NUMBERS 16 - Ottawa New Testament Penteteuch and Psalms 1874

¹ Korah dush, oogwissun owh Izhar, oogwissun owh Kohath, oogwissun owh Levi, kuhya Dathan kuhya Abiram, oogwissun owh Eliab, kuhya On, oogwissun owh Peleth, enewh wagwissejin Reuben, oogeöodahpenahwaun enenewun:

² Kepuhsegwewug dush emuh anahsuhmeühyahnid Mosesun, oogewejewegoowaun kuhya ahnind Israel oonejahnesun, neenzhwauk uhshe nahnemeduhnuh wagemahwejig emuh uhyahwaud egewh muhyahwunjeëdejig, kacheühpetandahgoozejig emuh uhyahwaud egewh muhyahwunjeëdejig, enenewug kachewahweendahguhnazejig.

³ Kemahwunjeëdewug dush ewede uhyahnid Mosesun kuhya Aaronun, oo‐oo dush oogeënahwaun, Oonzaum nebewah kedoodahpenuhmahzoom, kuhkenuh mah egewh muhyahwunjeëdejig penezewug, anduhchewaud egoo, Jehovahun kuhya oowejewegoowaun: wagoonan suh dush wanjeöombenedezooyag nuhwuj ishpeming uhyahyag egewh dush ween Jehovah oodahnishenahbamun?

⁴ Uhpe dush Moses kahnoondung, keühjejeengwasa:

⁵ Oogekuhnoonaun dush enewh Korahun kuhya kuhkenuh enewh kahwedookahgoojin, oo‐oo dush keënaud, Wahbung suh Jehovah oogahwahbunduhewanun enewh tabanemahjin, kuhya enewh pahnezenejin; oogahnundoomaun dush pashoo emuh uhyaud: enewh suh goo kahwuhwanahbuhmahjin oogahnundoomaun cheühyahnid pashoo emuh uhyaud.

⁶ Oo‐oo suh ezhechegayook; Oodahpenuhmahzooyook menoomahgwahbekezegunun, keen Korah, kuhya kuhkenuh egewh wahjewikig;

⁷ Ishkooda dush emuh penuhuhmook, menoomahgwahkezegun kuhya emuh penuhuhmook wahbung emuh anahsuhme-uhyaud Jehovah: tahpuhguhmeühyahmuhgud dush ahwagwanun Jehovah wawanahbuhmahgwan, me owh kapenezid: oonzaum kekechetwahwanindezoom, kenuhwah wagwissemenag Levi.

⁸ Moses dush oo‐oo oogeënaun Korahun, Noonduhmook, kepuhgoosanemenim, kenuhwah wagwissemenag Levi:

⁹ Keduhgahsandahnahwah nuh, ewh Israel oo‐Kesha‐Muhnedoomun puhkaühyeëe keühsenag emuh uhyahwaud egewh muhyahwunjeëdejig Israelitug uhyahyagoobun, chepeenenag pashoo emuh uhyaud chemekinduhmag ewh buhmetahgawin emuh Jehovah oopuhpuhgewuhyahne‐ahnuhmeawegummegoong, kuhya chenebuhweyag emuh anahsuhme‐uhyahwaud egewh muhyahwunjeëdejig chebuhmetuhwagwah?

¹⁰ Kegepeenig suh dush pashoo emuh uhyaud, kuhya kuhkenuh enewh kekahnesun Levi oogwissun: kenunduhwandahnahwah nuh kuhya sahsahgewejega‐wenene ooduhnookewin?

¹¹ Me suh ewh keen kuhya kuhkenuh egewh wahjewekig wanjemahwunjeëdeyag wemegahnag Jehovah: ahwanan dush kuhya owh Aaron, ewh nahnahpuhgaunzoomag.

¹² ¶ Moses dush keühnooke chenundoomemind Dathanun kuhya Abiramun, oogwissun owh Eliab: oo‐oo dush keëkedoowun, Kahween ningahezhahsemin:

¹³ Uhgahsandahgwud nuh ewh keöonjesahgejewezheyaung ewede uhkeeng anduhnejewung doodooshahboo kuhya ahmoo-seenzebahquud, chenesheyaung emuh buhgwuhduhkummig, me koonemah atuh weöogemahkunduhwewaungan?

