LEVITICUS 13 - Ottawa New Testament Penteteuch and Psalms 1874

¹ Jehovah dush oogekuhnoonaun Mosesun kuhya Aaronun, oo‐oo keënaud,

² Kishpin enene pahgeshid emuh ooshuhguhaiïng, oomeegid, kishpin dush debishkoo mujje‐oomeegewining ezhenahgwuk; tahpeetuhwah Aaron owh sahsahgewejega‐wenene, gamuh pazhig Aaron oogwissun sahsahgewejega‐wenene:

³ Sahsahgewejega‐wenene dush oogahguhnuhwahbundaun oo‐doomeegewin emuh ooshuhguhaiïng: kishpin dush wahbishkahbegukkin azhemeshezid emuh oodoomegewining kishpin kuhya nahwuj uhnaumuhyeëe ahtamahguk ewh dush ween ooshuhguhai, mesuh mujje oomegeewin: owh sahsahgewejega‐wenene oogahguhnuhwahbuhmaun, weeneze suh oogahenaun.

⁴ Kishpin dush oodoomeegewin wahbishkahmahgudenig emuh ooshuhguhying, kishpin kuhya ezhenahgwuk nahwuj uhnaumuhyeëe ahtasenoog ewh dush ween ooshuhguhuhy, wahbishkahbegussenook dush azhemeshezid emuh: mahnoo sahsahgewejega‐wenene oogahkebahquahwaun enewh wamegeenejin neezhwahsoogoon:

⁵ Neezhwahsoogoonahguk dush owh sahsahgewejega‐wenene oogahguhnuhwahbuhmaun: benuh dush kishpin pazhigwunoong ezheähyahmahguk, ashkum dush mechahsenenig emuh ooshuhguhying; sahsahgewejega‐wenene oogahkebahquahwaun menuhwah neezhwahsoogoon:

⁶ Menuhwah dush neezhwahsoogoonahguk sahsahgewejega‐wenene oogahguhnuhwahbuhmaun: kishpin dush mahkuhdawahnig oodoomeegewin ashkum dush mechahsenenig emuh ooshuhguhying, sahsahgewejega‐wenene oogahwenaun ewh peenezenid: ahneshah oomegee: mahnoo dush oogahkesebeginaununun oodahgwewinun, tahpeeneze dush.

⁷ Kishpin atuh ashkum mechahmahgudenig oodoomegeewin emuh ooshuhguhying, kahwahbuhmegood sahsahgewejega‐wenenewun cheöonjepeeneïnd, menuhwah oogahwahbuh-buhmegoon sahsahgewejega‐wenenewun:

⁸ Kishpin dush wahbundung owh sahsahgewejega‐wenene, ashkum chemechahnig oodoomegeewinene, me dush uhpe kaweendung ewh weenezenid: mesuh ewh mujje oomegeewin.

⁹ ¶ Uhpe mujje‐oomegeewin duhgoomahguk emuh enene weyowing, tahpeenah emuh anduhzhe ahyaud sahsahgewejega‐wenene;

¹⁰ Sahsahgewejega‐wenene dush oogahwahbuhmaun: kishpin dush wahbishkahnig ewh pahgeshewin emuh ooshuhguhying, kuhya kishpin wahbishkahbeguk azhemeshezid emuh kishpin misquahmahguk weyaus emuh pahgeshewining;

¹¹ Kata oomegeewin ahwun emuh ooshahguhying, sahsahgewejega‐wenene dush oogahweendaun ewh weenezenid, kahween oogahkebahquahwahseen: weeneze suh goo.

¹² Kishpin owh wamegeed oomegeed emuh ooshuhguhying, kishpin anegookwahnig weyow oomegeed oonje ooshtequauning peenish oosittaung, tebe kaguhnuhwahbunduhmoogwan sahsahgewejega‐wenene;

¹³ Sahsahgewejega‐wenene oogahnahnuhgahdahwahbundaun: kishpin dush owh wamegeed enene oomeegeed emuh anegookwahnig weyow, sahsahgewejega‐wenene oogahwah-wahweendaun ewh peenezeïnd: kuhkenuh wahbishkahmahgudene weyow: peeneze suh goo.

¹⁴ Kishpin dush mishquahmahgudenig weyaus tahweeneze.

¹⁵ Sahsahgewejega‐wenene dush oogahwahbundaun mashquaug weyaus, oogahwahweendaun dush ewh weenezenid: weenud mah mashquaug weyaus: oomegeewin suh ahwun.

