NUMBERS 20 - Ottawa New Testament Penteteuch and Psalms 1874

¹ Me dush Israel oonejahnesun, kuhkenuh suh goo egewh muhyahwunjeëdejig kebeëzhahwaud emuh Zin buhgwuhduhkummig uhpe nangookeeziswuhguk: egewh dush ahnishenahbag keduhnezewug Kadeshing; me dush ewede Miriam keduhpenad, me kuhya ewede kepuhgedanemind.

² Kah dush keduhgoomuhgussenoon nebe ewh dush nah kageühyahmoowahpun egewh muhyahwunjeëdejig: kemahwunjeëdewug dush emuh uhyahnid Mosesun kuhya Aaronun.

³ Egewh dush ahnishenahbag oogenuhnebekemahwaun Mosesun, oogekuhnoonahwaun dush, oo‐oo keënahwaud, Pagizh suh nebooyaungebun uhpe nekahnesenahbuneeg naboowaud emuh anahsuhmeühyaud Jehovah!

⁴ Wagoonan dush kahoonjepenagwah Jehovah oodahnishenahbamun oomah buhgwuhduhkummig, nenuhwind dush kuhya ninduhwuhkaunenahnig chenebooyaung emuh?

⁵ Wagoonan kuhya kahoonjewekoojewezheyaung chesahguhuhmaung Egypting, chepezheyaung dush oomah muhyahnahduk? kahween menekaun tahuhchegahdasenoon, kahween kuhya uhyahsewug figoominuhgahwunzheeg, kuhya shooweminuhgahwunzheeg, kuhya pomegranatug; kahween kuhya gagoo nebe tuhgoosenoon kamenequangebun.

⁶ Moses dush kuhya Aaron emuh anahsuhmeühyahnid enewh muhyahwunjeëdenejin keöonjemahjahwug keëzhahwaud dush emuh ishquaundamewunenig ewh oopuhpuhgewuhyahne‐ahnuhmeäwegummigoowah egewh muhyahwunjeëdejig, keühjejeengwasawug dush: ewh dush Jehovah oopeshegandahgoozewin oogewahbundahnahwah.

⁷ ¶ Jehovah dush oogekuhnoonaun enewh Mosesun, oo‐oo keënaud,

⁸ Oodahpenun ewh metigoonse, mahwunzoom dush egewh muhyahwunjeëdejig, keen, kuhya kekahnis Aaron, kuhnooduhmook dush ewh ahzhebik anahsuhmewaud atag; tahmegewamuhgud dush oonebeem, kegahezheweduhwaug dush ewh nebe ahzhebikoong wanjejewung: me suh kaëzhemenuhudwah egewh muhyahwunjeëdejig kuhya enewh ooduhwuhkaunewaun.

⁹ Moses dush oogeöodahpenaun ewh metigoonse emuh anahsuhme‐uhyahnid Jehovahun, kahezhekuhgaunzoomegood suh goo.

¹⁰ Moses dush kuhya Aaron oogemahwunzoomahwaun enewh muhyahwunjeëdenejin emuh anahsuhmesenenig ewh ahzhebik, oo‐oo dush oogeënaun, Umba noonduhmook, kenuhwah mahgahzheyag; oomah nuh ahzhebikoong kegahoondenuhmahgoom nebe?

¹¹ Moses dush keöombenekane, neenzhing dush oogepuhketaäun ewh ahzhebik oometigoonsim uhyood: nebewah dush nebe kebesahgejejewun, egewh dush muhyahwunjeëdejig kemenequawug, kuhya enewh ooduhwuhkaunewaun.

¹² ¶ Jehovah dush oo‐oo oogeëzhekuhnoonaun enewh Mosesun kuhya enewh Aaronun, Ewh suh kedabwayanemesewag, chekekechetwahwanemeyagoobun dush emuh anahsuhmewaud Israel oonejahnesun, me ewh kaöonjepeendeguh-nahsewagwah oogoo muhyahwunjeëdejig emuh uhkeeng ewh kameenugwah.

¹³ Meribah duhzhe nebe suh oo‐oo; Israel mah oonejahnesun oogemegahnahwaun Jehovahun, Jehovah dush kekechetwahwëeäh oonje egewh.

