LEVITICUS 14 - Ottawa New Testament Penteteuch and Psalms 1874

¹ Jehovah oogekuhnoonaun Mosesun, oo‐oo keënaud,

² Mesuh oo‐oo kadoodahwind owh wamegeed ewh kezheguk uhpe peeneïnd: tahezheweenah emuh ayahnid sahsahgewejega‐wenenewun:

³ Kuhya owh sahsahgewejega‐wenene tahsahgahum oonje kuhbashewining; sahsahgewejega‐wenene dush oogahnundahwahbundaun, benuh dush kishpin oomegeewin kenoojemoomahguk emuh ooweyowing owh wamegeepun;

⁴ Tahkuhgaundwa owh sahsahgewejega‐wenene cheöodahpenindwah neezh penasheyug bamahdezejig kuhya pahnezejig, mahmahwe keezhike‐metig, kuhya miskoo‐pewy, kuhya hyssop, oonje owh wahpeeneïnd:

⁵ Kuhya owh sahsahgewejega‐wenene tahkuhgaundwa chenesemind pazhik penasheyun emuh wahbegune‐oonahguning oogijuhyeëe emuh pemejewung seebeens:

⁶ Kuhya oogahoodahpenaun bamahdezenejin penasheün, kuhya kezhike metigoon, kuhya miskoo‐pewy, kuhya ewh hyssop, kuhya oogahgindahbeginaunun kuhya bamahdezenejin penasheün emuh oomisqueeming owh penashe kahnesind oogijuhyeëe emuh pemejewung seebeens:

⁷ Kuhya neezhwahcheeng oogahseguhundahwaun enewh wamegeepuneen wahpeeneëmind ewh misque, kuhya oogahwahweendaun chepeenezenid, oogahpuggedenaun dush bamahdezenejin penasheün cheëzhemahjahnid emuh oodangwyewung ewh ketegaun.

⁸ Owh dush kapeeneïnd oogahkesebeginaunun oodahgwewinun, kuhya oogahkaushkebahdaunun wenesissun, kuhya tahkesebeginedezoo nebee‐ahyood, cheöonjepeenezid: bahmah dush nahguj tahpeendega emuh kuhbashewining, ahgwahjeeng dush tahahyah kayahbe neezhwahsuhgoon kahween peendig oowegewauming.

⁹ Neezhwahsuhgoonahguk dush oogahkaushkebahdaunun kuhkenuh wenesissun kuhya oomeshedoonahgunun kuhya oomahmaun, kuhkenuh wenesissun oogahkaushkebahdaunun: kuhya oogahkesebeginaunun oodahgwewinun, kuhya oogahkesebeginaun weyow emuh nebeeng, medush chepeenezid.

¹⁰ Ishwahsuhgoonahguk dush oogahoodahpenaun neezh ahyahba mahnishtahnisheensun ningood andesenegoon, kuhya pazhig equa‐mahnishtahnisheensun nangoo‐pepoon‐uhgezenejin ningood andesenegoon, kuhya nesoo tebahegun pahsaug buhquazhegun meejime‐meegewawin cheähwung, dahgoonegahdag pemeda, kuhya ningoo tebahbishkoochegun pemeda.

¹¹ Kuhya owh sahsahgewejega‐wenene pahneëwad oogahahsaun enewh enenewun wahpeenemïnd, kuhya kuhkenuh oonoo uhyeëen, anahsuhmeed Jehovah, emuh ishquaundamewunenig oodahnuhmeä‐weguhmigoowah egewh mahyahwunjeëdejig:

¹² Kuhya owh sahsahgewejega‐wenene oogahoodahpenaun pazhik ahyahba‐mahnishtahnisheensun, kuhya oogahpuggedenaun mujje‐ezhewabezewine‐meegewawin cheähwenid, kuhya ningoo tebahegun pemeda, kuhya ahyahzhook oogahwabenaun anahsuhmid Jehovah:

¹³ Oogahnesaun dush mahnishtahnisheensun emuh kaduhzhenesaud ahwahkaunun mujje‐ezhewabezewin kaöonjenesemind kuhya ewh chuhyahzezuhming meegewawin, emuh kechetwahwandahgwuk ahnuhmeä‐weguhmigoong: debishkoo mah azhedebandung sahsahgewejega‐wenene ewh mujje‐ezhewabezewine‐meegewawin, me suh kadezhewabuk ewh bahtahzewine‐meegewawin ahpeje kechetwahwandahgwud.

