NUMBERS 12 - Ottawa New Testament Penteteuch and Psalms 1874

¹ Miriam dush kuhya Aaron oogekekahmahwaun Mosesun oonje enewh Ethiopia duhzhe equan kahwedegamaud: oogewedegamaun mah Ethopia duhzhe equan.

² Oo‐oo dush keëkedoowug, Kagate nuh Jehovah emuh atuh oodoonening Mosesun kekedoo? kah nuh ween kuhya emuh nindoonenaung kekedoose? Jehovah dush oogenoondaun.

³ (Owh dush enene Moses ahpeje kebakahdeze, mahmuhwe kuhkenuh egewh enenewug kahuhyahjig anegookoodangwuhewung ewh uhke.)

⁴ Jehovah dush chuhyuhsekah oogekuhnoonaun Mosesun, kuhya Aaronun, kuhya Miriamun, Peëzhahyook kenuhwah naseyag emuh oopuhpuhgewuhyahne‐ahnuhmeäwegummigoowaung egewh muhyahwunjeëdejig. Egewh dush neswe kesahguhuhmoog.

⁵ Jehovah dush kebenaunzhe emuh ahnuhquudoong ewh paduhkesing, kenebuhwid emuh ishquaundamewung ewh puhpuhgewuhyahne‐ahnuhmeäwegummig, kenundoomaud enewh Aaronun kuhya enewh Miriamun: nuhyanzh dush enewh kebeëzhahwun.

⁶ Oo‐oo dush keëkedoo, noonduhmook noongoom nindekedoowinun: Kishpin uhyaud unwahchega‐wenene emuh uhyahyag, neen Jehovah ningahkekanduhmoonaun anandahgoozeyaun emuh wazehbahbunduhmoowining, kuhya ningahkuhnoonah enahbunduhmoowining.

⁷ Ninbuhmetahgun Moses kahween oo‐oo enandahgoozese, owh quuhyuk azhewabezid mezewa emuh newegewauming.

⁸ Uhowh ningahmechekuhkuhnoonah nindoon uhyooyaun, mezheshuh suh goo, kahween ween ahwacheguning; oodezhenahgoozewin kuhya owh Jehovah oogahwahbundaun: ahneen dush kahezhesagezesewag chekekahmag nimbuhmetahgun Moses?

⁹ Jehovah dush oonishkahdezewin oogebuhguhmishkah-goonahwah egewh; kemahjah dush.

¹⁰ Ewh dush ahnuhquud emuh puhpuhgewuhyahne‐ahnuhmeäwegummigoong keöonjemahjahmuhgud; benuh dush Miriam keöomege, kooning keëzhewahbishkezid: Aaron dush oogekuhnuhwahbuhmaun enewh Miriamun, benuh dush keoomegewun.

¹¹ Aaron dush oo‐oo oogeënaun enewh Mosesun, Atewa, nindoogemaum, kepuhgoosanemin, kagoo bemoonduheshe-kaungan oo‐oo mujje‐ezhewabezewin, kahezhekuhgebahjechegayaung, kuhya kahezhemujjeëzhechegayaung.

¹² Kagoo ween naboongin tahezheühyahse, dahbishkoo pazhig ahbetuh ooweyaus banaduhdenig uhpe suhyahguhung emuh ooweyowening oogeen.

¹³ Moses dush oogebebahgemaun Jehovahun, oo‐oo keënaud, Noojemooh noongoom, O Kesha‐Muhnedoo, kepuhgoosanemin.

¹⁴ ¶ Jehovah dush oo‐oo oogeënaun enewh Mosesun, Kishpin oosun sequaunegoopun atuh emuh oodangwuhying kah nuh ween tahgeühguhjese neenzhwahsoogoon? mahnoo neenzhwahsoogoon tahuhyah uhgwuhjeeng kuhbashewining, me dush nayaub cheöodahpenind.

¹⁵ Miriam dush keähdahquuhwah chepeendegasig kuhbashewining neenzhwahsoogoon: egewh dush ahnishenahbag kahween kemahjahsewug bahmah atuh uhpe nayaub baunde-guhnind owh Miriam.

¹⁶ Emuh dush Hazerothing keöonjemahjahwug egewh ahnishenahbag, kekuhbashewug dush emuh Paran duhzhe buhgwuhduhkummig.