LEVITICUS 23 - Ottawa New Testament Penteteuch and Psalms 1874

¹ Jehovah dush oogekuhnoonaun Mosesun, oo‐oo keënaud,

² Kuhnoozh Israel oonejahnesun, oo‐oo kegahenaug, Enewh ooweekoongawinun owh Jehovah, kawahweenduhmag cheähnuhmeä‐mahwunjeëdeyag, Mesuh oonoo neweekoongawinun.

³ Ningoodwahsoogoon tahahnookeem: Neezhwahsoogoonuhguk dush ween tahaunwabe‐kezhegud, cheähnuhmeä‐mahwunjeëdeyag; kahween kuhnuhga kegahenuhnookeeseem ewh kezheguk: Jehovah oodahnuhmeä‐kezhegudoom tahahwun emuh kuhkenuh kewegewaumewaung.

⁴ ¶ Mesuh oonoo oowekoongawinun owh Jehovah, uhpe kakechemahwunjeëding, kezhah kapepahginduhmag uhpe wahtebishkoosagin

⁵ Uhpe madahswe‐uhshe‐newoogoon‐uhgezid owh netum kezis uhpe oonahgooshig me‐ewh uhpe tabishkoosanig Jehovah ookuhbekoosa‐wekoongawin.

⁶ Kuhya matauswe ahshe nahnoogoon‐uhgezid keezis, me ewh uhpe kameejeyag wambesinsenook buhquazhegun oonje owh Jehovah: neezhwahsoogoon kegahmeejenahwah wambesinsenook buhquazhegun.

⁷ Natumesing kezheguk kegahkecheahnuhmeä‐mahwunjeëdim: kahween gagoo buhmeetahga‐ahnookeewin kegahenuhnookeseem ewh uhpe.

⁸ Kegahmeenahwah Jehovah kachahgetagin meegewawinun neezhwahswe kezhegudoon: Neezhwahsoogoonuhguk tahkecheahnuhmeä‐mahwunjeëdim: kahween gagoo buhmeetahga‐ahnookeewin kegahenuhnookeeseem ewh uhpe.

⁹ ¶ Jehovah dush oogeguhnoonaun Mosesun oo‐oo keënaud,

¹⁰ Guhnoozh Israel oonejahnesun, oo‐oo dush kegahenaug, Uhpe ketuhgwishinag emuh uhkeeng mahnenuhgoog, kuhya kekeshkushkezhegayag emuh, kegahpeetoonahwah pazhig tuhkoobejegun netum takoobetag buhquazhegunushk kegahmeenahwah dush owh sahsahgewejega‐wenene:

¹¹ Ahyahzhook dush oogahwabenaun anahsuhmeed Jehovah, cheöodahpenegahdag kenuhwah oonje: Kahishquah-ahnuhmeä‐kezheguk owh sahsahgewejega‐wenene ahyahzhook oogahwabenaun.

¹² Ewh kezheguk uhpe ahyahzhook wabenuhmag buhquazhegunushkoo‐tuhkoobejegun, kegahpuggedenuhmahwahwah Jehovah ahyahba‐mahnishtahnisheens muhyahkezesig nangoo‐pepoon‐uhgezid chechahgizoond.

¹³ Meejime‐meegewawin dush katuhgoo‐meegewayag neezh tebahegunun wanesheshing pahsaug buhquazhegun, kuhya pemeda dahgoonegahdag, oogahchahgezaunahwah chemenoomahgwuk anahsuhmid Jehovah: kuhya menequawine‐meegewawin mesuh shooweminahboo, kahween taähbittah tebahegun.

¹⁴ Kahween kegahmeejesenahwah buhquazhegun, gamuh gahpizoondjig meziminansug, gamuh nesahkooseeg, nahnauzh ewh kezheguk uhpe pahtooyag kapuggedenuhmahwag Jehovah: Mesuh kadenahkoonegang menik kaähneka‐bemahdezeyag emah kuhkenuh kewegewaumewaung.

¹⁵ ¶ Kegahahgindahnahwah dush neezhwahswe ahnuhmeä‐kezhegudoon oonje ewh wuhyahbung keïshquahahnuhmeä‐kezhiguk, oonje ewh kezheguk uhpe kepeedooyag ewh buhquazhegunushk‐tuhkoobejegun ahyahzhook kahwabenuhmag:

¹⁶ Nahnauzh wuhyahbung kahishquahneezhwahsoo‐ahnuhmeakezheguk kegahahgindahnahwah nahnemeduhnuh-kezhegudoon; kegahpuggedenuhmahwahwah owh Jehovah ooshkee‐meejime‐meegewawin.

