LEVITICUS 11 - Ottawa New Testament Penteteuch and Psalms 1874

¹ Jehovah dush oogekuhnoonaun Mosesun kuhya Aaronun, oo‐oo keënaud.

² Kuhnoozh oonejahnesun Israel, oo‐oo dush ezhee, Mesuh oogoo ahwahkaunug kaäumwagoog anduhchewaud kuhkenuh ahwahkaunug uhkeeng ayahjig.

³ Ahwagwan ahwahkaun tuhyaushkesittagwan, kuhya tuhyaushkegunzhegwan, kuhya ahyahbwasejegagwan menik anduhchewaud ahwahkaunug, mesuh kaäumwag.

⁴ Kahween oogoo kegahaumwahsewaug menik egewh tuhyaushkegunzhejig, gamuh egewh ahyahbewasejegajig: kahween kegahaumwahsewah owh pakwahwegung oonje ahyahbwasejegad, kahween dush taushkegunzhese: weeneze kegahenanemahwah.

⁵ Kuhya owh coney, oonje ahyahbwasejegad atuh, kahween dush taushkesittasese; weeneze kegahenanemahwah.

⁶ Kuhya wahpooz oonje ahyahbwasejegad atuh, kahween dush taushkesittase; weeneze kegahenanemahwah.

⁷ Kuhya kookoosh, ahnahween goo taushkegunzheed, kahween ahyahbwasejegase: weeneze kegahenanemahwah.

⁸ Weyausewah kahween kegahmeejesenahwah, kah kuhya kegahtaungenunsenahwah; wenezewug kegahenanemahwaug.

⁹ ¶ Anduhchewaud nebeeng ayahjig oogoo doowug atuh kegahaumwahwaug: egewh ayaungig ooninjegunun kuhya wuhnuhguhaiün emuh nebeeng, emuh kechegummeeng, kuhya emuh sebeeng, mahnoo kegahaumwahwaug.

¹⁰ Egewh ayaunsegoog ooninjegunun kuhya wuhnuhguhaiün emuh kechegummeeng, kuhya emuh sebeeng, menik anduhchewaud pabahmuhkoozhewajig ahnaumebeeng, kuhya anduhchewaud bamahdezejig emuh neebeeng ayahjig, kegahkuhgwahnesuganemahwaug:

¹¹ Ahbetakummig kegahkuhgwahnesuganemahwaug; kahween kegahmeejesinahwah weyausewah kegahkuhgwahnesuggandahnahwah weyowewaun.

¹² Kuhkenuh egewh ayaunsigoog ooninjegunun kuhya wuhnuhguhaiün emuh nebeeng kegahkuhgwahnesugganemahwaug.

¹³ ¶ Mesuh oogoo kakuhgwahnesugganemagoog anduhchewaud pabahmesajig; kahween tahaumwahsewug kuhgwahnesuggandahgoozewug suh: megizee, kuhya muhkuhda‐megezee, kuhya ospray,

¹⁴ Kuhya weenaunga, kuhya meshe‐kakake ahnooj azhenahgoozid;

¹⁵ Kuhkenuh kahgahgewug ahnooj azhenahgoozejig;

¹⁶ Kuhya kookookoooo, kuhya bashk, kuhya segwune-penashe, kuhya kakake nuhmunj azhenahgoozegwan,

¹⁷ Kookookoooonse, kuhya kahgahgeshib, kuhya keche-kookookoooo,

¹⁸ Kuhya wahbeze, kuhya zhada, kuhya kenewh,

¹⁹ Kuhya uhjejauk, kuhya mooshkuhoose, kuhya monin-gwuhna, kuhya puhquahnahjee.

²⁰ Kuhkenuh waningwegunejig papahmoodajig, nahwookahdajig, kegahkuhgwahnesugganemahwaug.

²¹ Poosh ahnind pabahmesajig pabahmoodawaud kuhya nahwookaudawaud, wakahdejig oogijuhyeëe oosittahwaung, cheöonjequaushkoonewaud emuh uhkeeng;

²² Mesuh oogoo kaäumwagoog; ahtissahwuhyasheüg ahnooj azhenahgoozejig, kuhya puhpukkinag ahnooj azhenahgoozejig, kuhya kezhegahnekapoowasheeyug ahnooj azhenahgoozejig, kuhya puhpukkenansug ahnooj azhenahgoozejig.

²³ Kuhkenuh dush ahnind pabahmesajig babahmoodawaud nahwookahdawaud kegahkuhgwahnesugganemahwaug.

²⁴ Kegahweenezeem dush oonje oogoo: ahwagwan kataungenuhmoogwan ooweyowene tahweeneze nahnauzh oonahgooshenenig.

²⁵ Ahwagwan dush pamewetoogwan ooweyowene oogahkesebegenaunun oodahgwewinun, kuhya tahweeneze nahnauzh oonahgooshenenig.

²⁶ Ooweyowewaun kuhkenuh ahwahkaunug tuhyaushkegunzhejig, kishpin taushkesittasigwah kuhya ahyahbwasejegasigwah, weenudoon kegahenandahnahwaun: kuhkenuh tuhyaungenahjig tahweenezewug.

