NUMBERS 11 - Ottawa New Testament Penteteuch and Psalms 1874

¹ Uhpe dush egewh ahnishenahbag kahnahnahpuhgaunze-tahgoozewaud, Jehovah kenishkahdeze. Jehovah dush oogenoondaun; oonishkahdezewin kuhya kebiskuhnamuhgudene: ewh dush Jehovah oodishkoodam keduhnuhkoonane emah uhyahwaud, egewh dush ashquaühyeëe emuh kuhbashewining kahuhyahjig oogechahgahkezoogoonahwah.

² Egewh dush ahnishenahbag oogebebahgemahwaun enewh Mosesun; uhpe dush Moses kabahmuhmeätuhwaud Jehovahun, ewh ishkooda keähtachegahda.

³ Taberah dush oogeëzhenekahdaun ewh emuh; oonje ewh Jehovah oodishkoodam keduhnuhkoonanig emuh uhyahwaud.

⁴ ¶ Egewh dush muhyahmuhwenoojig uhnooj doowug kahuhyahjig emuh uhyahwaud kemujjenunduhwanduhmoog: Israel dush kuhya oonejahnesun menuhwah kemuhwewun, oo‐oo dush keëkedoowun, Ahwanan kameenenung weyaus chemejeyung?

⁵ Nemequanemahnahnig egewh gegooyug, wanepuzh ewede Egyyting kahaumwungidwahbun; enewh coocoombun, kuhya enewh ashkepeduhming, kuhya uhnooj denoowug shegahguh-wunzheeg:

⁶ Kaguhpe dush zhegwuh bahtamuhgud nimbemahdezewinenaun: kahween egoo gagoo duhgoosenoon, me atuh oo‐oo manna, emuh anahsuhmishkeenkeenzhegwayaung.

⁷ Ewh dush manna coriander menekauning keëzhenahgwud, me dush kuhya ewh kahenuhdetag anuhdetag bdellium.

⁸ Egewh dush ahnishenahbag oogebuhbahmoonzhuhgenah-nahwah, kuhya oogepeseboodoonahwah peseboojeguning, gamah kuhya oogebootahgahdahnahwah bootahguning, oogekezhezhahnahwah dush sahsuhgooquahjeguning, kuhya buhquazhegaunsun oogeöozheähwaun: me dush ewh kahepoogwuk apoogwuk ooshke pemeda.

⁹ Uhpe dush ewh mindookud kahpungesing emuh kuhbashewining nebahdebik, ewh manna wuhgijuhyeëe emuh kepungesin.

¹⁰ ¶ Me dush Moses kenoonduhwaud enewh ahnishenahban muhwenid menik anduhchenid oodenoodawezewinene, anduhchenid enenewun emuh ishquandamewunenig oopuhpuhgewuhyahnegummigoone: oonishkahdezewin dush Jehovah kekechebiskuhnamuhgudene; Moses kuhya kenishkahdeze.

¹¹ Moses dush oo‐oo oogeënaun enewh Jehovahun, Wagoonan kahoonjekooduhgeüd kebuhmetahgun? wagoonan kuhya wanjeminwandahgoozesewaun emuh anahsuhmeyun, ewh pemoonduheyun kuhkenuh oogoo ahnishenahbag?

¹² Neen nuh kuhkenuh oogoo ahnishenahbag keöondahdezewug? nindoogwissenug nuh, ewh dush cheëzheyumbun, Bemewizh kebeendoomooning, debishkoo owh wayoosemind kanuhwanemahwuhsood azhepemewenaud enewh nwahnenejin uhbenoojeyun, emuh uhkeeng ewh kahmushkuhwe‐wahweenduhmoowudwah ooketezemewaun?

¹³ Ahneende kaöondenuhmaumbaun weyaus chemenugwahbun kuhkenuh oogoo ahnishenahbag? peduhdamoowug mah emah uhyahyaun, oo‐oo dush ezhewaud, Meenzheshenaum weyaus, kaöonjeweseneyaung.

¹⁴ Ewh nezhekawezeyaun kahween ningushkoomahseeg kuhkenuh oogoo ahnishenahhag, oonzaum mah koozigwuhnewug.

¹⁵ Kishpin dush oo‐oo andooduhwewuhnan, ahbedik nesheshin, kepuhgoosanemin, kishpin manwanemegoowaunan emuh anahsuhmeyun; kagoo dush ningahwahbundunseen ningooduhgezewin.

¹⁶ ¶ Jehovah dush oo‐oo oogeënaun enewh Mosesun, Mahwunzoom emuh uhyahyaun neenzhwahsemeduhnuh enenewug akewazeyewejig emuh Israeling, egewh kakanemudjig cheühkenazeëwewaud emuh uhyahwaud egewh ahnishenahbag, kuhya cheöogemahkunduhwahwaud enewh; ezhewizh dush emuh oopuhpuhgewuhyahne‐ahnuhmeäwegummigoowaung egewh muhyahwunjeëdejig, cheweejegahbuhwetookwah ewede.

¹⁷ Ningahbenaunzhe dush chekuhnoonenaun ewede: ningahoodahpenaun dush ahnind ewh nebwahkahwin ayahmun, ningahmeenaug dush ewh; kegahweedookahgoog dush bemoonduhmun ewh azhekuhnuhwanemudwah egewh ahnishenahbag, keen dush nezheka chebemoondunsewun.

¹⁸ Oo‐oo dush ezhe egewh ahnishenahbag, Peeneëdezooyook chebwah wahbung, kegahmeejenahwah dush weyaus: kegemuhwim mah emuh anahsuhmeühyaud Jehovah, oo‐oo keëkedooyag Ahwanan kameenzheyungid weyaus chemeejeyaung? neminwahbuhmawezeminahbun mah ewede Egypting: Jehovah suh dush kegahmeenegoowah veyaus, kegahwesenim dush.

