NUMBERS 19 - Ottawa New Testament Penteteuch and Psalms 1874

¹ Jehovah dush oogekuhnoonaun enewh Mosesun kuhya enewh Aaronun, oo‐oo keënaud,

² Me suh oo‐oo enahkoonegawin Jehovah azhekuhgaundwad, oo‐oo ekedood, Kuhnoonzh Israel oonejahnesun, chepedookwah maskoozid equa‐pezhekee kaduhgezesig, muhyahkezesig, kuhya wekah kahnahbekoonahsewind:

³ Kegahmeenahwah dush Eleazar owh sahsahgewejega‐wenene, chesahgejewenaud emuh kuhbashewining, tahnesemah dush emuh anahsuhmeengwad:

⁴ Eleazar dush owh sahsahgewejega‐wenene, oogahjake-begenaun ooninj emuh oomisqueemining, neenzhwahching dush uhsuhswabeguhunjega ahpeje goo emuh anahsuhmesenenig ewh oopuhpuhgewuhyahne‐ahnuhmeäwegummigoowah egewh muhyahwunjeëdejig, ewh oomisqueemene uhyood:

⁵ Pazhig dush oogahsuhkuhwaun enewh equa‐pezhekeewun emuh anahsuhmishkeenzhegwad; oogahsuhkuhuhmuhwaun ooduhsuhyene, kuhya ooweyausene, kuhya oomisqueemene, kuhya oomoowene:

⁶ Owh dush sahsahgewejega‐wenene oogahoodahpenaun kezhikun, kuhya hyssop, kuhya ewh masquaug, oogahuhpuh-gedaunun dush oonoo nahwuhyeëe emuh anduhnahkezood owh equa‐pezheke.

⁷ Me dush owh sahsahgewejega‐wenene chekezebegenung anduhgwewin, oogahkezebegenaun kuhya weyowh nebe uhyood, bahmah dush tahpeendega emuh kuhbashewining, owh dush sahsahgewejega‐wenene tahweneze nuhnaunzh egoo oonahgooshig.

⁸ Owh kuhya sakuhwaud enewh oogahkesebegenaun ooduhgwewin nebe uhyood, oogahkezebegenaun kuhya weyowh nebe uhyood, tuhweneze dush nuhnaunzh egoo oonahgooshig.

⁹ Pazhig dush enene pahnezid oogahmahwundoonaun ewh oopingweem owh equa‐pezhekee, oogahuhtoon dush uhgwuhjeeng kuhbashewining ingooje penuk, ewh dush tahkuhnuhwanduhmuhwahwug egewh muhyahwunjeëdejig Israel oonejahnesun, oonje ewh puhkaëdewine nebe: me suh ewh pahneëwamuhguk majeëzhewabezingin.

¹⁰ Owh dush muhyahwundoonung ewh oopingueem owh equa‐pezheke oogahkezebegenaun ooduhgwewin, tahweneze dush nuhnaunzh egoo oonahgooshig; kahgenig dush oo‐oo oogahoodenahkoonegawenenahwah Israel oonejahnesun, kuhya enewh mayuhgezenejin waujduhnuhkemegoowaud.

¹¹ ¶ Owh tuhyaungenaud ahweyah naboonejin enenewun tahweneze neenzhwahsoogoon.

¹² Tahpeneëdezoo ewh uhyood uhpe nesookezhiguk, uhpe dush neenzhwahsookezhiguk tahpeneze: keeshpin dush ween peneëdezoosig uhpe nesookezhiguk, uhpe neenzhwahsoo‐kezhiguk kahween tahpenezese.

¹³ Uhwagwan tuhyaungenahgwan ahweyah naboonejin enenewun, pahneëdezoosig dush, oowenetoon Jehovah oopuhpuhgewuhyahne‐ahnuhmeäwegummig; owh dush tahbuhnahjeäh emuh Israeling; ewh suh puhkaëdewine‐nebe keühyooseeng chekesuhswabeguhunduhwindebun, me ewh kaöonje-wenezid; oowenezewin kayahbe oobemoondaun.

¹⁴ Me suh oo‐oo enahkoonegawin, uhpe enene naboojin puhpuhgewuhyahnegummigoong: kuhkenuh egewh paundegajig emuh puhpuhgewuhyahnegummigoong, kuhya kuhkenuh gagoo atag emuh puhpuhgewuhyahnegummigoong, tahwenezewug neenzhwahsoogoon.

¹⁵ Anduhchingin kuhya enewh buhyahkahkoosingin oonahgunun, gagoo uhgwuhnuhegunun sagebenasenoogin emuh, wenudoon.

¹⁶ Ahwagwan kuhya tuhyaungenahgwan enewh kahneseminjin uhshuhwask keühyoong emuh mezheshuh ketegauning, gamah kuhya enewh naboonejin, gamah kuhya enene ookun, gamah kuhya chebagummig, tahweneze neenzhwahsoogoon.

¹⁷ Enewh dush wahnezenejin oogahoodahpenuhmuhmuhwahwaun ewh oopingween owh kahsuhkuhoond equa‐pezheke wanjepenezing kahmujjeëzhewabezing, ewh dush nebe bamejewung tahduhgoouhchegahda oonahguning:

¹⁸ Pahnezid dush enene oogahoodahpenaun hyssop, oogahgindahbegenaun emuh nebeeng, kuhya oogahsuhswabeguhundaun ewh puhpuhgewuhyahnegummig, kuhya kuhkenuh oonahgunun kuhya ahnishnahban emuh kahahbenejin kuhya kuhkenuh enewh kahtaungenuhmenid ookun, gamah kuhya enewh kahnesememindjin, gamah kuhya enewh naboonejin, gamah kuhya chebahgummig:

¹⁹ Owh dush pahnezid oogahsuhswabeguhunduhwaun enewh wahnezenejin uhpe nesookezhiguk, kuhya uhpe neenzhwahsookezhiguk: uhpe dush neenzhwahsookezhiguk tahpeneëdezoo, oogahkezebegenaun dush ooduhgwewin, tahkezebegenedezoo kuhya nebeeng, tahpeneze dush uhpe oonahgooshinig.

²⁰ Owh dush ween enene kawenezid, kuhya kapeneëdezoosig, owh goo tahnishwuhnahjeäh emuh uhyahnid enewh muhyahwunjeëdenejin, oogewenetoon mah Jehovah ookechetwah wegewaum: ewh puhkaëdewine‐nebe kahween keühyooseem chekesuhswabeguhunduhwindebun; weneze suh.

²¹ Uhpena dush tahenahkoonegawenuhgudene, ewh chekezebegenung ooduhgwewin owh saswabeguhundahgad ewh puhkaëdewine‐nebe uhyood; owh kuhya tuhyaungenung ewh puhkaëdewine‐nebe tahweneze nuhnaunzh egoo oonahgooshenenig.

²² Wagoodoogwan kuhya owh wahnezid tuhyaungenuhmoogwan tahwenudene; owh dush tuhyaungenung ewh tahweneze nuhnaunzh egoo oonahgooshenenig.