LEVITICUS 12 - Ottawa New Testament Penteteuch and Psalms 1874

¹ Jehovah dush oogekuhnoonaun Mosesun oo‐oo keënaud,

² Kuhnoozh Israel oonejahnesun, oo‐oo kaënudwah, Kishpin equa keünjegood, kuhya kenegeäud quewezansun; tahweeneze neezhwahsoogoon; debishboo azheweenezid uhpe anduhsoo‐keeziswahguk ahkoozid.

³ Ishwahsoogoonuhguk tahkewetahzhwah owh ahbenooje.

⁴ Me dush uhpe cheähyaud emuh oomesqueeming magwah peeneïnd nesemeduhnuh dussoogoon uhshe neswe kahween oogahtaungenunseen gagoo kachetwahwandahgwuk uhyeëe, kah dush tahpeendegase emuh ahnuhmeä‐weguhmigoong, nahnauzh suh ishquahpeeneïnd.

⁵ Kishpin dush ween ayahwahgwan equazans, tahweeneze nezhoo‐ahnuhmeä‐kezhegudoon, debishkoo azhewabuk uhpe anduhsookeziswahguk ahkoozid: kuhya tahahyah emuh oomisqueeming magwah peeneïnd ningoodwahsemeduhnuh ahshe ningoodwausoogoon.

⁶ Uhpe dush kahishquahpeeneïnd, kishpin kahnegeähgwan quewezansun, gamuh kahnegeähgwan equazansun, oogahpeenaun mahnishtahnisheensun nangoo‐pepoon‐uhgezenejin chechaugezoomind, kuhya oomeemeensun, gamuh keche‐oomeemeen ewh mujje‐ezhewabezewine‐meegewawin, emuh ishquaundamewunenig oodahnuhmeä‐weguhmigoowah egewh mahyahwunjeëdejig, oogahmeenaun dush sahsahgewejegawenenewun;

⁷ Sahsahgewejega‐wenene dush oogahpuggedenaun anahsuhmid Jehovah, kuhya oogahsahsahgewetuhmahwaun; tahpeeneäh dush owh equa masqueewahpenapun. Mesuh oo‐oo enahkoonegawin kaëzheähyaud owh kahnegeäud quewezansun gamuh equazansun.

⁸ Kishpin dush kushketoosig chepeenaud mahnishtahnisheensun, mahnoo oogahpeenaun neezh keche‐oomeemeen, gamuh neezh oomeemeensun; pazhig chechahgizoond, menuhwah dush pazhig mujje‐ezhewabezewine‐meegewawin cheähwid: oogahsahsahgewetuhmahgoon dush sahsahgewejega‐wenenewun, me dush chepeenezid.