LEVITICUS 7 - Ottawa New Testament Penteteuch and Psalms 1874

¹ Oo‐oo suh kuhya tahenahkoonegahda ewh mujje‐ezhewabezewine‐sahsahgewejegun: mahmahwe kechetwahwandahgwud.

² Emuh anduhzhe‐netoowaud ewh chuhyahgezegahdag meegewawin oogahnetoonahwah ewh meegewawin oonje mujje‐ezhewabezewin: kuhya oogahseguhundaun sahsahgewejegun‐ahbik kewetahyeëe ewh misque.

³ Kuhya oogahpuggedenaun kuhkenuh pemeda; ewh oozhegun, kuhya ewh wënin oonuhgisheeng atag,

⁴ Kuhya nuhyazh enewh oodoodekoosewun, kuhya ewh wenin oogij oodoodekoosewing atag, ewh oobemabegwahduhying atanig, kuhya ewh wenin ookoonemaung atag, mahmahwe enewh oodoodekoosewun oogahmahmoon:

⁵ Sahsahgewejega‐wenene dush oogahchahgizaunun emuh sahsahgewejegun‐ahbikoong cheähwung dush chuhyahgezegahdag meegewawin mahnind owh Jehovah: mujje‐ezhewabezewin oonje‐meegewam.

⁶ Kuhkenuh enenewug menik anduhchewaud egewh sahsahgewejega‐wenenewug oogahmeejenahwah: emuh kechetwah wegemigoong oogahmeejenahwah: mahmahwe mah kechetwahwandahgwud.

⁷ Debishkoo azhewabuk ewh mujje‐ezhewabezewine‐meegewawin mesuh azhewabuk ewh bahtahzewawine meegewawin: nahsaub enahkoonegahdanoon nuhyazh: Owh sahsahgewejega‐wenene kasahsahgewetood oogahdebandaun.

⁸ Owh sahsahgewejega‐wenene kasahsahgewetood ahweyah oochahgezega‐meegewawin, oogahdebanemaun ahwahkaunewuhyaunun menik ahwahkahnun kasahsahgewenahjin.

⁹ Kuhya kuhkenuh ewh meejime‐meegewawin kaboozegahdag emuh buhquazhegunekauning, kuhya kuhkenuh suhyahsuhkooquahdag emuh sahsahkooquahjeguning oogahdebandaun owh sahsahgewejega‐wenene ewh kasahsahgewetood.

¹⁰ Kuhya kuhkenuh meejime‐meegewawin kishpin emuh duhgoonegahdag pemeda, gamuh kishpin pangwunoogwan; kuhkenuh Aaron oogwissun oogahahyahnahwah, nanahsaub menik oogahuhyahnahwah.

¹¹ Mesuh oo‐oo anahkoonegahdag enewh ahbwayanindewine‐meegewawinun, kameenaud enewh Jehovahun.

¹² Kishpin mahmooyahwawine meegewawin wepuggedenung oogahpuggedenaun wambeshinsenenid buhquazhegunun pemeda dahgoonegahdag, kuhya wambeshinsenenid puhquazhegaunsun dahgoonegahdag pemeda, wanesheshing pahsaug buhquazhegun uhyooyun, sahsahkooquahjegayun.

¹³ Mahmahwe dush enewh buhquazhegaunsun, oogahpuhgedenaun wambesejegahdag buhquazhegun uhpe mahgewad ewh poonanindewine sahsahgewejegun mahmooyuhwad.

¹⁴ Menik dush anduhchingin oomeegewawinun pazhig oogahmeenaun Jehovahun kaöombenegahdanig sahsahgewejega‐wenene dush ewh oogahdebandaun owh sahgenung oomisqueem owh ahwahkaun nasind oonje poonanindewin.

¹⁵ Kuhya ooweyaus owh kahnesind oonje mahmooyahwawin oogahmeejenahwah ewh nahsaub kezheguk uhpe nasind; kahween oogahishkoonunseen gagoo nuhnaunzh egoo chewahbung.

¹⁶ Kishpin dush ween wahweendahmahgawin uhyahwunoogwan, gamuh ween enandung wanje meegewad, oogahmeejenahwah ewh kezheguk uhpe mahgewang: kuhya ewh ashkoonegahdag weyaus wuhyahbung oogahmeejenahwah:

¹⁷ Kishpin dush punge weyaus suhyahsahgewejegang ishkoonegahdag peenish nesoogoonuhguk mahnoo oogahchahgizahnahwah emuh ishkootang.

¹⁸ Kishpin kuhnuhga punge ewh weyaus pagedenegahdag oonje poonanindewin meejing nasoogoonuhguk, kahween tahoodahpenegahdasenoon, kahween kuhya tahahginduhmoowahse oomeegewawin owh mahgewad: kahween kemeegewase tahenanemah: tahkahgwahnesuggandahgwud, kuhya mujje‐ezhewabeze tahenanemah owh kahmeegewad.

¹⁹ Kishpin dush weyaus taungesing emuh gagoo wahnuk kahween oogahmeejesenahwah; oogahchahgizahnahwah emuh ishkootang: weyaus dush ween, mahnoo kuhkenuh pahnezejig oogahmeejenahwah:

²⁰ Ahwagwan e‐dush kameejegwan poonanindewine‐meegewawine‐weyaus ewh Jehovah dabandung, magwah ahyaung gagoo weenezewin, tahnishwuhnahdeze oonje emuh ayahnid enewh oodahnishenahbamun.

