LEVITICUS 6 - Ottawa New Testament Penteteuch and Psalms 1874

¹ Jehovah dush oogekuhnoonaun Mosesun, oo‐oo keënaud.

² Kishpin ahweyah bamahdezid maje‐ezhechegagwan, begoobetood dush gagoo ookuhgequawin owh Jehovah, kuhkenuhwishketuhwaud weejeduhnuhkeewamahgunun oonje ewh kuhpuggedenuhmahwind cheguhnuhwandung, gamuh emuh weedookoodahdewining, gamuh gagoo kahmuhkummaud, gamuh kahwuhyazhemaud weejeduhnuhkeewamahgunun;

³ Gamuh kishpin kahmekummoogwan ewh kahwunesing, kuhkenuhwishkid dush, kuhya kuhkenuhwishkid mushkahwewahweendahmahgad; gagoo azhechegagwan azhe mujje‐ezhechegawaud enenewug, bahtahzid edush:

⁴ Me dush kadezhewabuk oonje kemujje‐ezhechegad, nayaub oogahmeegewan ewh kahmuhkundwad, gamuh kahezhewuhyazhingad, gamuh ewh kahpuggedenuhmahwind cheguhnuhwanduhming, gamuh ewh wanesing kahmekung.

⁵ Gamuh ewh kahdebahdoodung kekuhkenuhwishke-mushkahwewahweendahmahgad; oogahmeegewan ewh uhyeëe, kuhya ahnind nahwuj oogahtuhgoomeegewan, oogahpuggedenuhmahwaun dush enewh waduhyeëmenejin, ewh kezheguk uhpe sahsahgewejegang oonje oomujjeëzhechegawin.

⁶ Oogahpeetuhwaun dush Jehovah ewh Sahsahgewejegun oonje oomujje‐ezhawabezewin, ahyahba‐mahnishtahnishun kayundahwezenejin, debishkoo anuhginzood, owh Sahsahgewejega‐wenene chesahsahgewejegad oonje mujje‐ezhechegawin.

⁷ Owh dush sahsahgewejega‐wenene tahsahsahgewejega oonje oomujjeëzhechegawin anahsuhmeed owh Jehovah: tahahbwayanemah dush nuhmunj kahezhemujje‐ëzhechegagwan.

⁸ ¶ Jehovah dush oogekuhnoonaun Mosesun, oo‐oo keënaud.

⁹ Kuhgaunzoom Aaron kuhya enewh oogwissun, oo‐oo cheënudwah, mesuh maunduh enahkoonegang kadezhewabuk ewh chahgezega‐sahsahgewejegun: Chahgezega sahsahgewejegun ezhenekahda, oonje chahgedag emuh sahsahgewejegun‐ahbikoong kuhpa tebik peenish wahbung, tahishkootawun dush emuh sahsahgewejegun‐ahbikoong.

¹⁰ Sahsahgewejega‐wenene dush oogahpesekaun oopuhpuggewuhyaunegine‐ahgwewinun, kuhya oopuhpuhgewuhyaunegine‐kepoodeägwahsoon emuh ooweyowing, oogahoodahpenaun dush pingwe azhepingweewung ewh chahgezega‐sahsahgewejegun emuh sahsahgewejegun‐ahbikoong. Kuhya oopemayeëewung sahsahgewejegun ahbik oogahahtoon.

¹¹ Oogahkesekaunun dush oodahgwewinun, kuhya oogahpesekaunun pakaunukkin ahgwewinun, kuhya oogahsahgejewetoon pingwe emuh kuhbashewining oogahahtoon dush emuh akoopeenuk.

¹² Uhpuhna dush tahishkootawun emuh sahsahgewejegun‐ahbikoong; kah dush tahahtaëgahdasenoon: owh dush sahsahgewejega‐wenene oogahahtoonun mesun emah anduhsoo kekezhabahwuhguk, kuhya oogahquuhyukoosetoon ewh chahgezega‐meegewawin emuh; kuhya oogahchahgezaun emuh pemeda emuh poonaninde‐meegewawining wandenegahdag.

¹³ Ahpuhna tahishkootawun emuh sahsahgewejegunahbikoong; kah wekah tahahtaëgahdasenoon.

¹⁴ ¶ Me suh oo‐oo kadezhewabuk ewh meejime‐meegewawin: Aaron oogwissun oogahpuggedenahnahwah anahsuhmeed owh Jehovah, anahsuhme‐ahyahnig ewh sahsahgewejegunahbik.

¹⁵ Oogahmahmoon edush ningootabaunane nj ewh pahsaug buhquazhegun, kuhya ewh pemeda, kuhya kuhkenuh menoomahgoojegun emuh meejime‐meegewawining atag, kuhya oogahchahgezaun emuh sahsahgewejegun‐ahbikoong chemenoomahgwuk, cheöonjemequanjegahdag, anahsuhmeed owh Jehovah.

