LEVITICUS 4 - Ottawa New Testament Penteteuch and Psalms 1874

¹ Jehovah dush oogekuhnoonaun Mosesun, oo‐oo keënaud.

² Kuhnoozh Israel oonejahnesun oo‐oo cheënudwah, Kishpin ahweyah banahjetoogwan gagoo ookuhgequawin owh Jehovah oonje kekanjegasig, ezhechegad dush kaëzhechegasigoobun:

³ Kishpin owh namuhkoonind sahsahgewejega‐wenene-maje‐ezhechegagwan debishkoo azhemujje‐ezhechegawaud egewh ahnishenahbag; mahnoo oogahpeenaun ahnookee‐pezhekeensun kayundahwezenejin chepuggedenuhmahwaud Jehovahun oonje oomujje‐ezhechegawin.

⁴ Oogahpeëzheweenaun dush enewh ahnooke‐pezhekeensun emuh ishquaundamewunenig oodahnuhmeä‐weguhmigoowah egewh mahyahwunjeëdejig anahsuhmid Jehovah; kuhya oogahahtoon ooneenj emuh ooshtequaunening ahnookee‐pezhekeensun, kuhya oogahnesaun enewh ahnookee‐pezhekeensun anahsuhmid Jehovah.

⁵ Kuhya owh sahsahgewejega‐wenene namuhkoonind oogahoodahpenaun punge ahnookee‐pezhekeense‐oomisqueem, kuhya oogahpeëzhewetoon emuh oodahnuhmeä‐weguhmigoowaung egewh mahyahwunjeëdejig:

⁶ Owh dush sahsahgewejega‐wenene oogahtaungahgwinjetoon ooneenj emuh misqueeng, kuhya tahsuhswabeguhunjega, ewh misquee uhyood neezhwahcheeng anahsuhmid owh Jehovah, anahsuhme‐ähgoodag kebuhgoojegun emuh kechetwah ahnuhmeä‐weguhmigoong.

⁷ Owh dush sahsahgewejega‐wenene oogahahtoon ahnind ewh misquee emuh oodashkunewung sahsahgewejegunahbik anduhzhechahgezuhming menoo‐mahgoojegun anahsuhmid owh Jehovah, emuh oodahnuhmeä‐weguhmigoowaung egewh mahyahwunjeëdejig atag; kuhya oogahseegwabenaun kuhkenuh oomisqueem owh ahnookee‐pezhekeense emuh ahnahmeëe sahsahgewejegunahbikoong anduhzhe‐chahgezuhming ewh sahsahgewejegun, emuh ishquaundamewunenig oodahnuhmea‐weguhmigoowah egewh mahyahwunjeëdejig atag.

⁸ Oogahmahmoon dush ween kuhkenuh ooweenin owh ahnooke‐pezhekeense chemegewang dush oonje mujjeëzhechegawin; ewh weenin oogij‐oonuggesheeng atag, kuhya kuhkenuh weenin peenjenuh atag.

⁹ Kuhya nuhyazh oodooduhkoosewun, kuhya weenin oogijuhyeëe atag, emuh ahnaum‐ootuhtuhgahgooning atag, kuhya weenin emuh ookoonemaung, mahmahwe enewh oodooduhkoosewun oogahmahmoon.

¹⁰ Debishkoo kahezhemahmoong emuh ahnookee‐pezhekeensing owh kahpuggedenud cheöonjepoonaninding: owh dush sahsahgewejega‐wenene oogahchahgizaunun emuh sahsahgewejegun‐ahbikoong emuh uhchegahdag ewh chuhyahgetag sahsahgewejegun.

¹¹ Owh dush ahnookee‐pezhekeens oodahsuhyun, kuhya kuhkenuh ooweyaus, kuhya ooshtequaun, kuhya ookaudun, kuhya peenjenah atagin, kuhya oomoo,

¹² Kuhkenuh enewh ahnookee‐pezhekeensun oogahsahgejewenaun uhgwahjeeng kuhbashewining emuh akoo peenuk, anduhzhe seegwabenegahdag pingwe, kuhya oogahchahgezwaun emuh meesheeng ishkooda ahyood: emuh anduhzhe seegwabenegahdag pingwe tahchahgizwah.