²¹ Ahwagwan dush kataungenuhmoogwan gagoo weenezewin, oowenezewin enene, gamuh ahweyah wahnezenejin ahwaseyun, gamuh gagoo kagwahnesuggandahgwuk wahnuk, meejid dush poonanindewine‐meegewawine weyaus, dahbandung owh Jehovah, tahnishwahnahdeze oonje emuh ahyahnid oodahnishenahbamun.

²² ¶ Jehovah dush oogekuhnoonaun enewh Mosesun, oo‐oo keënaud,

²³ Kuhnoozh enewh oonejahnesun owh Israel, oo‐oo kaënudwah, Kahween kegahmeejesenahwah ahnooj doowah pemeda, pezhekee‐pemeda, kuhya mahnishtahnishe‐pemeda, kuhya meshahboozoo‐pemeda.

²⁴ Ooweenin kuhya owh ahwahkaun penesekah kanebood, kuhya ooweenin owh kapesebenegooseen enewh ahwaseeün, kahween kegahmeejesenahwah, pukkaun suh kedahenahbujje-toonahwah.

²⁵ Ahwagwan mah kameejegwan oowenin owh ahwahkaun, kahmeenind owh Jehovah chahgezega‐meegewawin cheähwid, owh kameejid ewh tahnishwuhnahdeze oonje emuh ayahnid oodahnishenahbamun.

²⁶ Menuhwah dush kah kuhnuhga kegahmeejesenahwah misquee, pahkahahqua‐misquee gamuh ahwahkaune‐misquee, emuh kewegewaumewaung.

²⁷ Ahwagwan kameejegwan gagoo misquee, tahnishwuhnahdeze oonje emuh avahnid oodahnishenahbamun.

²⁸ ¶ Jehovah dush oogekuhnoonaun Mosesun, oo‐oo keënaud,

²⁹ Kuhnoozh oonejahnesun owh Israel, oo‐oo kaënudwah, Owh kapuhgedenuhmahwaud enewh Jehovahun ewh poonanindewine‐meegewawin ween oogahpeetoon ewh poonanindewine‐meegewawin chemeenaud Jehovahun.

³⁰ Tebenuhwa ooneenjeeng oogahpeetoonun enewh meegewawinun kachahgizuhmahwaud enewh Jehovahun emuh ishkootang, oogahpeetoon ewh pemeda, kuhya ookahkegun, cheöonjemahmahjebenegahdag anahsuhmid owh Jehovah.

³¹ Sahsahgewejega‐wenene dush oogahchahgizaun ewh pemeda emuh sahsahgewejegun‐ahbikoong: Aaron dush kuhya enewh oogwissun oogahdebandahnuhwah ookahkegunemah.

³² Kuhya ewh ookechedinemaungunemah kegahmeenahwah owh sahsahgewejega‐wenene chepuggedenegahdag uhpe mahgewayagoon kepoonanindewine‐meegewawinewah.

³³ Anduhchenid enewh oogwissun owh Aaron ahwagwan kapuggedenuhmoogwan ewh misque kuhya pemeda, uhpe mahgewangin poonandewine‐meegewawinun, oogahuhyaun ewh ookechedinemaungunemah ween chedebandung.

³⁴ Ningeöoduhpenuhmahwaug mah oonijahnesun owh Israel ewh ookahkegunemah pagedenegahdag kuhya ewh oodinemaungunemah mamahjebenegahdag uhpe mahzhewaud poonanindewine‐meegewawinun, ningemeenaug e‐dush Aaron sahsahgewejega‐wenene kuhya enewh oogwissun mesuh ahpena kaënahkoonegahdag emuh anduhnuhkeewaud Israel oonejahnesun.

³⁵ ¶ Mesuh kahoonjenuhmuhkoonind owh Aaron, kuhya enewh oogwissun, chedebanduhmoowaud oo‐oo menik anduhsinenig oomeenegoowinun owh Jehovah chuhyahgezegahdagin emuh ishkoodang, ewh kekezheguk uhpe keähnoonindwah chebuhmeetuhwahwaud Jehovahun emuh Sahsahgewejega‐wenene oodahnookeewining;

³⁶ Mesuh kahenahkoonegad Jehovah chemeenegoowaud enewh Israel oonejahnesun, ewh kezheguk uhpe kenuhmuhkoonaud, kuhya keënahkoonega oo‐oo cheënanduhgoozenid menik kaähneka‐bemahdezenid.

³⁷ Mesuh oo‐oo enahkoonegawin kadezhewabuk ewh chuhyahgezegahdag meegewawin, kuhya meejime‐meegewawin, kuhya mujje‐ezhewabezewine‐meegewawin, kuhya bahtahzewine‐meegewawin, kuhya enewh nahmuhkoozhewawinun, kuhya poonanandewine‐meegewawinun;

³⁸ Ewh Jehovah kahguhgaunzoomaud Mosesun emuh Sinai wuhjewing, ewh kezheguk uhpe kekuhgaunzoomaud Israel oonejahnesun chepuggedenuhmahwahwaud Jehovahun oomeegewawinewaun, ewede Sinaïng duhzhe puhgwuhduhkummig.