LEVITICUS 27 - Ottawa New Testament Penteteuch and Psalms 1874

¹ Jehovah dush oogekuhnoonaun Mosesun oo‐oo keënaud.

² Kuhnoozh Israel oonejahnissun oo‐oo dush ezhee, Kishpin enene gagoo sanuhguk kahwahweenduhmahwaud Jehovahun kegahenuhginduhmahwah owh Jehovah enewh ahnishenahban,

³ Oo‐oo dush kaënuhgemudwah: enene kishpin neeshtuhnuh duhsoo‐pepoon‐uhgezid naunemeduhnuh duswahbik shooneyah tahenuhginzoo, apeetenegoozid ahnuhmeä‐weguhmigoong duhzhe shooneyah.

⁴ Kishpin dush equawid nesemeduhnuh duswahbik tahenuhginzoo.

⁵ Kishpin dush naunoo pepoon‐uhgezid nahnauzh neeshtuhnuh‐pepoon‐uhgezid quewezanse neezhtuhnuh duswahbik kegahenuhgemah, equazanze dush ween metauswahbik.

⁶ Kishpin dush ningoo‐keezis‐uhgezid nahnauzh naunoopepoon‐uhgezid quewezanse naunwahbik shooneyah kegahenuhgemah, equazanse dush ween niswahbik shooneyah kegahenuhgemah.

⁷ Kishpin dush ningoodwahsoo‐meduhnuh duhsoo‐pepoon‐uhgezid kuhya ahwahshema, kishpin enenewid metauswahbik abshe naunwahbik kegahenuhgemah, kishpin dush equawid metauswahbik.

⁸ Kishpin dush oonzaum ketemahgezid kushketoosig chetebahahmahgad ewh menik keënuhgemud, mahnoo oogahnaunzekahwaun enewh sahsahgewejega‐wenenewun owh dush sahsahgewejega‐wenene oogahenuhgemaun enewh menik kushketood chetebahahmahgad, memenik owh sahsahgewejega‐wenene kaënuhgemaud.

⁹ Kishpin dush enenewug meenahwaud Jehovahun enewh ahwaseeün, anegookwahnik weyow Jehovah oogahdebandaun.

¹⁰ Kahween oogahquakeähseen kah kuhya bakahnezenejin mamashquaud oogahpeenahseen wanesheshenejin mamashquaud mahyahnahdezenejin gamah mahyahnahdezenejin mamashquaud wanesheshenejin: kishpin mamashquaudoonaud ahwaseeün, nuhyazh owh Jehovah oogahdebanemaun.

¹¹ Kishpin dush weenezid owh ahwasee kameenahsewindbun Jehovah, mahnoo oogahahsaun ahwaseeün anahsuhmid owh sahsahgewejega‐wenene.

¹² Owh dush sahsahgewejega‐wenene oogahenuhgemaun enewh kishpin wanesheshinoogwan gamuh mahyahnahdezegwan debishkoo keen suhyahsahgewejega‐weneneweyun anuhgemud mesuh kaënuhgindahzood.

¹³ Kishpin dush enandung nayaub chekishpinuhnaud ahnind shooneyah ahwahshema oogahtebahahmahwaun dush ween anuhgindahzoonid.

¹⁴ Uhpe dush enene kakechetwahwetood wegewaum chemeenaud Jehovahun, owh sahgewejega‐wenene oogahenuhgindaun kishpin wanesheshinoogwan gamuh mahyahnahdudoogwan, debishkoo owh sahsahgewejega‐wenene kaënuhgindung mesuh kaënuhgindag.

¹⁵ Kishpin dush owh kahkechetwahwetood enandung nayaub chekishpenuhtood oowegewaum punge shooneyah ahwahshema dush ween enuhgindag kahenuhginduhmun oogahtebahaun, oogahdebandaun dush.

¹⁶ Kishpin enene kechetwahwetood wemeenaud Jehovahun ahnind ooketegaun dabandung, menik saswabenegahdag menekaun emuh mesuh kaënuhginduhmun; kishpin pazhig homer menekaun tatabesag, nahnemeduhnuh duswahbik shooneyah tabenuhginda.

¹⁷ Kishpin mahjekechetwahwetood ooketegaun uhpe mwaujeguhkummeguk kekenoonoowin debishkoo anuhginduhmun mesuh kaënuhgindag.

