NUMBERS 1 - Ottawa New Testament Penteteuch and Psalms 1874

¹ Jehovah dush oogekuhnoonaun enewh Mosesun emuh Sinai duhzhe buhgwuhduhkummig, emuh oopuhpuhgewuhyahne‐ahnuhmeäwegummegoowaung mahyahwunjeëdejig, uhpe washkuhgoojing owh neenzh keezis, uhpe naunzhoopepoonuhguk kahuhkoosahguhuhmoowaud emuh Egypt duhzhe uhkeeng, oo‐oo keënaud,

² Uhgemik kuhkenuh egewh muhyahwunjeëdejig Israel oonejahnesun, debishkoo anandahgwudenig oodenoodawezewinewaun, oowegewaumewah oosewahbuneen, kuhya anduhchenenig oodenoozoowinewaun, anduhchewaud egewh enenewug;

³ Egewh naushtuhnuh‐dussoo‐pepoon‐uhgezejig kuhya uhwushema, kuhkenuh egewh kashketoojig cheündoobunewaud emuh Israeling: keen kuhya Aaron kegahuhgemahwaug debishkoo azhenoonid ooshemahgunishemewaun.

⁴ Kegahweejewegoowaug dush enenewug wandeninjig emuh anduhchingin enewh enoodawezewinun pazhig enene ewh ningooënoodawezewin; anduhchewaud nahgahnezekundungig oowegewaumene enewh oosewahbuneen.

⁵ ¶ Mesuh oonoo oodenoozoowinewaun egewh enenewug kaweejegahbuhwetoonagoog: emuh Reubening; Elizur Shedeur oogwissun.

⁶ Emuh Simeoning; Shelumiel Zurishahdai oogwissun.

⁷ Emuh Judahing; Nahshon Amminadab oogwissun.

⁸ Emuh Issacharing; Nethaneel Zuar oogwissun.

⁹ Emuh Zebuluning; Eliab Helon oogwissun

¹⁰ Oonejahnesun dush Joseph: emuh Ephraiming; Elishama Ammihud oogwissun: emuh Manassehing; Gamaliel Pedahzur oogwissun.

¹¹ Emuh Benjamining; Abidan Gideoni oogwissun.

¹² Emuh Daning; Ahiezer Ammishaddai oogwissun.

¹³ Emuh Ashering; Pagiel Ocran oogwissun.

¹⁴ Emuh Gading; Eliasaph Deuel oogwissun.

¹⁵ Emuh Naphtaliïng; Ahira Enan oogwissun.

¹⁶ Mesuh kahkecheühpetandahgoozejig emah uhyahwaud egewh muhyahwunjeëdejig, wagemaunsewejig emah oosewahbuneen oodenoodawezewinewaung, nahgahnezekunduhwahwaud mamedauswauk emah Israeling.

¹⁷ ¶ Moses dush kuhya Aaron oogeöodahpenahwaun oonoo enenewun oodenoozoowinene wazhebeëgahdanig:

¹⁸ Oogemahwunjeähwaun dush kuhkenuh enewh muhyahwunjeëdenid uhkoo uhpe washkuhgoojing owh neenzh keezis, oogeweendahnahwah dush oodahneka‐bemahdezewinewah ishquayaung nahsaub anandahgwudenig oodenoodawezewinewaun, oowegewaumene oosewahbuneen, nahsaub anduhchingin enewh ezhenekahzoowinun, egewh naushtuhnuh‐dussoo‐peboon‐uhgezejig kuhya uhwushema.

¹⁹ Kahezhekuhgaunzoomaud Jehovah enewh Mosesun, mesuh kahezheühgemahnid enewh emuh Sinai duhzhe buhgwuhduhkummig.

²⁰ Oonejahnesun dush Reuben, sazekezenejin oogwissun owh Israel, emuh oodahneka‐bemahdezewinewaung, nahsaub anandahgwudenig oodenoodawezewinewaun, oowegewaumene oosewahbuneen, anduhchenegin enewh ezhenekahzoowinun, anduhchewaud, anduhchewaud egewh enenewug naushtuhnuh‐dussoo‐pepoon‐uhgezejig kuhya uhwushema, kuhkenuh kashketoojig cheündoobunewaud;

²¹ Egewh kahuhgemindjig, emuh suh goo oodenoodawezewining owh Reuben, nemeduhnuh uhshe ningoodwahswe duhching medauswauk uhshe naunwauk keduhchewug.

²² ¶ Simeon dush oonejahnesun, emuh oodahneka‐bemahdezewinewaung, nahsaub anandahgwudenig oodenoodawezewinewaun, oowegewaumene oosewahbuneen, egewh kahuhgeminjig, nahsaub anduhchingin enewh ezhenekahzoowinun, auduhchewaud, anduhchewaud egewh enenewug naushtuhnuh‐dussoo‐pepoon‐uhgezejig kuhya uhwushema, kuhkenuh kashketoojig cheündoobunewaud;

²³ Egewh kahuhgemindjig, emuh suh goo oodenoodawezewining owh Simeon, nahnemeduhnuh uhshe shaunguhswe duhching medauswauk uhshe neswauk keduhchewug.

