NUMBERS 2 - Ottawa New Testament Penteteuch and Psalms 1874

¹ Jehovah dush oogekuhnoonaun Mosesun kuhya Aaronun, oo‐oo keënaud,

² Anduhchewaud Israel oonejahnesun tuhkuhbashewug cheguhyeëe emuh tebenuhwa ooduhkewaöonewaung, kuhya uhkewaöoning dabandahgwuk emuh oowegewaumening oosewaun: debishkoo emuh puhpuhgewuhyahne‐ahnuhmeä‐wegummegoong emuh koo anduhzhemahwunjeëding wahsah tuhkuhbashewug.

³ Emuh dush wahbunoong enuhkuhkayah emuh enuhkuhka wanjemookuhung keezis tahkuhbashewug egewh wanjegahbuhwetungig ewh uhkewaöon dabandahgwuk emuh Judah ookuhbashewining menik anduhchenid ooshemahgunisnemewaun: Nahshon dush Amminadab oogwissun tahahwe Judah oonejahnesun oomuhyahwoosa‐wenenemewaun.

⁴ Enewh dush ooshemahgunishemun, kuhya egewh kahuhgemindjig, neenzhwahsemeduhnuh uhshe newin duhching medauswauk uhshe ningoodwahswauk keduhchewug

⁵ Egewh dush kabashejig cheguhyeëe emuh uhyaud me ewh Issachar oodenoodawezewin: Nethaneel dush Zuar oogwissun tahahwe Issachar oonejahnesun oomuhyahwoosa‐wenenemewaun.

⁶ Enewh dush ooshemahguneshemun, kuhya egewh kahuhgemindjig, nahnemeduhnuh uhshe newin duhching medahswauk uhshe newauk keduhchewug.

⁷ Oodenoodawezewin dush owh Zebulun: Eliab dush Helon oogwissun tahahwe Zebulun oonejahnesun oomuhyahwoosa‐wenenemewaun.

⁸ Enewh dush ooshemahgunishemun, kuhya egewh kahuhgemindjig, nahnemeduhnuh uhshe neenzhwahswe duhching medahswauk uhshe newauk keduhchewug.

⁹ Kuhkenuh egewh kahuhgemindjig emuh ookuhbashewining owh Judah ningoodwauk uhshe shwahsemeduhnuh uhshe ningoodwahswe duhching medahswauk uhshe newauk keduhchewug, menik anduhchenid ooshemahgunishemewaun. Oogoo netum tahuhnemahjahwug.

¹⁰ ¶ Emuh shahwunoong enuhkuhkayah tahpuhduhkeda ewh uhkewaöon dabandahgwuk emah ookuhbashewining Reuben nahsaub anandahgoozenid ooshemahgunishemewaun: Elizur dush Shedeur oogwissun tahahwe Reuben oonejahnesun oomuhyahwoosa‐wenenemewaun.

¹¹ Enewh dush ooshemahgunishemun, kuhya egewh kahuhgemindjig nemeduhnuh uhshe ningoodwahswe duhching medahswauk uhshe nahnwauk keduhchewug.

¹² Egewh dush kakuhbashewaud cheguhyeëe emah uhyaud me oodenoodawezewin owh Simeon: Shelumiel dush Zurishaddai oogwissun tahahwe Simeon oonejahnesun oomuhyahwosa‐wenenemewaun.

¹³ Enewh dush ooshemahgunishemun, kuhya egewh kahuhgemindjig, nahnemeduhnuh uhshe shaunguhswe duhching medahswauk uhshe neswauk keduhchewug.

¹⁴ Oodenoodawezewin dush owh Gad: Eliasaph dush Reuel oogwissun tahahwe Gad oogwissun oomuhyahwoosa‐wenemewaun.

¹⁵ Enewh dush ooshemahgunishemun, kuhya egewh kahuhgemindjig, nemeduhnuh uhshe nahnun duhching medauswauk uhshe ningoodwahswauk uhshe nahnemeduhnuh keduhchewug.

¹⁶ Kuhkenuh egewh kahuhgemindjig emuh ookuhbashewining owh Reuben ningoodwauk uhshe nahnemeduhnuh uhshe pazhig duhching medahswauk uhshe newauk uhshe nahnemeduhnuh keduhchewug, menik anduhchenid ooshemahgunishemewaun. Tahuhnemahjahwug dush punge ishquayaung.

¹⁷ ¶ Ewh dush oopuhpuhgewuhyahne‐ahnuhmeäwegummigoowah egewh muhyahwunjeëdejig tahuhnemahjahmuhgud uhpe mahjahmuhguk oopuhpuhgewuhyahnegummigoowaun egewh Levitug emuh nahwuhyeëe kuhbashewining: azhekuhbashewaud, mesuh nahsaub kaëzhemahjahwaud, anduhchewaud enenewug emuh debandahgoozewaud cheguhyeëe uhtagin ooduhkewaöonewaun.

