LEVITICUS 26 - Ottawa New Testament Penteteuch and Psalms 1874

¹ Kahween kegahoozhetahmahwahsewah ahweyah muzzenene kah kuhya kegahnebahweähsewah mazzenechegahzood ahsin emuh keduhkeemewaung cheöojecheengwuhnetahwag, neen mah nindow Jehovah keKesha‐Muhnedoomewah.

² Kegahguhnuhwandahnahwah nïndaunwabe‐kezhegudoom kuhya kegahkechetwahwandahnahwah ninduhnuhmeä‐weguhmigoom; neen nindow Jehovah.

³ Kishpin bemoosayag emuh netebahkoonegawining kuhya guhnuhwanduhmag nekuhgequawinun cheëzhechegayag.

⁴ Kegahmeenenim kemewun‐ahboo uhpe dabishkoosag chekemewungoobun, tahmeekoogeemahgud dush uhkee kuhya tahmahnewewug egewh noonpeming duhzhe metigoog.

⁵ Kegahpuggunduhegam dush peenish uhpe kamahmindwah shooweminun, kuhya kegahmahmoonahwah shooweminun peenish uhpe saswawabenekayag; kegahtabesinim dush buhquazhegun; pezaun dush kegahduhnuhkeem emuh keduhkeemewaung.

⁶ Ningahmeegewan dush pezaunezewin emuh uhkeeng, kegahkahwishim dush, kah dush ahweyah kegahsageëgoosewah, kuhya ningahbahnahjeäug mujje‐ahwaseeüg emuh oonje uhkeeng kah kuhya ahzhahwashk tahezhahmahgussenoon emuh keduhkeemewaung.

⁷ Kegahnuhnoopenahwaug egewh shaunganemenagoog, tahpungeshinoog dush kenesegoowaud kedahzhahwashkoomewah.

⁸ Nahnun kenahwah kegahmahmauzheähwaug ningoodwauk enenewug, ningoodwauk dush kenuhwah kegahoozhemooähwaug metahching metauswauk: egewh shaunganemenagoog oogahnesegoonahwah kedahzhewashkoomewah.

⁹ Kegahkechetwahwaneminim mah kuhya kegahmeshenooïnim kuhya kegahminjemoosittuhmoonenim newahweenduhmahgawin.

¹⁰ Kegahmeejenahwah dush kuhyet kahmahwundoosetooyag kuhya kegahahbujjetoonahwah kuhyet kahmahwundoosetooyagoobun oonje duhgoomahguk ooshke‐uhyeëe.

¹¹ Ningahahtoon nepuhpuhguhwuhyaun‐eguhmig anduhzheahyahyag, kah dush kegahsheenganemesenoonim.

¹² Kuhya ningahpahbahmoosa anduhzhe‐ahyahyag, kuhya ke‐Kesha‐Muhnedoomewah ningahdow, kuhya kenuhwah nindahnishenahbamug kegahdahwim.

¹³ Neen suh nindow Jehovah ke‐Kesha‐Muhnedoomewah, owh kah sahgechewenenag oonje Egypting duhzhe uhkeeng, chebuhmeetahsewagwah egewh Egyptianug, ningepegoobetoon dush ketuhkoobejegunun kahezhetuhkoobeninenagwahpun, kuhya kegequuhyukoosaënenim.

¹⁴ Kishpin atuh ananduhsewag chebezinduhweyagoobun kuhya oonoo kuhkenuh nekuhgequawinun azhechegasewag.

¹⁵ Kishpin dush dahbussanduhmag netebahkoonegawinun, gamuh sheenganduhmag nekuhgequawinun cheguhwanduhsewag nekuhgequawinun, pegoobetooyag dush nekekindewin.

¹⁶ Oo‐oo kegahdoodooonim; kegahpuggedemoonenim sagezewin, menewahpinawin, kuhya kezhizzoowahpinawin, kaoonjebahnahjeïndwah kishkeenzhigoowaug kuhya kaöonjeketemahgedaäyag: ahnishah dush kegahsuhswawabenahnahwah menekaun, egewh mah shaunganemenagoog oogahkedaunahwah.

