NUMBERS 15 - Ottawa New Testament Penteteuch and Psalms 1874

¹ Jehovah dush oogekuhnoonaun enewh Mosesun, oo‐oo keënaud,

² Kuhnoonzh suh Israel oonejahnesun, oo‐oo dush ezhe, Uhpe ketuhgweshinag ewede uhkeeng kaduhnuhkeyag, ewh mahnenuhgoog.

³ Uhpe kuhya Jehovah wepuhgedenuhmuhwag ishkooda‐sahsahgewejegun, sahsahgewejegun chuhyahgezegahdag, gamuh kuhya sahsahgewejegun uhpe weëzhechegayag ewh kahwahweenduhmahgayag, gamuh kuhya uhpe wahsahsahgewejegayag kenuhwah goo enanduhmag, gamah kuhya kedahnuhmeäwekoondewinewaung, chemenoomahsegayag emah anahsuhmeühyaud Jehovah, pezhekewun gamuh kuhya mahnishtahnishun beduhwag:

⁴ Me suh owh wahsahsahgewenaud Jehovahun chebedood mejime‐sahsahgewejegun me ewh punge pahsaug buhquazhegun emuh keneguhwenegahdag punge pemeda.

⁵ Kuhya punge shooweminahboo oonje ewh menequa‐sahsahgewejegun kegahuhyaun kaduhgoonuhming emuh chahgedah-sahsahgewejeguning gamuh kuhya puhgedenegawining, oonje pazhig mahnishtahnisheense.

⁶ Gamuh kuhya oonje uhyahba‐mahnishtahnish, kegahuhyaun, oonje ewh mejime‐sahsahgewejegun, punge nuhwuj nebewuh pahsaug buhquazhegun ewh emuh tuhgoonegahdag punge nuhwuj nebewun pemeda.

⁷ Kuhya oonje ewh menequa‐sahsahgewejegun kegahpuhgedenaun punge nuhwuj nebewuh shooweminahboo, kamenoomaundung Jehovah.

⁸ Uhpe dush kuhya wahwuhwazheüd uhyahba‐pezhekeense oonje chahgeda‐sahsahgewejegun, gamuh kuhya sahsahgewejegun uhpe weëzhechegayun ewh kahwahweenduhmahgayun, gamuh kuhya pezauneëwawine‐sahsahgewejegunun wesahsahgewenind Jehovah:

⁹ Mesuh cheduhgoobedood, uhpe bahnaud uhyahba‐pezhekeensun ewh meejime‐sahsahgewejegun, punge suh goo pahsaug buhquazhegun ewh emuh tuhgoonegahdag pemeda ahbetuh pazhig hin menik.

¹⁰ Oonje dush ewh menequa‐sahsahgewejegun kegahbedoon shooweminahboo ahbetuh pazhighin menik, oonje ewh ishkooda‐sahsahgewejegun, manoomaundung Jehovah.

¹¹ Me suh oo‐oo kadooduhwind pazhig uhyahba‐pezhekeense, gamuh kuhya pazhig uhyahba‐mahnishtahnish, gamuh kuhya mahnishtahnisheense, gamuh kuhya meshahboozoonse.

¹² Menik suh goo kawuhwazheägwah, me nahsaub anduhchewaud kadooduhwagwah menik egoo anduhchewaud.

¹³ Kuhkenuh nahgejig emuh duhnuhkewining nahsaub oo‐oo tahezhechegawug oonoo, uhpe puhgedenuhmoowaud ishkooda‐sahsahgewejegun, ewh manoomaundung Jehovah.

¹⁴ Kishpin dush owh mayuhgezid weejduhnuhkemenag, gamuh kuhya ahwagwan wahjewenenag menik kaneähnekabemahdezeyag, wesahsahgewejegad dush ishkooda‐sahsahgewejegun, ewh manoomaundung Jehovah; nahsaub egoo azhechegayag, me ewh kaëzhechegad.