¹⁸ ¶ Emuh apungeshemoog enuhkuhkayah tahpuhduhkeda ewh uhkewaöon dabandahgwuk emuh ookuhbashewining owh Ephraim nahsaub anandahgoozenid ooshemahgunishemewaun: Elishama dush Ammihud oogwissun tahahwe Ephraim oogwissun oomuhyahwoosa‐wenenemewaun.

¹⁹ Enewh dush ooshemahgunishemun, kuhya egewh kahuhgeminjig, nemeduhnuh duhching medauswauk uhshe naunwauk keduhchewug.

²⁰ Cheguhyeëe dush emuh uhyaud tahuhyahne Manasseh oodenoodawezewin: Gamaliel dush Pedahzur oogwissun tahahwe Manasseh oonejahnesun oomuhyahwoosa‐wenenemewaun.

²¹ Enewh dush ooshemahgunishemun, kuhya egewh kahuhgemindjig, nesemeduhnuh uhshe neenzh duhching medauswauk uhshe neenzhwauk keduhchewug.

²² Benjamin dush oodenoodawezewin: Abidan dush Gideoni oogwissun tahahwe Benjamin oogwissun oomuhyahwoosa‐wenenemewaun.

²³ Enewh dush ooshemahgunishemun, kuhya egewh kahuhgemindjig, nesemeduhnuh uhshe nahnun duhching medahswauk uhshe newauk keduhchewug.

²⁴ Kuhkenuh egewh kahuhgemindjig emuh ookuhbashewining owh Ephraim ningoodwauk uhshe shwahswauk duhching medahswauk uhshe ningoodwauk keduhchewug, menik anduhchenid ooshemahgunishemewaun. Tahuhnemahjahwug dush nuhwuj wahsuh ishquayaung.

²⁵ ¶ Ewh uhkewaöon dabandahgwuk emuh ookuhbashewining owh Dan tahpuhduhkeda emuh kewadenoong enuhkuhkayah cheguhyeëe emuh uhyahnid ooshemahgunishemewaun: Ahiezer dush Ammishaddai oogwissun tahahwe Dan oonejahnesun oomuhyahwoosa‐wenenemewaun.

²⁶ Enewh dush ooshemahgunishemun, kuhya egewh kahuhgemindjig, ningoodwahsemeduhnuh uhshe neenzh duhching medahswauk uhshe neenzhwahswauk keduhchewug.

²⁷ Egewh dush kakuhbashejig cheguhyeëe emuh uhyaud me ewh oodenoodawezewin owh Asher: Paziel dush Ocrad oogwissun tahahwe Asher oonejahnesun oomuhyahwoosa‐wenenemewaun.

²⁸ Enewh dush ooshemahgunishemewaun, kuhya egewh kahuhgemindjig, nemeduhnuh uhshe pazhig duhching medahswauk uhshe nahnwauk keduhchewug.

²⁹ ¶ Naphtali dush oodenoodawezewin: Ahira dush Enan oogwissun tahahwe Naphtali oonejahnesun oomuhyahwoosa‐wenenemewaun.

³⁰ Enewh dush ooshemahgunishemun, kuhya egewh kahuhgemindjig, nahnemeduhnuh uhshe neswe duhching medahswauk uhshe newauk keduhchewug.

³¹ Kuhkenuh egewh kahuhgemindjig emuh ookuhbashewining owh Dan ningoodwauk uhshe nahnemeduhnuh uhshe neenzhwahswe duhching medahswauk uhshe ningoodwahswauk keduhchewug. Tahnemahjahwug ishquayaung bemegegezewaud ooduhkewaöonewaun.

³² ¶ Mesuh oogoo kahuhgemindjig emuh uhyahwaud Israel oonejahnesun nahsaub anandahgwudenig oowegewaumene oosewahbuneen kuhkenuh egewh kahuhgemindjig emah kuhbashewining menik anduhchenid ooshemahgunishemewaun ningoodwahswauk uhshe neswe duhching medahswauk uhshe nahnwauk uhshe nahnemeduhnuh keduhchewug.

³³ Egewh dush ween Levitug kahween keduhgooühgemahsewug uhpe agemindwah Israel oonejahnesun; kahezhekuhgaunzoomaud egoo Jehovah enewh Mosesun.

³⁴ Israel dush oonejahnesun keëzhechegawun nahsaub kuhkenuh kahezhekuhgaunzoomaud Jehovah enewh Mosesun: me goo ewh kahezhekuhbashewaud cheguhyeëe emuh puhduhkedanig ooduhkewaöonewaun, me goo kuhya ewh kahezhemahjahwaud, anduhchewaud oodenoodawezewinewaung, nahsaub anandahgwudenig oowegewaumene oosewahbuneen.