LEVITICUS 20 - Ottawa New Testament Penteteuch and Psalms 1874

¹ Jehovah dush oogekuhnoonaun Mosesun, oo‐oo keëkedood,

² Menuhwah oo‐oo kegahenaug Israel oonejahnesun, Ahwagwan menik anduhchewahgwan Israel oonejahnesun, gamuh mayuggezejig anahnuhkeejig emuh Israel ooduhkeeming, kapuggedenuhmahwahgwan oonejahnesun enewh Molochun; ahbetik tahnesah: egewh emuh uhkeeng anduhnuhkeejig oogahpimwuhsinnahahwaun.

³ Ningahsheenganemah suh owh enene, kuhya ningahbuhnahjeäh oonje ahyahnid weejahnishenahban; oonje kepuggedenuhmahwaud Molochun oonejahnesun, cheweenetood nindahnuhmeä‐weguhmigoom, kuhya chedahbussetood kachetwahwandahgwuk nindezhenekahzoowin.

⁴ Kishpin dush uhkeeng duhzhe ahnishenahbag buhbahmanemahsigwah enewh kameenahnejin oonejahnesun enewh Molochun, nesahsigwah dush:

⁵ Ningahmegahnah suh owh enene, kuhya oonejahnesun, kuhya ningahbahnahjeäh, kuhya kuhkenuh kaweedookahgoojin ahnuhmeätuhwaud Molochun, emuh anduhzheähyahnid weejahnishenahbawaun.

⁶ ¶ Owh dush enene kanunduhwahbuhmaud enewh ayahwahnejin wahdookahzoonejin muhnenoon, kuhya enewh chahsuhkeenejin, weähwahwaud enewh, ningahmegahnah suh owh kuhya ningahbahnahjeäh oonje ahyahnid weejahnishenahban.

⁷ ¶ Peeneëdezooyook suh, kuhya peenezeyook: neen mah nindow Jehovah ke‐Kesha‐Muhnedoomewah.

⁸ Kuhya kegahguhnuhwandahnahwah netebahkoonegawinun, cheëzhechegayag akedoomahguk: neen suh Jehovah nindowh pahneënag.

⁹ ¶ Kuhkenuh kamujje‐guhnoonahjig oosewaun gamuh oogeewaun ahbetik tahnesahwug oogemujje‐guhnoonahwaun oosewaun gamuh oogeewaun tahoonjegahtuhmahwahwug omisqueemewah.

¹⁰ ¶ Kuhya owh enene kapezhegwahdezid wepamaud weejeduhnuhkeewamahgunun wewene, ahbetakummig ween tahnesah kuhya equawun kawepamahjin.

¹¹ Kuhya enene kawepamaud oosun wedegamahgunene oogepahkissittahmahwaun oosun oopingwahshahgedewinene: nuhyazh ween kuhya pazhigwahdezid equa tahnesahwug; wenuhwah oodezhechegawinewah wanjeöonjegahtuhmah windwah oomisqueemewah.

¹² Kishpin dush enene wepamaud enewh oosimeen, nuhyazh ahbittakummig tahnesahwug: kemujje‐wedegandewug suh; wenuhwah tebenuhwa oodezhechegawinewah wanjeöonjegahtuhmahwindwah oomisqueemewah.

¹³ Kishpin dush enene wepamaud enenewun, debishkoo azhewepamaud equawun, nuhyazh kekuhgwahnesugge‐mujje-ëzhechegawug: ahbetakummig tahnesahwug; wenuhwah tebenuhwa oodezhechegawinewah wanjeöonjegahtuhmahwah oomesqueemewaun.

¹⁴ Kishpin enene wedegamaud equawun kuhya oogeene, mujje‐ezhechegawin suh e‐ewh: tahchahgizwahwug emuh ishkootang, enene kuhya equawug; cheduhgoomahgussenook mujje‐ezhewabezewin emuh keduhkeemewaung.

¹⁵ Kishpin dush enene wepamund ahwaseeün, ahbetakummig tahnesah: kuhya kegahnesahwah owh ahwasee.

