NUMBERS 23 - Ottawa New Testament Penteteuch and Psalms 1874

¹ Balaam dush oo‐oo oogeënaun Balakun, Oozhetuhmuhweshin oomah neenzhwahswe sahsahgewejegun‐ahbikoon, wuhwazhetuhmuhweshin dush oomah neenzhwahswe uhnooke‐pezhekewug kuhya neenzhwahswe uhyahba‐mahnishtahnishug.

² Balak dush keëzhechega nahsaub egoo kahekedoonid Balaamun; Balak dush kuhya Balaam oogesahsahgewejeganahwaun wuhgijuhyeëe anduhchingin enewh sahsahgewejegun‐ahbikoon pazhig uhyahba‐pezhekeensun kuhya pazhig uhyahba‐mahnishtahnishun.

³ Balaam dush oo‐oo oogeënaun Balakun, Weejegahbuhwetun ewh kechahgeda‐sahsahgewejegun, ningahmahjah dush: koonemah gooshuh Jehovah ningahbenuhquashkaug: wagoodoogwan dush wuhyahbunduhegwan kegahweenduhmoon. Ishpuhdenahnig dush keëzhah.

⁴ Kesha‐Muhnedoo dush oogenuhquashkuhwaun Balaamun, oo‐oo dush oogeëgoon, Ningewuhwazhetoonun neenzhwahswe sahsahgewejegun‐ahbikoon, ningesahsahgewejeganug kuhya pazhig uhyahba‐pezhekeense kuhya pazhig uhyahba‐mahnishtahnish, wuhgijuhyeëe anduhchingin enewh sahsahgewejegun‐ahbikoon.

⁵ Jehovah dush oogeühtuhwaun ekedoowin emuh Balaam oodoonening, oo‐oo dush keëkedoo, Nayaub ezhaun owh Balak, oo oo dush kegahezhekekid.

⁶ Nayaub dush oogeëzhahnun enewh, benuh dush oogeweejegahbuhwetahne ewh oochahgeda‐sahsahgewejegune, ween, kuhya kuhkenuh egewh Moab duhzhe oogemaug.

⁷ Keähwachega dush, oo‐oo keëkedood, Balak owh kache-öogemahwid Moabing ewede Araming ningeöonjewenig, ewede wuhjewing wahbunoong ayahjin, oo‐oo keëzhid, Umba suh, benahneboonduhmuhweshin owh Jacob, oondaushaun kuhya, kekaum Israel.

⁸ Ahneen kaëzhenahneboomug owh, Kesha‐Muhnedoon kahnahboomegoosig? gamuh ahneen kaëzhekekahmug owh Jehovahun kahkekahmegoosig?

⁹ Wuhgedahbik mah nindoonzahbuhmah, kuhya wuhgid-wuhjewh nindoonzahbuhmah: benuh, egewh ahnishenahbag nezheka tahduhnuhkewug, kah dush tahduhgwandahgoozesewug emuh uhyahwaud egewh ahnind uhnooj azheweenzoojig ahnishenahbag.

¹⁰ Ahwanan kakushketoopun ewh ooweyuhguhsayim owh Jacob cheühgindungebun, kuhya pooch noond ahbetuh anduhcnid owh Israel? Mahnoo suh ningahezhenib azhenebood owh quuhyuk‐azhewabezid, mahnoo kuhya azheïshquahbe-mahdezid ningahezheïshquahbemahdiz!

¹¹ Balak dush oo‐oo oogeënaun Balaamun, Wagoonan suh kahdooduhweyun? kegeöodahpenin chenahneboomudwah egewh wahmegahnugig, benuh dush keche wawane kegahshahwandahgoozim kegeënaug.

¹² Kenuhquatuhmene dush oo‐oo keëkedoonid, Kah nuh ningahaungwahmezese cheëkedooyaun ewh Jehovah kahuhtood nindooning?

¹³ Balak dush oo‐oo oogeënaun, Weejeweshin, kepuhgoosanemin, puhkaun menuhwah ingooje cheezhahyung, ewede dush kaöonzahbuhmudwah: ahnind atuh isquaühyeëe ayahjig kegahwahbuhmaug, kahween kuhkenuh kegahwahbuhmahseeg: emuh dush oonjenahneboonduhmuhweshin egewh.

¹⁴ ¶ Oogeëzhewenaun dush emuh ketegauning Zophiming, wuhgedahke emuh Pisgahing, oogeöozhetoonun dush neenzhwahswe sahsahgewejegun‐ahbikoon, oogesahsahgewejeganun pazhig uhyahba‐pezhekeensun kuhya pazhig uhyahba‐mahnishtahnishun wuhgijuhyeëe anduhchingin enewh sahsahgewejegun‐ahbikoon.