¹⁴ Kuhya dush kahween kegeëzhewezhesemin emuh uhkeeng ewede anduhnejewung doodooshahboo kuhya ahmoo-seenzebahquud, kahween kuhya kegemeenzhesemin chetebanduhmaungebun ketegaunun kuhya shooweminuhgahwunzhe-ketegaunun: kegahgejebeduhmuhwaug nuh ooshkeenzhegoowaun oogoo enenewug? kahween ningahezhahsemin.

¹⁵ Moses dush kekechenishkahdeze, oo‐oo dush oogeënaun Jehovahun, Kagoo kechetwahwanduhmuhwahkan oosahsahgewejegunewah: kahween kuhnuhga pazhig mamaungesha ningeöodahpenuhmuhwahseeg, kahween kuhya ahweyah anduhchewaud ningemujjedooduhwahse.

¹⁶ Moses dush oo‐oo oogeënaun Korahun, Keen kuhya kuhkenuh egewh wahjewekig, kuhya Aäron, nebuhweyook wahbung emuh anahsuhmeühyaud Jehovah:

¹⁷ Oodahpenuhmahzooyook dush anduhcheyag enewh keminwahgwahbekezegunewaun, penuhuhmook kuhya emuh menoomahgwahkezegun, pedoog dush anduhcheyag enewh keminwahgwahbekezegunewaun emuh anahsuhmeühyaud Jehovah, neenzhwauk uhshe nahnemeduhnuh menoomahgwahbekezegunun; keen kuhya, Aaron kuhya oodahpenuhmahzooyook nuhyanzh enewh keminwahgwahbekezegunewaun.

¹⁸ Anduhchewaud dush oogeöodahpenahnahwah oominwahgwahbekezegunewaun, oogebenuhahnahwah kuhya ishkooda emuh, oogeühtoonahwah dush menoomahgwahkezegun emuh, keweejegahbuhwetuhwahwaud dush Mosesun kuhya Aaronun emuh ishquaundamewung oopuhpuhgewuhyahne‐ahnuhmeäweguhmegoowaung egewh muhyahwunjeëdejig.

¹⁹ Korah dush oogemahwunjeäun kuhkenuh enewh muhyahwunjeëdenejin emuh uhyahnid emuh ishquaundamewung oopuhpuhgewuhyahne‐ahnuhmeäwegummegoowah egewh muhyahwunjeëdejig: ewh dush oopeshegandahgoozewin Jehovah oogewahbundahnahwah kuhkenuh egewh muhyahwunjeëdejig.

²⁰ Jehovah dush oogekuhnoonaun enewh Mosesun kuhya enewh Aaronun, oo‐oo keënaud,

²¹ Ekoogahbuhwik emuh uhyahwaud oogoo muhyahwunjeëdejig, chuhyuhsekah dush chekahseügwah.

²² Keühjejeengwasawug dush, oo‐oo dush keëkedoowug, O Kesha‐Muhnedoo, keen wa‐Kesha‐Muhnedoowemikwah oojechangoowaun kuhkenuh wahyahsewejig, pazhig nuh enene tahpahtahze, kegahnishkanemaug nuh dush kuhkenuh egewh muhyahwunjeëdejig?

²³ ¶ Jehovah dush oogekuhnoonaun enewh Mosesun, oo‐oo keënaud,

²⁴ Kuhnoonzh egewh muhyahwunjeëdejig, oo‐oo dush ezhe, Ekoogahbuhwik emuh puhduhkedanig oopuhpuhgewuhyahnegummig Korah, Dathan, kuhya Abiram.

²⁵ Moses dush kepuhsegwe oogeëzhahnun dush Dathanun kuhya Abiramun; enewh dush akewazeyewenejin emuh Israeling oogenoopenuhnegoon.

²⁶ Oogekuhnoonaun dush enewh muhyahwunjeëdenejin, oo‐oo keënaud, Ekoogahbuhwik, kepuhgoosanemenim, emuh puhduhkedanig oopuhpuhgewuhyahnegummegoowaun oogoo majeëzhewabezejig enenewug, kagoo kuhya taungenungagoon gagoo dabanduhmoowaud, cheduhgoonuhnegoosewag edush emuh kuhkenuh oopahtahzewinewaung.