¹⁷ Kegahsheenganeminenim dush kuhya kegahnesegoowaug egewh shaunganeminagoog, kegahoogemahkundaugoowaug egewh shaunganemenagoog, kuhya kegahoozhemoom ahnahween goo ahweyah noopenuhnahgasig.

¹⁸ Kishpin dush kayahba webezinduhwesewag neezhwahcheeng menik kegahkooduggeënenim oonje kemujje‐ezhewabezewinewaun.

¹⁹ Kuhya ningahpeegoobetoon kemushkahwezewinewah wanjekechetwahwanemooyag, ningahezhetoon dush kekezhigoomewah pewahbikoong cheezhenahgwuk kuhya keduhkeemewah oozahwahbikoong cheëzhenahgwuk.

²⁰ Ahnishah dush kegahmushkahwezeem: kah mah tahmekoogeemahgussenoon keduhkeemewah, kah kuhya tahmenewesewug ketegauning duhzhe metigoog.

²¹ Kishpin dush azhewabezeyag anandahgussenook nindezhetwahwin, webezinduhwesewag dush, neezhwahching menik mahnahdahpinawinun kegahpuggedenuhmoonenim, debishkoo anandahgwuk kemujje‐ezhewabezewinewah.

²² Kegahezhenahzhahahmoonenim mujje‐ahwaseeüg kakemoodemenagwah kenejahnesewaug kuhya kanesahwaud kedoowahkaunewaun cheöonjepungeshawuggezeyag, kuhya kekechemeekunahwaun tahpezheshigwuhtanoon.

²³ Kishpin dush bezinduhwesewag chequakezhewabezeëgooyag oonoo, ahwunzheezh atuh megahzheyag.

²⁴ Kuhya neen kegahmegahnenim kuhya kayahba neezh wahcheeng menik ahwahshema kegahkooduggeënenim oonje kemujje‐ezhewabezewinewah.

²⁵ Kuhya kegahpuggedenuhmoonenim enewh azhahwashkoon cheähzhittah‐doodahgooyag oonje kebahnahjetooyag nintebahkoonegawin; uhpe dush mahyahwunjeëdeyag emuh kedoodanahwewaung kegahmahnahdahpenënim, kuhya kegahpuggedenenim emuh ooneenjewaung egewh shaunganemenagoog.

²⁶ Uhpe dush kepegoobetooyaun kebuhquazhegune‐suhkuhoonahwah metauswe equawug tahbuhquazhegunekawug emuh pazhig buhquazhegunekauning, oogahtebahbishkoodaunahwah dush kebuhquazhegunemewah uhpe mahnenagwah, kegahmeejinahwah dush kah dush kegahtabesineseem.

²⁷ Kishpin dush ahwunzheezh bezindahwesewag bamoosayag atuh anandahgwussenook nindezhetwahwin.

²⁸ Kegahmegahnenim suh apeech kaneeshkahdezeyaun: neen, neen suh neezhwahcheeng kegahkooduggëenenim oonje kemujje‐ezhewabezewinewah.

²⁹ Kegahmeejenahwah dush kegwissewaug weyausewah, kuhya kedahnisewaug weyausewah kegahmeejenahwah.

³⁰ Ningahbahnahjetoonun kewahjewemewah kuhya ningahkishkegahwah kemuzzenenemewah kuhya ningahpuggij-wabenaunun keyowewah oogijuhyeëe atag kemuzzenemewaug weyowewaun, kegahkuhgwahnesugganemenim dush.

³¹ Ningahbahnahjetoonun dush kedoodanuhwewaun, kuhya tahpezheshigwuhtanoon kedahnuhmeä‐weguhmigoowaun, kah dush ningahminaunduhse azhemenoomahgwuk kemenoo‐mahgoojegunewah.

³² Tahpezheshigwuhta keduhkeemewah, tahmahmahkahdanduhmoog dush egewh shaunganemenagoog emuh anduhnuhkeejig.

³³ Kegahsuhswaninim dush emuh mayug‐ahnishenahbakaug, kuhya ningahkejegoopetoon ahzhakwashk chemegahnenahgoog, tahpezheshiguhta dush keduhkeemewah.