¹⁷ Kegahoondenahnahwah emuh kewegewaumewaung neezhwahtik buhquazhegun ahyahzhook kawabenegahdag neezhoo tebahegun: wanesheshing pahsaug buhquazhegun kegahahyoonahwah cheöozhetooyag pahzhig wahtik buhquazhegun; tahoombesechegahzoowug buhquazhegunug; Me suh natum suhgukkenegahdag kameenagoobun owh Jehovah.

¹⁸ Kuhya kegahtuhgoo‐puggedenahwaug neezhwahswe mahnishtahnisheensug kayundahwezejig nangoo‐pepoon‐uhgezejig, kuhya pazhig ahnookee‐pezhekeens, kuhya neezh ahyahba‐mahnishtahnishug: tahchahgizuhmahwah owh Jehovah, mahmahwe oomeejime‐meegewawinewah, kuhya oomenequawine‐meegewawinewaun, chuhyahgetag‐meegewawin kameenind owh Jehovah kamenoo‐mahgwuk anahsuhmeed.

¹⁹ Kegahnesahwah dush pazhig mesahboozoons ewh mujje‐ezhewabezewine puggedenegawin, kuhya neezh mahnishtahnisheensug nangoo‐pepoon‐uhgezejig ewh poonanindewine puggedenegawin.

²⁰ Ahyahzhook dush owh sahsahgewejega‐wenene oogahwahbenaun mahmahwe natum‐sagukkenegahdag buhquazhegun, kuhya neezh mahnishtahnisheensun anahsuhmeed Jehovah: tahkechetwahwezewug dush anahsuhmeed Jehovah chedebanemegoowaud enewh sahsahgewejega‐wenenewun.

²¹ Kegahpepahgindahnahwah dush ewh kezheguk, wekeche‐ahnuhmeä‐mahwunjeëdeyag: kahween kegahenuhnookeeseem gagoo buhmeetahga‐ahnookeewin: Mesuh uhpena kadenahkoonegang emuh andahyag menik kadahneka‐bemahdezeyag.

²² ¶ Uhpe dush kaushkushkezhegayagoon, kahween kegahtakishkushkezhegaseem emuh wuhyahwequayaug keduhkeemewah, kah kuhya ahpeche wawane kegahsuggukkenunsenahwah ewh kasuggukkenuhmag: Ahnind kegahnuhguduhmahwaug egewh katemahgezejig kuhya egewh mayuggezejig: Neen suh nindow Jehovah keKesha‐Muhnedoomewah.

²³ ¶ Jehovah dush oogeguhnoonaun Mosesun, oo‐oo keënaud,

²⁴ Kuhnoozh Israel oonejahnesun oo‐oo cheënudwah, Uhpe neezhwahsoo‐keziswahguk, natumesing kezheguk, kegahahyahnahwah ahnuhmeä‐kezhegud, uhpe kapootahduhmag pootahjegunun, kuhya kakeche‐ahnuhmeä‐mahwunjeëdeyag.

²⁵ Kahween gagoo kegahenuhnookeeseem buhmeetahga‐ahnookeewin: kegahpuggedenuhmahwahwah Jehovah puggedenegawin kachahgittag emuh ishkootang.

²⁶ ¶ Jehovah dush oogeguhnoonaun Mosesun, oo‐oo oogeënaun,

²⁷ Uhpe neezhwahsoo‐keziswahgukin matausoogoon‐uhgezid kezis me suh uhpe kakechesahsahgewejegayag: cheöonjewabenegahdag kemujje‐ezhewabegewinenah kegahkooduggeähwaug kejechaugoowaug kuhya kegahpuggedenuhmahwahwah Jehovah chuhyahgezegahdag meegewawin.

²⁸ Kah kuhnuhga kegahahnookeeseem ewh kezheguk: me mah ewh kezhegud uhpe sahsahgewejegang, cheöonjewabenegahdag mujje‐ezhewabezewin, kenuhwah kemujje‐ëzhewabezewinewah chewabenuhmahgooyag kaöonjesahsahgewejegang anahsuhmeed Jehovah ke‐Kesha‐Muhnedoomewah.

²⁹ Ahwagwan mah kakushkanduhsigwan ewh kezheguk, tahbahnahjeäh oonje ahyahwaud egewh ahnishenahbag.