¹³ ¶ Kishpin dush kuhkenuh mahyahwunjeëdejig emuh Israelitug mujje‐ezhechegawaud oonje kekanduhsigwah, kekanduhsigwah dush egewh mahyahwunjeëdejig kebahnahjetoowaud pazhig ookuhgequawin owh Jehovah ewh kageëzhechegaseengebun, bahtahzewaud edush;

¹⁴ Uhpe kekanjegahdanig oomujje‐ezhechegawinewah, me uhpe egewh mahyahwunjeëdejig kapuggedenahwaud enewh ahnookee‐pezhekeensun oonje oomujje‐ezhechegawinewah, oogahezheweenahwaun dush emuh ishquaundamewunenig oodahnuhmeä‐weguhmigoowah egewh mahwunjeëdejig.

¹⁵ Egewh dush uhkewanzeyug emuh anduhzhemahwunjeëdenig oogahahtoonahwah ooneenjewaun emuh ooshtequaunenig ahnookee‐pezhekeensun anahsuhmid Jehovah: tahnesah dush ahnookee‐pezhekeens anahsuhmid Jehovah.

¹⁶ Owh dush sahsahgewejega‐wenene namuhkoonind oogahpeëzhewetoon ewh ahnooke‐pezhekeense‐misquee emuh oodahnuhmeä‐weguhmigoowaung egewh mahyahwunjeëdejig:

¹⁷ Sahsahgewejega‐wenene dush oogahtaungahgweenjetoon ooneenj emuh ahnind misqueeng, kuhya tahsuhswabeguhunjega ewh uhyood neezhwahcheeng anahsuhmeed Jehovah, anahsuhmuhgoodag kebuhgoojegun.

¹⁸ Ahnind dush misquee oogahahtoon emuh oodashkunewung ewh sahsahgewejegun‐ahbik anahsuhmid Jehovah, emuh oodahnuhmeä‐weguhmigoowaung egewh muhyahwunjeëdejig atag kuhya oogahseegwabenaun kuhkenuh misquee ahnaumeëe sahsahgewejegun‐ahbikoon gemuh koo chahgezuhming sahsahgewejegunun emuh ishquaundamewunenig oodahnuhmeä‐weguhmigoowah egewh mahyahwunjeëdejig.

¹⁹ Kuhkenuh dush ooweenin oogahmahmoon, kuhya oogahchahgezaun emuh sahsahgewejegun‐ahbikoong.

²⁰ Nahsaub edush oogahdoodahwaun enewh ahnookee‐pezhekewun kahdoodahwaud enewh ahnookee pezhekewun kahpuggedenemind chewabenuhming mujje‐ezhewabezewin, me suh kadoodahwaud oonoo; owh dush sahsahgewejega‐wenene tahsahsahgewejega cheöonje‐ahbwayanemindwah, tahahbwayanemahwug dush.

²¹ Kuhya oogahsahgejewenaun enewh uhnooke‐pezhekewun emuh kuhbashewining, debishkoo kahezhechahgizwaud enewh netum pezhekewun me suh kahoodahwaud oonoo: sahsahgewejegun ahwun oonje oomujje‐ezhechegawinewah egewh ahnishenahbag.

²² ¶ Uhpe kahmujje‐ezhechegad oogemah, kuhya gagoo kahezhebahtahzid oonje kekanjegasig kepegoobetood dush gagoo ookuhgequawin owh Jehovah oo‐Kesha‐Muhnedoomun, enewh uhyeëen kageëzhechegasingebun kemujje‐ezhechegad dush;

²³ Gamuh kishpin kahkekahduhmoogwan oobahtahzewin kahezhechegad; oogahpeedoon oosahsahgewejegun mesahboonzoonsun ahyahba‐ahyahaunsun kayundahwezenejin.

²⁴ Oogahahtoon dush ooneenj emuh ooshtequaunening enewh mesahboozoon, kuhya oogahnesaun emuh anduhzhe nesahwaud enewh ahwahkahnun chuhyahgezoomindjin pagedenegahzoonejin emuh anahsuhmid Jehovah: sahsahgewejegun suh ahwe oonje bahtahzewin.