¹⁶ Kishpin nayaub wahbishkahmahgudenig mashquahnig weyaus mahnoo oogahpenaunzekahwaun sahsahgewejega‐wenenewun;

¹⁷ Sahsahgewejega‐wenene dush oogahwahbuhmaun: kishpin dush wahbishkahnig oodoomegeewin; me dush sahsahgewejega‐wenene chewahweendung ewh peenezenid enewh wamegeenejin: peenezewun suh.

¹⁸ ¶ Kishpin dush ahweyah kahooshingebissemid emuh ooshuhguhying, kahnoojemood dush,

¹⁹ Kishpin mashquud pahgeshid emuh ooshingebissemepun, wahbishkahnig, pakish punge misquahmahgudenig weyaus, tahwahbundahah sahsahgewejega‐wenene;

²⁰ Kishpin dush sahsahgewejega‐wenene wahbundung, ezhenung dush nahwuj ahnaumuhyeëe ahyahmahguk ewh dush ween ooshuhguhy, wahbishkahbegudenig dush azhe meshezid emuh; sahsahgewejega‐wenene oogahwahweendaun ewh weenezenid: mujje oomegewin suh ewh emuh ooshingebeseming wanjesing.

²¹ Kishpin dush wahbundung owh sahsahgewejega‐wenene wahbishkahbeguhsenook azhemeshezid emuh, kishpin dush ahnaumuhyeëe ahtasenook emuh ooshuhguhying, punge atuh mahkuhdawaug; sahsahgewejega‐wenene oogahkebahquahwaun neezhwahsoogoon:

²² Kishpin dush ashkum mechahmahguk emuh ooshuhguhying, sahsahgewejega‐wenene oogahwahweendaun ewh weenezenid: mujje‐oomegeewin suh ewh.

²³ Kishpin dush oomegeewin pazhigwunoong ahyahmahmahguk, ashkum dush mechahsenook, ooshengebisseme suh; sahsahgewejega‐wenene dush oogahwahweendaun ewh peenezenid.

²⁴ ¶ Gamuh kishpin weyaus atag emuh ooshuhguhying kezhetag debishkoo ishkootang, kishpin dush ewh kezhetag weyaus punge wahbishkaug, punge goo misquaug;

²⁵ Owh sahsahgewejega‐wenene oogahguhnuhwahbundaun: kishpin dush wahbishkahbeguk azhemeshezid emuh, kishpin dush nahwuj ahnaumuhyeëe ahtag ewh dush ween ooshuhguhy; mujje‐oomegeewin ahwun oonje keöoshingebissemepun: Owh dush sahsahgewejega‐wenene oogahwahweendaun ewh weenezenid: mujje‐oomegeewin ahwun.

²⁶ Kishpin dush ween sahsahgewejega‐wenene wahbundung wahbishkezenid azhemeshezenid emuh ooshuhguhyening wahyahbishkaug, kishpin dush nahwuj ahnaumuhyeëe ahtasenook ewh dush ween pakaunuk ooshuhguhy, kishpin dush punge mahkuddawaug; sahsahgewejega‐wenene oogahkebahquahwaun wamegeenejin enenewun neezhwahsoogoon:

²⁷ Neezhwahsoogoonuhguk dush sahsahgewejega‐wenene oogahwahbuhmaun: Kishpin dush ashkum mechahnig oodoomegeewin omuh ooshuhguhying, owh sahsahgewejega‐wenene oogahwahweendaun owh weenezenid: Kagate mujje‐oomegeewin ahwun.

²⁸ Kishpin pazhigwunoong ezhewahbishkaug, ashkum edush mechahsenook emuh ooshuhguhying, punge atuh mahkuddawaug; pahgeshe suh oonje chahgezoong, sahsahgewejega‐wenene dush oogahwahweendaun ewh peenezenid: Kezhizoowin suh oonje chahgizoong ahwun.

²⁹ ¶ Kishpin enene gamuh equa oomegeed emuh ooshtequauning gamuh emud meshedoong;

³⁰ Mahnoo sahsahgewejega‐wenene oogahwahbundaun oomegeewin: benuh dush Kishpin nahwuj ahnaumuhyeëe ahtamahguk ewh dush ween ooshuhguhy; Kishpin kuhya oozahwahbegudenig pazhigwahbeeg agahsahbegudenig; sahsahgewejega‐wenene oogahwahweendaun ewh weenezenid: Kagate oomegeewin ewh, emuh ooshtequaunemaung, gamuh emuh meshedoonang.

