NUMBERS 21 - Ottawa New Testament Penteteuch and Psalms 1874

¹ Uhpe dush owh kecheöogemah Arad owh Canaanite, kahduhnuhkeed shahwunoong, kahnoondahgad Israelun kepeëzhahnid emuh oomeekunahwaung egewh kahnunduhwahtoojig; oogemegenaun Israelun, oogetuhkoonaun dush ahnind enewh.

² Israel dush oogemushkuhwe‐wahweenduhmuhwaun Jehovahun, oo‐oo keëkedood, Kishpin egoo kagate puhgedenudwah oogoo ahnishenahbag neninjeeng, wuhweenga ningahbuhnahjetuhmuhwaug enewh oodoodanuhwewaun.

³ Jehovah dush oogebezindaun oodekedoowinene Israel oogebuhgedenaun dush enewh Canaanitun; wuhweenga dush oogepuhnahjeahwaun kuhya enewh oodoodanuhwene: Hormah dush oogeëzhenekahdaun ewh emuh.

⁴ ¶ Emuh dush Hor wuhjewing keöonjemahjahwug, emuh dush enuhkuhka Misquahgumme‐Kechegummeeng keähneëzhahwug, wekewetaushkuhmoowaud ewh Edom duhzhe uhke: egewh dush ahnishenahbag kekechemegooskahdanduhmoog oonje ewh emuh kahneëzhahwaud.

⁵ Egewh dush ahnishenahbag oogekekahmahwaun Kesha‐Muhnedoon, kuhya enewh Mosesun, oo‐oo keëekedoowaud, Wagoonan suh Egypting kahoonjesahgejewezheyaung weduh-penayaung dush buhgwuhduhkummig? kah suh ahweyah buhquazhegun, kahween gagoo nebe; nezheguhduhmaunaun kuhya wuhowh nuhyaungezid buhquazhegun.

⁶ Jehovah dush oogeëzhenezhuhwaun ishkooda‐kenahbigoon emuh uhyahnid enewh ahnishenahban, oogetuhquuhmahne dush enewh ahnishenahban; nebewah dush egewh ahnishenahbag Israelitug keneboowug.

⁷ ¶ Me dush egewh ahnishenahbag kenaunzekuhwahwaud Mosesun, oo‐oo dush keëkedoowaud, Ningemujje‐ëzhewabezemin, ningekekahmahnaun mah Jehovah, kuhya keen; ahnuhmeätowh suh Jehovah, cheëkoonunmuhweyungid enewh kenahbigoon. Moses dush oogeähnuhmeätahmuhwaun enewh ahnishenahban.

⁸ Jehovah dush oo‐oo oogeënaun enewh Mosesun, Oozhetuhmahzoon ishkooda‐kenahbig, oombahkoon dush metigoong: tahpuhgummeühyahmuhgud dush, anduhchewaud egewh kahtuhquuhmindjig, uhpe kuhnuhwahbuhmahwaud, tahbemahdezewug.

⁹ Moses dush oogeöozheäun oozahwahbikoo‐kenabigoon-oogeöombahkoonaun dush metigoong, kepuhgummeühyahmuhgud dush, uhpe ahweyah kahtuhquuhmegood kenahbigoon, kahkuhnuhwahbuhmaud enewh oozahwahbikoo‐kenahbigoon, kebemahdeze.

¹⁰ ¶ Israel dush oonejahnesun keühnemahjahwun, kekuhbashewun dush Obothing.

¹¹ Emuh dush Obothing keöonjemahjahwug, kekuhbashewug dush Ije‐abariming, emuh buhgwuhduhkummig enahsuhmeüh-yahmuhguk Morab, ewede mookuhung keezis enuhkuhkayah.

¹² ¶ Emuh dush keöonjemahjahwug, kekuhbashewug dush Zareding emah tuhwuhdenaug.

¹³ Emuh dush keöonjemahjahwug, kekuhbashewug dush uhwuhsenuhka Arnoning, ewh buhgwuhduhkummig anduhgoog, ooduhkeemewaung egewh Amoritug wanjetegwayaug: Arnon mah ishquaühyeëe Moabing uhyahmuhgud, nesuhwuhyeëe emuh uhyaug ewh Moab kuhya egewh Amoritug.

¹⁴ Weenjegahda suh dush emuh muzzenuheguning debahdoojegahdag Jehovah oomegahdewinun, Kahezhechegad Misquahgumme‐Kechegummeeng, kuhya emuh sebeweshaying Arnoning ayaugin,

¹⁵ Kuhya emuh sebeweshaying enewh azhejewungin emuh uhtag ewh Ar duhzhe wegewaum, kuhya bamejewungin emuh ishquaühyeëe ewh Moab.

¹⁶ Emuh dush keöonjemahjahwug Beering dush ketuhgweshinoowaud: me suh ewh oonduhebaun kahduhzhindungebun Jehovah kekuhnoonaud Mosesun, oo‐oo keëkedood, Mahwunzoom egewh ahnishenahbag, ningahmeenaug dush nebe.