²⁵ Owh dush sahsahgewejega‐wenene oogahoodahpenaun ahnind oomisqueem owh ahwahkaun nasind oonje bahtahzewin emuh ooneenjeeng, kuhya oogahahtoon emuh oodashkunewung ewh sahsahgewejegunahbik anduhzhe chahgedag ewh sahsahgewejegun, kuhya oogahsegwabenaun oomisqueemene ahnaumeëe sahsahgewejegunahbikoong emuh ahtag chuhyahgetag sahsahgewejegun.

²⁶ Oogahchahgizaun dush kuhkenuh ooweenin emuh sahsahgewejegunahbikoong, debishkoo kahdoodung ewh weenin kahpuggedenegahdag cheöonjepoonanindeeng: owh dush sahsahgewejega‐wenene oogahoozhetoomahwaun ewh sahsahgewejegun cheöonjepoonanemind ewh kebahtah‐ezhechegad, tahahbwayanemah dush.

²⁷ ¶ Kishpin dush pazhig ahnishenahba wagemahwesig bahtahzid oonje kekanjegasig, gagoo doodung peegoobetood ookuhgequawin owh Jehovah e‐ewh kageëzhechegasigoobun bahtahezhewabezid edush;

²⁸ Gamuh kishpin kahmekuhmoogwan oobahtahzewin kahezhebahtahzid: oogahpeenaun mesahboozoonsun noozha‐ahyahaun kayundahwezenejin, oonje oobahtahzewin ka ehebahbah‐ezhechegad.

²⁹ Kuhya oogahuhtoon ooneenj emuh ooshtequaunening enewh mesahboozoonsun wahpuggedenahjin, oonje oobahtahzewin, kuhya oogahnesaun enewh ahwahkaunun wahpuggedenahjin oonje mujje‐ezhechegawin emuh anduhzhe-sahsahgewejegang ewh chahgezega‐sahsahgewejegun.

³⁰ Sahsahgewejega‐wenene dush oogahoodahpenaun ahnind oomisqueemene emuh ooneenjeeng, kuhya oogahahtoon emuh oodashkunewung sahsahgewejegun‐ahbik anduhzheuhche gahdag ewh chahgezega‐sahsahgewejegun, kuhya oogahseegwabenaun kuhkenuh oomisqueemene ahnaumeyeëe sahsahgewejegun‐ahbikoong.

³¹ Oogahmahmoon dush kuhkenuh weenin, debishkoo azhemahmoong ewh weenin uhpe sasahgewejegang cheöonjepoonaninding; owh dush sahsahgewejega‐wenene oogahchahgizaun emuh sahsahgewejegun‐ahbikoong cheöonjemenoomaundung owh Jehovah; sahsahgewejega‐wenene dush tahsahsahgewejega chepoonanemind, tahahbwayanemah dush.

³² Kishpin dush peenaud mahnishtahnisheensun chepuggedenemind oonje mujje‐ezhewabezewin, noozha ahyahaunsun kayundahwezenejin oogahpeenaun.

³³ Oogahahtoon dush ooneenj emuh ooshtequaunening enewh wahpuggedenahjin oonje oobahtahzewin, kuhya oogahnesaun cheöonjeähbwayanemind oobahtahzewin anduhzhe nesahwaud enewh nasememindjin oonje mujje‐ezhewabezewin.

³⁴ Sahsahgewejega‐wenene dush oogahoodahpenaun emuh ooneenjeeng oomisqueem owh ahwahkaunans kahnesind oonje mujje‐ezhewabezewin, kuhya oogahahtoon emuh oodashkunewung ewh sahsahgewejegunahbik anduhzhe‐chahgedag sahsahgewejegun, kuhya oogahseegwabenaun kuhkenuh oomisqueemene emuh ahnaum‐sahsahgewejegun‐ahbikoong.

³⁵ Kuhya oogahmahmoon kuhkenuh ooweenin, debishkoo azhemuhmechegahdag mahnishtahnisheense‐weenin emuh poonanindewine‐sahsahgewejeguning; kuhya owh Sahsahgewejega‐wenene oogahchahgizaunun emuh sahsahgewejegunahbikoong debishkoo azhechahgezegang enewh chuhyahgetagin sahsahgewejegunun anahsuhmid owh Jehovah: owh Sahsahgewejega‐wenene tahsahsahgewejega oonje oomujje‐ezhechegawin kahezhechegad, tahwabenuhmahwah dush.