NUMBERS 18 - Ottawa New Testament Penteteuch and Psalms 1874

¹ Jehovah dush oo‐oo oogeëzhekuhnoonaun enewh Aaronun, Keen kuhya kegwissug kuhya koos oowegewaum kegahpemoondahnahwah mujjeëzhewabezewin oonje ewh kechetwahwegewaum: keen dush kuhya kegwissug kegahpemoondahnahwah mujjeëzhewabezewin oonje ewh kesahsahgewejega‐weneneöowinewah.

² Keejekewayug dush kuhya dabandahgoozejig Levi oodenoodawezewining, koos oodenoodawezewining, peweejewh, cheweejewikwah, kuhya chebuhmetookwah: keen dush ween kuhya kegwissug kegahbuhmetahgam emuh anahsuhmesing ewh debahjemoowine‐puhpuhgewuhyahne‐ahnuhmeäwegummig.

³ Oogahkuhnuhwandahnahwah dush kekuhgequawin, kuhya kuhkenuh ewh puhpuhgewuhyahne‐ahnuhmeäwegummig: kah dush ween pashoo oogahnaunzekunsenahwaun enewh oonahgunun dabandahgwukkin emuh kechetwahwegewauming kuhya ewh sahsahgewejegun‐ahbik, wenuhwah dush, kuhya kenuhwah cheneboosewag.

⁴ Kegahwejewegoog dush, oogahkuhnuhwandahnahwah kuhya oopuhpuhgewuhyahne‐ahnuhmeäwegummegoowah egewh muhyahwunjeëdejig, kuhkenuh azhebuhmetahgang emuh puhpuhgewuhyahne‐ahnuhmeäwegummegoong: owh dush mayuhgezid kahween pashoo kegahnaunzekahgoosewah.

⁵ Kegahkuhnuhwandahnahwah dush ewh kechetwah wegewaum, kuhya ewh sahsahgewejegun‐ahbik: chenishkanemahsewindwah dush menuhwah Israel oonejahnesun.

⁶ Benuh dush neen, neen ningeöodahpenaug egewh kekahnesewaug Levitugoonje emuh uhyahwaud Israel oonejahnesun: kemeenegoom suh egewh oonje Jehovah, chemekinduhmoowaud ewh buhmetahgawin emuh oopuhpuhgewuhyahne‐ahnuhmeäwegummegoowaung.

⁷ Keen suh dush kuhya kegwissug kegahkuhnuhwandahnahwah kesahsahgewejega‐ahnookewinewah oonje kuhkenuh enewh tabandahgwukkin emuh sahsahgewejegun‐ahbikoong, kuhya peendig kebuhgoojeguning; kegahbuhmetahgam dush: kegemeenenim suh kesahsahgewejega‐ahnookewinewah, meegewa‐buhmetahgawin suh ewh: owh dush mayuhgezid pashoo puhezhaud tahnesah.

⁸ ¶ Jehovah dush oo‐oo oogeëzhekuhnoonaun enewh Aaronun, Benuh, kegekuhnuhwanduhmoonin suh kuhya nindoombenega‐sahsahgewejegunun kuhkenuh suh goo enewh kachetwahwandahgwukkin bahdoowahjin Israel oonejahnesun; kegemeenin suh enewh oonje ewh nuhmuhkoonegawin, kuhya ewh kegwissug, kahgenig dush oo‐oo tahenahkoonegawenuhgud.

⁹ Mesuh oo‐oo kaühyahmun enewh ahpeje kachetwahwandahgwukkin, ishkoodang pagedenegahdasenoogin: anduhchingin enewh oopuhgedenegawinewaun, anduhchingin oomejime‐sahsahgewejegunewaun, kuhya anduhchingin oopahtahzewine‐sahsahgewejegunewaun, kuhya anduhchinginoowuhnesawine-sahsahgewejegunewaun, kameenzhewaud ahpeje tahkechetwahwandahgwudoon, keen dush kegahuhyahnun kuhya kegwissug.