¹⁶ Menik edush ashkoonegahdag Aaron kuhya oogwissun oogahmeejinahwah: emuh ahnuhmeä‐weguhmigoong oogahmeejenahwah wambesechegahdasenook; emuh tasechegunewung ewh oodahnuhmeä‐weguhmigoowah egewh mahyahwunjeëdejig anuhmeähjig oogahmeejenahwah.

¹⁷ Kahween tahoombesechegahdasenoon: ningemeenaug ewh menik chedebunduhmoowaud enewh nemeenegoowinun chuhyahgezuhmahgooyaunin; mahmahwe kechetwahwandahgwud, debishkoo azhekechetwahwandahgwuk ewh mujje‐ezhewabezewine‐meegewawin, kuhya ewh bahtahzewine‐meegewawine‐meegewawin.

¹⁸ Kuhkenuh nahba‐ahyahaug oonejahnesun owh Aaron oogahmeejinuhwah. Mesuh kadenahkoonegang kahgenig menik kadahnekabemahdezeyag kadezhewabuk oochahgezega‐meenegoowinun owh Jehovah: kuhkenuh kataungenungig enewh tahkeche‐peenezewug.

¹⁹ ¶ Jehovah dush oogekuhnoonaun enewh Mosesun, oo‐oo keënaud,

²⁰ Mesuh oo‐oo oomegewawinewah owh Aaron kuhya enewh oogwissun, kameenahwaud Jehovahun ewh kezheguk uhpe nuhmuhkoonind; punge pahsaug buhquazhegun meejime‐meegewawin cheähwung kahgenig, ahbitah kekezhab menuhwah dush ahbitah wanahgooshig.

²¹ Emuh sahsahgooquahjeguning tahoozhechegahda, tuhgoonegahdag pemeda; uhpe dush kahsahsahooquahjegahdag kegahpeendigahtoon: kuhya owh suhyahsuhquahjegahzood buhquazhegun kegahpuggedenuhmahwah owh Jehovah chemenoomaundung.

²² Pazhig dush oogwissun kahnuhmuhkoonemind chenahbishkahgood kuhya chesahsahgewejega‐wenenewenid tahsahsahgewejegawun ewh: kahkenig cheëzhewabuk, tahchahgahkeda suh.

²³ Kuhkenuh mah sahsahgewejega‐wenenewug oomejime-meegewawinewaun tahchahgahketawun: kah ween kuhnuhga punge oogahmeejisenahwah.

²⁴ ¶ Jehovah dush oogekuhnoonaun Mosesun, oo‐oo keënaud,

²⁵ Kuhnoozh Aaron kuhya enewh oogwissun, oo‐oo cheënudwah, mesuh oo‐oo anahkoonegawenahguk ewh mujje‐ezhewabezewine‐sahsahgewejegun: emuh anduhzhenetoong ewh chahgezega‐sahsahgewejegun, mesuh kaduhzhe‐netoong mujje‐ezhewabezewine sahsahgewejegun anahsuhmuhbeed owh Jehovah: mahmahwe kechetwahwandahgwud suh.

²⁶ Owh sahsahgewejega‐wenene kasahsahgewetood oonje mujje‐ezhewabezewin oogahmeejin: emuh kechetwah‐ahnuhmeä‐weguhmigoong oogahmeejin, emuh tasechegunewung oodahnuhmeä‐weguhmigoowah egewh anuhmeähjig.

²⁷ Wagoodoogwan kataungesinoogwan emuh weyausing tahkechetwahwandahgwud: kishpin dush ahnind misquee segenegahdag emuh ahgwewining, tahkesebegenegahda ewh ahgwewin emuh kechetwah‐weguhmigoong.

²⁸ Owh atuh wahbegun‐ahkik emuh kekuhbahjegahdag tahpegoobejegahzoo: kishpin dush oozahwahbikoo‐ahkikoong kahkahbahjegahdagwan mahnoo tahkeseyahbekuhegahzoo kuhya tahkesebegenah emuh nebeeng.

²⁹ Kuhkenuh nahba‐ahyahyaug egewh sasahgewejegajig oogahmeejenahwah ahpeje suh kechetwahwandahgwud.

³⁰ Kuhkenuh mujje‐ezhewabezewine‐sahsahgewejegunun menik oomisqueemewah paundeguhjegahdanig emuh oodahnuhmeä‐weguhmigoowaun egewh anuhmeähjig cheoonjewabenuhming mujje‐ezhewabezewin emuh akoo kechetwahwandahgwuk, kahween kuhnuhga gagoo tuhmeejeseem: tahchahgezegahdanoon emuh ishkoodang.