²⁷ Me dush keëkoogahbuhwewaud emuh puhduhkedanig oopuhpuhgewuhyahnegummig Korah, Dathan, kuhya Abiram, kewetahuhyeëe: Dathan dush kuhya Abiram kebesahguhuhmoog, kenebuhwewug dush emuh ishquaundamewunenig oopuhpuhgewuhyahnegummegoowaun, kuhya oowewewaun, kuhya oogwissewaun, kuhya enewh agahsheeënejin ooduhbenoojeeëmewaun.

²⁸ Moses dush oo‐oo keëkedoo, Me suh oomah kaöonje-kekanduhmag ewh Jehovah keühnoonzhid cheëzhechegayaun kuhkenuh oonoo uhnookewinun; kah suh neen tebenuhwa ananduhmaun ningeëzhechegasenun.

²⁹ Kishpin suh oogoo enenewug ezheneboowaud kuhkenuh bamahdezejig azheneboowaud gamuh kishpin ezheöodesindwah kuhkenuh bamahdezejig azheöodesindwah; kahween Kesha‐Muhnedoo ningeühnoonegoose.

³⁰ Kishpin dush ween Jehovah gagoo ooshkeühyeëe ezhechegad, ewh dush uhke dahwuhnemuhguk, koonegoowaud dush egewh, kuhya kuhkenuh azhedebandahsoowaud, magwah dush egoo bemahdezewaud nesesawaud emuh wahnekauning; kegahkekandahnahwah oogoo enenewug kenishkeähwaud Jehovahun.

³¹ ¶ Kepuhgummeühyahmuhgud dush, uhpe kahishquah-yahnuhgedoong, ewh uhke kedaushkekummegesag uhnaumuhyeëe uhyahnid:

³² Ewh dush uhke kedahwuhnemuhgud, oogegoonegoonahwah dush egewh, kuhya kuhkenuh egewh enenewug kahwedookuhwahjig Korahun, kuhya kuhkenuh ooduhyeëemewaun.

³³ Egewh, kuhya kuhkenuh kahezhedebandahsoowaud, magwah goo bemahdezewaud kenesesawug emuh wahnekauning, ewh dush uhke kekebahkoosamuhgud wuhgijuhyeëe kebahnahdezewug dush oonje emuh uhyahwaud egewh muhyahwunjeëdejig.

³⁴ Kuhkenuh dush egewh Israelitug kahgewetahgahbuh-wetuhwahjig keöozhemoowug uhpe nwaunduhwahwaud ahshequanid: oo‐oo mah keëkedoowug, Ewh uhke chegoone-goosewung kuhya kenuhwind.

³⁵ Ishkooda dush keöonjebeda ewede uhyaud Jehovah, oogechahgezoogoonahwah dush egewh neenzhwauk uhshe nahnemeduhnuh enenewug kahmenoomahgwahkezegajig.

³⁶ ¶ Jehovah dush oogekuhnoonaun enewh Mosesun, oo‐oo keënaud,

³⁷ Kuhnoonzh Eleazar oogwissun Aaron owh sahsahgewejega‐wenene, cheöodahpenung enewh menoomahgwahbekezegunun atagin emuh keïshkoodawung, kuhya chesuswashkung ewh ishkooda ewede; kechetwahwandahgwudoon mah.

³⁸ Oomenoomahgwahbekezegunewaun oogoo kahmujje-dooduhwahjig tebenuhwa oojechangoowaun, mahnoo tahnuhpuhguhduhegahdawun, mahnoo kuhya tuhmunguhdayahbekudoon, kaoonjeühgwuhnuhegahdag dush ewh sahsahgewejegun‐ahbik: oogepuhgedenahnahwahbuneen mahween emuh anahsuhmeühyaud Jehovah, kechetwahwandahgwudoon suh dush: Israel dush oonejahnesun oogahookekenuhwahjeche-gunenahwaun enewh.

