LEVITICUS 9 - Ottawa New Testament Penteteuch and Psalms 1874

¹ Kepuhgummeähyahmahgud uhpe ashwahsuhgoonuhguk, Moses kenundoomaud Aaronun kuhya enewh oogwissene, kuhya enewh katezenejin emuh Israeling;

² Oo‐oo dush oogeënaun Aaronun, Oodahpin pezhekeens kapuggedenud oonje mujje‐ezhewabezewin, kuhya ahyahba‐mahnishtahnish kayunduhwezid, kapuhgedenud anahsuhmid Jehovah, chahyahgetag meegewawin.

³ Oo‐oo dush kegahenaug oonejahnesun Israel, Oodahpenik pazhig mesahboozoons kameegewayag oonje‐mujje‐ezhewabezewin; kuhya pazhig pezhekeens kuhya pazhig mahnishtahnisheens, nangoopeepoon‐uhgezejig, ningood andese-segoog, ewh chahyahezegahdag meegewawin.

⁴ Kuhya pazhig ahnookee‐pezhekee kuhya pazhig ahyahba‐mahnishtahnish kegahmeegewam chepoonaninding, kegahsahsahgewejegam oogoo anahsuhmid owh Jehovah; kuhya meejime‐meegewawin pemeda dahgoonegahdag: noongoom mah kezheguk kegahwahbuhmahwah owh Jehovah.

⁵ ¶ Oogepeetoonahwah dush enewh Moses kahekedood emuh anahsuhmeühyahmuhguk ewh oodahnuhmeä‐weguhmigoowah egewh muhyahwunjeëdejig: kuhkenuh dush anuhmeähjig pashoo kepenebahwewug anahsuhmid Jehovah.

⁶ Moses dush oo‐oo keëkedoo, Mesuh oo‐oo Jehovah kahekekood cheëzhechegayag: kegahwahbundahnahwah dush oopezhegandahgoozewin owh Jehovah.

⁷ Moses dush oo‐oo oogeënaun Aaronun, Ezhaun ewede sahsahgewejegun‐ahbikoong, kuhya meegewan kemujje-ezhewabezewine‐meegewawin, kuhya chuhyahgezegahdag kemeegewawin, kuhya sahsahgewejegan keen oonje, kuhya egewh ahnishenahbag: kuhya puggedinun oomeegewawinewah ahnishenahbag, kuhya sahsahgewejegan oonje ahnishenahbag; debishkoo Jehovah kahekedood.

⁸ ¶ Aaron dush keëzhah sahsahgewejegun‐ahbikoong, kuhya oogenesaun pezhekeensun oonje mujje‐ezhewabezewin, enewh wahnesahpun oonje tebenuhwa oomujje‐ezhewabezewin.

⁹ Aaron dush oogepeetahgoon enewh oogwissun ewh misque: oogetaungahgweenjetoon dush ooneenj emuh misqueeng, kuhya oogeähtoon emuh oodashkunewung sahsahgewejegun‐ahbik, kuhya oogesegwabenaun misquee emuh uhnaumuhyeëe sahsahgewejegun‐ahbikoong.

¹⁰ Weenin dush ween, kuhya enewh oodooduhkoosewun, kuhya weenin emuh oogij ookooning owh ahwahkaun kahnesind oonje mujje‐ezhewabezewin, oogechaugezaunun emuh sahsahgewejegun‐ahbikoong; debishkoo Jehovah kahezhekuhgaunzoomaud Mosesun.

¹¹ Kuhya weyaus kuhya pezhekee‐wuhyaun oogechahgizaunun emuh ishkootang ahgwahjuhyeëewung kuhbashewin.

¹² Oogenesaun dush kachahgizoomind ahwahkaunun; Aaron dush oogeënenuhmahgoon enewh oogwissun ewh misque, oogeseguhundaun dush sahsahgewejegun‐ahbik kewetuhyeëe.

¹³ Oogeënenuhmahwahwaun dush ewh kachahgizegahdag meegewawin, kuhya kishkizhegunun, kuhya ooshtequaun: oogechaugizaunun dush emuh sahsahgewejegun‐ahbikoong.

¹⁴ Oogekesebegenaunun dush oonuggisheen kuhya ookaudemaun, kuhya oogechaugizaunun oogijeëe emuh ewh chuhyahgizegahdag meegewawin emuh sahsahwejegun‐ahbikoong.

¹⁵ ¶ Oogepeetoon dush oomeegewawinewah egewh ahnishenahbag, kuhya oogeöodahpenaun mesuhboozoon, mesuh mujje‐ezhewabezewine sahsahgewejegun oonje ahnishenahbag, kuhya oogenesaun, kuhya oogesahsahgewejegan oonje mujje‐ezhewabezewin, debishkoo enewh netum.

¹⁶ Oogepeetoon dush kachahgizegahdag meegewawin, kuhya oogepuggedenaun debishkoo anahkoonegahdag.

¹⁷ Oogepeetoon dush ewh meejime meegewawin, kuhya oogeöodahpenaun ningoodoobunaneenj, kuhya oogechahgizaun emuh sahsahgewejun‐ahbikoong, oopemayëe emuh uhtag ewh kahchahgezegahdag meegewawin kekezhab.

¹⁸ Oogenesaun dush enewh ahnooke‐pezhekeewun kuhya enewh ahyahba‐mahnishtahnishun ewh sahsahgewejegun chepoonanemindwah ahnishenahbag: Aaron dush oogeënenuhmahgoon enewh oogwissun ewh misque, oogeseguhundaun dush sahsahgewejegun‐ahbik kewetuhyeëe.

¹⁹ Kuhya keënenuhmahwah ahnooke‐pezhekee weenin, kuhya ahyahba‐mahnishtahnishe weenin, kuhya oobwaum, kuhya ewh oonuggisheeng atag, kuhya enewh oodooduhkoosewun, kuhya weenin emuh ookoonemaung atag.

²⁰ Kuhya oogeähtoonahwah weenin emuh ookahkegune maung, kuhya oogechaugizaun ewh weenin emuh suhsahgewejegun‐ahbikoong:

²¹ Kuhya ookahkegunemaun kuhya ookechedinemaungunemaun Aaron ahyahzhook oogewabenaunun anahsuhmeed Jehovah; debishkoo kahekedood Moses.

²² Aaron dush keoombenikane enuhkuhkayah ahyahnid enewh ahnishenahban, oogeähnuhmeätuhmahwaun dush, kenesaunduhwa dush oonje emuh kaduhzhe‐meegewad ewh mujje‐ezhewabezewine‐meegewawin, kuhya chuhyahgizegahdag meegewawin, kuhya poonanindewine‐meegewawinun.

²³ Moses dush kuhya Aaron kepeendegawug emuh oodahnuhmeä‐weguhmigoowaung egewh mahyahwunjeëdejig, kesahguhuhmoog dush, kuhya oogeähnuhmeätuhmahwahwaun ahnishenahban: kuhkenuh dush egewh ahnishenahbag oogewahbundahnahwah oopezhegandahgoozewin owh Jehovah.

²⁴ Ishkoota dush kesahguhuhmoomahgud oonje anahsuhmid Jehovah, kuhya kechahgahketa ewh chahyahgizegahdag meegewawin, kuhya weenin emuh sahsahgewejegun‐ahbikoong: uhpe dush kuhkenuh ahnishenahbag kahwahbunduhmoowaud kahezhewabuk, kesahsahquawug, kuhya keähjecheengwasawug.