²⁷ Kuhkenuh ayoojig ooneenjewaun chebemoosawaud, anduhchewaud nahwookahdajig, weenezewug kegahenanemahwaug: ahwagwan kataungenahmoogwan ooweyowewaun tahweeneze nahnauzh oonahgooshenenig.

²⁸ Owh dush pamewetood ooweyowewah oogahkesebegenaun oodahgwewinun, kuhya tahweeneze nahnauzh oonahgooshenenig: weenezewug kegahenanemahwaug.

²⁹ ¶ Oogoo dush weenezewug kegahënanem anduhchewaud pamoodajig pamoodawaud emuh uhkeeng; shin-goos, kuhya wahwahbegunoojee, kuhya mesheka ahnooj azhenahgoozid,

³⁰ Kuhya owh ferret, kuhya owh chameleon, kuhya owh oogekuhdahnaung, kuhya owh pemiskoodesee, kuhya owh kuhgebingwakwa.

³¹ Me suh oogoo weenezewug kaënanemagoog anduhchewaud egewh pamoodajig: Ahwagwan kataungenahgwan kahneboonid, tahweeneze nahnauzh oonahgooshenenig.

³² Kishpin dush ahweyah oogoo denoowug uhpe kahneboowaud pungeshing emuh gagoo uhyeëeng, wenud tahenandaum; kishpin metig‐oonahguning, gamuh ahgwewining, gamuh ahsying, gamuh mushkemoodaung, nuhmunj anahbuddudoogwan, emuh nebeeng tahahgwinjegahda, tahweenud dush nahnauzh oonahgooshig; me suh kaëzhepeenechegahdag.

³³ Kuhya anduhchingin wahbegune‐oonahgunun, kishpin ahweyah oogoo denoowug pungeshing emuh, wagoodoogwan emuh oonahguning atagwan tahweenud, kegahpegwuhahnahwah ewh oonahgun.

³⁴ Kuhya kishpin ewh nebee pungesing emuh meejiming tahweenud ewh meejim: kuhya kishpin gagoo menequawin atagwan emuh oonahguning tahweenahgumme.

³⁵ Kishpin dush ooweyowewaun pungesingin emuh gagoo uhyeëeng tahweenud ewh uhyeëe emuh kahpungesing; kishpin kahpungesinoogwan emuh buhquazhegunekauning, gamuh chebahqua‐kezhahpegezeguning, tahpegoobejegahdanoon: weenudoon mah, wenudoon dush kegahenandahnahwah.

³⁶ Oondahebaun atuh gamuh wahnekaun, emuh atag nebee tahpeenud: ahwagwan kataungenuhmoogwan ooweyowewaun tahweeneze.

³⁷ Kishpin dush punge weyausewah pungesinenig emuh atag menekaun wahsuhswaswabenegahdag, tahpeenud ewh menekaun.

³⁸ Kishpin atuh nebeewung ewh menekaun, kishpin dush pungesing weyausewah emuh atag weenud kegahenandahnahwah ewh menekaun.

³⁹ Kishpin dush ahweyah ahwahkaun, kaäumwagoobun penesekah nebood; owh kataungenuhmoogwan weyausene tahweeneze nahnauzh oonahgooshenenig.

⁴⁰ Uh‐owh dush mahjid weyausene oogahkesebegenaunun oodahgwewinun, kuhya tahweeneze nahnauzh oonahgooshenenig: owh kuhya pamewedood weyausene oogahkesebegenaunun ooduhgwewinun, tahweeneze dush nahnauzh oonahgooshenenig.

⁴¹ Kuhkenuh dush pamoodajig pamoodawand oogeduhkummig tahkuhgwahnesuggandahgoozewug; kahween tahaumwahsewug.

⁴² Ahwagwan pamoodagwan emuh oomesudaung, kuhya ahwagwan nahwookahdagwan, gamuh ahwagwan nuhwuj bahyahtuhenudenig ookaudun anduhchewaud pamoodajig emuh uhkeeng, kahween kegahaumwahsewaug egewh; kuhgwahnesuggandahgoozewug mah.

⁴³ Kahween kegahweeneëdezooseem cheüumwagoobun ahweyah pamoodad, kahween kegahaumwahsewah, kedahweeneëgoonahwah mah.

⁴⁴ Neen mah Jehovah Kekesha‐Muhnedoomewah nindow: kegahpeeneëdezoom suh, kegahpeenezeem dush; nepeeniz mah kahween kegahweenetoosenahwah keyowewaun cheäumwagoobun ahweyah pamoodad oomuh uhkeeng.

⁴⁵ Neen mah nindow Jehovah kahpesahgechewenenag oonje Egypting duhzhe‐uhkeeng cheöonje oo‐Kesha‐Muhnedoomeyag: mesuh kaöonjepeenezeyag, Neen mah nepeeniz.

⁴⁶ Mesuh oo‐oo enahkoonegawin kaënanemindwah ahwahkaunug, kuhya waningwegunejig, kuhya kuhkenuh bamahdezejig pabahmekoozhewajig emuh nebeeng, kuhya kuhkenuh pabahmoodajig emuh uhkeeng:

⁴⁷ Pekinnoong kegahenanemahwaug egewh pahnezejig kuhya egewh wahnezejig, kuhya owh ahwahkaun kaähmoondebun kuhya owh kaäumwahsewindebun.