NUMBERS 14 - Ottawa New Testament Penteteuch and Psalms 1874

¹ Kuhkenuh dush egewh muhyahwunjeëdejig kekeche bebahgewug; egewh dush ahnishenahbag kemuhwewug kuhbatebik.

² Kuhkenuh dush egewh Israel oonejahnesun oogenahnahpuhgaunzoomahwaun Mosesun kuhya Aaronun: kuhkenuh dush egewh muhyahwunjeëdejig oo‐oo oogeënahwaun, Pagizh suh kenebooyaungebun ewede Egypt duhzhe uhkeeng! gamuh kuhya pagizh kenebooyaungebun oomah buhgwuhduhkummig!

³ Wagoonan suh kuhya owh Jehovah kahoonjebezheyungid oomah uhkeeng, chekuhwesayaung dush oonje ewh uhshuhwashk, egewh kuhya newedegamahgunenahnig kuhya nenejahnesenahnig cheduhkoonindwah? kah nuh ween ahwushema tahoonesheshinsenoon Egypting cheëzhekewayaungebun?

⁴ Oo‐oo dush keühyedewug, Oozheähdah muhyahwoosawenene, Egypting dush ezhekewadah.

⁵ Me dush Moses kuhya Aaron kepungishenoowaud oodangwuhyewaung emuh anahsuhmeühyahnid kuhkenuh enewh muhyahwunjeëdenid Israel oonejahnesun.

⁶ ¶ Joshua dush oogwissun owh Nun, kuhya Caleb oogwissun owh Jephunneh, kuhya wenuhwah kahnunduhwahtoowaud emah uhkeeng, kebegookoonuhyabenedezoowug:

⁷ Oogekuhnoonahwaun dush kuhkenuh enewh muhyahwunjeëdenejin Israel oonejahnesun, oo‐oo keënahwaud, Ewh uhke kahshahbooshkuhmaung wewahbunduhmaung, kagwahnesuhgeoonezheshing uhke ahwun.

⁸ Kishpin owh Jehovah minwanemenung, kegahpeendeguhnegoonaun ewede uhkeeng, kegahmenegoonaun dush ewh; ewh uhke emuh pamejewung doodooshahboo kuhya ahmoo-seenzebahquud.

⁹ Kagoo dush ween megahnahkagoon owh Jehovah, kagoo kuhya koosahkagoon egewh ahnishenahbag anduhnuhkeejig ewede uhkeeng; buhquazheguning mah enandahgoozewug: oonuhgunegoonahwah ewh ookuhnuhwanemegoowinewah, Jehovah dush kewejewegoonaun: kagoo koosahkagoon:

¹⁰ Kuhkenuh dush enewh muhyahwunjeëdenejin kekuhgaunzoogawun ewh chebemwuhsenuhindwah. Oopeshegandahgoozewin dush Jehovah kenahgwudene emah oopuhpuhgewuhyahne‐ahnuhmeäwegummigoowaung egewh muhyahwunjeëdejig emah anahsuhmeühyahwaud kuhkenuh Israel oonejahnesun.

¹¹ ¶ Jehovah dush oo‐oo oogeënaun enewh Mosesun, Ahneen suh menik oogoowh ahnishenahbag kanishkeëwaud? ahneen kuhya menik chebwahdabwayanemewaud, oonje kuhkenuh enewh kekenuhwahjechegunun kahwahbunduhewayaun magwauhyeëe emuh uhyahwaud?

¹² Ningahpuhketawaug mujjeënahpenawin uhyooyaun, kahween kuhya ningahmeenahseeg tebenuhwawezewin, kegahpahtuhyenooïn dush keen kuhya nuhwuj tuhmushkuhwezewug kenejahnesug kanebemahdezejig wenuhwah dush ween.

¹³ ¶ Moses dush oo‐oo oogeënaun Jehovahun, Oogahnoondahnahwah suh dush egewh Egyptianug, (ewede mah magwaühyeëe uhyahwaud kegeöonjesahgejewenaug oogoowh ahnishenahbag emuh kemushkuhwezewining;)

¹⁴ Oogahweenduhmuhwahwaun dush enewh anduhnuhkenejin oomah uhkeeng: oogoowh mah kenoondahgawug ewh keen Jehovah duhnezeyun magwaühyeëe uhyahwaud oogoowh ahnishenahbag, ewh keen Jehovah mechewahbuhmegooyun, kuhya ewh kedahnuhquudoom nebuhwemuhguk wuhgijuhyeëe emuh uhyahwaud, kuhya ewh uhnenegahneyaun emuh aneëzhahwaud, ahnuhquud koo puhduhkesing magwah kezhikuk, ishkooda dush puhduhkesing magwah tebikuk.