¹⁰ Emuh ahpeje kechetwahwandahgwuk kegahmejin; anduhchewaud egewh enenewug oogahmejenahwah: tahkechetwahwandahgwud keen oonje.

¹¹ Me dush kuhya oo‐oo tabanduhmun: ewh oombenega‐sahsahgewejegun mahgewawaud, kuhya kuhkenuh enewh uhyahzhook azhewabenuhming oosahsahgewejegunewaun Israel oonejahnesun: kegemeenin enewh keen, kuhya kegwissug kuhya kedaunug, kahgenig oo‐oo tahenahkoonegawenuhgud: anduhchewaud egewh pahnezejig andahyun oogahmejenahwah.

¹² Kuhkenuh ewh ahpeje wanezheshing pemeda, kuhya kuhkenuh ewh ahpeje wanezheshing shooweminahboo, kuhya ewh minzemenanse, enewh netum saguhkenegahdagin kapuhgedenuhmuhwahwaud Jehovahun, kegemeenin.

¹³ Wagoodoogwan kuhya netum kahzhegenoogwan emuh uhkeeng, kapuhgedenuhmuhwahwaud Jehovahun, keen kegahtebandaun; anduhchewaud egewh pahnezejig andahyun oogahmejenahwah.

¹⁴ Wagoodoogwan pagedenegahdagwan emuh Israeling keen kegahtebandaun.

¹⁵ Kuhkenuh netumoonzhahnun pahduhwahwaud Jehovahun, anenewenegwan, gamah kuhya awuhkaunewenegwan, keen kegahtebanememaun: oonetuhmoonzhaun dush ween enene ahbedakummig kegahkeeshpenuhnemaun, oonetumoonzhaunewaun kuhya wahnezejig uhwuhkaunug kegahkeeshpenuhnaug.

¹⁶ Egewh dush wahkeeshpenuhnindjig nangookeziswuhgezejig kuhya uhwuhshema kegahkeeshpenuhnaug, kaënuhgindahsooyun egoo, ewh menik shooneyah nahnun shekelug, owh shekel awind emuh kechetwah wegewauming me owh tabuhegang, me ewh neeshtuhnuh gerahug.

¹⁷ Oonetumoonzhaunun dush ween pezheke, gamuh kuhya oonetumoonzhaunun mahnishtahnish, gamah kuhya oonetumoonzhahnun meshahbooz, kahween kegahkeeshpenuhnahseeg; penezewug suh: oomisqueemewah uhyooyun kegahsuswabe-gundaun ewh sahsahgewejegunahbik, kegahchaugezuhmuhwaug kuhya oowenoonimewah oonje ewh ishkooda‐sahsahgewejegun, kamenoomaundung Jehovah.

¹⁸ Ooweyausemewah dush kegahtebandaun, azhetebanduhmun ewh ahyahzhook azhewabenuhming ookahkegun kuhya ewh ookechedenemaungun.

¹⁹ Kuhkenuh enewh oombenega‐sahsahgewejegunun kachetwahwandahgwukkin, Israel oonejahnesun pagedenuhmuhwahwaud Jehovahun, kegemeenin keen, kuhya kedaunug, kahgenig oo‐oo tahenahkoonegawenuhgud: kahgega‐shewetahgune‐wahweenduhmahgawin suh oo‐oo emuh anahsuhmeühyaud Jehovah azhewahweenduhmahgooyun keen kuhya kenejahnesug.

²⁰ ¶ Jehovah dush oo‐oo oogeëzhekuhnoonaun enewh Aaronun, Kahween gagoo debandahsoowin kegahuhyaunsenahwah emuh ooduhkemewaung, kahween kuhya gagoo kegahezhedebandahsooseem emuh uhyahwaud: neen suh nindowh kedebandahsoowinewah emuh uhyahwaud Israel oonejahnesun.

