnaun dush enewh ashkonemindjin emuh oodanaung.

²⁰ ¶ Uhpe dush kanuhwahbuhmaud enewh Amalekun, keähwachega, oo‐oo keëkedood, Amalek kenegahnandahgooze anduhchewaud egewh ahnishenahbag; me dush ween oo‐oo ishquauj keëzhewabezid wuhweenga tahnishwuhnahdeze.

²¹ Oogekuhnuhwahbuhmaun dush enewh Kenitun, keähwachega dush oo‐oo keëkedood, Soongun ewh emuh andahyun, ahzhebikoong kuhya keduhtoon ewh keduhsooswun.

²² Owh dush ween Kenite tahjahgenegahzoo, nuhnaunzh egoo Asshur mahjewenik ketuhkoonik.

²³ Keähwachega dush, oo‐oo keëkedood, Atewa, ahwanan kabemahdezid uhpe Kesha‐Muhnedoo oo‐oo ezhechegad!

²⁴ Nahbequaunun kuhya emah Chittim uhkeeng tahoonje-bahmuhgudoon, oogahkooduhgeähwaun dush Asshurun, oogahkooduhgeähwaun kuhya Eberun, wuhweenga dush oonoo tahnishwuhnahdezewun.

²⁵ Balaam dush kepuhzegwe, nayaub dush kekewa; Balak kuhya kekewa.