¹⁵ ¶ Benuh dush kishpin nesudwah kuhkenuh oogoowh ahnishenahbag debishkoo goo pazhig enene, egewh ahnishenahbag kahnoondungig azhewabezeyun tahkekedoowug oo‐oo cheëkedoowaud.

¹⁶ Ewh Jehovah kepwahnuhwetood chepeendeguhnaud oonoo ahnishenahban emuh uhkeeng ewh kahmushkuhwewahweenduhmuhwahpun, me suh ewh kahoonjenesaud emuh buhgwuhduhkummig.

¹⁷ Umba suhnoo, kepuhgoosanemin, mahnoo ewh oomushkuhwezewin nin Jehovahim tahkecheühpetandahgwudene, nahsaub egoo kahezhekekedooyun, oo‐oo keëkedooyun.

¹⁸ Jehovah zebiskahjegedahzoo, kuhya kecheketemahganjega, wabenuhmahdah mujjeëzhewabezewin kuhya pahtahzewin, kuhya kuhnuhga puhgedenahsig enewh majeëzhewabezenejin, naunzekuhmuhwaud oomujjeëzhewabezewinene egewh wayooseminjig enewh wanejahnesememinjin nuhnaunzh egoo nesing kuhya newing cheneähnekabemahdezing.

¹⁹ Wabenuhmowh suh, kepuhgoosanemin, oomujjeëzhewabezewinewah oogoo ahnishenahbag nahsaub egoo azhekecheketemahganjegayun, kuhya kahezheähbwayanemudwah oogoo ahnishenahbag, ewede Egypting nuhnaunzh egoo noongoom.

²⁰ Jehovah dush oo‐oo keëkedoo, ningeähbwayaninga nahsaub egoo kahekedooyun:

²¹ Azhebemahdezeyaun dush egoo kagate, minzewa uhkeeng tuhmooshkenamuhgud Jehovah oopeshegandahgoozewin.

²² Kuhkenuh mah egewh enenewug kahwahbundungig nimpeshegandahgoozewin, kuhya enewh nemuhmaundahwuh-nookewinun, kahezhechegayaun Egypting kuhya emah puhgwuhduhkummig, kuhya ahzhe medahching kahkuhgwade-banemejig, kuhya kahbezindunsegoog nindinwawin;

²³ Ahbedakummig kahween oogahwahbundunsenahwah ewh uhke kahmushkuhwewahweenduhmuhwemugebun oosewahbuneen, kahween kuhya ahweyah egewh kahnishkeëjig oogahwaubundunsenahwah:

²⁴ Owh dush ween nimbuhmeetahgun Caleb, ewh buhkaun enanduhmoowin keühyaung, kuhya wawane kenoopenunzhid, ningahpeendeguhnah emuh uhkeeng ewede kahezhahpun; oonejahnesun dush oogahdebanduhmene ewh.

²⁵ (Egewh dush Amalekitug kuhya egewh Canaanitug duhnuhkebuneeg emah duhwuhdenaug.) Wahbung kwakegahbuhwik, ezhahyook dush emuh buhgwuhduhkummig ewede enuhkuhkayah Misquahgumme‐Kechegummeeng.

²⁶ ¶ Jehovah dush oogekuhnoonaun enewh Mosesun kuhya enewh Aaronun, oo‐oo keënaud,

²⁷ Ahneen suh menik oogoo majeëzhewabezejig muhyahwunjeëdejig kamujjekuhnoonzhewaud? Ningenoondahnun oomujjekuhnoonzhewaud.

²⁸ Oo‐oo suh ezhe, Azhebemahdezeyaun egoo kagate, ekedoo owh Jehovah, kahezhekekedooyag netuhwuhgaung, me ewh kadoodoonuhgoog:

²⁹ Keyowewaun tahpungesinoon oomah oo‐oo puhgwuhduhkummig; kuhkenuh dush kahuhgemegooyag, menik suh goo anduhcheyag, egewh neeshtuhnuh kahdussoopepoon‐uhgezejig kuhya uhwushema, kahmujjekuhnoozhejig.

