LEVITICUS 19 - Ottawa New Testament Penteteuch and Psalms 1874

¹ Jehovah dush oogekuhnoonaun Mosesun, oo‐oo keënaud,

² Kuhnoozh kuhkenuh Israel oonejahnesun mahyahwunjeëdenejin, oo‐oo dush kegahenaug, Kegahpeenezeem: neen mah Jehovah ke‐Kesha‐Muhnedoomewah nepeeniz.

³ ¶ Kegahkoosahwah anduhchid enene oogeen, kuhya oosun, kuhya kegahguhnuhwandahnahwah nindahnuhmeä keezhegudoomun: Nindow Jehovah ke‐Kesha‐Muhnedoomewah.

⁴ ¶ Kagoo quakeetuhwahkagoon muzzeneneeg, kah dush kegahbuhmeetuhwahsewaug wazhechegahzoojig muhnedoog: Neen suh nindow Jehovah ke‐Kesha‐Muhnedoomewah.

⁵ ¶ Kishpin dush wepuggedenuhmahwag Jehovah meegewawin cheöonjepoonanemenag, kenuhwah enanduhmag kegahezhepuggedenahnahwah.

⁶ Kegahmeejinahwah ewh kezheguk uhpe pagiddenuhmag, kuhya wuhyahbung: kishpin gagoo ishkoonegahdag nahnauzh nesuhgoonuhguk, tahchahgizegahda emuh ishkootang

⁷ Kishpin kuhnuhga punge meejeyag nasuhgoonuhguk, tahkuhgwahnesuggandahgwud; kahween tahoodahpenegahdasenoon.

⁸ Mesuh mujje‐ezhewabezewug kaöonjeenanemindwah kuhkenuh kameejejig, oogemujjedoodaun kachetwahwandahgwudenig ooduhyeem owh Jehovah: tuhbuhnahjeäh suh owh enene oonje ahyahnid weejahnishenahban.

⁹ ¶ Uhpe dush kaushkushkezhuhmagoon enewh mahyahjegingin emuh keduhkeemewaung, kahween kuhkenuh kegahtakishkushkezhahsenahwah emuh wahwequaühyang keduhkeemewah, kah kuhya kegahsuhguhkenunsenahwah enewh buhquazhegunushkoon pangesingin uhpe saguhkenegayagoon.

¹⁰ Kahween kegahmahmoosenahwah enewh shooweminun pangesingin, kah kuhya kegahsuhguhkenunsenahwah wahweenga kuhkenuh keshooweminewaun emuh shoowemine‐ketegauning; kegahpuggedenuhmahwahwaug egewh katemahgezejig: Neen suh nindow Jehovah ke‐Kesha‐Muhnedoomewah.

¹¹ ¶ Kahween kegahkeemoodeseem, kah kuhya kegahwuhyazhingaseem, kahween kuhya kegahkuhkeenuhwishke-tahdeseem.

¹² ¶ Kah dush kegahkuhkenuhwishkeseem tuhgooweenduhmag nindezhenekahzoowin, kah dush kegahweenetoosenahwah ke‐Kesha‐Muhnedoomewah oodezhenekahzoowin: Neen nindow Jehovah.

¹³ ¶ Kahween kegahwuhyazhemahse keejeduhnuhkewamahgun, kah kuhya kegahkeemoodemahse: kahween kegahguhnuhwanduhse ootebahahmahgoowin owh anookeetauk kuhpa tebik nahnauzh chewahbung.

¹⁴ ¶ Kahween kegahmujjeduhzhemahse owh kakebeshad, kah kuhya kegahahtahwahse owh kakepeengwad gagoo kaöonjepukkettashing, kegahkoosah ke‐Kesha‐Muhnedoom: Neen nindow Jehovah.

¹⁵ ¶ Kahween kuhnuhga kegahmujje‐tebahkoonegase tabahkoonegayunin: kahween kegahweedookahwahse katemahgezid, kah kuhya kegahkechetwahwanemahse kachetwahwezid: emuh quuhyuk tebahkoonegawining kegahezhetebahkoonah keejeduhnuhkewamahgun.

¹⁶ ¶ Kahween kegahpahbahmahnahdahjemahseeg keejeduhnuhkewamahgunug: kah kuhya kegahmegahdunse oomisqueem keejduhnuhkeewamahgun; Neen nindow Jehovah.

¹⁷ ¶ Kahween kegahsheenganemahse kekahnis emuh kedaïng: ahbetik kegahnuhneebikemah keejeduhnuhkewamahgun, kah dush kegahpuggedenuhmahwahse chemujje‐ezhechegad.

¹⁸ ¶ Kahween kegahahzhittahwahewase, kah kuhya kegahsheenganemahseeg keejahnishenahbag, kegahezhesahgeäh keejduhnuhkeewamahgun debishkoo azhesahgeëdezooyun: Neen nindow Jehovah.

