LEVITICUS 21 - Ottawa New Testament Penteteuch and Psalms 1874

¹ Jehovah dush oo‐oo oogeënaun Mosesun, Guhnoozh egewh sahsahgewejega‐wenewug Aaron oogwissun, kuhya oo‐oo ezhe, Kahween ahweyah tahweeneëdezoose oonje neboonid weejahnishnahban.

² Oonje oodenuhwamahgunun, gamuh oonje oogeen atuh, gamuh oonje oosun, gamuh oonje oogwissun, gamuh oonje oodahnissun, kuhya wekahnisun,

³ Kuhya oonje oodahwamaun kegaungooquan, pashoo oodenuhwamahgunun, wanahbamesenegoon; mahnoo tahweeneëdezoo oonje wah‐owh.

⁴ Kahween tahweeneëdezoose, kechetwahweze mah emuh anduhzhe‐ahyahnid weejahnishenahban; chedahbussetoopun weyowh.

⁵ Kahween oogahkaushkebahduhsenahwah ooshtequaunewah, kah kuhya oogahkishkezhunsenahwah oomeshedoonahgunewah, kah kuhya tuhkeshkezhoodezoosewug.

⁶ Tahpeenezewug suh chebuhmeetuhwahwaud enewh oo Kesha Muhnedoomewaun, kah dush oogahweenetoosenahwah oo‐Kesha‐Muhnedoomewaun oodezhenekahzoowinene: oosahsahgewetoonahwah mah oomeenegoowinun owh Jehovah chuhyahgizegahdagin, kuhya oobuhquazhegunemene enewh oo Kesha‐Muhnedoomewaun: me suh kaöonjepeenezewaud.

⁷ Kahween oogahweedegamahsewaun pazhigwahdezenejin equawun, gamuh anuhmeähsenegoon; kah kuhya oogahweedegamahsewaun equawun kahwabenegoonejin enewh wahdegamahpuneen enenewun: peeneze mah chebuhmetuhwaud oo‐Kesha‐Muhnedoomun.

⁸ Kegahpeeneäh suh goo oonje puggedenung ke‐Kesha‐Muhnedoom oobuhquazhegunemun: tahpeeneze suh: neen mah Jehovah pahneenenuhgoog nepeeniz.

⁹ ¶ Kuhya sahsahgewejega‐wenene oodahnisun, kishpin weeneëdezoonid pezhigwahdejenid, ooweeneäun oosun: tahchahgizwah emuh ishkootang.

¹⁰ Owh kache‐sahsahgewejega‐wenenewid emuh ahyahnid wekahnesun, owh kahsegenuhmahwind emuh ooshtequauning ewh nuhmuhkoonedewine‐pemeda, kuhya kahkechetwahweïnd chepesekung enewh sahsahgewejega‐wenene-oodahgwewinun, kahween tahkeejewewuhquaunase, kah kuhya oogahpegoobetooseen oodahgwewinun;

¹¹ Kah kuhya tahpeendegase cheby ahyaud, kah kuhya tahweeneëdezoose oonje oosun, gamuh oogeen;

¹² Kah kuhya tahsahguhunse oonje kechetwah‐ahnuhmeä‐weguhmigoong, kah kuhya oogahweenetooseen OoKesha‐Muhnedoomun oodahnuhmeä‐weguhmigoone; kesegenuhmahwah mah emuh ooshtequauning ooKesha‐Muhnedoomun oopemedamene kenuhmuhkoonind: Neen suh nindow Jehovah.

¹³ Oogahweedegamaun suh kegaungooquan.

¹⁴ Kahween oogahoodahpenahseen shegaun, gamuh wuhyabenegahzoonejin equawun, gamuh pazhigwahdezenejin equawun, kahween oogahoodahpenahseen oonoo denoowun: oogahweedegamaun kegaungooquan weejahnishenahba equan.

¹⁵ Kahween dush oogahweenetooseen oomenekaun anduhzheähyahnid oodahnishenahbamun: Neen mah Jehovah nekechetwahweäh.

¹⁶ ¶ Jehovah dush oogekuhnoonaun Mosesun, oo‐oo keënaud,

¹⁷ Kuhnoozh Aaron, oo‐oo cheeënud, Ahwagwan menik anduhchewahgwan kenejahnesug kayundahwezesegwan, kahween tahpeëzhahse chepuggedenung Ookesha‐Muhnedoomun oobuhquazhegunene.

¹⁸ Ahwagwan kayundahweezesegwan, kahween tahpeëzhahse: kakepeengwad, gamuh achahoosad, gamuh kaushkechahnad, gamuh ayaung oonzaum nebewah pukkawezewinun,

¹⁹ Gamuh pwahkoosittad, pwahkooneenjeed,

²⁰ Gamuh pwahkwahwegunashkaud, gamuh oonzaum agahsheïd, gamuh puhyaushkizhkezhegwad, gamuh wameegid, gamuh uhyahkoozid ooneshewun.

²¹ Kahween ahweyah kayundahwezesig anduhchenid Aaron oogwissun tahpeëzhahse chesahsahgewetood oosahsahgewejegunun owh Jehovah chuhyahgizegahdagin: kahween kuhyunduhwezese; kahween tahpeëzhahse chepuggedenung oobuhquazhegunene ooKesha‐Muhnedoomun.

²² Mahnoo oogahmeejin ooKesha‐Muhnedoomun oobuhquazhegunene, ewh mahyahmahwe kechetwahwandahgwuk, kuhya ewh kachetwahwandahgwuk.

²³ Kahween tahpeendegase emuh ahgoodag kebuhgoojegun, kah kuhya pashoo oogahpenaunzekunseen sahsahgewejegunahbik, oonje kuhyundahwezesig; oodahgeweenetoon nindahnuhmeä‐weguhmigoomun neen mah Jehovah nekechetwahwetoonun enewh.

²⁴ Moses dush oogeweenduhmahwaun Aaronun oonoo, kuhya enewh oogwissine, kuhya kuhkenuh Israel oonejahnesun.