NUMBERS 10 - Ottawa New Testament Penteteuch and Psalms 1874

¹ Jehovah dush oogekuhnoonaun enewh Mosesun, oo‐oo keënaud.

² Oozhetuhmahdezoon neenzh shooneyah poodahjegunun: tahpazhigwun ewh shooneyahwahbik kaöonjeöozhetooyun: cheühyooyun dush enewh uhpe wahnundoomudwahnin egewh muhyahwunjeëdejig, kuhya uhpe wahmahjahwahjin egewh kabashejig.

³ Uhpe dush kapoodahduhmoowaud enewh, kuhkenuh egewh muhyahwunjeëdejig tahmahwunjeëdewug emuh uhyahyun emuh ishquaundamewung ewh oopuhpuhgewuhyahne‐ahnuhmeä‐wegummigoowah egewh muhyahwunjeëdejig.

⁴ Kishpin dush pazhig atuh poodahjegun poodahduhmoowaud, me dush egewh oogemaug, nahgaunezekunduhwahjig nebewuh duhswauk emuh Israeling, chemahwunjeëdewaud emuh uhyahyun.

⁵ Uhpe pwahdahjegayagoon uhpe amuhnesooyag, egewh kabashejig emuh wahbunoong enuhkuhkayah tahuhnemahjahwug.

⁶ Uhpe pwahdahjegayag neenzhing uhpe amuhnesooyag, egewh kabashejig emuh shahwunoong enuhkuhkayah tahmahjahwug: tahpoodahjegawug uhpe amuhnesoowahjin chemahjahwaud.

⁷ Uhpe dush ween egewh muhyahwunjeëdejig wahmahwunjeëdwahnin, kegahpootahjegam, kah dush ween amuhnesoongin kegahenwawachegaseem.

⁸ Aaron dush oogwissun, egewh sahsahgewejega‐wenewug, oogahpoodahdahnahwaun enewh poodahjegunun; enahkoonegawin dush kegahenandahnahwah enewh uhpuhna menik kaneähneka‐bemahdezeyag.

⁹ Kishpin dush nandoobuhnekunduhwagwah emuh keduhkeemewaung egewh mahgahnenagoog kwaduhgeënagoog, kegahezhepoodahjegam azhepoodahjegang uhpe amuhnesoongin enewh poodahjegunun uhyooyag; kegahmequanemegoom dush emuh anahsuhmeühyaud Jehovah ke‐Kesha‐Muhnedoomewah kuhya kegahbamahjeëgoom gagoo chedoodoosenoowagwah egewh mahgahnenagoog.

¹⁰ Uhpe kuhya ewh kezheguk mwahjegezeyagoon, kuhya uhpe kachetwah‐kezhiguk, kuhya uhpe washkuhgoojenoowaud kekeezisoomewaug, kegahpoodahnahwaun enewh poodahjegunun wuhgijuhyeëe emuh kechahgezega‐sahsahgewejegunwaung, kuhya wuhgijuhyeëe emuh kepezanneëwa‐sahsahgewejagunewaung; cheöonjemequanduhmag enewh emuh anahsuhmeühyaud ke‐Kesha‐Muhnedoomewah; neen nindowh owh Jehovah ke‐Kesha‐Muhnedoomewah.

¹¹ ¶ Kepuhgummeühyahmuhgud dush uhpe neeshtuhnuh andussoogoonuhgezid owh neenzh keezis, uhpe naunzhoopepoonuhguk, ewh ahnuhquud emuh debahjemoowine‐puhpuhgewuhyahne‐ahnuhmeä‐wegummigoong keöonjeöombenegahdag.

¹² Israel dush oonejahnesun emuh Sinai duhzhe buhgwuhduhkummig keöonjemahjahwun; ewh dush ahnuhquud kepezaunuhyahmuhgud emuh Paran duhzhe buhgwuhduhkummig.

¹³ Netum dush kemahjahwug kahezhekuhgaunzoomaud Jehovah enewh Mosesun.

¹⁴ ¶ Netum kemahjahmuhgudene ookekewaöonewah egewh kabashejig Judah oonejahnesun nahsaub egoo anandahgoozenid ooshemahgunishemewaun: Nahshon dush Amminadab oogwissun oogeöogemahkunduhwaun enewh ooshemahgunishemun.

¹⁵ Nethaneel dush Zuar oogwissun oogeöogemahkunduhwaun enewh shemahgunishun dabandahgoozenid emuh oodenoodawezewinewaung Issachar oonejahnesun.

¹⁶ Eliab dush Helon oogwissun oogeöogemahkunduhwaun enewh shemahgunishun dabandahgoozenid emuh oodenoodawezewinewaug Zebulun oonejahnesun.

¹⁷ Ewh dush puhpuhgewuhyahne‐ahnuhmeäwegummig keneesahkoonegahda; Gershon dush oogwissun kuhya Merari oogwissun keühnemahjahwug, bemewedoowaud ewh puhpuhgewuhyahne‐ahnuhmeäwegummig.

