LEVITICUS 17 - Ottawa New Testament Penteteuch and Psalms 1874

¹ Jehovah dush oogekuhnoonaun Mosesun, oo‐oo keënaud,

² Kuhnoozh Aaron, kuhya enewh oogwissun, kuhya kuhkenuh Israel oonejahnesun, oo‐oo dush kegahenaug: Mesuh maunduh Jehovah kahenahkoonegad, oo‐oo keëkedood.

³ Ahwagwan dabandahgoozid emuh Israeling, kanesahgwan ahnookee‐pezhekewun, gamuh mahnishtahnisheensun, gamuh mesahboozoon, emuh kuhbashewining, gamuh kanesahgwan ahgwahjeeng kuhbashewining,

⁴ Kishpin peenahsig emuh ishquaundamewunenig oodah nuhmeä‐weguhmigoowah egewh muhyahwunjeëdejig, chemeenaud Jehovahun ewh meegewawin anahsuhmeähyahnig oodahnuhmeä‐weguhmig owh Jehovah; keneshewa tahenanemah owh enene; oogeöonjegahtoon misquee; owh enene tahbahnahjeäh oonje ahyahnid weejahnishenahban:

⁵ Israel oonejahnesun chepeenahwaud enewh wahnesahwahjin wahnesahwahpuneen emuh ketegauning, chepeenahwaud emuh anahsuhme‐ahyahnig oodahnuhmeä‐weguhmig Jehovah anduhzhe‐mahwunjeëding, chemeenahwaud sahsahgewejega‐wenenewun, kuhya chepuggedenuhmahwahwaud Jehovahun chepoonanemegoowaud enewh.

⁶ Sahsahgewejega‐wenene dush oogahseguhundaun oosahsahgewejegunahbikoom owh Jehovah ewh misque emuh ishquaundamewunenig oodahnuhmeä‐weguhmigoowah egewh mahyahwunjeëdejig, kuhya oogahchahgezaun ewh weenin cheöonjemenoomaunjegad Jehovah.

⁷ Kah dush menuhwah oogahpuggedenuhmahwahsewaun oosahsahgewejegunewaun enewh mujje‐muhnedoon bameetuhwahwahpuneen. Mesuh oo‐oo uhpena kadenahkoonegang kahgenig kaähneka‐bemahdezing emuh ayahyag.

⁸ ¶ Oo‐oo dush kegahenaug, Ahwagwan dabandahgoozid emuh Israeling, gamuh mayuggezid anduhnuhkeed emuh keduhkeemewaung, kapuggedenuhmoogwan chahgezega‐meegewawin gamuh sahsahgewejegun,

⁹ Kishpin peetoosig emuh ishquaundamewunenig oodahnuhmeä‐weguhmigoowah egewh mahyahwunjeëdejig, chemeenahpun Jehovahun; owh enene tahbahnahjeäh oonje ahyahnid oodahnishenahbamun.

¹⁰ ¶ Ahwagwan dush dabandahgoozid emuh Israeling, gamuh mayuggezid anduhnuhkeed emuh keduhkeemewaung, kameejegwan misque; ningahnishkanemah suh ah‐owh kameejid misquee, kuhya ningahbahnahjeäh oonje ahyahnid weejahnishenahban.

¹¹ Me mah misquee wanjebemahduk weyaus: kegemeenenim dush chepuggedenuhmag emuh sahsahgewejegun‐ahbikoong chesahsahgewejegayag oonje kejechaugoowaug: me mah misquee kaöonjeähbwayanememind ahweyah oojechaugwun.

¹² Mesuh kahoonjeënugwah Israel oonejahnesun, Kah kuhnuhga ahhweyah menik anduhcheyag oogahmeejeseen misquee, kah kuhya ahweyah mayuggezid anduhnuhkeed emuh keduhkeemewaung oogahmeejeseen misque.

¹³ Ahwagwan dush owh dabandahgoozid emuh Israeling, gamuh mayuggezid anduhnuhkeed emuh keduhkeemewaung, kakeöosagwan kishpin nasahgwan ahwaseyun gamuh penasheün kaäumwahpuneen; oogahoonjegahtuhmahwaun, oomisqueemene, kuhya oogahpuhduhgwahnahaun weyuggussa ahyood.

¹⁴ Me mah misque wanjebemahduk kuhkenuh weyausemah; chebemahduk mesuh wanjëmisquewunenig: mesuh kahoonjeënugwah Israel oonejahnesun, Kahween kegahmeejesenahwah ewh misque azhemisquewung ahnooj doowah weyaus: me mah misque wanjebemahduk weyausemah: ahwagwan kameejegwan tahbahnahjeäh.

¹⁵ Kuhkenuh dush bamahdezejig amwahjig penesekah kahneboonejin, gamuh enewh ahwaseyun kahpeegwahmemindjin, kishpin keduhkeemewaung dabandahgoozegwan, gamuh mayugezegwan, oogahkesebegenaunun oodahgwewinun, kuhya pakish tahpuggezoo emuh nebeeng, tahweeneze dush nahnauzh oonahgooshenenig: me dush uhpe chepeenezid.

¹⁶ Kishpin dush kesebeginunsig oodahgwewinun, gamuh puggezoosig; tahdoodahwah debishkoo anandahgwudenig oomujje‐ezhewabezewin.