¹⁷ ¶ Israel dush kenuhguhmoo oo‐oo nuhguhmoowin, Mookesan, Ooonduhebaun; nuhguhmootuhmook:

¹⁸ Egewh oogemaug oogewahnekahdahnahwah ewh oonduhebaun, egewh kachetwahwandahgoozejig emuh uhyahwaud egewh ahnishenahbag oogewahnekahdahnahwah, kekenooühmahgoowaud enewh mahgewanejin enahkoonegawin, oosuhkuhoonewaun uhyoowaud. Emuh dush buhgwuhduhkummig keöonjemahjahwug keduhgweshinoowaud dush Mattanahing:

¹⁹ Mattanahing dush keöonjemahjahwaud Nahalieling keduhgweshinoog: Nahalieling dush keöonjemahjahwaud Bamothing keduhgweshinoog:

²⁰ Bamothing dush keöonjemahjahwug emuh tuhwuhdenaug, emuh Moab duhzhe uhkeeng anduhgoog, keduhgweshinoog dush wuhgedahke Pisgahing, ewh Jeshimooning enuhkuhkayah anahbemuhguk.

²¹ ¶ Israel dush oogeühnoonaun minzhenuhwan cheëzhahnid Sihonun enewh wagemahkunduhwahnejin enewh Amoritun, oo‐oo dush cheëkedoonid,

²² Mahnoo suh ningahshahbooshkaun keduhkeem: kahween ningahpuhkasemin emuh ketegauning enuhkuhkayah, gamuh kuhya emuh shoowemine‐ketegauning; kahween ningahmenequasemin enewh nebeen oonduhebauning atagin: ningahuhneëzhahmin suh atuh emuh kecheöogemah oomeekunaung, nuhnaunzh egoo kekuhbekuhmaung keduhkeem.

²³ Kah dush Sihon keënandunse chepuhgedenaud Israelun cheshahbooshkuhmenid ooduhkeem; Sihon suh oogemahwunzoomaun kuhkenuh oodahnishenahbamun oogemuhwenawaun dush Israelun emuh puhgwuhduhkummig: Jahazing dush ketuhgweshin, oogemegahnaun dush Israelun.

²⁴ Israel dush oogepuhketawaun ewh uhshuhwashk keühyood, oogedebandaun dush ooduhkeemene emuh Arnoning oonje nuhnaunzh egoo Jabboking, emuh suh goo uhyahnid Ammon oonejahnesun: emuh suh ishquaühyeëe ooduhkemewaung Ammon oonejahnesun kesoongunene.

²⁵ Israel dush oogetuhkoonahnun kuhkenuh oonoo oodanuhwun: Israel dush keduhnuhke kuhkenuh emuh oodoodanuhwewaung egewh Amoritug, emuh Heshboning, kuhya kuhkenuh emuh oodoodanaunsig.

²⁶ Heshbon mah keähwunene oodoodanowh owh Sihon egewh Amoritug ookeche‐oogemahmewaun, owh kahmegahnahpun enewh netum kahkecheöogemahwenid Moabing, kuhya kahmuhkuhmahpun kuhkenuh ooduhkemene, nuhnaunzh suh goo Arnoning.

²⁷ Egewh suh dush uhyahwachegajig oo‐oo ekedoowug, Heshboning peëzhaug, mahnoo Sihon oodoodanowh tahoozhechegahdane kuhya tahwuhwazhechegahdane:

²⁸ Ishkooda mah Heshboning oonduhkoona, bishkuhna Sihon oodoodanuhwing: me ewh kahoonjechahgahkedag Ar Moabing ayaug, kuhya egewh dabandungig enewh ashpahnegin Arnoning.

²⁹ Keguhgwahnesuhgandahgooz, Moab! kenishwuhnahdezim, O kenuhwah wadahnishenahbamenag Chemosh; oogemeegewanun enewh oogwissun kahkedishkebuhewanid, kuhya enewh oodaunun, chetuhkoonegoonid Sihonun enewh ookeche‐oogemahmewaun egewh Amoritug.

³⁰ Ningebemwahnahnig; Heshbon niswuhnahdud nuhnaunzh egoo Diboning, ningebuhnahjeähnahnig nuhnaunzh egoo Nophahing, Medebaing akoouhyahmuhguk.

³¹ ¶ Me suh Israel kahezheduhnuhkeed emuh ooduhkeemewaung egewh Amoritug.

³² Moses dush keühnooke chenunduhwahtoomewind Jazer, oogetuhkoonahnahwah dush enewh oodanaunsun dabandahgwukkin emuh, oogesahgejenaunzhuhwahwaun kuhya enewh Amoritun kahuhyahnejin ewede.

³³ ¶ Kegwakegahbuhwewug dush keëzhahwaud Bashaning enuhkuhkayah: Ogun dush owh wagemahkundung Bashan oogemuhwenaöogoowaun, enewh egoo kuhya kuhkenuh oodahnishenahbamene, wemegahnegoowaud emuh Edreïng.

³⁴ Jehovah dush oo‐oo oogeënaun enewh Mosesun, Kagoo koosahkan: ningepuhgedenah mah keninjeeng, kuhya kuhkenuh enewh oodahnishenahbamun, kuhya ewh ooduhkeem; kegahdooduhwah dush nahsaub kahdooduhwud Sihon egewh Amoritug ookeche‐oogemahmewaun, owh Heshboning kahduhnuhkepun.

³⁵ Me suh dush kahezhepuhketawahwaud, kuhya enewh oogwissene, kuhya kuhkenuh enewh oodahnishenahbamene, peenish egoo kejahgenuhnahwaud oogedebandahnahwah dush ewh ooduhkeemene.