LEVITICUS 24 - Ottawa New Testament Penteteuch and Psalms 1874

¹ Jehovah dush oogekuhnoonaun Mosesun oo‐oo keënaud.

² Kuhnoozh egewh Israelitug chepeetookwah wanesheshing olive pemeda wazhechegahdag chewahsuhkoonang cheoonje wahsuhkoonag enewh wahsuhkoonanjegunun kahgenig

³ Ahgwahjuheëeng agoodag ewh debahjemoowine kebuhgoojegun emuh oodahnuhmeä‐weguhmigoowaung egewh mahyahwunjeëdejig Aaron oogahqwuhyukesittoon wanahgooshingin peenish kakezhabahwahguk ahnahsuhmeed Jehovah kahgenig ahpena tahenahkoonegam menik kaähneka‐bemahdezeyag.

⁴ Oogahquuhyukesittoonun enewh wahsuhkoonanjegunun emuh oogijuheëe wanesheshing wahsuhkoonanjegun‐ahtik atag ahnahsuhmeed Jehovah kahgenig.

⁵ Kegahoodahpenaun wanesheshing pahsaug buhquazhegun kuhya kegahoozheäug metahswe ahshe neezh buhquazhegaunsug neezh tebahegaunsun kegahahtoon emuh papazhig buhquazhegaunsing.

⁶ Kegahahsaug edush neezhing cheëzhenebedashenoowaud naningoodwahchewaud emuh pahnuk oodoopoowining ahnahsuhmuhbid Jehovah.

⁷ Kuhya wanesheshing manoomahgoojegun kegahahtoon emuh anduhsoo‐nebedashenoowaud cheähwid mequanduh moowine buhquazhehegun chuhyahgedanig oomeenegoowin owh Jehovah.

⁸ Anduhsoo‐ahnuhmeä‐kezhegukkin oogahezhesittonun anahsuhmuhbid Jehovah kahgenig oonje Israel oonejahnesun kahgenig suh tahenahkoonegam.

⁹ Aaron suh kuhya enewh oogwissun oogahtebanemahwaun enewh buhquazhegaunsun oogahaumwahwaun dush emuh kechetwah‐ahnuhmeä‐weguhmigoong ahpeche mah kechetwahwandahgwudene menik anduhchenenid oomenegoowinun owh Jehovah chuhyahgedanig kahgenig kaënahkoonegang.

¹⁰ Pazhig dush enene wagwissemegood Israelit‐equan kuhya Egypting duhzhe‐enenewun oogepahbahweejewaun enewh Israelitun: mahbuh wagwissemegood Israelit‐equan kuhya pazhig Israelit‐enene kemegahdewug emuh kuhbashewining.

¹¹ Owh dush wagwissemegood Israelit‐equan ooge‐mujje-duhzhindaun Jehovah oodezhenekahzoowin kuhya kemujje-kekedoo. Ooogepenebooweähwaun anahsuhsuhmenid Mosesun. Shelomith keëzhenekahzoowun oogeen oodahnisun owh Dibri Dan kahezheweenzood.

¹² Oogekebahquahwahwaun dush chekekanduhmoowaud Jehovah oodenanduhmoowin.

¹³ Jehovah dush oogekuhnoonaun Mosesun oo‐keënaud.

¹⁴ Pesahgejeweezh owh kah mujje‐kekedood emuh oonje kuhbashewining kuhkenuh dush egewh kahnoondahwahjig oogahtaungenahmahwahwaun ooshtequaunene kuhya kuhkenuh egewh mahyahwunjeëdejig oogahpimwuhsinnahahwaun.

¹⁵ Oo‐oo dush kegahenaug Israel oonejahnesun oo‐oo kaënudwah, Ahwagwan kamujje‐duhzhemahgwan Ookesha‐Muhnedoomun oogahpemoondaun oo‐mujje‐ezhewabezewin.

¹⁶ Owh dush kamujje‐duhzhindungwan Jehovah oodezhenekahzoowin ahbetakummig tahnesah; kuhkenuh dush egewh mahyahwunjeëdejig ahbetakummig oogahpimwuhsinnuhahwaun enewh kishpin mayuggezegwan gamuh uhkeeng kahduhzhenegegwan majeduhzhindung Jehovah oodezhenekahzoowin tahnesah.

¹⁷ Owh dush nasaud enenewun ahbetakummig tahnesah.

¹⁸ Owh dush nasaud ahwahkaunun oogahmeegewanun bakahnezenejin ahwahkaunun oonje enewh kahnesahjin ahwahkaunun

¹⁹ Kishpin dush enene mahkeäud weejahnishenahban, tahdoodahwah debishkoo kahdoodahgad.

²⁰ Mahkewawin oonje mahkewawin, ooshkinzhegoomah oonje ooshkinzhegoomah, webittahmah oonje webittahmah, debishkoo kahezhemahkeäud enenewun me suh debishkoo kadoodahwind.

²¹ Owh dush nasaud ahwahkaunun tahtebahahmahga; owh dush nasaud enenewun tahnesah.

²² Kegahenahkoonahwah owh mayuggezid debishkoo anahkoonag keejahnishenahbamewah neen, mah nindow Jehovah ke‐Kesha‐Muhnedoomewah.

²³ Moses dush oogekuhnoonaun Israel oonejahnesun chesahgechewenahnid enewh kahmujje‐kekedoonejin oonje kuhbashewining kuhya chepimwuhsinuhahnid. Me suh dush kahezhecheganid Israel oonejahesun debishkoo Jehovah kahezhekuhgaunzoomaud Mosesun.