¹⁹ ¶ Kegahguhnuhwandahnahwah nindenahkoonegawinun, Kahween kegahpuggedenuhmahse kedahwuhkaun chemekemaud pukkaun azheweenzoonejin ahwahkaunun: kahween papukkaunukkin meenewinun kegahketegahdunsenahwah emuh keketegaunewaung: kah kuhya kegahpesekunsenahwah ahgwewin ketuhgeginoosig kuhya mahnishtahnishe‐pewying wanje‐oozhechegahdag.

²⁰ ¶ Kishpin ahweyah wepamaud buhmeetahga‐equawun, wahyahweendahmahgapuneen cheweedegamahnid enenewun, pagedenegahzoosenegoon, tahpuzzhunzhawahwug; kahween tahnesahsewug, kah mah kedebanindezoose owh equa.

²¹ Enene dush oogahpeetuhwaun Jehovahun oomeegewawin, emuh ishquaundamewunenig oodahnuhmeä‐weguhmigoowahegewh mahyahwunjeëdejig, ahyahba‐mahnishtahnishun oogahmeegewanun oonje‐oomujjeëzhechegawin.

²² Sahsahgewejega‐wenene dush tahsahsahgewejega oonje oomujjeëzhechegawin oogahnesaun dush ahyahba mahnishtahnishun oonje mujjeëzhechegawin kahezhechegad anahsuhmenid Jehovahun: tahwabenuhmahwah dush oomujjeëzhechegawin kahezhechegad.

²³ ¶ Uhpe dush ketuhgwishinag emuh uhkeeng, kuhya kepuddukkinagwah ahnooj denoowug metigoog cheweseneyag, nesoo pepoon kakenoowahje kishkezhegahzoosegoog kegahenanemahwaug: kahween kegahaumwahsewaug.

²⁴ Newoo‐pepoonuhguk kuhkenuh azhemenewewaud tahpeenezewug cheöonjewahwezhanemind Jehovah

²⁵ Nahnoo pepoonahguk dush kegahmeejinahwah meenewinun, menik kaëzhemeenewewaud kemetigoomewaug: Neen nindow Jehovah keKesha‐Muhnedoomewah.

²⁶ ¶ Kahween kegahmeejesinahwah gagoo masqueewung: kah kuhya kegahwahbuhnooweseem, kah kuhya kegahbuhbahmanduhsenahwah kezhegudoon.

²⁷ Kahween kegahwahweyakoodunsenahwah kemenesissewah, Kuhya kahween kegahbahnahjetoosenahwah kemeshedoonahgunewah.

²⁸ Kahween kegahkishkezhedizooseem emuh keyausewaung oonje egewh kahneboojig, kah kuhya kegahoozhebeünsenahwah gagoo emuh keyowewaung: Neen nindow Jehovah.

²⁹ ¶ Kagoo puggednahkan kedahnis chepeshegwahdezid; koonemah uhkee tahpungesin emuh peshegwahdezewining, kuhya tahmooshkenamahgud mujjeëzhewabezewin emuh uhkeeng.

³⁰ ¶ Kegahguhnuhwandahnahwah nindahnuhmeä‐kezhegudoomun, kuhya kegahkechetwahwandahnahwah nindahnuhmeä‐weguhmig: Neen nindow Jehovah.

³¹ ¶ Kagoo buhbahmanemahkagoon egewh wahdookahgoojig pakahnezenejin Muhnedoon, kagoo dush nunduhwahbuhmahkagoon egewh metawin mahkindungig, cheweneësenoowagoog dush: Nindow Jehovah KeKesha‐Muhnedoomewah.

³² ¶ Kegahpuhsegwe anahsuhmeed owh wuhyahbequad, kuhya kegahkechetwahwandaun oodangwy owh uhkewanzee, kuhya koosik ke Kesha‐Muhnedoom: Neen Jehovah nindowh.

³³ ¶ Kishpin mayuggezid weejeduhnuhkeemik emuh keduhkeeming, kahween kegahmegooshkahjeähsewah.

³⁴ Kegahdoodahwahwah owh mayuggezid pahduhnuhkeed emuh keduhkeemewaung, debishkoo andooduhwag ahweyah keduhkeemewaung anduhzhenegid kegahezhesahgeähwaug dush debishkoo azhesahgeëdezooyag; kenuhwah mah kegemuhyuggezeem emuh Egypting duhzhe uhkeeng: Neen nindow Jehovah Ke Kesha‐Muhnedoomewah.

³⁵ ¶ Kahween kegahmujje‐tebahkoonegaseem uhpe tabahkoonegayagoon, kah kuhya kegahwuhyazhingaseem uhpe tabahegayagoon, gamuh tabahbishkoojegayagoon.

³⁶ Kegahahyahnahwah quuhyuk tebahbishkoojegunun, kuhya quuhyuk koosekoojegunun, quuhyuk ephah, kuhya quuhyuk hin; Neen nindow Jehovah keKesha‐Muhnedoomewah, kahsahgechewenenag oonje Egypting duhzhe uhkeeng.

³⁷ Mesuh kaöonjeguhnuhwanduhmag kuhkenuh nindenahkoonegawinun, kuhya nintebahkoonegawinun, chemekinduhmag: Neen nindow Jehovah.