¹⁸ Kishpin dush kahishquah‐moojeguhkummeguk kahkechetwahwetood, owh sahsahgewejega‐wenene oogahenuhginduhmoowaun debishkoo anduhsing kekenoonoowinun kayahba ashkoosagin nahnauzh debishkoosag mwahjeguhkummeguk kekenoonoowin, nahwuj dush punge kegahenuhgindaun.

¹⁹ Kishpin owh kahkechetwahwetood ketegaun enandung nayaub chekishpenuhtood punge nahwuj nebewah shooneyah oogahtebahaun ewh menik anuhginduhmun, nayaub dush tahahpeche‐meenah.

²⁰ Kishpin enanduhsig nayaub chekishpinuhtood ewh ketegaun, gamuh kishpin kahahtahmaud bakahnezenejin enenewun ewh ketegaun, kahween nayaub tahkishpinuhchegahdasenoon.

²¹ Kishpin ketegaun uhpe suhyahkuhumoomahguk uhpe mwaujeguhkummeguk dabandahgwuk emuh ookechetwah‐weguhmigoong owh Jehovah oonje kahmeenind Jehovah, mahnoo owh sahsahgewejega‐wenene oogahdebandaun.

²² Kishpin dush ahweyah meenaud Jehovahun ketegaun ween kuhyet dabanduhsigoobun, kahkishpinuhtood atuh.

²³ Owh sahsahgewejega‐wenene oogahahginduhmoowaun menik kaënuhginduhmun nahnauzh dabishkoosag mwaujeguh kummeguk kekenoonoowin, oogahtebahaun menik kaënuhgin duhmun ewh kezheguk, kechetwahwandahgwud suh oonje Jehovah kemeenind.

²⁴ Uhpe debishkoosag mwaujeguhkummeguk kekenoonoowin, owh kahahtahwad nayaub oogahdebandaun ooketegaun, mesuh wahowh waduhkeemepun.

²⁵ Uhpe dush gagoo anuhginduhmunin debishkoo ahpeetandahgwuk kechetwah‐weguhmigoong duhzhe shekel mesuh kaënuhginduhmun; neezhtuhnuh gerahun me suh pazhig shekel.

²⁶ Enewh atuh natum‐negenejin oomahnesheensemewaun ahwahkaunug Jehovah dabanemahjin kahween ahweyah oogahkechetwahwanemahseen kishpin pezhekewenid gamuh mahnishtahnishewenid, Jehovah oodebanemaun.

²⁷ Kishpin wenezid owh ahwasee mahnoo nayaub oogahkishpinuhnaun debishkoo kahenuhgemud nahwuj dush nebewah shooneyah oogahtebahegan, kishpin nayaub kishpinuhnahsewind mahnoo kegahahtahwanun debishkoo kahenuhgemud.

²⁸ Pooch enunga gagoo kahmeenind Jehovah tahahtah wam gamuh nayaub tahkishpinuhchegahda kishpin ahyahnishenahbawegwan gamuh ahyahwahkahnewegwan kuhkenuh kahmeenind Jehovah ahpeche kechetwahwandahgwudoon.

²⁹ Kahween ahweyah Jehovah kahpuggedenuhmahwind nayaub tahkishpinuhnahse ahbetakummig tahnesah.

³⁰ Kuhkenuh muhyahjegingin emuh uhkeeng menik katebahahmahwindebun sahsahgewejega‐wenene kishpin mane kaunewegwan gamuh kahmenewungwan Jehovah oodebandaun ahweyah, ahpeche oodebandaun Jehovah.

³¹ Kishpin, kuhnuhga nayaub wekishpinuhtood sahsahgewejega‐wenene ooduhyeemun punge nahwuj nebewah shooneyah tahtebahahmahga dush ween apeetandahgwuk.

³² Mametauchewaud dush ahwahkaunug gamuh ahwahkaunansug kuhya kuhkenuh agimindjig ahwaseeüg papazhig oogahdebanemegoon Jehovahun.

³³ Kahween owh waduhyaumid tahkuhgwahdase kishpin wanesheshegwan, gamuh muhyahnahdezegwan, kahween kuhnuhga oogahmashquaudoonahseen, kishpin ahwunjeesh mashquaudoonaud nuhyazh ahwahkaunug oogahdebanemegoowaun Jehovahun, kahween nayaub tahkishpin uhnahsewug.

³⁴ Mesuh oonoo kuhgequawinun Jehovah kahkuhgekemaud Mosesun ewede Sinai wahjewing cheguhnuhwandahmenid Israel oonejahnesun.