LEVITICUS 15 - Ottawa New Testament Penteteuch and Psalms 1874

¹ Jehovah dush oogekuhnoonaun Mosesun kuhya Aaronun, oo‐oo keënaud,

² Kuhnoonik enewh Israel oonejahnesun, oo‐oo dush kaënagwah, Kishpin oonjegahnig enene oomenekaun oonje weyausing, weeneze oonje oonjegahnig.

³ Mesuh kaëzheweenezid oonje oonjegahnig: kishpin magwah oonjegahmahguk oomenekaun oonje weyausing, gamuh kepoonetahmahguk, mahnoo tahweeneze.

⁴ Anduhchinenig nebahgunun emuh kashingeshing owh wanjegahnig oomenekaun, kuhya anduhchingin enewh emuh kanuhmuhduhbid tahweenudoon:

⁵ Ahwagwan dush tuhyaungenuhmoogwan oonebahgunene oogahkesebegenaunun oodahgwewinun, kuhya tahpuggezoo, mahnoo dush tahweeneze nahnauzh oonahgooshenenig.

⁶ Ahwagwan dush kadahpuhbid emuh ahpuhbewening kahahpuhbepun owh wanjegahnig oomenekaun oogahkesebeginaunun oodahgwewinun, kuhya tahpuggezoo, mahnoo dush tahweeneze nahnauzh oonuhgooshenenig.

⁷ Owh tuhyaungenuhmahwaud weyausene enewh wanjegahnig oomenekaun oogahkesebeginaunun oodahgwewinun, kuhya tahpuggezoo, kuhya tahweeneze nahnauzh oonahgooshenenig.

⁸ Kishpin ahweyah kesequahnegood enewh enenewun wanjegahnig oomenekaunene: oogahkesebeginaunun oodahgwewinun, kuhya tahpuggezoo, kuhya tahweeneze nahnauzh oonahgooshenig:

⁹ Kishpin dush pemoomegood papazhegoogunzheen tahweenudene ewh uhpuhbewin ayood.

¹⁰ Ahwagwan dush kataungenuhmahwahgwan gagoo enewh enenewun wanjegahnig oomenekaun oodahpeshemoowinene tahweeneze nahnauzh oonahgooshenig: owh dush kapemewetood ooduhyeemene oogahkesebeginaunun oodahgwewinun, kuhya tahpuggezoo, kuhya tahweeneze nahnauzh oonahgooshenenig.

¹¹ Ahwagwan dush tahyaungenegoogwan enewh wanjegahnig oomenekaun, kishpin pwahkesebegeneenjed emuh nebeeng, oogahkesebeginaunun oodahgwewinun, kuhya tahpuggezoo, kuhya tahweeneze nahnauzh oonahgooshenig.

¹² Kishpin dush owh wanjegahnig oomenekaun taungenung wahbegune‐oonahgun tahpeegwuhegahda ewh oonahgun: kishpin dush taungenung metigoo‐oonahgun tahkesebegenegahdane emuh nebeeng.

¹³ Uhpe dush owh wanjegahnig oomenekaun kahpeeneïnd oonje oonjegahwin; oogahahgindaunun neezhwahswe kezhegudoon cheöonjepeeneïnd, kuhya oogahkesebeginaunun oodahgwewinun, kuhya tahpuggezoo emuh sebeeng, tahpeeneze dush.

¹⁴ Ishwahsuhgoonuhguk dush oogahoodahpenaun neezh keche‐oomeemeen, gamuh neezh oomeemeensun, tahpeëzhah dush emuh anahsuhmid Jehovah emuh ishquaundamewunenig oodahnuhmeäweguhmigoowah egewh mahyahwunjeëdejig, kuhya oogahmeenaun sahsahgewejega‐wenenewun enewh:

¹⁵ Sahsahgewejega‐wenene dush oogahpuggedenaun enewh, pazhig mujje‐ezhewabezewine‐meegewawin cheähwung, menuhwah dush pazhig chuhyahgizegahdag meegewawin; sahsahgewejega‐wenene dush tahsahsahgewejega oonje oomujjeëzhewabezewinene anahsuhmeed Jehovah oonje keöonjegahgebun oomenekaun.

¹⁶ Kishpin dush ahnishah wanjegahnigwan ahweyah enene oomenekaun, mahnoo oogahkesebeginaun weyaus emuh nebeeng, tahweeneze dush nahnauzh ooahgooshenig.