³⁰ Ahbedakummig kahween kegahpeendegaseem emuh uhkeeng, ewede kahmushkuhwewahweenduhmahgahyaumbaun cheduhnuhkeënuhgoog me atuh Caleb oogwissun owh Jephunneh, kuhya Joshua oogwissun owh Nun.

³¹ Egewh dush ween keduhbenoojeyemewaug, tahtuhkoonahwug kahenagwah, ningahpeendeguhnaug, oogahkekandahnahwah dush ewh uhke kenuhwah kahsheenganduhmag.

³² Kenuhwah dush ween, keyowewaun tahpungesenoon oomah buhgwuhduhkummig.

³³ Kenejahnesewaug dush tahbuhbahmahdezewug buhgwuhduhkummig nemeduhnuh dussoopepoon, oogahbemoondahnahwah kuhya kepeshigwahdezewinewaun, nuhnaunzh egoo keyowewaun buhnahduhkin buhgwuhduhkummig.

³⁴ Anduhchingin egoo enewh kezhigudoon kahnunduh, wahtooyag emuh uhkeeng nemeduhnuh suh goo dussoogoon ningookezhigud me ewh ningoopepoon, kegahbemoondahnahwaun kemujjeëzhewabezewinewaun, nemeduhnuh suh goo dussoopepoon, kegahkekandahnahwah dush kahezheäunjetooyaun newahwbenduhmahgawin.

³⁵ Neen Jehovah ningekekid, ahbedakummig oo‐oo ningahdooduhwaug kuhkenuh oogoo majeëzhewabezejig muhyahwunjeëdejig, wahmegahzhejig: oomah buhgwuhduhkummig tahbuhnahdezewug, me dush emah cheneboowaud.

³⁶ Egewh dush enenewug, Moses kahuhnoonahpun chenunduhwahtoonid emuh uhkeeng, nayaub kahkewanid, kuhya kahweekoojeähnid kuhkenuh enewh muhyahwunjeëdenejin nahnahpuhgaunzoomegood mahnahdooduhmoowaud ewh uhke.

³⁷ Egewh suh goo enenewug kahmahnahdoodungig ewh uhke, oogenesigoonahwah mujjeënahpenawin emuh anahsuhmeühyahnid Jehovahun.

³⁸ Joshua dush ween oogwissun owh Nun, kuhya Caleb oogwissun owh Jephunneh, kahweejewahjig enewh enenewun kahuhwenunduhwahtoonejin emah uhkeeng, kayahbe kebemahdezewug.

³⁹ Moses dush oogeweenduhmuhwaun oonoo ekedoowinun kuhkenuh Israel oonejahnesun: egewh dush ahnishenahbag kekechemuhmuhwewug.

⁴⁰ ¶ Kekezhab dush keöonishkahwug, kewuhgedahkewawug dush ahpeje wuhgedahke wuhjëwing keëzhahwaud, oo‐oo keëkedoowaud, Benuh oomah keduhyahmin, kegahezhahmin dush ewede ewh Jehovah kahwahweendung: kegemujjeëzhewabezemin mah.

⁴¹ Moses dush oo‐oo keëkedoo, Wagoonan suh wanjebegoo-bedooyag Jehovah ookuhgekwawin? kahween pooch tahminwahbuhmawezemuhgussenoon.

⁴² Kagoo ezhahkagoon, kah mah Jehovah keweejewegoosewah; chepuhketaöogoosewag dush emuh anahsuhmeühyahwaud egewh shaunganemenagoog.

⁴³ Egewh mah Amalekitug kuhya egewh Canaanitug ewede uhyahwug anahsuhmeühyahyag, kegahpungeshinoom dush oonje ewh uhshuhwashk: kegwakegahbuhwetuhwahwah mah Jehovah, me suh dush ewh Jehovah kaöonjeweejewesenoowag,

⁴⁴ Unwunjish dush egoo wuhgedahke wuhjewing keëzhahwug: ewh dush ween Jehovah oowahweenduhmahgawine‐muhkuhkoonse, kuhya owh Moses, kahween keöonjemahjahsewug emuh kuhbashewining.

⁴⁵ Egewh dush Amalekitug kebenesahkewawug, kuhya egewh Canaanitug kahduhnuhkejig emuh wuhjewing, oogemegahnahwaun dush enewh, kuhya oogemuhmaunzheähwaun nuhnaunzh egoo Hormahing.