³⁰ Ahwagwan dush mahkinduhmoogwan ahnookewin ewh kezheguk, ningahbuhnahjeäh owh ahnishenahba oonje ayahnid weejahnishenahban.

³¹ Kah kuhnuhga gagoo kegahenuhnookeeseem: mesuh kaënahkoonegang menik kaähneka‐bemahdezeyag emuh kuhkenuh kewegewaumewaung.

³² Kegahaunwabeem, kuhya kegahkushkandaum emuh kejechaugoowaung: shaungussoogoon‐uhgezid keezis wanahgooshig, nahnauzh menuhwah oonahgooshig, kegahguhnuhwandahnahwah aunwabe‐kezhegud.

³³ Jehovah dush oogeguhnoonaun Mosesun, oo‐oo keënaud,

³⁴ Kuhnoozh Israel oonejahnesun, oo‐oo kaënudwah, Neezhwahsoo‐keziswahguk matauswe‐ahshenaunoogoon‐uhgezid kezis mesuh uhpe kuhbashewine‐wekoongawin kaähyahmahguk neezhwahsoogoon Jehovah anahsuhmeed.

³⁵ Natumesing kezheguk tahkeche‐ahnuhmeä‐mahwunjeëdim: kahween kegahenuhnookeeseem gagoo buhmeetahga‐ahnookeewin ewh uhpe.

³⁶ Neezhwahsoogoon kegahpuggedenuhmuhwahwah Jehovah chuhyahyetag puggedenegawin emuh ishkootang: ishwahsoogoonuhguk dush kegahkeche‐ahnuhmeä‐mahoonjeëdim; kuhya kegahpuggedenuhmahwahwah Jehovah puggedenegawin chuhyahgetag emuh ishkootang; tahkeche‐ahnuhmeä‐mahoonjeëdim, kahween kegahenuhnookeeseem gagoo buhmeetahga‐ahnookeewin ewh uhpe.

³⁷ Mesuh oonoo Jehovah ooweekoongawinun, kapeepah-ginduhmag chekeche‐ahnuhmeä‐mahoonjeëding, chepuggedenuhmahwag Jehovah chuhyahgetag puggedenegawin, kuhya meejime puggedenegawin, sahsahgewejegawin, kuhya menequawine‐puggedenegawin, kuhkenuh uhpe oo‐oo kezheguk:

³⁸ Kuhya oodaunwabe kezhegudoomun owh Jehovah, kuhya kemeegewawinewaun, kuhya kuhkenuh kahwahweenduhmagoon, kuhya kuhkenuh kemeegewawinewaun ahneshah mahnag Jehovah.

³⁹ Kuhya matahswe‐ahshe‐naunoogoon‐uhgezid owh neezhwahswe kezis, uhpe kesuggukkenuhmag ewh mahyahjeging emuh keduhkeemewaung, kegahguhnuhwanduhmoowahwah Jehovah weekoongawin neezhwahswe kezhequdoon: natumesing kezheguk tahaunwabe‐kezhegud, kuhya ishwahsoogoonuhguk tahaunwabe‐kezhegud.

⁴⁰ Natumesing dush kezheguk kegahoodahpenahnahwah wanesheshingin wahtikwunun, palminahgahwunzhe‐wahtikwunun, kuhya machahkoozejig metigoog oowahtikwunewaun, kuhya oosissegoobemeezhe wahtikwunun; neezhwahsoogoon dush kegahmoojegezeem anahsuhmuhbid Jehovah ke‐Kesha‐Muhnedoomewah.

⁴¹ Neezhwahsoogoon dush kegahguhnuhwanduhmahwahwah Jehovah weekoongawin anduhsoo‐pepoong. Mesuh kaënahkoonegang kahgenig menik kadahnekabemahdezeyag: nauzhwahsoo‐keziswahguk kegahguhnuhwandahnahwah.

⁴² Kegahkuhbasheem neezhwahsuhgoon kuhkenuh nahgejig emuh Israeling tahkuhbashewug.

⁴³ Cheöonjekekanduhmoowaud kuhkenuh kaähneka bemahdezejig kenejahnesewaug ewh keenahkoonegayaun chekuhbashewaud kuhkenuh egewh Israelitug uhpe kesahgeche‐wenugwah oonje Egypting duhzhe uhkeeng: Neen suh nindow Jehovah keKesha‐Muhnedoomewah.

⁴⁴ Moses dush oogewahweenduhmoowaun enewh Israel oonejahnesun oowekoongawinun owh Jehovah.