²⁴ ¶ Gad dush oonejahnesun, emuh oodahneka‐bemahdezewinewaung, nahsaub anandahgwukkin oodenoodawezewinewaun, oowegewaumene oosewahbuneen, anduhchingin enewh ezhenekahzoowinun, naushtuhnuh‐dussoo‐pepoon‐uhgezejig kuhya uhwushema, kuhkenuh kashketoojig cheündoobunewaud;

²⁵ Egewh kahuhgemindjig, emuh suh goo oodenoodawezewining owh Gad, nemeduhnuh uhshe nahnun duhching medah swauk uhshe ningoodwauswauk uhshe nahnemeduhnuh keduhchewug.

²⁶ ¶ Judah dush oonejahnesun, emuh oodahneka‐bemahdezewinewaung, nahsaub anandahgwukkin oodenoodawezewinewaun, oowegewaumene oosewahbuneen, anduhchingin enewh ezhenekahzoowinun, naushtuhnuh‐dussoo‐pepoon‐uhgezejig kuhya uhwushema, kuhkenuh kashketoojig cheündoobunewaud;

²⁷ Egewh kahuhgemindjig, emuh suh goo oodenoodawezewining owh Judah, neenzhwahsemeduhnuh uhshe newin duhching medahswaukuhshe ningoodwahswauk keduhchewug.

²⁸ ¶ Issachar dush oonejahnesun, emuh oodahneka‐bemahdezewinewaung, nahsaub anandahgwukkin oodenoodawezewinewaun, oowegewaumene oosewahbuneen, anduhchingin enewh ezhenekahzoowinun, naushtuhnuh‐dussoo‐pepoon‐uhgezejig kuhya uhwushema, kuhkenuh kashketoojig cheündoobunewaud;

²⁹ Egewh kahuhgemindjig, emuh suh goo oodenoodawezewining owh Issachar, nahnemeduhnuh uhshe newin duhching medauswauk uhshe newauk keduhchewug.

³⁰ ¶ Zebulun dush oonejahnesun, emah oodahnekabemahdezewinewaung, nahsaub anandahgwukkin oodenoodawezewinewaun, oowegewaumene oosewahbuneen, anduhchingin enewh ezhenekahzoowinun, naushtuhnuh‐dussoopepoon‐uhgezejig kuhya uhwushema, kuhkenuh kashketoojig cheündoobunewaud;

³¹ Egewh kahuhgemindjig, emuh suh goo oodenoodawezewining owh Zebulun, nahnemeduhnuh uhshe neenzhwahswe duhching medauswauk uhshe newauk keduhchewug.

³² ¶ Joseph dush oonejahnesun, enewh suh goo oonejahnesun owh Ephraim, emuh oodahneka‐bemahdezewinewaung, nahsaub anandahgwukkin oodenoodawezewinewaun, oowegewaumene oosewahbuneen, nahsaub anduhchingin enewh ezhenekahzoowinun, naushtuhnuh‐dussoo‐pepoon‐uhgezejig kuhya uhwushema, kuhkenuh kashketoojig cheündoobunewaud;

³³ Egewh kahuhgemindjig, emuh suh goo oodenoodewezewining owh Ephraim, nemeduhnuh duhching medauswauk uhshe naunwauk keduhchewug.

³⁴ ¶ Manasseh dush oonejahnesun, emuh oodahneka‐bemahdezewinewaung, nahsaub anandahgwukkin oodenoodawezewinewaun, oowegewaumene oosewahbuneen, nahsaub anduhchingin enewhezhenekahzoowinun, naushtuhnuh‐dussoo‐pepoon‐uhgezejig kuhya uhwushema, kuhkenuh kashketoojig cheündoobunewaud;

³⁵ Egewh kahuhgemindjig, emuh suh goo oodenoodawezewining owh Manasseh, nesemeduhnuh uhshe neenzh duhching medauswauk uhshe neenzhwauk keduhchewug.

³⁶ ¶ Benjamin dush oonejahnesun, emuh oodahneka‐bemahdezewinewaung, nahsaub anandahgwukkin oodenoodawezewinewaun, oowegewaumene oosewahbuneen, nahsaub anduhchingin enewh ezhenekahzoowinun, naushtuhnuh dussoo-pepoon‐uhgezejig kuhya uhwushema, kuhkenuh kashketoojig cheündoobunewaud;

³⁷ Egewh kahuhgemindjig, emuh suh goo oodenoodawezewining owh Benjamin, nesemeduhnuh uhshe nahnun duhching medauswauk uhshe newauk keduhchewug.

³⁸ ¶ Dan dush oonejahnesun, emuh oodahneka‐bemahdezewinewaung, nahsaub anandahgwukkin oodenoodawezewinewaun, oowegewaumene oosewahbuneen, nahsaub anduhchingin enewh ezhenekahzoowinun, naushtuhnuh‐dussoo‐pepoon‐uhgezejig kuhya uhwushema, kuhkenuh kashketoojig cheündoobunewaud;

³⁹ Egewh kahuhgemindjig, emuh suh goo oodenoodawezewining owh Dan, ningoodwahsemeduhnuh uhshe neenzh duhching medauswauk uhshe neenzhwauswauk keduhchewug.

