NUMBERS 13 - Ottawa New Testament Penteteuch and Psalms 1874

¹ Jehovah dush oogekuhnoonaun enewh Mosesun, oo‐oo keënaud,

² Uhnoonzh enenewug, chenunduhwahtoowaud Canaan duhzhe uhkeeng, mahnuhugwah Israelun oonejahnesun: anduhswayuhgezenid oodenoodawezewinene oosewahbuneen kegahuhnoonah pazhig enene, anduhchewaud tahahwewug egewh wagemahwejig emuh uhyahwaud.

³ Moses dush kahezhekuhgaunzoomegood Jehovahun emuh Paran duhzhe buhgwuhduhkummig oogeöonjemahjenaunzhuhwaun: kuhkenuh egewh enenewug oogenegaunezekunduh-wahwaun Israel oonejahnesun.

⁴ Me suh oonoo oodenoozoowinewaun: emuh oodenoodawezewining owh Reuben, Shammua oogwissun owh Zaccur.

⁵ Emuh oodenoodawezewining owh Simeon, Shaphat oogwissun owh Hori.

⁶ Emuh oodenoodawezewining owh Judah, Caleb oogwissun owh Jephunneh.

⁷ Emuh oodenoodawezewining owh Issachar, Igal oogwissun owh Joseph.

⁸ Emuh oodenoodawezewining owh Ephraim, Oshea oogwissun owh Nun.

⁹ Emuh oodenoodawezewining owh Benjamin, Palti oogwissun owh Raphu.

¹⁰ Emuh oodenoodawezewining owh Zebulun, Gaddiel oogwissun owh Sodi.

¹¹ Emuh oodenoodawezewining owh Josegh, emuh suh goo oodenoodawezewining owh Manasseh, Gaddi oogwissun owh Susi.

¹² Emuh oodenoodawezewining owh Dan, Ammiel oogwissun owh Gemalli.

¹³ Emuh oodenoodawezewining owh Asher, Sethur oogwissun owh Michael.

¹⁴ Emuh oodenoodawezewining owh Naphtali, Nahbi oogwissun owh Vophsi.

¹⁵ Emuh oodenoodawezewining owh Gad, Geuel oogwissun owh Machi.

¹⁶ Me suh oonoo oodenoozoowinewaun egewh enenewug Moses kahuhnoonahjin chenunduhwahtoonid emuh uhkeeng. Moses dush Jehoshua oogeëzhenekahnaun enewh Osheaün oogwissun owh Nun.

¹⁷ ¶ Moses dush oogeühnoonaun chenunduhwahtoonid Canaan duhzhe uhkeeng, oo‐oo keënaud, Ezhaug oomah enuhkuhka shahwunoong, wuhgedahkewag dush emuh wuhjewing:

¹⁸ Wahbunduhmook dush ewh uhke, anandahgwudoogwan; egewh kuhya ahnishenahbag anduhnuhkejig emuh, mashkuhwezewahgwan gamuh kuhya shuhyahgwewewahgwan, pangeshawuhgezewahgwan gamuh kuhya buhyahtuhyenoowahgwan;

¹⁹ Kuhya anandahgwudoogwan ewh uhke emuh anduhnuhkewaud, wanesheshinoogwan gamuh kuhya muhyahnahdudoogwan; kuhya anandahgwudoogwan enewh oodanuhwun emuh anduhnuhkewaud, puhpuhgewuhyahnegummigoong anduhzheühyahwahgwan, gamuh kuhya wahkaheguning;

²⁰ Kuhya anandahgwudoogwan ewh uhke, wanesheshinoogwan gamah kuhya azhewabudoogwan ewh netahmekoo-ginzenoog gagoo emuh, metigoog ayahwahgwan emuh, gamuh kuhya kah. Soongedaäg dush, bedookag kuhya enewh natahwegingin emuh uhkeeng. Me dush ewh uhpe koo mahje-uhdetagebuneen enewh shooweminun.

²¹ ¶ Keähmuhjewawug suh dush, kenunduhwahtoowug kuhya emuh uhkeeng emuh Zin duhzhe buhgwuduhkummig keöonjemahjahwaud peenish dush egoo Rehobing keduhgweshinoowaud, Hamathnigkoo uhneëzhaung.