¹⁴ Sahsahgewejega‐wenene oogahoodahpenaun punge oomisqueemene enewh kahnesemind oonje mujje‐ezhewabezewin, kuhya oogahahtuhwaun enewh wahpeeneëmind emuh emuh ookechetuhwugahning, kuhya emuh ookecheneenjening, kuhya emuh ookechesittahning:

¹⁵ Sahsahgewejega‐wenene dush oogahoodahpenaun punge pemeda, kuhya oogahseegenaun emuh oonuhpuhguskeneenjeeng oonuhmunjeneenjeeng:

¹⁶ Sahsahgewejega‐wenene dush oogahtaung‐ahgweenjetoon ookecheneenj emuh pemedang oonuhmunjeneenjeeng atag, kuhya tahsuhswabeguhunjega ewh pemeda neezhwahcheeng anahsuhmeed Jehovah ooneenj kaähyood:

¹⁷ Ewh dush pemeda ashkoonegahdag emuh ooneenjeeng owh sahsahgewejega‐wenene oogahahtoon emuh ookechetahwugahning enewh wahpeeneëmind, kuhya emuh ookecheneenjening, kuhya emuh ookechesittahning, emuh keähtoopun ewh oomisqueem owh ahwahkaun kahnesind oonje bahtahzewin:

¹⁸ Menik edush ashkoonegahdag pemeda emuh ooneenjeeng owh sahsahgewejega‐wenene oogahseegenahmahwaun emuh ooshtequaunening enewh wahpeeneëmind: Sahsahgewejega‐wenene dush tahsahsahgewejega oonje oomujje‐ezhewabezewinene anahsuhmeed Jehovah.

¹⁹ Sahsahgewejega‐wenene dush oogahpuggedenaun ewh mujje‐ezhewabezewine puggedenegawin, kuhya tahsahsahgewejega oonje oomujje‐ezhewabezewinene enewh wahpeënemind; nahguj edush oogahnetoon ewh kachahgizegahdag meegewawin:

²⁰ Kuhya sahsahgewejega‐wenene oogahpuggedenaun ewh chahyahgizegahdag meegewawin kuhya ewh meejime‐meegewawin emuh sahsahgewejegun‐ahbikoong: kuhya sahsahgewejega‐wenene tahsahsahgewejega oonje oomujje‐ezhewabezewinene, tahpeenezewun dush.

²¹ Kishpin dush ketemahgezid, kushketoosig dush chekishpenuhtood ewh menik; mahnoo oogahoodahpenaun pazhig mahnishtahnisheensun cheähwenid bahtahzewine‐meegewawin ahyahzhook kawabenegahdag, chesahsahgewejegang dush oonje oomujje‐ezhewabezewin, kuhya punge pahsaug buhquazhegun pemeda dahgoonegahdag meejime meegewawin cheähwung, kuhya pazhig tebahegun pemeda;

²² Kuhya neezh keche‐oomeemeen, gamuh neezh oomeemeensun, enewh kakushketood cheöondenaud; pazhig mujje‐ezhewabezewine‐meegewawin tahahwun, menuhwah dush pazhig chuhyahgizegahdag meegewawin.

²³ Oogahpeenaun dush ishwahsuhgoonahguk chemeenaud sahsahgewejega‐wenenewun oonje oopeeneëgoowin, emuh ishquaundamewunenig oodahnuhmeä‐weguhmigoowah egewh mahyahwunjeëdejig, anahsuhmid Jehovah.

²⁴ Kuhya sahsahgewejega‐wenene oogahoodahpenaun mahnishtahnisheensun pagedenegahzoonejin oonje bahtahzewin, kuhya ewh ningoo‐tebahegun pemeda, sahsahgewejega‐wenene dush ahyahzhook oogahwabenaun anahsuhmid Jehovah.