³⁹ Eleazar dush owh sahsahgewejega‐wenene oogeöodahpenahnahwaun enewh oozahwahbikoo‐menoomahgwahbekezegunun, enewh kahuhyoowahjin kesahsahgewejegawaud egewh kahchahgezoondjig; kenuhbuhguhduhegahdawun dush kuhya kemunguhdayahbekudoon, me dush enewh kahoonjeühgwuhnuhegahdag ewh sahsahgewejegun‐ahbik:

⁴⁰ Chemequanduhmoowaud Israel oonejahnesun, ahweyah mayuhgezid, Aaroning wandahdezesig, pashoo chepeëzhahsig chemenoomahgwahkezegad emuh anahsuhmeühyahnid Jehovahun; cheëzheühyahsig kahezheühyaud Korah, kuhya enewh kahwedookahgoojin: nahsaub egoo kahegood Jehovahun kekuhguhnoonind Moses.

⁴¹ ¶ Wuhyahbung edush kuhkenuh egewh muhyahwunjeëdejïg Israel oonejahnesun oogenahnahpuhgaunzoomahwaun Mosesun kuhya Aaronun, oo‐oo keënahwaud, Kegenesahwaug Jehovah oodahnishenahbamun.

⁴² Kepuhgummeühyahmuhgud dush, uhpe egewh muhyahwunjeëdejig muhyahwunjeëdewaud emuh uhyahnid Mosesun kuhya Aaronun, keënahbewaud ewede enuhkuhka puhduhkedanig ewh oopuhpuhgewuhyahne‐ahnuhmeäwegummegoowah egewh muhyahwunjeëdejig: benuh dush, ewh ahnuhquud keühgwuhnesin emuh, kuhya ewh oopeshegandahgoozewin Jehovah kenahgwudene.

⁴³ Moses dush kuhya Aaron kepeëzhahwug emuh anahsuhme‐uhyahmuhgudenig ewh oopuhpuhgewuhyahne‐ahnuhmeäwegummigoowah egewh muhyahwunjeëdejig.

⁴⁴ ¶ Jehovah dush oogekuhnoonaun enewh Mosesun, oo‐oo keënaud,

⁴⁵ Ekoogaug emuh uhyahwaud oogoo muhyahwunjeëdejig, chuhyuhsekah dush chebuhnahjeügwah. Keühjejeengwasawug dush.

⁴⁶ ¶ Moses dush oo‐oo oogeënaun enewh Aaronun, Oodahpenun menoomahgwahbekezegun, penuhun dush emuh ishkooda, sahsahgewejegunahbikoong cheöondenuhmun, uhtoon kuhya emuh menoomahgwahkezegun, waweeb dush ezhaun egewh muhyahwunjeëdejig, sahsahgewejegan dush oonje egewh: nishkahdezewin mah oonjebahmuhgud emuh uhyaud Jehovah; ahzhe mahjemujjeënahpenaun.

⁴⁷ Aaron dush keöodahpenega kahezhekuhgaunzoonganid Mosesun, keühpuhtoo dush nahwuhyeëe emuh uhyahnid enewh muhyahwunjeëdenejin; benuh dush, ahzhe kemahje‐mujjeënah-penawug egewh ahnishenahbag: oogeühtoon dush menoomahgwahkezegun, kesahsahgewejega kuhya oonje enewh ahnishenahban wepoonanememind.

⁴⁸ Kenebuhwe dush nesuhwuhyeëe emuh uhyahnid enewh naboonejin kuhya enewh bamahdezenejin; keïshquahuhgahmuhgud dush mujjeënahpenawin.

⁴⁹ Egewh dush kahnesegoojig ewh mujjeënahpenawin medahswe uhshe newin duhching medahswauk uhshe neenzhwahswauk keduhchewug, egewh ween kahneboojig oonje enewh Korahun kahween keduhgwuhgemahsewug.

⁵⁰ Aaron dush nayaub oogenaunzekuhwaun Mosesun emuh ishquaundamewungewh oopuhpuhgewuhyahne‐ahnuhmea‐wegummegoowah egewh muhyahwunjeëdejig: ewh dush mujjeënahpenawin keïshquahuhyahmuhgud.