¹⁵ Oo‐oo dush oogeëgoon owh Balak, Weejegahbuhwetun oomah ewh kechahgeda‐sahsahgewejegunim, magwah neen uhwenuhquashkuhwug Jehovah ewede.

¹⁶ Jehovah dush oogenuhquashkuhwaun Balaamun, oogeühtuhwaun dush ekedoowin emuh oodoonening, oo‐oo keëkedood, Menuhwah ezhaun owh Balak, oo‐oo dush ekedoon.

¹⁷ Uhpe dush azhaud enewh, benuh, keweejegahbuhwetuhmene ewh oochahgeda‐sahsahgewejegunene, oogeweeje-gahbuhwetahgoone kuhya enewh Moab duhzhe oogemaun. Balakun dush oo‐oo oogeëgoon, Wagoonan suh kahekedood Jehovah?

¹⁸ Keähwachega dush, oo‐oo keëkedood, Puhzegween, Balak, noondun edush; bezinduhweshin, keen wagwissemik Zippor:

¹⁹ Kahween enenewese Kesha‐Muhnedoo, ewh chekuhkenuhwishkepun; gamuh kuhya kahween oodoogwissemegooseen enenewun, ewh cheähnuhwanindezoopun: keëkedoo nuh, kah nuh dush ewh tahezhechegase? gamuh kuhyakekekedoo nuh, kah nuh dush oogahdebishkoosedooseen?

²⁰ Benuh, ningekuhgaunzoomegoo cheweenduhmaun shahwandahgoozewin: keshahwanjega dush; kah dush nindahkushketooseen chequakesedooyaun.

²¹ Kahween oogewahbunduhmuhwahseen mujjeëzhewabezewin enewh Jacobun emuh uhyahnid, kahween kuhya oogewahbunduhmuhwahseen pahtahzewin enewh Israelun emuh uhyahnid: Jehovahun enewh oo‐Kesha‐Muhnedoomun ooweejewegoon, oosahsahquawin kuhya owh kecheöogemah uhyahmuhgudene magwaühyeëe emuh uhyahwaud.

²² Kesha‐Muhnedoo Egypting oogeöonjesahgejewenaun; azhemushkuhwezeed owh wadashkunid papazhigoogunzhe me ewh azhemushkuhwezenid.

²³ Kagate egoo kahween gagoo chesuhkewin oodahmujje-doodahgooseen Jacob, kahween kuhya gagoo wahbuhnoowewin oodahmuhmaunzheëgooseen Israel: nahsaub egoo oo‐oo uhpe oo‐oo tahenahjemahwug Jacob kuhya Israel, Benuh suh kahezheuhnookeed Kesha‐Muhnedoo!

²⁴ Benuh, egewh ahnishenahbag kechemeshebezheeng tahezhepuhzegwewug, meshebezheensing kuhya tahezheöom-betahwug: kahween tahshingeshinsewug bahmah atuh keäumwahwaud enewh kahnesahwahjin, kuhya kemenequawaud ewh oomisqueemene enewh kahnesememindjin.

²⁵ ¶ Balak dush oo‐oo oogeënaun Balaamun, Kagoo benuh goo nahneboomahkan, kagoo kuhya goo keshahwandahgoozim enahkan.

²⁶ Balaam dush kenuhquatahga, oo‐oo keënaud enewh Balakun, Kah nuh kegeweenduhmoosenoon, oo‐oo keënenaun, Kuhkenuh Jehovah akedood ningahezhechega?

²⁷ ¶ Balak dush oo‐oo oogeënaun enewh Balaamun, Oondaus, kepuhgoosanemin, menuhwah ingooje puhkaun kegahezhewenin; koonemah tahminwandum Kesha‐Muhnedoo emuh cheöonjenahneboomudwah neen oonje.

²⁸ Balak dush oogeëzhewenaun Balaamun ewede wuhgedahke Peoring, ewh anahbemuhguk Ieshimoning enuhkuhkayah.

²⁹ Balaam dush oo‐oo oogeënaun Balakun, Oozhetuhmuh-weshin oomah neenzhwahswe sahsahgewejegun‐ahbikoon, wuhwazhetuhmuhweshin dush oomah neenzhwahswe uhyahba‐pezhekeensug kuhya neezhwahswe ahyahba‐mahnishtahnishug.

³⁰ Balak dush keëzhechega Balaamun kahekedoonid, oogesahsahgewejeganun dush pazhig uhyahba‐pezhekeensun kuhya pazhig uhyahba‐mahnishtahnishun wuhgijuhyeëe anduhchingin enewh sahsahgewejegun‐ahbikoon.