LEVITICUS 16 - Ottawa New Testament Penteteuch and Psalms 1874

¹ Jehovah dush oogekuhnoonaun Mosesun kahneboonid Aaron nuhyazh oogwissun, magwah puggedeneganid anahsuhmid Jehovah, kahneboonid dush;

² Jehovah dush oo‐oo oogeënaun Mosesun, Kuhnoozh kekahnis Aaron, moonzhug chepeendegasig emuh akoo kechetwahwandahgwuk ahgwuhjeëng ahgoodag kebahgoojegun anahsuhme‐ahyaug ewh shahwanjega‐ahgwedubewin, oogijuhyeëe kechetwah‐mukkukoong atag; cheöonjeneboosig: neen mah ningahduhniz emuh ahnuhquudoong oogij‐keche-twahmukkukoong.

³ Mesuh oo‐oo kaëzhepeendegad Aaron emuh akoo kechetwahwandahgwuk: oogahgegezinun ahnooke‐pezhekeensun mujje‐ezhewabezewine‐meegewawin cheähwenid, kuhya ahyahba‐mahnishtahnishun chuhyahgezegahdag meegewawin che hwenid.

⁴ Oogahpesekaun dush puhpuhgewuhyaunegine puhpeensekuhwahgun kechetwahwandahgwuk, kuhya oogahpesekaun puhpuhgewuhyaunegine keboodeägwahsoon emuh weyausing, kuhya tahkechepezoo puhpuhgewuhyaunegine‐kechepezoon, kuhya oogahpesekaun ewh puhpuhgewuhyaunegine‐wewuhquaun: mesuh oonoo kachetwahwandahgwukkin ahgwewinun; me suh kaoönjekesebeginung weyaus emuh nebeeng: oogahpesekaunun edush.

⁵ Oogahoodahpenuhmahwaun dush Israel oonejahnesun neezh mesahboozoonsun mujje‐ezhewabezewine‐meegewawin cheähwenid, kuhya pazhig ahyahba mahnishtahnishun chahyahgizegahdag meegewawin cheähwenid.

⁶ Aaron dush oogahpuggedenaun ween tebenuhwa oopezhekeemun mujje‐ezhewabezewine‐meegewawin, tahsahsahgewejega dush ween oonje, kuhya oonje enewh oowegewauming ayahnejin.

⁷ Kuhya oogahoodahpenaun nuhyazh mesahboozoon, kuhya oogahpuggedenaun anahsuhmeenid Jehovahun emuh ishquaundamewunenig oodahnuhmeä‐weguhmigoowah egewh mahyahwunjeëdejig.

⁸ Aaron dush oogahahtaundekahnaun nuhyazh mesahboozoon; pazhik Jehovah oogahahyaun, menuhwah dush pazhig owh mesahbooz kapuggedenegahzood.

⁹ Aaron dush oogahpeenaun enewh mesahboozoon kahwuhwanahbuhmahjin Jehovah, kuhya oogahnesaun mujje‐ezhewabezewine‐meegewawin cheähwenid.

¹⁰ Owh dush mesahbooz, kawahwanahbuhmind emuh ahtahdewining cheähbahegahzood, tahpuggedenah magwah bemahdezid anahsuhmid Jehovah, cheöonjewabenuhming mujje‐ezhewabezewinun, chepuggedenind dush cheëzhemahjaud ewede buhgwuhduhkummig.

¹¹ Aaron dush oogahpeenaun ahnooke‐pezhekeewun ewh mujjeëzhewabezewine‐meegewawin ween oonje, kuhya tahsahsahgewejega oonje tebenuhwa oomujje‐ezhewabezewinun, kuhya egewh emuh oowegewauming ayahjig, kuhya oogahnesaun ahnooke‐pezhekewun ewh mujje‐ezhewabezewine‐meegewawin ween oonje:

¹² Kuhya oogahoodahpenaun puhquanasahchegun mwaushkinag miskookunzhan oonje sahsahgewejegun‐ahbikoong anahsuhmid Jehovah, kuhya ningootooboonekaun menoomahgoojegun pahsaug, kuhya oogahpeetoon peenjuhyeëeng agoodag ewh keboogoojegun:

