LEVITICUS 3 - Ottawa New Testament Penteteuch and Psalms 1874

¹ Kishpin dush ween wahmeegewad poonaninde‐sahsahgewejegun, kishpin ahwuhkaunun wahpuggedenaud; oogahpuggedenaun, kayunduhwezenejin ahyahba uhyuhaun, gamuh noozha‐ahyuhaun, anahsuhmenid Jehovahun.

² Oogahtaungenaun dush emuh ooshtequaunening enewh wahpuggedenahjin, kuhya oogahnesaun emuh ishquaundamewunenig oodahnuhmeä‐weguhmigoowah egewh mahyahwunjeëdejig: Aaron dush oogwissun egewh sahsahgewejega‐wenenewug oogahsuhswabeguhundahnahwah ewh sahsahgewejegun‐ahbik kewetahuhyeëe ewh misque uhyoowaud.

³ Oogahpuggedenuhmahwaun enewh Jehovahun ewh poonanindewine‐sahsahgewejegun kachahgetag; ewh weenin oonuggesheeng atag, kuhya kuhkenuh ewh weenin peenjenah atag.

⁴ Kuhya nuhyazh enewh oodooduhkoosewun, kuhya weenin oogejeyeëeng atag, ahnaumuhyeëe ootuhtuhgahgooning, kuhya ewh weenin ookoonemaung atag, mahmahwe enewh oodooduhkoosewun oogahmahjetoonun.

⁵ Aaron dush oogwissun oogahchahgizaunahwah emuh sahsahgewejegunahbikoong emuh ahtag chahgezega‐sahsahgewejegun, emuh ishkootang duhzhe meesheeng, chahgezega‐sahsahgewejegun ahwun, kaminoomaundung owh Jehovah.

⁶ ¶ Kishpin dush ween wahmeenaud enewh Jehovahun poonaninde‐sahsahgewejegun ahwahkaunansun wahmeegewad; kishpin ahyahban gamuh noozha‐ahyahaun wahmeegewad, kayundahwezenejin suh oogahmeegewanun.

⁷ Kishpin wahmeegewad enewh mahnishtahnisheensun, mahnoo oogahpuggedenaun anahsuhmid owh Jehovah.

⁸ Oogahahtoon ooneenj emuh ooshtequaunening enewh mahnishtahnisheensun wahpuggedenahjin, kuhya oogahnesaun anahsuhmeähyahnig oodahnuhmea‐weguhmigoowah egewh mahyahwunjeëdejig: Aaron dush oogwissun oogahsuhswabeguhundahnahwah ewh sahsahgewejegunahbik kewetahuhyeëe ewh misque uhyooyaud.

⁹ Oogahpuggedenaun dush ewh poonanindewine‐sahsahgewejegun, ewh chuhyahgetag sahsahgewejegun anahsuhmid owh Jehovah; ewh weenin, kuhya kuhkenuh ewh oosheegun cheguhyeëe oopequunaung tahkezhkezhegahdane; kuhya ewh weenin oonuggesheeng ayaug, kuhya kuhkenuh weenin peenjenah atag,

¹⁰ Kuhya nuhyazh oodooduhkoosewun, kuhya ewh weenin oogijuhyeëe atag, ahnaum oo‐oo tuhtuhgahgooning, kuhya ewh weenin ookoonemaung atag, mahmahwe enewh oodooduhkoosewun oogahmahjetoonun.

¹¹ Sahsahgewejega‐wenene dush oogahchahgizaun emuh sahsahgewejegun‐ahbikoong: ewh meejim ishkoota sahsahgewejegun ahwun anahsuhmid owh Jehovah.

¹² ¶ Kishpin dush mesahboozoon wahmeegewad, mahnoo oogahmeegewanun anahsuhmid owh Jehovah.

¹³ Oogahahtoon dush ooneenj emuh ooshtequaunening, kuhya oogahnesaun emuh anahsuhmeähyahnig oodahnuhmeä‐weguhmigoowah egewh mahyahwunjeëdejig: kuhya Aaron oogwissun oogahsuhswabeguhundahnahwah ewh sahsahgewejegunahbik kewetahuhyeëe ewh misque uhyoowaud.

¹⁴ Oogahoodahpenaun dush menik kapuggedenuhmahwaud Jehovahun, ewh chuhyahgetag meegewawin; ewh weenin oogijoonuggesheeng atag, kuhya kuhkenuh ewh weenin peenjenuh atag,

¹⁵ Kuhya nuhyazh oodooduhkoosewun, kuhya weenin oogijuhyeëe atag, ahnaum e‐oo tuhtuhgahgooning, kuhya weenin ookoonemaung atag, mahmahwe enewh oodoo‐duhkoosewun oogahmahjetoon.

¹⁶ Sahsahgewejega‐wenene dush oogahchahgizaun emuh sahsahgewejegunahbikoong: ewh meejim ishkoota‐sahsahgewejegun ahwun, kamenoomaunjegahdag: Jehovah mah oodebandaun kuhkenuh ewh weenin.

¹⁷ Kahgenig dush oo‐oo tahenahkoonegam emuh anduhnuhkeewaud kenejahnesewaug kadahneka‐bemahdezejigwekah chemeejesewag weenin gamuh misquee.