²¹ Benuh dush, ningemeenaug Levi oonejahnesun kuhkenuh enewh titheün emuh Israëling kadebanduhmoowaud, oonje ewh buhmetahgawin azhebuhmetahgawaud, ewh suh goo buhmetahgawin emuh oopuhpuhgewuhyahne‐ahnuhmeäwegummigoowaung egewh muhyahwunjeëdejig.

²² Kahween suh kuhya Israel oonejahnesun wekah pashoo oogahnaunzekunsenahwah ewh oopuhpuhgewuhyahne‐ahnuhmeäwegummigoowah egewh muhyahwunjeëdejig, chebemoondunsigwah dush mujjeëzhewabezewin kuhya cheneboosigwah.

²³ Egewh dush ween Levitug oogahmekindahnahwah ewh uhnookewin emuh oopuhpuhgewuhyahne‐ahnuhmeäwegummigoowaung egewh muhyahwunjeëdejig, oogahbemoondahnahwah dush oomujjeëzhewabezewinene: kahgenig tahenahkoonegawenuhgud menik kaneähneka‐bemahdezeyag, chedebandahsoosewag emuh uhyahwaud Israel oonejahnesun.

²⁴ Enewh dush ween ootithemewaun Israel oonejahnesun, pagedenuhmuhwahwaud Jehovahun oombenega‐sahsahgewejegawaudningemeenaug egewh Levitug chetebanduhmoowaud: me suh dush oo‐oo kahenugwah, Emuh uhyahnid Israel oonejahnesun kahween tahtebandahsoosewug.

²⁵ ¶ Jehovah dush oogekuhnoonaun enewh Mosesun, oo‐oo keënaud,

²⁶ Oo‐oo suh ezhekuhnoonzh egewh Levitug, oo‐oo dush ezhe, Uhpe wadahpenuhmuhwagwah Israel oonejahnesun enewh titheün kahmeenenuhgoog chedebanduhmag, kegahpuhgedenuhmuhwahwah Jehovah ewh oombenega‐sahsahgewejegun ahnind ewh uhyooyag, pazhig tithe suh goo menik ewh tithe.

²⁷ Oo‐oo dush kedoombenega‐sahsahgewejegunewah tahuhpetandahgwud, debishkoo ewh minzemenanse kahpuhgunduhegahdag, kuhya ewh wandenegahdag shooweminahbookauning.

²⁸ Me suh kuhya oo‐oo kaëzhepuhgedenuhmuhwag Jehovah ewh oombenega‐sahsahgewejegun kuhkenuh emuh kedootithemewaung oondenuhmahzooyag, enewh mahnenagoog Israel oonejahnesun; emuh dush kegahoondenahnahwah ewh Jehovah oodoombenega‐sahsahgewejegun kameenag Aaron sahsahgewejega‐wenene.

²⁹ Anduhchingin enewh mahnegooyag kegahoondenahnahwah emuh enewh oombenega‐sahsahgewejegunun kapuhgedenuhmuhwag Jehovah, moonzhug egoo ahpeje wanezheshing kegahmeenahwah, ewh suh goo kachetwahwandahgwuk.

³⁰ Oo‐oo suh dush kegahenaug, Uhpe keöombenuhmag mahmuhwe wanezheshing wandenuhmag emuh, tahuhpetanduhmuhwahwug egewh Levitug debishkoo ewh puhgunduhega‐wegummegoong wandenegahdag, kuhya debishkoo ewh shooweminahbookaung wandenegahdag.

³¹ Kegahmejenahwah dush minzewa, kenuhwah kuhya kedenoodawezewinewaun: me mah ewh ketebuhuhmahgoo-winewah oonje kebuhmetahgawinewah emuh oopuhpuhgewuhyahne‐ahnuhmeäwegummigoowaung egewh muhyahwunjeëdejig.

³² Kah dush gagoo mujjeëzhewabezewin kegahbemoon-dunsenahwah oonje goo ewh, uhpe keöombenuhmag ewh mahmuhwe wanezheshing emuh: kahween kuhya kegahwenetoosenahwaun enewh kachetwahwandahgwukkin Israel oonejahnesun pagedenuhmenejin, cheneboosewag dush.