LEVITICUS 2 - Ottawa New Testament Penteteuch and Psalms 1874

¹ Uhpe dush ahweyah wahmeenaud Jehovahun ewh meejime‐meegewawin, wanesheshenig buhquazhegun pahsaug oogahmeegewan; kuhya oogahsegenaun pemeda emuh, kuhya oogahahtoon menoomahgoojegun emuh.

² Oogahpeetuhwaun dush enewh oogwissun owh Aaron enewh sahsahgewejega‐wenenewun; oogahmahmoon dush ningoodoobuhnaneenj ewh pahsaug buhquazhegun, kuhya ewh pemeda, kuhya kuhkenuh ewh menoomahgoojegun: sahsahgewejega‐wenene dush oogahchahgezaun ahnind emuh sahsahgewejegunahbikoong chemequanjegahdag, chahgezega‐meegewawin cheähwung, kamenoomaundung owh Jehovah.

³ Ewh dush menik ashkoonegahdag ewh meejime‐meegewawin oogahdebandaun Aaron kuhya enewh oogwissun: kecheahpeetandahgwudene mah Jehovah oomeenegoowinun chuhyahgedagin.

⁴ ¶ Kishpin dush peetooyun wahmeegewayun, ewh meejim kaboozegahdag emuh keboozeguning, mahnoo kegahpeenaug wambeshinsegoog buhquazhegunug ewh wanesheshing buhquazhegun pemeda dahgoonegahdag, gamuh wambeshinsegoog buhquashegaunsun pemeda wenindjig.

⁵ ¶ Kishpin dush wahmeegewayun ewh meejime‐meegewawin sahsuhkooquahjeguning suhyahsuhkooquahjegahdag, wanesheshid buhquazhegun pahsaug kegahpeenah wambesijegahzoosig pemeda dahgoonegahdag.

⁶ Kegahpuhquabenah, kuhya kegahsegenaun pemeda emuh: meejime meegewawin suh ahwun.

⁷ ¶ Kishpin dush wahmeegewayun mejime meegewawin ahbwahjegunahbikoong ahwahjegahdag, wanesheshing pahsaug buhquazhegun kegahahyoon pemeda dahgoonegahdag.

⁸ Kegahpeetuhwah dush owh Jehovah ewh meejime meegewawin oonoo uhyeëen wanjeöozhechegahdag: uhpe pagedenuhmahwind owh sahsahgewejega‐wenene oogahpeëzhewetoon emuh sahsahgewejegunahbikoong.

⁹ Owh dush sahsahgewejega‐wenene oogahoodahpenaun punge ewh meejime‐meegewawin kaöonjemequanjegahdag, kuhya oogahchahgezaun emuh sahsahgewejegunahbikoong: Kachahgedag meegewawin ahwun, kamenoomaundung Jehovah.

¹⁰ Ewh menik ashkoonegahdag meejime‐meegewawin Aaron kuhya enewh oogwissun oogahdebandahnahwah, ahpeje kecheähpetandahgwudene ewh oomeenegoowin owh Jehovah chuhyahgedag.

¹¹ Kah kuhnuhga gagoo meejime‐meegewawin kapeetuhwag owh Jehovah tahoombesinsenoon: kah mah oombesechegun, gamah ahmoo‐sinsebahquud, kegahchahgezhnsenahwah uhpe chuhyahgezahmahwag owh Jehovah oomeenegoowin.

¹² ¶ Enewh dush natum‐wahbetagin kegahpuggedenuhmahwah owh Jehovah: kahween dush ween oogahchahgezunsenahwah emuh sahsahgewejegun‐ahbikoong chemenoomahgwuk.

¹³ Kuhkenuh dush kemejime‐meegewawinun kegahshewe-tahgunuhahnun; kah dush tahpwahshewetahgunuhegahdasenoon kemejime meegewawinewaun kameenag Kesha‐Muhnedoo debishkoo akedoomahguk ewh oowahweendahmahdewin owh keKesha‐Muhnedoom, emah kuhkenuh kemeegewawinewaung kegahtuhgoo‐meegewanahwah shewetahgun.

¹⁴ Kishpin dush natum‐wahbetagin wahmeenag owh Jehovah, kegahmeegewanahwah, wazhahwushquahkoozejig puhquazhegunushkoog puhyahsoojig chegeshkootang, meziminans pagundahegahzood oonje buhquazhegunushkoong.

¹⁵ Pemeda dush kegahseegenaun emuh, kuhya menoomahgoojegun kegahahtoon emuh: mejime‐meegewawin ahwun.

¹⁶ Punge dush oogahchahgizaun owh Sahsahgewejega‐wenene cheöonjemequanjegahdag, ahnind meziminans kahmuhmewabuhegahdag, kuhya ahnind ewh pemeda, kuhkenuh dush ween ewh menoomahgoojegun: Jehovah oopuggedenuhmahgoowin ahwun ishkootang apuggejegahdag,