¹³ Kuhya oogahahtoon ewh menoomahgoojegun emuh ishkootang anahsuhmid Jehovah, chepuhduhquunnesing emuh shahwanjega‐ahgweduhbewining wuhgijuhyeëe debahjemoowining atag ewh paquanag menoomahgoojegun, cheöonjeneboosig:

¹⁴ Oogahoodahpenaun dush oomisqueem owh ahnooke‐pezhekee, kuhya oogahseguhundaun owh shahwanjegawine‐ahgweduhbewin oogij debahjemoowine mukkukoong atag ooneenj ahyood wahbunoong enuhkayah; kuhya anahsuhmeähyahnig shahwanjegawine ahgweduhbewin neezhwahching oogahseguhunjegan misque ooneenj ahyood.

¹⁵ ¶ Me dush uhpe kanesaud mesahboozoon ewh mujje-ezhewahezewine‐meegewawin, oonje egewh ahnishenahbag, kuhya oogahezhewetoon oomisqueemene peenjuhyeëng ahgoodag kebuhgoochegun, oogenahbujjetood ewh misquee debishkoo kahenuhbujetood ewh pezhekee‐misque, oogahseguhundaun ewh shahwanjegawine‐ahgweduhbewin kuhya anahsuhme‐ahyahnig shahwanjegawine‐ahgweduhbewin:

¹⁶ Tahsahsahgewejega dush oonje kachetwahwandahgwuk ahnuhmeä‐weguhmig, oonje ooweenezewinewah Israel oonejahnesun, kuhya oonje kuhkenuh oomujje‐ezhewabezewinewaun menik kahmujje‐ezhechegawaud: mesuh kadezhechegad oonje ewh oodahnuhmeä‐weguhmigoowah egewh mahyahwunjeëdejig, ewh auduhgoomahguk anduhzhe ahyahwaud ahnahween goo weenezewaud.

¹⁷ Kah dush ahweyah tahahbese emuh oodahnuhmeä‐weguhmigoowaung egewh mahyahwunjeëdejig uhpe paundegad chesahsahgewejegad emuh kechetwahwandahgwuk ahnuhmeä‐weguhmigoong, nahnauzh sahkuhung, kesahsahgewejegad oonje ween tebenuhwa, kuhya oonje enewh ayahwahjin emuh oowegewauming, kuhya oonje kuhkenuh mahyahwunjeëdejig anuhmeähjig emuh Israeling.

¹⁸ Tahsahguhum dush kuhya oogahnauzekaun sahsahgewejegun‐ahbik, anahsuhmid Jehovah atamuhguk, kuhya tahsahsahgewejega oonje ewh sahsahgewejegun‐ahbik; kuhya oogahoodahpenaun ewh pezhekee‐misque, kuhya mesahboozoo‐misque, kuhya oogahahtoon emuh oodashkunewung ewh sahsahgewejegun‐ahbik kewetuhyeëe.

¹⁹ Kuhya oogahsegahunjegan ewh misque neezhwahcheeng ooneenj kaähyood, kuhya oogahpeenetoon, kuhya oogahkechetwahwetoon oonje ooweenezewinewah Israel oonejahnesun.

²⁰ ¶ Uhpe dush keïshquahsahsahgewejegad oonje kachetwahwandahgwuk ahnuhmeä‐weguhmig, kuhya oodahnuhmeä‐weguhmigoowah egewh mahyahwunjeëdejig, kuhya ewh sahsahgewejegun‐ahbik, oogahpeenaun enewh bamahdezenejin mesahboozoon:

²¹ Aaron dush oogahahtoonun nuhyazh ooneenjeen emuh ooshtequaunening enewh bamahdezenejin mesahboozoon, kuhya oogijuhyeëe nebahwenid oogahwahweendaunun kuhkenuh oomujje‐ezhechegawinewaun kuhya ookuh kebahdezewinewaun Israel oonejahnesun, oogahahtoonun dush kuhkenuh emuh ooshtequaunening mesahboozoon, kuhya oogahezhenahzhahwaun ewede bahgwuhduhkummig emuh ooneenjeeng pazhig enene kaähnoonind:

²² Mesahbooz dush oogahpemewetoonun kuhkenuh oonoo mujje‐ezhewabezewinun oogahezhewetoonun dush emuh uhkeeng akoo ahnishenahbakahsenook: oogahpuggedenaun dush mesahboozoon emuh buhgwuhduhkummig.

