LEVITICUS 5 - Ottawa New Testament Penteteuch and Psalms 1874

¹ Kishpin bamahdezid mujjeëzhechegad oonje kenoonduhwaud ahweyah mashkahwewahweendahmahganejin, kashketood dush chedebahdoodung, kishpin kahnoonduhmoogwan gamuh kakanduhmoogwan, debahjemoosig dush, oogahkekishkaun mujje‐ezhewabezewin.

² Gamuh kishpin ahweyah bamahdezid kahtaungenuhmoogwan gagoo wahnuk uhyeëe, wahnezid ahwasee ooweyow, gamuh wahnezid ahwahkaun ooweyow, gamuh wahnezejig pabahmoodajig ooweyowewaun, kishpin dush kekanduhsig ketaungenung; tahweeneze kuhya ween, kuhya bahtahze tahenanemah.

³ Gamuh kishpin kahtaungenuhmoogwan ooweenezewin owh enene, wagoodoogwan wanjeweenezegwan enene, kekanduhsig edush; bahmah kahkekandung me‐ewh uhpe kamujje‐ezhewabezid.

⁴ Gamuh kishpin ahweyah bamahdezid kahmushkahwe-wahweendahmahgagwan, oodoon ahyood chemujje‐ezhechegad, gamuh chemenoochegad, wagoodoogwan owh enene kamushkahwewahweenduhmoogwan, kekanduhsig edush; uhpe kahkekandung tahbahtahezhewabeze oonje pazhig oonoo.

⁵ Tahezhewabud dush uhpe buhyahtah‐ezhewabezid oonje pazhig oonoo, tahweendahmahga oo‐oo cheëkedood, Ningemujje‐ezhechega oo‐oo keëzhechegayaun:

⁶ Kuhya oogahpeetuhwaun Jehovahun oomujje‐ezhechegawine‐sahsahgewejegun oonje kemujje‐ezhechegad, noozha‐uhyahaunsun kapeenahjin, ahwahkaunansun, mahnishtahnisheensun gamuh mesahboozoonsun kapuggedenahjin oonje oomujje‐ezhechegawin; kuhya owh sahsahgewejega‐wenene tahsahsahgewejega oonje ewh mujje‐ezhechegawin.

⁷ Kishpin dush kashketoosegwan chepeenaud mahnishtahnisheensun, mahnoo oogahpeenaun oonje oobahtahzewin kahezhebahtahezhechegad, neezh keche‐oomeemeen, gamuh neezh oomeemeensun, chemeenaud Jehovahun; pazhig chenesind oonje oomujje‐ezhewabezewin, kuhya pazhig chechahgezoond.

⁸ Oogahpeetuhwaun dush enewh sahsahgewejega‐wenenewun, me suh owh kanesaud netum enewh pazhig mujje ezhewabezewin kaöonjenesemind, kuhya oogahkishkegwabenaun, kah dush ween wahweenga oogahtaushkebenahseen:

⁹ Kuhya oogahsuhswabeguhundaun ewh sahsahgewejegunahbik emuh oopemaühyeëewung, uhyood ewh oomisqueemene enewh kanesahjin oonje mujje‐ezhewabezawin; ahnind dush ewh misquee tahseegwabegahda emuh ahnaume‐sahsahgewejegun‐ahbikoong; mujje‐ezhewabezewine‐sahsahgewejegun ahwun.

¹⁰ Menuhwah dush pazhig oogahchahgizwaun, debishkoo azhechahgizoondwah egewh ahwahkaunug nasindjig oonje‐mujje‐ezhewabezewin: sahsahgewejega‐wenene dush tahsahsahgewejega oonje oomujje‐ezhechegawin kahezhemujje‐ezhechegad, tahwabenuhmahwah dush.

¹¹ ¶ Kishpin dush kashketoosig chepeenaud neezh keche‐oomeemeen, gamuh neezh oomeemeensun, mahnoo owh kahmujje‐ezhechegad oogahpeetoon punge pahsaug bahquazhegun chepuggedenung oonje oomujje‐ezhechegawin; kahween oogahseegenunseen pemeda emuh, kah kuhya menoomahgoojegun oogahahtooseen emuh: puggedenegahda mah oonje mujje‐ezhewabezewin.

¹² Oogahpeetuhwaun dush enewh sahsahgewejega‐wenenewun, owh dush sahsahgewejega‐wenene oogahoodahpenaun ningootoobaunaneenj ewh buhquazhegun, cheöonjemequanjegahdag, kuhya oogahchahgezaun emuh sahsahgewejegunahbikoong, debishkoo andooduhming enewh meegewawinun mahnind owh Jehovah emuh ishkootang mujje‐ezhewabezewin suh wanje sahsahgewejegang.

¹³ Sahsahgewejega‐wenene dush tahsahsahgewejega oonje oomujje‐ezhechegawin kahezhemujje‐ezhechegad pazhig oonoo, tahahbwayanemah dush ween: kuhkenuh dush ahnind oogahdebandaun owh sahsahgewejega‐wenene, meejime meegewawin suh ahwun.

¹⁴ ¶ Jehovah dush oogekuhnoonaun enewh Mosesun, oo‐oo keënaud,

¹⁵ Kishpin ahweyah bamahdezid bahtahzid, kuhya mujje‐ezhechegad oonje kekanjegasig, enewh pahnudenegin oodahyeëmun owh Jehovah; oogahpeetuhwaun Jehovahun ahyahba‐mahnishtahnishun kayundahwezenejin oonje oobahtahzewin, shooneyaun anuhginzoonejin ahnuhmeä‐weguhmigoong duhzhe shooneyaun, oonje kemujjedoodahgad:

¹⁶ Tahtebahahmahga oonje ewh kemujje‐doodung enewh pahnukkin uhyeëen, kuhya punge ahwahshema oogahtuhgoo-ahtoon, oogahmeenaun dush sahsahgewejega‐wenenewun: sahsahgewejega‐wenene dush tahsahsahgewejega oonje oomujje‐ezhewahezewin oogahnesaun dush ahyahba mahnishtahnishun tahahbwayanemah dush.

¹⁷ ¶ Kishpin dush ahweyah bamahdezid bahtahzid, ezhechegad dush gagoo oonoo kahkenahahmahgood enewh Jehovahun; ahnahween goo kekekanjegasig pooch bahtahezhewabeze, oogahpemoondaun dush oomujje‐ezhewabezewin.

¹⁸ Oogahpeenaun dush ahyahba mahnishtahnishun kayunduhwezenejin, nuhmunj anuhgemahwudan, oogahmeenaun dush sahsahgewejega‐wenenewun oonje oo‐mujje‐ezhewabezewin; owh dush sahsahgewejega‐wenene tahsahsahgewejega oonje oobahtahzewin kahezhechegad oonje kekekanjegasig, tahahbwayanemah dush.

¹⁹ Puggedenegahda suh oonje bahtahzewin: kagate oogemujje‐doodahwaun Jehovahun.