³¹ Kishpin dush sahsahgewejega‐wenene wahbundung ooshtequaune‐oomegeewin, nahwuj ahnaumuhyeëe ahtasenook ewh dush ween ooshuhguhy, Kishpin dush makuddawahbeguhsenook azhemeshezid emuh; sahsahgewejega‐wenene oogahkebahquahwaun enewh wamegeenejin neezhwahsuhgoon:

³² Nezhwahsoogoonuhguk dush owh sahsahgewejega‐wenene oogahwahbundaun ewh oomegeewin: benuh dush Kishpin ashkum mechahsenook, kuhya Kishpin oozahwahbeguhsenook azhemeshezid emuh, kuhya Kishpin nahwujahnaumuhyeëe ahtasenook ewh dush ween ooshuhguhy;

³³ Mahnoo tahkaushkebahnah, oomegeewin atuh kahween tahkaushkebahjegahdasenoon; Sahsahgewejega‐wenene dush oogahkebahquahwaun enewh wamegeenejin kayahbe neezhwahsuhgoon:

³⁴ Neezhwahsoogoonahguk dush sahsahgewejega‐wenene oogahwahbundaunoomegeewin: Kishpin dush ashkum mechahsenook emuh ooshuhguhying, kuhya nahwuj ahnaumuhyeëe ahtasenook ewh dush ween ooshuhguhy; sahsahgewejega‐wenene oogahweendaun ewh peenezenid: mahnoo dush owh wamegeed oogahkesebegaunun oodahgwewinun, tahpeeneze dush.

³⁵ Kishpin atuh nahwuj mechahmahguk ewh oomegeewin Kahpeeneïnd;

³⁶ Me dush menuhwah chewahbuhmegood sahsahgewejega‐wenenewun: benuh dush kishpin nahwuj mechahmahgudenig oodoomegeewin, kahween sahsahgewajega‐wenene oogahundoonaünseen, wazahwahbeguk emuh; weenezewun suh goo.

³⁷ Kishpin atuh pazhigwunoong ezheühyahmahguk mahkuddawahbeguhsenoonig dush azhemeshezid emuh; ahzhe kenoojemoomahgud ewh oomegeewin, peeneze; sahsahgewejega‐wenene dush oogahweendaun ewh peenezenid.

³⁸ ¶ Kishpin kuhya enene gamuh equa keduggezid emuh ooshuhguhying, wahbishkahnig dush azhekeduggezid;

³⁹ Sahsahgewejega‐wenene oogahwahbundaun: Kishpin dush wahbishkahing punge goo mahkuddawahnig ooshuhguhyewaun; ahneshah keduggeze: peeneze suh goo.

⁴⁰ Owh dush enene kahpungesinenig wenesissun oonje ooshtequauning, papushkwahkoondeba suh; peeneze.

⁴¹ Owh dush kahpungesinenig wenesissun emuh ookuttikoong: pahpushwahkoondeba suh ookittukoong peeneze suh.

⁴² Kishpin atuh emuh ooshtequauning owh papushkwahkoondebad duhgoomahgudenig öomegeewin wahyahbishkahmahguk kuhya punge pakish misquahmahguk; mujje‐oomegeewin ahwun emuh ooshtequauning owh papushkwahkoondebad, gamuh ookuttikoong.

⁴³ Sahsahgewejega‐wenene oogahwahbundaun; Kishpin dush wahbishkahnig, pakish punge misquahnig azhepahgeshid oodoomegeewining owh papushkwahkoondebad emuh ooshtequauning, gamnh emuh ookuttikoong, debishkoo azhenahgwuk oomegeewin emuh ooshuhguhying;

⁴⁴ Mujje‐oomegee owh enene, weneze suh; owh dush sahsahgewejega‐wenene oogahweendaun ewh ahpeche weenezenid ooshtequauning, oomegee.

⁴⁵ Owh dush wamegeed, oodahgwewinun tahpegoobejegahdanewun, kuhya tahshahshahge‐nindeba, kuhya tahahgwahnedoonedezoo, tahahyahshequa dush, oo‐oo cheëkedood, Neweeniz, Neweeniz.

⁴⁶ Kuhkenuh enewh kezhegudoon menik kaöomegeed oogahweeneëgoon suh oodoomegeewin; weeneze suh goo tahnezhekaweze; ahgwahjeyeëewung ewh kuhbashewin tahdah.