¹⁴ ¶ Moses dush Kadeshing oogeühnoonaun minzhenuhwan cheëzhahnid enewh Edom duhzhe kecheöogemaun, oo‐oo dush cheëkedoonid, Oo‐oo suh ekedoo kekahnis Israel, Kekekandahnahdoog kuhkenuh kahezhebuhbahmahdezeyaung:

¹⁵ Noosemenahbuneeg kahezheëzhahwaud Egypting, kenwanzh dush kahezheduhnuhkeyaung Egypting; kuhya egewh Egyptianug kahezhekooduhgeëyummingidwah, kuhya enewh noosemenahbuneen:

¹⁶ Uhpe dush kahbebahgemungid Jehovah, oogenoondaun nenoondahgoozewinenaun, oogeühnoonaun dush angenun, owh dush kahsahgejewezheyungid Egypting: benuh dush ninduhyahmin Kadeshing, oodanuh ahpeje goo ishquaühyeëe keduhkeming anduhgoog:

¹⁷ Mahnoo suh ningahzhahbooshkahmin keduhkeem, kepuhgoosanemegoo: kahween ningahzhahbooshkunsemin enewh ketegaunun, gamuh kuhya enewh shoowemine‐ketegaunun, kahween kuhya ningahmenequasemin ewh nebe oonduhebauning atag: emuh suh kecheöogemah oome kunaung ningahuhneëzhahmin, kahween ningahbuhkasemin ookechenekahmaung enuhkuhkayah, kuhya oonahmunjenekahmaung enuhkuhkayah, nuhnaunzh egoo kekuhbekuhmaung keduhkeem.

¹⁸ Edomun dush oo‐oo oogeëgoon, Kahween kegahbemeëzhahse emuh uhyahyaun, chemuhwenaöosenoowaun dush ewh uhshuhwashk kegezeyaun.

¹⁹ Israel dush oonejahnesun oo‐oo oogeënahwaun, emuh kechemekunaung ningahneëzhahmin: kishpin dush neen kuhya ninduhwuhkaunug menequayaung kenebeem, ningahtebuhaun: ninguhmetoosa goo atuh, kahween gagoo puhkaun ningahezhechegase.

²⁰ Oo‐oo dush keëkedoowun, Kahween kegahpemeëzhahse. Edom dush oogemuhwenawaun nebewah ahnishenahban weejewegood kuhya mushkuhwezeed.

²¹ Me suh Edom kahezheähgoonwatuhwaud Israëlun ahnuhwe wezhebooshkuhmenepun ooduhkeem: Israelun suh dush oogegwakegahbuhwetahgoon.

²² Israel dush oonejahnesun, kuhkenuh suh goo egewh muhyahwunjeëdejig, emuh Kadeshing keöonjemahjahwug, Hor wuhjewing dush keduhgwishenoog.

²³ Jehovah dush oogekuhnoonaun enewh Mosesun kuhya enewh Aaronun ewede Hor wuhjewing, cheguhyeëe Edom duhzhe uhkeeng anduhgoog, oo‐oo keënaud,

²⁴ Aaron tahezhewenah emuh uhyahnid oodahnishenahbamun: kahmah tahpeendegase emuh uhkeeng ewh kahmenugwah Israel oonejahnesun, kegemegahdahnahwah mah nindekedoowin ewede Meribah duhzhe nebeeng.

²⁵ Oodahpin Aaron kuhya enewh oogwissun Eleazarun, ezhewizh dush Hor wuhjewing.

²⁶ Kezekoozh dush Aaron enewh ooduhgwewinun, pezekoozh dush ewh owh Eleäzar enewh oogwissun: Aaron dush tahezhewenah emuh uhyahnid oodahnishenahbamun, tahneboo dush ewede.

²⁷ Moses dush keëzhechega kahezhekungaunzoomegood Jehovahun: keëzhahwug dush Hor wuhjewing emuh anahsuhmewaud kuhkenuh egewh muhyahwunjeëdejig.

²⁸ Moses dush oogekezekoonaun Aaronun ewh ooduhgwewinene, oogepezekoonaun dush ewh enewh Eleazarun enewh oogwissene; Aaron dush keneboo ewede wuhgedahke wuhjewing: Moses dush kuhya Eleazar kenesahkewawug emuh wuhjewing.

²⁹ Uhpe dush kuhkenuh egewh muhyahwunjeëdejig kahwahbunduhmoowaud Aaronun keneboonid, oogemuhwemahwaun Aaronun nesemeduhnuh dussoogoon, andussoodawezid suh goo Israel.