LEVITICUS 8 - Ottawa New Testament Penteteuch and Psalms 1874

¹ Jehovah dush oogekuhnoonaun Mosesun, oo‐oo keënaud,

² Oodahpin Aaron kuhya enewh oogwissun, kuhya ahgwewinun, kuhya nuhmuhkoonede‐pemeda, kuhya ahnookee‐pezheeke mujje‐ezhewabezewine meegewawin kaähwid, kuhya neezh ahyahba mahnishtahnishug, kuhya pazhig uhkookoobenahgun mooshkenag wambesinsenook buhquazhegun;

³ Kegahmahwunjeäug dush egewh anahmeähjig emuh ishquaundamewunenig oodahnuhmeä‐weguhmigoowah.

⁴ Moses dush keëzhechega debishkoo kahegood Jehovahun; kemahwunjeähwug dush egewh anuhmeähjig emuh ishquaundamewunenig oodahnuhmeä‐weguhmigoowah.

⁵ Moses dush oo‐oo oogeënaun enewh mahyahwunjeëdenejin, mesuh maunduh kahenahkoonegad, Jehovah kadezhechegang.

⁶ Moses dush oogepeenaun Aaronun kuhya enewh oogwissun, kuhya oogekesebegenaun nebee keähyood.

⁷ Kuhya oogepesekoonaun Aaronun ewh puhpeensekoowahgun, kuhya oogekechepeenaun ewh kechepezoowin, kuhya oogepesekoonaun kechesahsahgewejega‐wenene oopuhpeensekoowahgun, kuhya oogemuhdinduhwaun ewh ephod, kuhya oogeähtahwaun mamaundahwuk kechepezoowin ephoding tabandahgwuk, kuhya oogeähyauswahpeenaun.

⁸ Kuhya oogepesekoonaun ewh assimig: kuhya emuh assimigoong oogeähtoonun enewh Urim kuhya Thummim.

⁹ Oogepesekoonaun dush ewh sahsahgewejega‐wenene-oowewuhquaun emuh ooshtequaunening; kuhya emuh wewuhquauning oogeähtoon ewh oozahwah‐shooneyah suhsagahjegun, emuh ookuttigoonenig, ewh kachetwahwandahgwuk suhsagahwewuhquaun: debishkoo Jehovah kahezhekuhgaunzoomaud Mosesun.

¹⁰ Moses dush oogeöodahpenaun ewh nuhmuhkoonede‐pemeda, oogenoomenaun dush ewh kechetwah‐ahnuhmeä‐weguhmig kuhya kuhkenuh uhyeëen emuh atagin, oogekechetwahwetoonun dush.

¹¹ Oogeseguhundaun dush ewh sahsahgewejegun‐ahbik neezhwahching, kuhya oogenoomenaun ewh sahsahgewejegunahbik kuhya kuhkenuh oodoonahgunun, ewh kesebegenega‐mukkuk kuhya oosittahne, chekechetwahwetood enewh.

¹² Kuhya oogesegenaun ewh nuhmuhkoonede‐pemeda emuh Aaron ooshtequauning, kuhya oogenuhmuhkoonaun, chekechetwahweäud.

¹³ Moses dush oogepeenaun enewh oogwissun owh Aaron, kuhya oogepesekoonaun puhpeensekoowahgunun, kuhya oogeähyahswahpenaun kechepezoowinun, kuhya oogepesekoonaun wewuhquaunun; debishkoo Moses kahezhekuhgaunzoomegood enewh Jehovahun,

¹⁴ Oogepeenaun dush ahnookee‐pezhekewun ewh mujje‐ezhewabezewine‐meegewawin; Aaron dush kuhya oogwissun oogeähtahwahwaun ooneenjewaun enewh ooshtequaunjening enewh ahnookee‐pezhekewun pagedenegahzoonejin oonje mujje‐ezhewabezewin.

¹⁵ Oogenesaun dush; Moses dush oogeöodahpenaun misquee, kuhya oogeähtoon emuh oodashkunewung ewh sahsahgewejegun‐ahbik kewetuhyeëe ooneenj keähyood, kuhya oogepeenetoon sahsahgewejegun‐ahbik, kuhya oogeseegwabenaun misquee emuh dahbussuhyeëe suhsahgewejegun‐ahbikoong, kuhya oogekechetwahwetoon, cheähtoowaud poonanindewine‐sahsahgewejegun emuh.

¹⁶ Oogeöodahpenaun dush kuhkenuh weenin peenjenah kahahtag, kuhya ewh meenin oogij‐ookooning kahahtag, kuhya nuhyazh oodooduhkoosewun, kuhya oodooduhkooseweweenin, Moses dush oogechahgizaun emuh sahsahgewejegun‐ahbikoong.

¹⁷ Ahnookee‐pezhekewun dush ween kuhya pezhekewuhyaun, kuhya weyaus, kuhya moo, oogechahgezaunun emuh ishkootang ahgwuhjeeng kuhbashewining; debishkoo Jehovah kahenaud Mosesun.

¹⁸ ¶ Kuhya oogepeenaun ahyahba‐mahnishtahnishun wahchahgizwahjin: Aaron dush kuhya enewh oogwissun oogeähtoonahwah ooneenjewaun emuh ooshtequaunening enewh ahyahba‐mahnishtahnishun.

¹⁹ Oogenesaun dush; kuhya Moses oogeseguhundaun ewh sahsahgewejegun‐ahbik ewh misque kewetuhyeë.

²⁰ Oogekishkezhwaun dush ahyahba‐mahnishtahnishun; Moses dush oogechahgizaun ooshtequaunene, kishkizhegunun, kuhya weenin.