⁴⁷ ¶ Kishpin dush oomegeewin duhgoomahguk emuh ahgwewining kishpin oopewying wanje‐oozhechegahdagwan, gamuh puhpuhgewuhyaunegining;

⁴⁸ Kishpin ahnahmuhyeëe atagwan, gamuh oogejuhyeëe; Kishpin puhpuhgewuhyaunegine uhyeëewunoogwan, gamuh oopewying wanjeoozhegahdagwan; Kishpin ahsying, gamuh gagoo ahsying wanjeöozhechegahdagwan;

⁴⁹ Kishpin oomegeewin oozhahwushquahmahguk gamuh misquahmahguk emuh ahgwewining, gamuh emuh ahsying, kishpin ahgwahjuhyeëeng, gamuh ahnahmuhyeëeng, gamuh gagoo ahsying wanje‐oozhechegahdag; mujje‐oomegeewin ahwun, tahwahbunduhah dush owh sahsahgewejega‐wenene:

⁵⁰ Sahsahgewejega‐wenene dush oogahwahbundaun ewh oomegeewin, kuhya oogahkebahquahaun ewh uhyeëe wamegeemahguk neezhwahsuhgoon:

⁵¹ Neezhwahsuhgoonuhguk oogahwahbundaun ewh oomegeewin: Kishpin dush ashkum mechahmahguk ewh oomegeewin emuh ahgwewining, oogejuhyeëeng, gamuh ahnahmuhyeëeng, gamuh ahsying, gamuh uhyeëeng ahsying wanjeöozhechegahdag; bahnahjeëwamahgud suh ewh oomegeewin; weenud suh.

⁵² Oogahchahgizaun dush ewh ahgwewin, nuhmunj azhenahgwudoogwan oopewying gamuh puhpuhgewuhyauneginoong wanje‐oozhechegahdagwan, gamuh ahsying wanje‐oozhechegahdagwan, ewh ahgwewin wamegeemahguk: banahjeëwamahguk oomegeewin ahwun; tahchahgizegahda emuh ishkootang.

⁵³ Kishpin dush sahsahgewejega‐wenene kahwahbundung ezhenung ashkum mechahsenoog emuh ahgwewining, oogijuhyeëeng, gamuh ahnaumuhyeëeng, gamuh gagoo uhyeëeng ahsying wanjeöozhechegahdag;

⁵⁴ Sahsahgewejega‐wenene tahekedoo chekesebegenuhmenid ewh uhyeëe wamegeemahguk, menuhwah dush oogahkebahquahaun neezhwahsuhgoon:

⁵⁵ Sahsahgewejega‐wenene dush oogahwahbundaun ewh oomegeewin kahkesebegenegahdag: benuh dush kishpin kekwakenaundasenoog ewh oomegeewin, ashkum dush mechahsenoog; weenud; kegahchahgizaun emuh ishkootang; peenjuhyeëeng bahnahdud, kishpin oogijuhyeëeng gamuh ahnahmuhyeëeng wapeyowemuhyussenoog.

⁵⁶ Wahyahbundung sahsahgejega‐wenene, kishpin punge mahkuddawaug kahkesebeginegahdag; oogahkahgegekoodaun ewh oomegeewin oonje ahgwewining, gamuh ahsying, kishpin oogijuhyeëeng auduhgoomahgudoogwan, gamuh ahnahmeëeng auduhgoomahgudoogwan:

⁵⁷ Kishpin dush kayahbe nahgwuk emuh ahgwewining, oogijuhyeëeng, gamuh ahnahmuhyeëeng, gamuh gagoo uhyeëeng ahsying wanje‐oozhechegahdag; ashkum suh tahoomegeemahgud ewh oomegeewin: kegahchahgizaun ewh wamegeemahguk emuh ishkootang.

⁵⁸ Kuhya ewh ahgwewin nuhmunj azhenahgwudoogwan, kishpin ahsying wanje‐oozhechegahdagwan kakesebegenuhmun, kishpin kahmahjahmahguk oomegeewin, menuhwah tahkesebeginegahda, me dush chepeenuk.

⁵⁹ Mesuh anahkoonegang cheëzhewabuk ewh ahgwewin wamegeemahguk, kishpin oopewying wanje‐oozhechegahdagwan gamuh puhpuhguhwuhyaun‐eginoong, kishpin oogijuhyeëeng anduhgoomahguk, gamuh ahnahmuhyeëeng, gamuh ahsying wanje‐oozhechegahdagwan, chewahweenduhming chepeenuk gamuh chewahweenduhming cheweenuk.