¹⁵ Pazhig ezhetwahwin kegahuhyahnahwah kenuhwah dabandahgoozeyag emuh uhyahwaud egewh muhyahwunjeëdejig, kuhya goo owh mayuhgezid waujduhnuhkemenag, kahgenig ewh ezhetwahwin tahkuhnuhwanjegahda menik kaneähnekabemahdezeyag: azhewabezeyag kenuhwah, me kuhya ween owh mayuhgezid kaëzhewabezid emuh anahsuhmeühyaud Jehovah.

¹⁶ Pazhig enahkoonegawin kuhya pazhig ezhetwahwin kegahuhyahnahwah kenuhwah, kuhya owh mayuhgezid waujduhnuhkemenag.

¹⁷ ¶ Jehovah dush oogekuhnoonaun enewh Mosesun, oo‐oo keënaud,

¹⁸ Kuhnoonzh Israel oonejahnesun, oo‐oo dush ezhe, Uhpe tuhgweshinag ewede uhkeeng azhewenenuhgoog.

¹⁹ Tahpuhguhmeühyahmuhgud dush, uhpe mejeyag ewh buhquazhegun wandenegahdag ewede uhkeeng, chesahsahgewenag Jehovah, ewh wambenegahdag sahsahgewejegun puhgedenuhmuhwag.

²⁰ Kegahpuhgedenegam buhquazhegaunse, owh netum manzewadenag buhquazhegun cheöonjeöozheäg, oonje ewh wambenegahdag sahsahgewejegun: nahsaub egoo andooduhmag ewh wambenegahdag sahsahgewejegun wandenegahdag emuh puhgunduhega wegummegoong, me suh ewh kaëzheöombenuhmag.

²¹ Owh netum manzewadenag buhquazhegun me emuh kaöondenuhmag ewh kaöonjesahsahgewenag Jehovah, ewh suh goo wambenegahdag sahsahgewejegun, menik kaneähnekabemahdezeyag.

²² ¶ Kishpin dush kahwuhnesawagwan, kuhya kahkunuhwandunsewagwan kuhkenuh oonoo kuhgequawinun, Jehovah kahweenduhmuhwahjin Mosesun.

²³ Kuhkenuh suh goo Jehovah kahezhekuhgaunzoomenag kekuhnoonaud Mosesun, ewh kezhegud uhpe Jehovah kahmahjekuhgaunzoomaud Mosesun, uhpena dush egoo menik kaneähnekabemahdezeyag;

²⁴ Tahpuhguhmeühyahmuhgud dush, kishpin gagoo ezhechegang kekandunsigwah egewh muhyahwunjeëdejig, kuhkenuh egewh muhyahwunjeëdejig chesahsahgewejegawaud pazhig washkeühyuhahwenejin uhyahba pezhekeensun, oonje ewh chahgeda‐sahsahgewejegun, kamenoomaundung Jehovah, kuhya ewh oomejime‐sahsahgewejegunene, kuhya ewh oomenequa sahsahgewejegunene, nahsaub egoo koo azhechegang, kuhya pazhig meshahboozoonse wandenind emuh uhyahwaud egewh meshahboozoog oonje ewh pahtahzewine‐sahsahgewejegun.

²⁵ Owh dush sahsahgewejega wenene tahsahsahgewejega oonje kuhkenuh enewh muhyahwunjeëdenejin Israel oonejahnesun weöonjepoonanememind, tahahbwayanemahwug dush; oogekekandahnahwah nunga: oogahbedoonahwah dush oosahsahgewejegunewah, ishkooda‐sahsahgewejegun pagedenuhmuhwind Jehovah, kuhya oopahtahzewine‐sahsahgewejegunewah emuh anahsuhmeühyahnid Jehovahun, oonje ewh oowuh-nesawinewah:

²⁶ Tahahbwayanemahwug dush kuhkenuh egewh muhyahwunjeëdejig Israel oonejahnesun, kuhya enewh mayuhgezenejin waujduhnuhkemegoowaud; kuhkenuh mah egewh ahnishenahbag kahween oogekekandunsenahwah.