¹⁷ Kuhya kishpin atag enene oomenekaun emuh ahgwewining, gamuh emuh pushquaginoong, tahkesebegeenegahda ewh uhyeëe, kuhya tahweenud nahnauzh oonahgooshig.

¹⁸ Kishpin dush enene wepamaud equawun azhewepanindewaud enene kuhya equa, nuhyazh tahpuggezoowug, kuhya tahweenezewug nahnauzh oonahgooshenig.

¹⁹ ¶ Kishpin dush oonjegahnig equa oomisqueem, wanjegahnig emuh weyausing, pukkaun ningooche tahduhneze neezhwahsuhgoon: ahwagwan dush kataungenahgwan enewh tahweeneze nahnauzh oonahgooshenig.

²⁰ Kuhkenuh oodahpishemoowinun kaähpishemood magwah pukkaun ningooche ahyaud tahweenudene: kuhya kuhkenuh oodahpuhbewinun tahweenudenenewun.

²¹ Ahwagwan tuhyaungenuhmoowahgwan oonebahgunene oogahkesebeginaunun oodahgwewinun, kuhya tahpuggezoo, tahweeneze dush nahnauzh oonahgooshenig.

²² Ahwagwan dush tuhyaungenuhmoowahgwan oodahpuhbewinene oogahkesebeginaunun oodahgwewinun, kuhya tuhpuggezoo, kuhya tahweeneze nahnauzh oonahgooshenig.

²³ Kishpin dush ahweyah tuhyaungenuhmoogwan oonebahgunene, gamuh oodahpuhbewinene, tahweeneze nahnauzh oonahgooshenig.

²⁴ Kishpin dush ahweyah enene kuhnuhga wepamaud equawun wahnezenejin, weeneëgood dush ooweenezewin, tahweeneze neezhwahsuhgoon; ewh dush nebahgun kaähpishemood tahweenudene.

²⁵ Kishpin dush ahwahshema kenooazh oonjegahnig ahweyah equa oomisqueem, gamuh kishpin kayahbe oonjegahnig kahtebishkoosanig chepoonetahpun; kuhkenuh kezhegudoon menik wanjegahnig tahezheähyah debishkoo azheähyaud uhpe dabishkoosanig cheöonjegahnig: tahweeneze.

²⁶ Anduhchingin nebahgunun kaähpishemood tahezheähyahmahgudoon debishkoo ewh nebahgun apishemood magwah ningooche duhnezid: wagoodoogwan kuhya apeshemoogwan tuhweenudene, debishkoo kahezheühyaud kewenezid magwah ningooche pukkaun keühyaud.

²⁷ Ahwagwan tuhyaungenuhmoogwan oonoo uhyeëen tahweeneze, kuhya oogahkesebeginaunun oodahgwewinun, kuhya tahpuggezoo, tahweeneze dush nahnauzh oonahgooshenig.

²⁸ Kishpin dush kahpeeneïnd oonje oodoonjegahwin, mahnoo oogahahgindaunun neezhwahswe kezhegudoon, medush uhpe kapeenezid.

²⁹ Ishwahsuhgoonuhguk dush oogahoodahpenaun neezh keche‐oomeemeen, gamuh neezh oomeemeensun, kuhya oogahmahjetahwaun sahsahgewejega‐wenenewun, emuh ishquaundamewunenig oodahnuhmeä‐weguhmigoowah egewh mahyahwunjeëdejig.

³⁰ Sahsahgewejega‐wenene dush oogahpuggedenaun pazhig mujje‐ezhewabezewine‐meegewawin cheähwenid, kuhya menuhwah pazhig chuhyahgizegahdag meegewawin cheähwenid; kuhya sahsahgewejega‐wenene tahsahsahgewejega oonje oomujje‐ezhewabezewinene anahsuhmid Jehovah oonje oodoonjegahwine‐weenezewin.

³¹ Mesuh kaëzheëkoonuhmahwagwah Israel oonejahnesun ooweenezewinene; cheoonjeduhpenasenig emuh oowenezewinewaung, uhpe wahnetoowahjin nindahnuhmeä‐weguhmigoom emuh ookuhbashewinening atag.

³² Mesuh oo‐oo kadezhewabezid owh wanjegahnig oomenekaun, wanjeweenezid dush.

³³ Kuhya owh equa wanjegahnig oomisqueem anduhsookeziswahguk, kuhya owh enene wanjegahnig oomenekaun, nuhyazh enene kuhya equa, kuhya owh kawepamaud equawun magwah weenezenid.