²¹ Kuhya oogekesebeginaunun oonuggesheen kuhya ookaudun emuh nebeeng; Moses dush oogechahgizwaun kuhkenuh enewh ahyahba‐mahnishtahnishun emuh sahsahgewejegun‐ahbikoong: chuhyahgizegahdag meegewawin keähwe manoomahgwuk, mahnind owh Jehovah; debishkoo Jehovah kahenaud Mosesun.

²² ¶ Oogepeenaun dush menuhwah pazhik ahyahba‐mahnishtahnishun, owh mahnishtahnish pagedenind oonje nuhmuhquewin: Aaron dush kuhya enewh oogwissun oogeähtoonahwaun ooneenjewaun emuh ooshtequaunening enewh ahyahba‐mahnishtahnishun.

²³ Oogenesaun dush; Moses dush oogeöodahpenaun misque, kuhya oogeähtahwaun Aaronun wuhyaquahuhyahnig ookechetahwugahne, kuhya ookecheneenjene, kuhya ookechesittahne.

²⁴ Oogepeenaun dush Aaron oogwissun, kuhya Moses oogeähtahwaun ewh misque emuh wuhyaquahuhyahnig ookechetuhwugahne, kuhya emuh ookecheneenjening, kuhya emuh ookechesittahning: Moses dush oogeseguhundaun ewh sahsahgewejegun‐ahbikoong kewetuhyeëe ewh misque uhyood.

²⁵ Kuhya dush oogeöodahpenaun ewh weenin, kuhya ookaud, kuhya kuhkenuh weenin oonuhgesheeng kahahtag, kuhya ewh weenin emuh oogij‐ookooning, kuhya nuhyazh oodooduhkoosewun, kuhya oodooduhkoosewe weenin, kuhya ookechedinahmaungun:

²⁶ Kuhya uhkookoobenahguning kahahtag wambesinsenook buhquazhegun, anahsuhmeed Jehovah pazhig‐wahtik buhquazhegun wambesinsenook, kuhya pazhig‐wahtig buhquazhegun pemeda duhgoonegahdag, kuhya pazhig buhquazhegaunse, kuhya oogeähtoonun emuh oogij‐wininoong, kuhya emuh oogij ookechedinahmaunguning:

²⁷ Kuhkenuh dush oogeähtoonun emuh Aaron ooneenjening, kuhya emuh ooneenjening enewh oogwissene, kuhya uhyahzhook oogeëzhewabenaunun oonoo pagedenegahdagin anahsuhmid Jehovah.

²⁸ Moses dush oogeöodahpenaunun oonje oooneenjewaun, kuhya oogechahgizaunun emuh sahsahgewejegun‐ahbikoong oogijeëe emuh ewh chuhyahgizegahdag meegewawin: mesuh enewh nwahmenegahdagin meegewawinun manoomahgwukkin: chuhyahgizegahdag meegewawin suh ewh kahchahgizuhmahwind owh Jehovah.

²⁹ Moses dush oogeöodahpenaun ookahkegunemah, kuhya ahyahzhook oogeëzhewabenaun anahsuhmid Jehovah: me mah menik Moses dabandung anduhsing ahyahba‐mahnishtahnishe‐weyaus; debishkoo Jehovah kahezhekuhgaunzoomaud Mosesun.

³⁰ Moses dush oogeöodahpenaun punge ewh nuhmuhquewine‐pemeda, kuhya punge ewh misque kahahtag emuh sahsahgewejegun‐ahbikoong, kuhya oogeseguhunduhwaun Aaronun, kuhya oodahgwewinene, kuhya oogwissine, kuhya oogwissine oodahgwewinene; kuhya oogekechetwahweäun Aaronun, kuhya oodahgwewinene, kuhya oogwissine kuhya oogwissinene oodahgwewinene.

³¹ ¶ Moses dush oo‐oo oogeënaun Aaronun kuhya enewh oogwissene, Kuhbahtoog weyaus emuh ishquaundamewung ewh oodahnuhmeä‐weguhmigoowah egewh mahyahwunjeëdejig: me dush emuh kameejeyag mahmahwe buhquazhegun emuh nuhmuhquewine‐uhkookoobenahguning atag, debishkoo kahekedooyaun, oo‐oo keëkedooyaun, Aaron kuhya oogwissun oogahmeejinahwah.

³² Kegahchahgizahnahwah dush emuh ishkootang menik ashkoonegahdag ewh weyaus kuhya buhquazhegun.

³³ Neezhwahsoogoon edush kahween kegahsahgahunseem oonje ishquaundamewunenig oo‐dahnuhmeä‐wegummigoowah egewh mahyahwunjeëdejig, nahnauzh ishquahsag enewh nuhmuhquewine‐kezhegudoon: neezhwahsoogoonuhguk suh kegahishquah nuhmuhkoonigoowah.

³⁴ Debishkoo kahezhechegad noongoom kezheguk, mesuh kahekedood Jehovah chesahsahgewejegang kenuhwah oonje.

³⁵ Mesuh kaöonjeduhnezeyag uhpena emuh ishquaundamewunenig oodahnuhmeä‐weguhmigoowah egewh mahyahwunjeëdejig neezhwahsuhgoon kezheguk kuhya tebekuk, cheähkahwahbeyag azheähnoonenag owh Jehovah, cheneboosewag edush: me mah azhekuhgaunzoomegooyaun.

³⁶ Medush kahëzhechegawaud Aaron kuhya enewh oogwissun kuhkenuh debishkoo kahezhekuhgekemegoowaud Jehovahun keweendahmahgoowaud Mosesun.