²⁵ Kuhya oogahnesaun mahnishtahnisheensun pagedenegahzoonejin oonje bahtahzewin, sahsahgewejega‐wenene dush oogahoodahpenaun ahnind oomisqueem owh mahnishtahnisheens kahnesind oonje bahtahzewin, kuhya oogahahtoon emuh ookeche‐tuhwugahning enewh wahpeeneëmind, kuhya emuh ookeche‐neenjeening, kuhya emuh ookechesittahning:

²⁶ Sahsahgewejega‐wenene dush oogahseegenaun punge pemeda emuh tebenuhwa oonuhpuhguskeneenjeeng oonuhmunjeninjeeng.

²⁷ Kuhya sahsahgewejega‐wenene oogahsuhswabeguhunjegan punge pemeda emuh oonuhmunjeneenjeeng atag neezhwahcheeng, ookecheninj uhyood anahsuhmid Jehovah:

²⁸ Kuhya sahsahgewejega‐wenene oogahahtoon punge pemeda emuh ooneenjeeng atag emuh ookechetahwugahning enewh wahpeneëmindjin, kuhya emuh ookecheneenjeening, kuhya emuh ookechesittahning, emuh kahahtoopun ewh oomisqueem owh ahwahkaun kahnesind oonje bahtahzewin:

²⁹ Menik edush ashkoonegahdag pemeda emuh ooneenjeeng owh sahsahgewejega‐wenene oogahsegenuhmahwaun emuh ooshtequaunening enewh wahpeeneëmind, chesahsahgewejegad oonje oomujje‐ezhewabezewinene anahsuhmid Jehovah.

³⁰ Kuhya oogahpuggedenaun pazhig keche‐oomeemeen, gamuh pazhig oomeemeensun, ahwagwanun kaöondenahgwan;

³¹ Ahwagwanun kakushkeähgwan, pazhig mujje‐ëzhewabezewine meegewawin cheähwenid, menuhwah dush pazhig bahtahzewine‐meegewawin, mahmahwe ewh meejime‐meegewawin: sahsahgewejega‐wenene dush tahsahsahgewejega oonje oomujje‐ezhewabezewinene enewh wahpeeneëmind anahsuhmid Jehovah.

³² Mesuh kadoodahwind owh wamegeed, kashketoosig cheöondenung ewh nanduhwandahgwuk oopeeneëgoowin oonje.

³³ ¶ Jehovah dush oogekuhnoonaun Mosesun kuhya Aaronun, oo‐ookeënaud.

³⁴ Uhpe tahgwishinag emuh Canaaning duhshe uhkeeng, kameenenuhgoog cheöoduhkeemeyag, kishpin atoowaunan oomegeewin emuh wegewauming ewede kaduhnuhkeeyag;

³⁵ Owh dabandung wegewaum oogahpeweenduhmahwaun sahsahgewejega‐wenenewun, oo‐oo kaënaud, Oomegeemahguk wegewaum nindenandum:

³⁶ Tahekedoo dush owh sahsahgewejega‐wenene chesahgechewabenegahdag kuhkenuh uhyeëen oonje wegewauming, sahsahgewejega‐wenene chepwah pewahbundung ewh wegewaum, cheöonjeweenuhsenook kuhkenuh uhyeëen emuh wegewauming atagin: nahguch edush sahsahgewejega‐wenene oogahpewahbundaun ewh wegewaum:

³⁷ Oogahnahnahgahdahwahbundaun dush ewh oomegeewin, kishpin dush oomegeemahguk wahkahegun, kishpin wuhweembaug pashesing punge oozhahwushquaug gamuh misquaug, punge dush dahbusheesh ahyahmahguk;

³⁸ Sahsahgewejega‐wenene tahsahguhum oonje wegewauming emuh ishquaundaming, oogahkebahquahaun dush wegewaum neezhwahsuhgoon.