²⁷ ¶ Kishpin dush ahweyah pahtahzid ewh kekandunsig, oogahbenaun equa meshaboozoon nangoopepoon‐uhgezenejin oonje ewh pahtahzewine‐sahsahgewejegun.

²⁸ Owh dush sahsahgewejega‐wenene tahsahsahgewejega oonje enewh puhyahtahzenid ewh kekandunsenid weöonjepoonanememind, uhpe puhyahtahzenid ewh kekandunzenid emuh anahsuhmeühyaud Jehovah; tahahbwayanemahwun dush.

²⁹ Kegahuhyahmuhwahwah pazhig enahkoonegawin owh puhyahtahzid ewh kekandunsig, owh nahgid emuh uhyahnid Israel oonejahnesun, kuhya owh mayuhgezid waujduhnuhkemaud.

³⁰ ¶ Owh dush ween wuhnishquauch gagoo azhechegad, kahnegegwan emuh duhnuhkewining, gamuh kuhya mayuhgezegwan oomujjedooduhwaun Jehovahun; owh suh tahkahsewah emuh uhyahnid weejahnishenahban.

³¹ Ewh kebahpenoodung Jehovah oodekedoowin, kuhya kebegoobedood ookuhgequawin, me ewh ahbedakummig kaöonjekahseöond owh; oogahpemoondaun oopahtahzewin.

³² ¶ Magwah dush Israel oonejahnesun keühyahnid emah buhgwuhduhkummig, oogemekuhwahwaun pazhig enenewun kahmoonzhuhgenuhmenid metigoonsun ahnuhmeä‐kezhigudenig.

³³ Egewh dush kahmekuhwahjig moonzhuhgenuhmenid metigoonsun oogebeduhmuhwahwaun enewh Mosesun kuhya Aaronun, kuhya kuhkenuh enewh muhyahwunjeëdenejin.

³⁴ Oogekebahquuhwahwaun dush, kah mah keweenjegahdasenoon ewh kadooduhwemind.

³⁵ Jehovah dush oo‐oo oogeëzhekuhnoonaun enewh Mosesun, Owh enene ahbedakummig tahnesah: kuhkenuh egewh muhyahwunjeëdejig oogahpemwuhsenuhahwaun uhgwuhjeeng kuhbashewining.

³⁶ Kuhkenuh dush egewh muhyahwunjeëdejig oogeëzhewenahwaun ewede uhgwuhjeeng kuhbashewining, oogepem-wuhsenuhahwaun dush, keneboonid dush; Jehovah suh goo kahezhekuhgaunzoomaud enewh Mosesun.

³⁷ ¶ Jehovah dush oogekuhnoonaun enewh Mosesun, oo‐oo keënaud.

³⁸ Kuhnoonzh suh Israel oonejahnesun, kuhgaunzoom dush cheöozhetuhmahdezoowaud tetebegwahjegunun emuh tetebegwahdanig ooduhgwewinewaun menik kaneähneka‐bemadezewaud, kuhya cheühgoogwahduhmoowaud emuh tetebegwahjeguning oozahwushkoo‐sanebah:

³⁹ Kegahootetebegwahjegunenahwah dush, chekuhnuhwahbunduhmag, kuhya chemequanduhmag kuhkenuh Jehovah ookuhgequawinun, cheëzhechegayag dush; kuhya chenunduhwahbundunsewag azhenunduhwanduhmoomuhguk tebenuhwa kedaëwah kuhya tebenuhwa kishkeenzhegoowaun, enewh koo nuhyaunzekuhmag peshegwahdezeyag:

⁴⁰ Chemequanduhmag, kuhya cheëzhechegayag kuhkenuh ninguhgequawinun, chepenezeyag dush emuh anahsuhmeühyaud ke‐Kesha‐Muhnedoomewah.

⁴¹ Neen nindowh owh Jehovah ke‐Kesha‐Muhnedoomewah, emuh Egypt duhzhe uhkeeng kahoonjesahgejewenenag, cheähweyaun ke‐Kesha‐Muhnedoomewah: neen nindowh owh Jehovah ke‐Kesha‐Muhnedoomewah.