⁴⁰ ¶ Asher dush oonejahnesun, emuh oodahneka‐bemahdezewinewaung, nahsaub anandahgwukkin oodenoodawezewinewaun, oowegewaumene oosewahbuneen, nahsaub anduhchingin enewh ezhenekahzoowinun, naushtuhnuh‐dussoo‐pepoon‐uhgezejig kuhya uhwushema, kuhkenuh kashketoojig cheündoobunewaud;

⁴¹ Egewh kahuhgemindjig, emuh oodenoodawezewining owh Asher, nemeduhnuh uhshe pazhig duhching medauswauk uhshe naunwauk keduhchewug.

⁴² ¶ Naphtali dush oonejahnesun, emuh oodahneka‐bemahdezewinewaung, nahsaub anandahgwukkin oodenoodawezewinewaun, oowegewaumene oosewahbuneen, nahsaub anduhchingin enewh ezhenekahzoowinun, naushtuhnuh‐dussoo‐pepoon‐uhgezejig kuhya uhwushema, kuhkenuh kashketoojig cheündoobunewaud;

⁴³ Egewh kahuhgemindjig, emuh suh goo oodenoodawezewining owh Naphtali, nahnemeduhnuh uhshe neswe duhching medauswauk uhshe newauk keduhchewug.

⁴⁴ Mesuh oogoo kahuhgemindjig, Moses kuhya Aaron kahuhgemahwahjin, kuhya egewh wagemahwejig emuh Israeling, madauswe‐uhshe‐neenzhejig enenewewaud: anduhchewaud oogenegahnezekundahnahwah oowegewaumene enewh oosewahbuneen.

⁴⁵ Mesuh dush kuhkenuh egewh kahuhgemindjig Israel oonejahnesun, emuh oowegewaumening oosewahbuneen, naushtuhnuh‐dussoo‐pepoon‐uhgezejig kuhya uhwushema, kuhya kashketoojig cheündoobunewaud emuh Israeling;

⁴⁶ Egewh suh goo kuhkenuh kahuhgemindjig ningoodwahswauk uhshe neswe duhching medauswauk uhshe naunwauk uhshe nahnemeduhnuh keduhchewug.

⁴⁷ ¶ Egewh dush ween Levitug nahsaub anandahgwudenig oodenoodawezewenene oosewahbuneen kahween keduhgooühgemahsewug.

⁴⁸ Jehovah mahween oogekuhnoonahbuneen enewh Mosesun, oo‐oo keënaud.

⁴⁹ Kah dush ween keguhahgindunseen ewh oodenoodawezewin owh Levi, kahween kuhya kegahuhgemahseeg emuh uhyahnid Israel oonejahnesun.

⁵⁰ Kegahenahkoonaug atuh egewh Levitug chekuhnuhwanduhmoowaud ewh debahjemoowine‐puhpuhgewuhyahne‐ahnuhmeä‐wegummig, kuhya kuhkenuh enewh oonahgunun dabandahgwukkin emuh, kuhya kuhkenuh enewh dabandahgwukin emuh: oogahbemewedoonahwah ewh puhpuhgewuhyahne‐ahnuhmeä wegummig, kuhya kuhkenuh enewh oonahgunun dabandahgwukkin emuh; oogahuhnooke-tahnahwah kuhya, kuhya tahkuhbashewug kewetahuhyeëe emuh puhpuhgewuhyahne‐ahnuhmeä‐wegummigoong.

⁵¹ Uhpe dush ewh puhpuhgewuhyahne‐ahnuhmeä‐wegummig weühnemahjahmuhguk, egewh Levitug oogahnesenahwah: uhpe dush ewh puhpuhgewuhyahne‐ahnuhmeä‐wegummig webuhduhkesejegahdag, egewh Levitug oogahbahduh-kesedoonahwah: owh dush mayuhgezid pashoo puhezhaud tahnesah.

⁵² Egewh dush Israel oonejahnesun oogahbuhduhkese-doonahwah oopuhpuhgewuhyahnegummigoowaun, anduhchewaud enenewug cheguhyeëe emuh tebenuhwa ookuhbashewinewaung, kuhya anduhchewaud enenewug cheguhyeëe emuh tebenuhwa ooduhkewaöonewaung, mezewa emuh anduhzhe‐öoquenoowaud.

⁵³ Egewh dush ween Levitug tuhkuhbashewug kewetahuhyeëe, emuh debahjemoowine‐puhpuhgewuhyahne‐ahnuhmeä‐wegummigoong, cheöodissegoosigwah egewh muhyahwunjeëdejig Israel oonejahnesun ewh nishkahdezewin: egewh dush Levitug oogahguhnuhwandahnahwah ewh debahjemoowine‐puhpuhgewuhyahne‐ahnuhmea‐wegummig.

⁵⁴ Egewh dush Israel oonejahnesun keëzhechegawug nahsaub kuhkenuh kahezhekuhgaunzoomaud Jehovah enewh Mosesun, me suh ewh kahezhechegawaud.