²³ Aaron dush tahpeendega emuh oodahnuhmeä‐weguhmigoowaung egewh muhyahwunjeëdejig, kuhya oogahkesekaunun oopuhpuhgewuhyaunegine‐ahgwewinun, enewh kahpesekungebuneen uhpe kahpeendegad emuh kachetwahwandahgwuk ahnuhmeä‐weguhmigoong, kuhya oogahnuhguhdaunun emuh:

²⁴ Kuhya tahgesebege nebe ahyood emuh kachetwahwandahgwuk ahnuhmeä‐weguhmigoong, kuhya oogahpesekaunun oodahgwewinun, tahsahguhum dush, kuhya oogahsahsahgewejeganun oochahgezega‐meegewawin, kuhya oochahgezega‐meegewawinewah egewh ahnishenahbag, kuhya tahsahsahgewejega ween oonje, kuhya oonje ahnishenahbag.

²⁵ Kuhya oogahchahgezaun emuh sahsahgewejegun‐ahbikoong ewh mujje‐ezhewabezewine meegewawine‐pemeda.

²⁶ Owh dush kahpuggedenaud enewh mesahboozoon pagedenegahzoonejin oogahkesebeginaunun oodahgwewinun, kuhya oogahkesebeginaunun weyaus emuh nebing, nahguj edush tahpeendega emuh kuhbashewining.

²⁷ Pazhig dush enene oogahsahgechewenaun oonje kuhbashewining enewh ahnookee pezhekeewun ewh mujje‐ezhewabezewine‐meegewawin, kuhya enewh mesahboozoon ewh mujje‐ezhewabezewine‐meegewawin oomisqueem kahpeendeguhdoong cheöonjesahsahgewejegang; emuh kechetwahwandahgwuk, kuhya oogahchahgezwahwaun ahsyün, kuhya weyaus, kuhya moo.

²⁸ Owh dush kachaugizwaud enewh oogahkesebeginaunun oodahgwewinun, kuhya oogahkesebegenaun weyaus emuh nebeeng, nahguj edush tahpeendega emuh kuhbashewining.

²⁹ ¶ Me suh oo‐oo kahgenig kadenahkoonegooyag: nauzhwahsoo keziswahgukkin, metausoogoon‐uhgezid kezis, kegahketemahgeähwaug kechechaugoowaug, kah dush kuhnuhga gagoo ahnookeewin kegahenuhnookeeseem, kishpin pazhig kenuhwah ayahwegwan, gamuh mayuggezid keduhkeemewaung anduhnuhkeed:

³⁰ Ewh uhpe kezheguk tahsahsahgewejegam kenuhwah oonje, chepeeneënag, cheöonjepeenezeyag oonje kuhkenuh kemujje‐ezhewabezewinewah anahsuhmeed Jehovah.

³¹ Tahaunwabe‐kezhegud suh ewh uhpe cheäunwabeyag, kuhya pakish cheketemahgeägwah kejechaugoowaug, debishkoo uhpena kaënahkoonegang.

³² Owh dush sahsahgewejega‐wenene, enewh kanuhmuhkoonahjin, kuhya kakechetwahweähjin cheähnookeetuhmenid sahsahgewejega‐wenene oodahnookewin nahbishkahwahnid oosine, me suh owh kasahsahgewejegad, kuhya kapesekung puhpuggewuhyaunegine‐ahgwewinun, mesuh kachetwahwandahgwukkin ahgwewinun:

³³ Tahsahsahgewejega dush oonje oodahnuhmeä‐weguhmigoowah egewh mahyahwunjeëdejig, kuhya oonje sahsahgewejegun‐ahbik, kuhya tahsahsahgewejega oonje egewh sahsahgewejega‐wenenewug, kuhya oonje kuhkenuh ahnishnahbag mahyahwunjeëdejig.

³⁴ Mesuh oo‐oo kahgenig kadenahkoonegang, chesahsahgewejegayun oonje Israel oonejahnesun kuhkenuh oomujje‐ezhewabezewinene ningooding anduhsoo kekenoonoowinuhguk. Keëzhechega dush debishkoo Jehovah kahenaud Mosesun.