³⁹ Neezhwahsuhgoonuhguk dush menuhwah tahpeëzhah owh sahsahgewejega‐wenene emuh wegewauming, oogahnahnahgahdahwahbundaun dush: kishpin dush ashkum mechahmahguk ewh azheöomegeemahguk emuh wahkaheguning;

⁴⁰ Sahsahgewejega‐wenene tahekedoo cheëkoonegahdag ahsineen wamegeemahgukkin, oogahwabenahnahwah dush ningooche akoo‐weenuk ahgwahjuhyeëewung ewh oodanah:

⁴¹ Tahahnookee dush ewh wegewaum chekaushkaushkah-egahdag kewetuhyeëe peenjuhyeëe, kuhya oogahezhewabenahnahwah ewh weyuggussa emuh akoo weenuk ahgwahjuhyeëewung ewh oodanah:

⁴² Oogahoodahpenahwaun dush bakaunukkin ahsineen, kuhya oogahahtoonahwah emuh ahtagebuneen enewh ahsineen; kuhya oogahoodahpenaun bakaunuk wahbegun, kuhya oogahwaubbegunuhaun wahkahegun.

⁴³ Kishpin dush nayaub oomegeemahguk ewh wegewaum, kahmahjewejegahdag ahsineen, kuhya kahkaushkaushkahegahdag kuhya kahwaubegunuhegahdag:

⁴⁴ Sahsahgewejega‐wenene oogahpewahbundaun, benuh dush kishpin ashkum mechahmahguk ewh oomegeewin emuh wegewauming, bahnahjeëwamahgud ewh oomegeewin emuh wegewauming: weenud suh ewh wegewaum.

⁴⁵ Oogahpegoobetoonahwah ewh wegewaum, kuhya oogahsahgejewabenahnahwah kuhkenuh ahsineen emuh ahtagin, kuhya metigoon, kuhya wahbegun, oonje keche‐oodanaung emuh ningooche akoo weenuk.

⁴⁶ Ahwagwan dush kapeendegagwan emuh wegewauming magwah kebahquahegahdag tahweeneze nahnauzh oonahgooshenig.

⁴⁷ Owh dush kanebahgwan emuh wegewauming oogahkesebeginaunun oodahgwewinun; kuhya owh kawesenid emuh wegewauming oogahkesebeginaunun oodahgwewinun.

⁴⁸ Kishpin dush sahsahgewejega‐wenene peendegad, ezhenung ashkum chemechahsenoog oomegeewin emuh wegewauming, kahwahbegunuhegahdag: mahnoo sahsahgewega‐wenene oogahwahweendaun chepeenuk, oonje ahzhe kenoojemoomahguk kahoomegeemahgukebun.

⁴⁹ Oogahoodahpenaun cheöonjepeeneëgahdag wegewaum neezh penasheün, kuhya keezhike‐metig, kuhya masqüaug oopewy, kuhya hyssop:

⁵⁰ Oogahnesaun dush pazhig penasheün, emuh wahbegune‐oonahguning oogijuhyeëe emuh pemejewung seebe:

⁵¹ Kuhya oogahoodahpenaun keezhike‐metigoon, kuhya hyssop, kuhya miskoo‐pewy, kuhya bamahdezenejin penasheün, kuhya oogahgindahbeginaun emuh oomisqueemening kahnesemind penasheün, kuhya emuh sebeeng, kuhya oogahseguhundaun wegewaum neezhwahcheeng.

⁵² Oogahpeenetoon wegewaum oomeesqueem owh penashe kaähyood, kuhya nebee seebeeng wandenegahdag, kuhya owh bamahdezid penashe, kuhya keezhike‐metig, kuhya hyssop, kuhya miskoo‐pewy:

⁵³ Oogahpuhgedenaun dush ween enewh bamahdezenejin penasheün oonje keche‐oodanaung emuh oodangwyewung ketegaun, kuhya tahsahsahgewejega oonje wegewaum: me dush chepeenuk.

⁵⁴ Mesuh oo‐oo enahkoonegawin kadezhewabuk kuhkenuh oomegeewin, kuhya ooshtequaune‐oomegeewin,

⁵⁵ Kuhya wamegeemahguk ahgwewin, kuhya wamegeemahguk wegewaum,

⁵⁶ Kuhya pahgeshewin, kuhya oomegeewin, kuhya ooshingoobisemewin.

⁵⁷ Chekekanduhming kishpin wahnudoogwan, gamuh kishpin pahnudoogwan: me suh oo‐oo oomegeewine‐enahkoonegawin.