LEVITICUS 18 - Ottawa New Testament Penteteuch and Psalms 1874

¹ Jehovah dush oogekuhnoonaun Mosesun, oo‐oo keenaud.

² Kuhnoozh Israel oonejahnesun, oo‐oo dush kegahenaug, Neen nindow Jehovah kekesha‐Muhnedoomewah.

³ Kahween kegahezhechegaseem, debishkoo kahezhechegawaud egewh Egypting duhzhe ahnishenahbag, anduhnuhkeeyagoobun: kuhya debishkoo azhechegawaud emuh Canaaning duhzhe uhkeeng, emuh azheweenenuhgoog, kahween kegahezhechegaseem: kah kuhya kegahguhnuhwanduhsenahwah oodenahkoonegawinewaun.

⁴ Neen suh netebahkoonegawinun kaguhnuhwanduhmag, kuhya kegahbemoosam emuh nindenahkoonegawining; nindow mah Jehovah ke‐Kesha‐Muhnedoomewah.

⁵ Mesuh kaöonjeguhnuhwanduhmag nintebahkoonegawinun kuhya ninkuhgequawinun: kishpin dush ahweyah guhnuhwandung enewh, tahbemahdeze suh emuh: Jehovah suh nindowh.

⁶ ¶ Kahween ahweyah menik anduhcheyag oogahnaunzekahwahseen pashoo anuhwamahjin, chepahkissittahmahwaud oopingwahshahgedewin: Neen mah nindow Jehovah.

⁷ Oopingwahshahgedewin koos, gamuh oopingwahshahgedewin keguh, kahween kegahpahkissittahmahwahse: keguh suh ahwe; kahween kegahpahkissittahmahwahse oopingwahshahgedewin.

⁸ Kahween kegahpahkissittahmahwahse oopingwahshahgedewinene koos ooweedegamahgunun: koos suh oopingwahshahgedewin ahwun.

⁹ Kahween kegahpahkissittahmahwahse kedahwamah oopingwahshahgedewin, keguh oodahnun, gamuh koos oodahnun, kishpin andahyag kahnegegwan, gamuh pukkaun ningooche, kahween kegahpahkissittahmahwahseeg oopingwahshahgedewinewah.

¹⁰ Kahween kegahpahkissittahmahwahse oopingwahshahgedewenene kegwis oodaunun, gamuh kedahnis oodaunun, keen mah tebenuhwa kepingwahshahgedewin ahwun.

¹¹ Oopingwahshahgedewin koos wewun oodaunene, wadahnemahjin koos, kahween kegahpahkissittahmahwahse, kedahwamah suh ahwe.

¹² Kahween kegahpahkissittahmahwahse koos oodahwamaun oopingwahshahgedewinene: koos mah pashoo oodenuhwamaun enewh.

¹³ Kahween kegahpahkissittahmahwahse keguh oowedegequun oopingwahshahgedewinene: keguh mah pashoo oodenuhwamaun enewh.

¹⁴ Kahween kegahpahkissittahmahwahse koos wekahnesun oopingwahshahgedewinene, kahween kegahwepamahse oowedegamahgunene: kesigoos suh ahwe.

¹⁵ Kahween kegahpahkissittuhmahwahse kesim oopingwahshahgedewin: kegwis mah wewun ahwe: kahween kegahpuhkissituhmahwahse oopingwahshahgedewin.

¹⁶ Kahween kegahpahkissittahmahwahse kekahnis oowedegamahgunun oopingwahshahgedewinene: kekahnis mah oopingwahshahgedewin ahwun.

¹⁷ Kahween kegahpahkissittuhmahwahse oopingwahshahgedewinewah nuhyazh equa kuhya oodahnisun, kah kuhya kegahoodahpenahmahwahse oogwissun oodaunene, gamuh oodaunun oodahnene, chepahkissittuhmahwud oopingwahshahgedewinene; pashoo mah kewedegamahgun oodenahwamaun enewh: mujje‐ezhewabezewin suh ewh.

¹⁸ Kahween kegahoodahpenahse kewedegamahgun oowedegequun, chemegooshkahjeüd, chepahkissittahmahwud oopingwahshahgedewin, magwah bemahdezid kewedegamahgun.

¹⁹ Kahween dush kegahnaunzekahwahse equa chepuhkissittahmahwud oopingwahshahgedewin, magwah ningooche ahyaud oonje ooweenezewin.

²⁰ Kah dush kegahwepamahse keejeduhnuhkemahgun oowedegamahgunun, chemekemud cheweenedezooyun.

²¹ Kahween kegahpuggedenuhmahwahse ahweyah kenejahnis cheshahbooskung Moloch oodishkootam, kah kuhya kegahweenetooseen oodezhenekahzoowin kekesha‐Muhnedoom: Neen suh nindow Jehovah.

²² Kahween kegahwepamahse enene azhewepamind equa: kuhgwahnesugganduhgwud suh.

²³ Kah kuhya kegahwepamahse ahweyah ahwase cheweeneëdezooyumbun dush. Kah kuhya equa tahneboowese anahsuhmeed ahwasee chemekemegood enewh: mujje‐weejindewin suh ewh.

²⁴ Kagoo weeneëdezookagoon cheëzhechegayagoobun gagoo oonoo uhyeëen: me mah wanjeweenezewaud kuhkenuh egewh mahyug‐ahnishenahbag kasahgejewabenugwah anahsuhmeyag:

²⁵ Kuhya weenechegahda uhkee: me suh wanjenaunze-kuhmaun chekooduggeügwah oonje oomujje‐ezhewabezewinewah, uhkee dush cheshesheguhgoowamahguk chewabenindwah anduhnuhkeejig emuh.

²⁶ Mesuh kaoönjeguhnuhwanduhmag netebahkoonegawinun kuhya nekuhgequawinun, kah kuhya kegahdoodunsenahwah oonoo mujjedooduhmoowinun; anduhcheyag kenuhwah, gamuh ahweyah mayuggezid anduhnuhkeed emuh keduhkeemewaung:

²⁷ (Me mah kuhkenuh oonoo kuhgwahnesugge‐mujje‐ezhewabezewinun kahezhechegawaud anduhnuhkeejig emuh uhkeeng, kanahbishkahwagoog, me kuhya wanjeweenuk uhkee;)

²⁸ Kishpin kenuhwah nahsaub ezhechegayag kuhya kenuhwah kegahsahgechewabenegoom oonje emuh uhkeeng, uhpe keweenetooyag, debishkoo azhesahgechewabenindwah anduhnuhkeejig emuh nahyahbishkahwagoog.

²⁹ Ahwagwan kadoodumoogwan gagoo oonoo kuhgwahnesuggemujje‐ezhewabezewinun, egewh kadezhechegajig tahbahnahdezewug oonje anduhnuhkeeyag.

³⁰ Mesuh kaöonjeguhnuhwanduhmag netebahkoonegawinun, chedoodunsewag gagoo oonoo mujje‐dooduhmoowinun, kahdooduhmoowaud egewh nuhyahbishkahwagoog, cheöonje-weeneëdezoosewag: Neen suh nindow Jehovah ke‐Kesha‐Muhnedoomewah.