NUMBERS 17 - Ottawa New Testament Penteteuch and Psalms 1874

¹ Jehovah dush oogekuhnoonaun enewh Mosesun, oo‐oo keënaud,

² Kuhnoonzh Israel oonejahnesun, oodahpenuhmowh kuhya anduhchewaud pazhig metigoonse nahsaub egoo anandahgwudenig oowegewaumene oosewaun, kuhkenuh oodoogemahmewaun nahsaub egoo anandahgwudenig oowegewaumene oosewaun medahswe uhshe neenzh metigoonsun: oozhebeün anduhchewaud egewh enenewug oodenoozoowinewaun emuh oometigoonsemewaung.

³ Kegahoozhebeaün dush Aaron oodenoozoowin emuh Levi oometigoonsing: pazhig mah metigoonse oogahuhyahnahwah papazhig egewh nahgaunezekundunjig oowegewaumene oosewahbuneen.

⁴ Kegahuhtoonun dush emuh oopuhpuhgewuhyahne‐ahnuhmeäwegummigoowaung egewh muhyahwunjeëdejig emuh anahsuhmesing ewh debahjemoowin, emuh chenuhquashkoonenuhgoog.

⁵ Tahpuhgummeühyahmuhgud dush, chebenisquahbegoonenig oometigoonsim owh enene, kawuhwanahbuhmug: ningahishquahsatoonun dush oonje emuh uhyahyaun oomujjeke-doowinewaun Israel oonejahnesun, azhemujjekuhnoonenagwah.

⁶ ¶ Moses dush oogekuhnoonaun Israel oonejahnesun, anduhchenid dush oodoogemaumene papazhig oogemenegoon metigoonse, papazhig egewh oogemaug pazhig, nahsaub egoo anandahgwudenig oowegewaumene oosewahbuneen, medahswe uhshe neenzh suh goo metigoonsun: Aaron kuhya oometigoonsim keduhgooühtane emuh oometigoonsemewaung.

⁷ Moses dush oogeühtoonun enewh metigoosun emuh anahsuhmeühyahnid Jehovahun emuh debahjemoowine‐puhpuhgewuhyahne‐ahnuhmeäwegummegoong.

⁸ Kepuhgummeühyahmuhgud dush, uhpe wuhyahbung Moses kepeendegad emuh debahjemoowine‐puhpuhgewuhyahne ahnuhmeäwegummegoong; benuh dush, Aaron oometigoonsim oonje Levi oowegewaum kesahgebuhgahmuhgudene, kuhya kewahwahsuhkoonawunene, kuhya kemenewunene buhgahnug dush emuh kenahgoozewaud.

⁹ Moses dush oogesahgejeweduhmuhwaun kuhkenuh Israel oonejahnesun kuhkenuh enewh metigoonsim atanege-buneen emuh anahsuhmeühyahnid Jehovahun: këenahbewug dush, anduhchewaud dush egewh enenewug oogeöodahpenahnahwaun oometigoonsemewaun.

¹⁰ ¶ Jehovah dush oo‐oo oogeëzhekuhnoonaun enewh Mosesun, Pedoon nayaub Aaron oometigoonsim emuh anahsuhmesing ewh debahjemoowin, chekuhnuhwanjegahdag chekekenuhwahduk dush kemegahzoowaud egewh kahmegahzoojig; wawane dush kegahoodapenuhmowh oomujjekeke-doowinewaun, cheneboosigwah dush.

¹¹ Moses dush ewh keëzhechega: kahezhekuhgaunzoomegood suh goo Jehovahun, me ewh kahezhechegad.

¹² Israel dush oonejahnesun oogekuhnoonahwaun enewh Mosesun, oo‐oo kaënahwaud, Benuh, neneboomin, nimbuhnahdezemin, kuhkenuh nimbuhnahdezemin.

¹³ Ahwagwan pashoo nuhyaunzekuhmoogwan Jehovah oopuhpuhgewuhyahne‐ahnuhmeäwegummig tahneboo: ningahchaug‐enuhnegoomin enuh?