¹⁹ Kahween ningookezhig kegahweseneseem, kahween kuhya neenzhoogoon, kahween kuhya nahnoogoon, kahween kuhya medahsoogoon, kahween kuhya neeshtuhnuh dussoogoon:

²⁰ Ningookeezis suhgoo quuhyuk, nuhnaunzh egoo bezahgejesamuhguk kejaunzhewaung, kuhya kuhgwaunesuhganduhmag: kegesheenganemahwah mah Jehovah owh ayaud magwauhyeëe uhyahyag, kuhya kegemuhwim emuh anahsuhmeühyaud, oo‐oo keëkedooyag, Wagoonan emuh Egypting kahoonjesahguhuhmaung?

²¹ Moses dush oo‐oo keëkedoo, Egewh ahnishenahbag, emuh uhyahwaud ayahyaun, ningoodwahswauk duhching medahswaukduhchewug egewh pamoosajig; oo‐oo dush kegeëkid, ningahmeenaug weyaus, chewesenewaud dush quuhyuk ningookeezis.

²² Enewh nuh mahnishtahnishun kuhya pezhekewun tahnetumuhwahwug, kaöonjedabesawaud? gamah nuh kuhya kuhkenuh enewh gegooyun emuh kechegummeeng tahmahwunjeëmahwug, kaöonjedabesawaud?

²³ Jehovah dush oo‐oo oogeënaun enewh Mosesun, Ooninj nuh owh Jehovah shahgwewemuhgudene? kegahwahbundaun noongoom cheëzhewabudoogwan akedooyaun gamah kuhya kah.

²⁴ ¶ Moses dush kesahguhum, oogeweenduhmuhwaun dush enewh ahnishenahban oodekedoowinene Jehovahun, oogemahwunzoomaun kuhya enewh neenzhwahsemeduhnuh enenewun akewazeyewenejin emuh ahyahnid enewh ahnishenahban, oogekewetahgahbuhweäun dush emuh puhpuhgewuhyahne‐ahnuhmeawegummigoong.

²⁵ Jehovah dush kebenaunzhe ahnuhquudoong, oogekuhnoonaun dush, oogeöodahpenuhmuhwaun kuhya ahnind ewh nebwahkahwin kahuhyahmenid oogemeenaun dush ewh enewh neenzhwahsemeduhnuh akewazeyewenejin: kepuhguhmeühyahmuhgud dush uhpe ewh nebwahkahwin wadissegoowaud, keünwahchegawug, kahween kuhya kepoonetahsewug.

²⁶ Neenzh dush ween egewh enenewug uhyahgwahbun emuh kuhbashewining, Eldad keëzhenekahzoo pazhig, Medad dush owh menuhwah pazhig: enewh dush oojechaugoomaun oogeweejewegoowaun; wenuhwah dush kuhya keöozhebe-ahwug, kah dush ween keëzhahsewug emuh puhpuhgewuhyahne‐ahnuhmeäwegummigoong: keünwahchegawug dush emuh kuhbashewining.

²⁷ Kepemebuhtoo dush pazhig ooshkenuhwa, uhweweenduhmuhwaud enewh Mosesun, oo‐oo dush keëkedoo, Eldad kuhya Medad unwahchegawug emuh kuhbashewining.

²⁸ Joshua dush Nun oogwissun, Moses oobuhmeetahgunun, pazhig enewh oodooshkenegemun, kenuhquatum oo‐oo keëkedood, Nindoogemaum Moses, kenuhuhmowh.

²⁹ Moses dush oo‐oo oogeënaun, Kekezhahwanjega nuh neen oonje? pagizh kuhkenuh Jehovah oodahnishenahbamun unwahchegawenenewewahpun, pagizh kuhya Jehovah meenahpun oojechaugwun!

³⁰ Moses dush keëzhah emuh kuhbashewining, ween kuhya egewh akewazeyewejig emuh Israeling.

³¹ ¶ Keöondin dush emah Jehovah uhyaud, mushkoodasag emuh kechegummeeng keöondahshewaud, kepuhgedenegah-zoowug dush emuh kuhbashewining, ningookezhig bemoosang menik oondaus enuhka, kuhya ningookezhig bemoosang uhwus enuhka, kewetahuhyeëe emuh kuhbashewining, kuhya neenzhoonik keühpeecheshenoog emuh oodangwuhewung ewh uhkee.

³² Egewh dush ahnishenahbag kenebuhwewug kuhbakezhig ewh uhpe, kuhya kuhbadebik, kuhya menuhwah wuhyahbung, oogemahwunjeähwaun dush enewh mushkoodasan: owh mahmuhwe pungesha kahmahwunjechegad medahswe homerug menik oogemahwunjeäun; oogezhinguhdashemahwaun dush kuhkenuh kewetahuhyeëe emuh kuhbashewining.

³³ Magwah dush egoo ewh weyaus kayahbe uhtanig oowebedahwaung, chebwah shahshahgoonjegahdag, ewh oonishkahdezewin owh Jehovah kebishkuhnatuhmuhwahwug egewh ahnishenahbag, Jehovah dush oogepuhketawaun enewh ahnishenahban maminduhga keche kooduhgeëwawin keëzhenezhuhmuhwaud.

³⁴ Kibroth‐hattaavah dush oogeëzhenekahdaun ewh emuh: me mah emuh keningwuhwaud enewh ahnishenahban kahmujjenunduhwanduhmenid.

³⁵ Egewh dush ahnishenahbag emuh Kibroth‐hattaavahing keöonjemahjahwug, keduhgwishenoog dush emuh Hazerothing; keduhnezewug dush Hazerothing.