LEVITICUS 22 - Ottawa New Testament Penteteuch and Psalms 1874

¹ Jehovah dush oogekuhnoonaun Mosesun, oo‐oo, keënaud,

² Kuhnoozh Aaron kuhya enewh oogwissun, chepenaunsekunsigwah kachetwahwandahgwudenegin ooduhyeëmewaun Israel oonejahnissun, chedahbussetoosigwah kachetwahwandahgwuk nindezhenekahzoowin oonje oonoo uhyeëen mahzhewaud: neen suh nindow Jehovah.

³ Oo‐oo kegahenaug, Ahwagwan menik anduhchewaud kenejahnesewaug kaähneka‐bemahdezejig, kapenaunzekuh-moogwan kachetwahwandahgwukkin, Israel oonejahnesun kahpuggedenahmahwahnid Jehovahun, magwah ahyaung ooweenezewin, tahbahnahjeäh ah‐owh enene anahsuhmeyaun: Neen nindow Jehovah.

⁴ Ahwagwan menik anduhchenid Aaron oogwissun wamegeegwan, gamuh oonjegahnig oomenekaun: kahween oogahmeejesinun enewh kachetwahwandahgwukkin uhyeëen, nahnauzh peenezid. Ahwagwan dush tuhyaungenuhmoogwan gagoo wahnuk oonje nabood, gamah tuhyaungenahgwan enene wanjegahnig oomenekaun;

⁵ Gamuh ahwagwan tuhyaungenahgwan pamoodanejin, kaöonjeweenezid, gamuh bakahnezenejin enenewun kaöonjeweenezenid, nuhmunj azheweenezenegwan;

⁶ Owh enene kataungenung gagoo wahnuk uhyeëe tahweeneze nahnauzh oonahgooshenig, kah dush oogahmeejesenun enewh kachetwahwandahgwukkin uhyeëen, bahmah atuh kekesebeginung ooweyaus emuh nebeeng.

⁷ Uhpe dush kepungeshemood keezis, tahpeeneze, me ewh uhpe kameejid enewh kachetwahwandahgwukkin uhyeëen; oomeejim suh ahwunoon.

⁸ Kahween oogahaumwahseen enewh penesekah kahneboojin, gamuh enewh ahwaseeyug kahnesahwahjin, tahweeneëdezoo aumwahpun: Neen nindow Jehovah.

⁹ Mesuh kaöonjeguhnuhwanduhmoowaud nindenahkoonegawin, koonemah kishpin ezhechegawahpun oonoo mujje‐ezhechegawinun tahöonjeneboowug, kishpin bahnahjetoowaun: Neen Jehovah nepeeneäug.

¹⁰ Kahween ahweyah mayuggezid oogahmeejeseen ewh kachetwahwandahgwuk: owh paundegahwaud enewh sahsahgewejega‐wenenewun, gamuh oodahnooke‐wenenemun enewh anoonahjin, kahween oogahmeejeseen ewh kachetwahwandahgwuk.

¹¹ Kishpin dush sahsahgewejega‐wenene kishpenuhnaud ahweyah ooshooneyahmun ahyood, enewh kahkishpenuhnahjin oogahmeejinene, kuhya owh nahgid emuh oowegewauming: oogahmeejinahwah oomeejim.

¹² Kishpin dush sahsahgewejega‐wenene oodaunun kahwedegamahnid mayuggezenejin, kahween oogahmeejeseen ewh kachetwahwandahgwuk kahpuggedenegahdag.

¹³ Kishpin atuh sahsahgewejega‐wenene oodaunun shegahwenid, gamuh kishpin wabenegahzoonid, oonejahnesesenig, kishpin dush kahpeëzhekewanid emuh oosun oowegewaumening, debishkoo magwah keöoshkenegid, mahnoo oogahmeejin oosun oomeejimene: kahween ahweyah mayuggezid oogahmeejeseen.

¹⁴ ¶ Kishpin enene kekanduhsig meejid ewh kachetwahwandahgwuk, punge ahwahshema oogahmeenaun enewh sahsahgewejega‐wenenewun mahmahwe ewh kachetwahwandahgwuk uhyeëe.

¹⁵ Kah dush oogahweenetoosenahwah kachetwahwandahgwudenegin ooduhyeëmene Israel oonejahnesun, enewh kameenahnid Jehovah;

¹⁶ Kah kuhya oogahpemoonduhahsewaun mujje‐ezhewabezewin oonje bahtahzewin, uhpe mahjewahjin kachetwahwandahgwudenegin ooduhyeemewaun: neen mah Jehovah uhyahweyaun nepeneäug.