³⁴ Medush uhpe käaunwabemahguk uhkee menik kapezheshigwuhtag, kuhya magwah duhnezeyag emuh shaunganemenagoog ooduhkeemewaung, me ewh uhpe kaäunwabemahguk uhkee.

³⁵ Menik kapezheshïgwuhtag me menik kaäunwabemahguk oonje keäunwabemahgussenoog uhpe keënahkoonegayaun cheäunwabemahgukebun menik keduhnuhkeyagoobun emuh.

³⁶ Ningahezhenahzhahahmahwaug menik kaïshkoonindjig chahgedaäwin emuh ooduhkeemening enewh shaunganemegoowahjin, oogahsageëgoonahwah ewh matwa‐pegooshkaug ahsahgunushk; tahoozhemoowug dush debishkoo keöozhinduhmoowahpun ahzhahwashk; tahpungeshinoog dush ahnahween goo noopenuhnegoosigwah ahweyah bamahdezenejin.

³⁷ Tahmegahdewug debishkoo wazhindungig ahzhahwashk ahnahween goo noopenuhnegoosigwah ahweyah bamahdezenejin, kah dush kegahkushketoosenahwah chemegahnagwah egewh mahgahnenagoog.

³⁸ Kegahbahnahdezeem dush emuh mayug‐ahnishenahbakaug kegahkedahmoogoonahwah dush ooduhkeemewah egewh shaunganemenagoog.

³⁹ Egewh kadishkoonindjig tahbahnahdezewug oonje kemujje‐ezhewabezewinewah emuh shaunganemenagoog ooduhkeemewaung kuhya oonje oosewahbuneen oomujje‐ezhewabezewinewaun tahbahnahdezewug.

⁴⁰ Kishpin wahweenduhmoowaud oomujje‐ezhewabezewinewaun kuhya oosewahpuneen oomujje‐ezhewabezewinene kuhya oomujje‐dooduhmoowinewaun kahmujje‐dooduhwewaud kuhya kemegahzhewaud.

⁴¹ Kuhya neen kemegahnugwah kuhya keëzhewenugwah emuh ooduhkeemening enewh shaunganemegoowahjin. Kishpindush agahsanemoomahgudenig kakenoowahje‐kishkezhegahdasenoonig oodaëwaun menoo‐oodahpenuhmoowaud dush azhekooduggeïndah oonje oomujjee‐ezhewabezewinewah.

⁴² Me dush uhpe kamequanduhmaun newahweendahmahgawin kahwahweenduhmoowugebun Jacob kuhya kahwahweendahmahwugebun Isaac, kuhya ningahmequandaun newahweenduhmahgawin kahwahweenduhmahwugebun Abraham, kuhya ningahmequandaun ewh uhkee.

⁴³ Oogahnuhguhdahnahwah uhkee, tahaunwabemahgud dush uhkee magwah pezheshigwuhtag kuhya oogahmenoo‐oodahpenahnahwah ookooduggeegoowinewaun azhekooduggeïndwah oonje oomujje‐ezhewabezewinewaun oonje kedahbussanduhmoowaud nintebahkoonegawinun, kuhya oonje kesheenganduhmoowaud nekuhgequawinun.

⁴⁴ Pooch enunga ningabahpeche‐wabenaug uhpe ayahwaud emuh ooduhkeemening enewh shaunganemegoowahjin kah kuhya ningahsheenganemahseeg cheähpeche bahnahjeügwahpun, gamuh chepegoobetooyaunbaun kahezhewahweenduhmahwugwahpun, neen mah nindow Jehovah oo‐Kesha‐Muhnedoomewaun.

⁴⁵ Ningahmequandaun dush kahezhewahweenduhmahwugwahpun oosewahpuneen wenuhwah oonje kahsahgejewenugwah oonje Egypting anahsuhmenid enewh mayug‐ahnishnahban cheähweyaun oo‐Kesha‐Muhnedoomewaun; neen suh nindow Jehovah.

⁴⁶ Mesuh oonoo kuhgequawinun kuhya tebahkoonegawinun kuhya kuhgaundwawinun kahezhekuhgekemaud owh Jehovah enewh Israel oonejahnesun emuh Sinai azhenekahdag wahjewing keähyood Moses ooneenjeen.