¹⁶ Kishpin dush equa penaunzekahwaud ahweyah ahwaseeün, chewepamegood, kegahnesah equa, kuhya ahwasee ahbetakummig tahnesahwug; wenuhwah tebenuhwa oodezhechegawinewah wanjeöonjegahtuhmahwindwah oomisqueemewah.

¹⁷ Kishpin enene oodahpenaud oodahwamaun, oosun oodaunene, gamuh oogeen oodaunene, ween dush equa wahbundung enene oopingwahshahgedewin; kuhya enene wahbundung equa oopingwahshahgedewin; kechemujje‐ezhebud suh ewh; tahbahnahjeähwug anahsuhmenid oodahnishenahbamewaun; oogepahkissitahmuhwaun oodahwamaun oopingwahshahgedewinene; oomujjeëzhechegawin tahoonjeneboo.

¹⁸ Kishpin dush ahweyah enene wepamaud equawun magwah ahyahkoozenid azheähkoosewaud equawug, kuhya pahkissetuhmahwaud oopingwahshahgedewinene; oogemekaun wanjeöonjegahnig oomisqueem; nuhyazh tahbahnahjeähwug oonje ahyahnid weejahnishenahbawaun.

¹⁹ Kahween kegahpahkissittuhmahwahse oopingwahshahgedewinene keguh oowedegequun gamuh koos oodahwamaun: owh mah oo‐oo azhechegad oopahkissitahwaun pashoo oodenuhwamahgun: oomujje‐ezhechegawinewah tahöonjeneboowug.

²⁰ Kishpin dush enene wepamaud oomishoomayun oowedegamahgunene, oogepahkissittahmahwaun oomishoomayun oopingwahshahgedewinene: oomujje‐ezhewabezewinewah tahoonjeheboowug oonejahnesesigwah.

²¹ Kishpin dush enene weedegamaud wekahnisun wewine, weenud suh eewh ezhechegawin: oogepahkissittuhmahwaun wekahnisun oopingwahshahgenewinene; kahween tahoonejahnesesewug.

²² ¶ Kegahguhnuhwandahnahwah kuhkenuh nindenahkoonegawinun, kuhya netebahkoonegawinun, cheëzhechegayag cheöonjesahgechewabenegoosewag oonje uhkeeng, kaëzhewenenuhgoog cheduhnuhkeeyag emuh.

²³ Kahween kegahezhewabezeseem debishkoo azhewabezewaud egewh mahyug‐ahnishenahbag, kasahgejewabenugig anahsuhmeyag: keëzhechegawug mah kuhkenuh oonoo ezhechegawinun, mesuh wanje kuhgwahnesugganemugwah.

²⁴ Kenuhwah dush ween oo‐oo kegeënenim, Kegahdebandahnahwah ooduhkeemewah, kegahpuggedenuhmoonenim suh cheöoduhkeemeyag, uhkee emuh kabahtuhenuk doodooshahboo kuhya ahmoo‐sinsebahquud: Neen nindow Jehovah ke‐Kesha‐Muhnedoomewah, kahpukka‐kahbooweënag oonje ahyahwaud mayuggezejig ahnishenahbag.

²⁵ Pekinnoong suh kegahenanemahwaug uhwahkaunug egewh pahnezejig kuhya egewh wahnezejig, kuhya penasheüg pahnezejig kuhya wahnezejig kahween kegahweeneähsewaug kejechaugoowaug oonje ahwasee, gamuh penasee, gamuh ahweyah bamahdezid pabahmoodad emuh uhkeeng, kahpukka‐kahbahweügig oonje weenezewaud.

²⁶ Keenuhwah dush ween kegahpeenezeem chebuhmeetuhweyag: neen mah Jehovah nepeeniz, kuhya kegepukka‐kahbuhweënim oonje ahyahwaud mayuggezejig ahnishenahbag, chedebaneminuhgoog.

²⁷ ¶ Enene gamuh equa wahdookahgood mujje‐muhnedoon, gamuh chahsuhkeed, ahbetik tahnesah: tahpemwuhsinahahwug: wenuhwah tebenuhwa oomujje‐ezhechegawinewah wanjeöonjegahtuhmoowindwah oomisqueemewah.