²² Keähmuhjewawug dush shahwunoong enuhkuhkayah, keduhgwishenoog dush Hebroning; emuh kahduhzhe uhyahwaud Ahiman, Shoskai, kuhya Talmai, oonejahnesun owh Anak. (Ewh suh Hebron keöozhechegahda neenzhwahsoopepoon chebwah oozhechegahdag Zoan emuh Egypting.)

²³ Keduhgweshenoog dush emuh sebeweshaïng Eshcoling, oogekeeshkuhahnahwah dush emuh pazhig wuhdequun emuh ingooding uhquuhgoodagin shooweminun, kebemewedoowaud dush neenzh enenewug metigoonsing; oogebedoonahwaun kuhya ahnind pomegranatun, kuhya figoominun.

²⁴ Ewh emuh sebewesha Eshcol keëzhenekahda, oonje enewh ingooding kahuhquuhgoodagin shooweminun Israel oonejahnesun kahkeeshkuhuhmoowahjin emuh.

²⁵ Kekewawug dush kahnunduhwahtoowaud emuh uhkeeng, nemeduhnuh dussoogoon keënandewaud.

²⁶ ¶ Oogeëzhahnahwaun dush, kuhya keduhgweshinoog emuh uhyahnid Mosesun, kuhya Aaronun, kuhya kuhkenuh enewh muhyahwunjeëdenid Israel oonejahnesun, emuh Paran duhzhe buhgwuhduhkummig, emuh Kadeshing; oogebedahjemootuhwahwaun dush enewh, kuhya kuhkenuh enewh muhyahwunjeëdenejin, oogewahbunduhahwaun kuhya ewh natahweging emuh uhkeeng.

²⁷ Oogedebahjemootuhwahwaun dush, oo‐oo keënahwaud, Ningeduhgwishinoomin suh emuh uhkeeng kahuhnoonzheyaung cheëzhahyaung, kagate dush egoo doodooshahboo kuhya ahmoo seenzebahquud bemejewun emuh; me suh kuhya oo‐oo natahweging emuh.

²⁸ Egewh suh atuh ahnishenahbag anduhnuhkejig emuh uhkeeng mushkuhwezewug, enewh kuhya oodanuhwun wahkahegahdawun, kuhya kechemechahwun: Anak dush oonejahnesun ningewahbuhmahnaunig ewede.

²⁹ Egewh Amalekitug duhnuhkewug emuh uhkeeng shahwunoong enuhkuhkayah: egewh dush Hittitug, kuhya egewh Jebusitug, kuhya egewh Amoritug, duhnuhkewug emuh wuhjewing: egewh dush Canaanitug cheeg‐kechegumme duhnuhkewug, kuhya pashoo emuh bemejewung ewh Jordan.

³⁰ Caleb dush oogepezaunuhbeäun enewh ahnishenahban emuh anahsuhmeühyahnid Mosesun, oo‐oo dush keënaud, Howh noongoom egoo wuhgedahkewadah, kuhya tuhkoonundah ewh uhke: me mahween egoo chedamuhmaunzhetooyungoobun.

³¹ Enewh dush enenewun kahwejewegoojin oo‐oo keëkedoowun, Kahween kedahkushketoosemin cheëzhahyungoobun egewh ahnisnenahbag; ahwushema mahween mushkuhwezewug kenuhwind dush ween.

³² Oogemahnahdoodahnahwah dush ewh uhke emuh kenunduhwahtoowaud oo‐oo keënahwaud enewh Israel oonejahnesun, Ewh uhke kahzhabbooshkuhmaung wekekanduhmaung azhewabuk, ewh uhke oogeduhmoogoonahwah egewh anduhnuhkeejig emuh; kuhkenuh dush kuhya egewh ahnishenahbag kahwahbuhmungidwah ewede kuhgwaunesuhgekeche‐windegoowug.

³³ Ningewahbuhmahnahnig kuhya ewede egewh mesahbag, Anak oogwissun, mesahbang wandahdezewaud: puhpuhkenang suh kuhya ningeëzheühgahsahbuhmenahgoozemin, me ewh kahenanduhmaung, kuhya dush wenuhwah.