¹⁸ ¶ Ewh dush ookekewaöonewah egewh kabashejig Reuben oonejahnesun keühnemahjahmuhgudene nahsaub egoo anandahgoozenid ooshemahgunishemewaun: Elizur dush Shedeur oogwissun oogeöogemahkunduhwaun enewh ooshemahgunishemun.

¹⁹ Shelumiel dush Zurishaddai oogwissun oogeöogemahkunduhwaun enewh shemahgunishun dabandahgoozenid emuh oodenoodawezewinewaung Simeon oonejahnesun.

²⁰ Eliasaph dush Deuel oogwissun oogeëogemahkunduhwaun enewh shemahgunishun dabandahgoozenid emuh oodenoodawezewinewaung Gad oonejahnesun.

²¹ Egewh dush Kohathitug keühnemahjahwug, bemewedoowaud ewh kechetwah wegewaum: enewh dush ahnind oogepuhduhkesedoone ewh puhpuhgewuhyahne‐ahnuhmeäwegummig chebwahduhgweshenoowaud.

²² ¶ Ewh dush ookekewaöonewah egewh kabashejig Ephraim oonejahnesun keühnemahjahmuhgud nahsaub egoo anandahgoozenid ooshemahgunishemewaun: Elishama dush Ammihud oogwissun oogeöogemahkunduhwaun enewh ooshemahgunishemun.

²³ Gamaliel dush Pedahzur oogwissun oogeöogemahkunduhwaun enewh shemahgunishun dabandahgoozenid emuh oodenoodawezewinewaung Manasseh oonejahnesun.

²⁴ Abidan dush Gideoni oogwissun oogeögemahkunduhwaun enewh shemahgunishun dabandahgoozenid emuh oodenoodawezewinewaung Benjamin oonejahnesun.

²⁵ ¶ Ewh dush ookekewaöonewah egewh kabashejig Dan oonejahnesun keühnemahjahmuhgud, me egewh ishquayaung kahbemoosajig anduhchewaud egewh kahkuhbashejig menik egoo anduhchewaud egewh shemahgunishug: Ahiezer dush Ammishaddai oogwissun oogeöogemahkunduhwaun enewh ooshemahgunishemun.

²⁶ Pagiel dush Ocran oogwissun oogeögemahkunduhwaun enewh shemahgunishun dabandahgoozenid emuh oodenoodawezewinewaung Asher oonejahnesun.

²⁷ Ahira dush Enan oogwissun oogeöogemahkunduhwaun enewh shemahgunishun dabandahgoozenid emuh oodenoodawezewinewaung Naphtali oonejahnesun.

²⁸ Me suh oo‐oo kahezhemahjahwaud Israel oonejahnesun nahsaub egoo kahenandahgoozenid ooshemahgunishemewaun, uhpe muhyahjahwaud.

²⁹ ¶ Moses dush oo‐oo oogeënaun enewh Hobabun, oogwissene enewh Raguelun owh Midianite, Moses oozhenissun, Nindezhahmin ewede ewh Jehovah oo‐oo kahenahdoodung, kegahmeenenim: beweejeweshenaum, kegahmenoodoodahgoom dush: Jehovah mah oogeminwahjemootuhwaun enewh Israelun.

³⁰ Oo‐oo dush oogeëgoon, Kahween ningahezhahse; ningahezhah suh atuh ewede anduhnuhkeyaun, kuhya ewede uhyahwaud nindenuhwamahgunug.

³¹ Oo‐oo dush oogeënaun, Kagoo nuhguhzheshekaungan, kepuhgoosanemin; kekekandaun mah kaëzhekuhbasheyaungebun emuh buhgwuhduhkummig, anahbuhjetooyaung kuhya nishkeenzhigoonahnin me ewh kaënahbuhjeëgooyumbun.

³² Oo‐oo dush tahezhewabud, kishpin weejeweyaung, aahe oo‐oo tahezhewabud, nuhmunj kaëzhemenoodooduhweyungid owh Jehovah, me ewh nahsaub kadoodahgooyun.

³³ ¶ Emuh dush Jehovah oowuhjewing keoonjemahjahwug nesoogoon pemoosang menik: ewh dush Jehovah oowahweenduhmahgawine‐muhkukoonse kenegahnemuhgudene emuh kahneëzhahwaud ewh nesoogoon kebemoosawaud, chenunduhwahbunjegamuhguk ewh emuh kakuhbashewaud.

³⁴ Jehovah dush oodahnuhquudoom keühgoodane emuh uhyahwaud kehzhegukin, uhpe kahsahguhumoowahjin emuh kuhbashewining.

³⁵ Kepuhgummeühyahmuhgud dush, uhpe ewh kechetwah muhkukoonse kahmahjahmuhguk, ewh Moses oo‐oo keëkedood Puhsegween, Jehovah, mahnoo dush egewh mahgahnekig tahsuhswashkuhwahwug; mahnoo kuhya egewh shaunganemekig tahoozhemoowug emuh anahsuhmeyun.

³⁶ Uhpe dush kahpezaunesing, oo‐oo keëkedoo, Nayaub naunzekowh, O Jehovah, egewh nebewuh duhching medahswauk anduhchejig emuh Israeling.