¹⁷ ¶ Jehovah dush oogekuhnoonaun Mosesun, oo‐oo keënaud,

¹⁸ Kuhnoozh Aaron, kuhya enewh oogwissun, kuhya kuhkenuh Israel oonejahnesun, oo‐oo kaënudwah, Ahwagwan ahyahwegwan kishpin dabandahgoozegwan emuh Israeling gamuh mayuggezegwan emuh Israeling, wahpuggedenuhmoogwan oomeegewawin oonje kuhkenuh oowahweendahmahgawinun, kuhya kuhkenuh menik weenenandung ahneshah wahmeegewad, wemeenaud Jehovahun chuhyahgizegahdag meegewawin;

¹⁹ Keenuhwah enanduhmag kegahpuggedenahwah ahyahba kayunduhwezid pezhekee, gamuh meshahbooz.

²⁰ Kahween kegahpuggedenahsewah ahweyah ahwahkaun kayunduhwezesig; kah mah Kesha‐Muhnedoo oogahoodahpenahseen enewh.

²¹ Ahwagwan kawemeenahgwan gagoo sahsahgewejegun enewh Jehovahun cheöonjepoonanemegood enewh cheguhnuhwandung oowahweendahmahgawin, gamuh ahneshah‐wemeegewad oonje ween enandung pezhekeewun gamah mahnishtahnishun, tahkuhyunduhwezewun cheweöodahpenemind, kahgagoo tahdesewun.

²² Kahween kegahmeenahsewah Jehovah egewh kakepeengwajig, gamuh puhyahgeshejig, gamuh wamegeejig, kah kuhya kegahpuggedenahsewaug emuh ishkootang emuh sahsahgewejegun‐ahbikoong.

²³ Mahnoo kegahmeegewanahwah ahnookee‐pezhekee ayaung oonzaum nebewah pukkawezewinun, gamuh oonzaum punge, keen ananduhmun mahgewayunin; kishpin atuh kahwahweendahmahgayun wanjemeegewayun kah ween kegahooduhpenuhmahgoose.

²⁴ Kahween kegahmeenahsewah Jehovah ahwahkaunun shahyahshahgooshkoozoonid, gamuh pwahkookunad, gamah kaushkezhoond; kahween kegahpuggedenahsewaug oogoo denoowug emuh anegookookummegaug keduhkemewah.

²⁵ Kahween dush kishpin meenenag ahweyah mayuggezid oonoo denoowun kegahmeenahsewah keKesha‐Muhnedoomewah oobuhquazhegunemun; mahnahdezewug mah, mahkezewug suh goo: kahween kedahöodahpenuhmahgoose.

²⁶ ¶ Jehovah dush oogekuhnoonaun Mosesun, oo‐oo keënaud,

²⁷ Uhpe ahnooke‐pezhekee, gamuh mahnishtahnish, gamuh mesahbooz, sahgechewenind, neezhwahsoogoon oogahweejewaun enewh oogeen; Me dush ishswahsoogoonuhguk kaöodahpenind chemeenind Jehovah chechahgezoond emuh ishkootang.

²⁸ Kahween kegahnesahsewah noozha‐pezhekee gamuh noozha mahnishtahnish kuhya oomahnisheensemewaun nahsaub kezheguk.

²⁹ Uhpe dush enanduhmag chepuggedenuhmahwag wahmooyahwawine‐sahsahgewejegun owh Jehovah, kenuhwah azheminwanduhmag kegahoonjepuggedenegam.

³⁰ Nahsaub kezheguk tahkedaumwah; kahween gagoo kegahishkoonunsenahwah nuhnaunzh chewahbung. Neen suh nindow Jehovah.

³¹ Mesuh kaöonjeguhnuhwanduhmag nekuhgequawinun, chemekinduhmag: Neen nindow Jehovah.

³² Kah kuhya kegahdahbussetoosenahwah kachetwahwandahgwuk nindezhenekahzoowin; nindenandum suh chekeche-twahwanemegooyaun anduhzheähyahwaud Israel oonejahnesun: neen nindow Jehovah kachetwahweënuhgoog.

³³ Kegesahgechewenenenim dush oonje Egypting duhzhe uhkeeng, cheöoKesha‐Muhnedoomeyag: Neen suh nindow Jehovah.