LEVITICUS 1 - Ottawa New Testament Penteteuch and Psalms 1874

¹ Jehovah dush oogenundoomaun Mosesun, oogekuhnoonaun dush oonje ahnuhmeä‐weguhmigoong kahduhzhemahoonjeëdewaud egewh ahnishenahbag, oo‐oo keënaud,

² Kuhnoozh egewh wanejahnesemegoojig enewh Israelun, oo‐oo dush ezheh, Kishpin ahweyah menik anduhcheyag peedood gagoo wahmeenaud Jehovahun, mahnoo kegahpeenahwah pazhik keduhwahkaunewah pezhekee, gamah mahnishtahnish.

³ Kishpin wahmeegewagwan kachahgetag‐sahsahgewejegun pezhekewun, ahyahban suh oogahmeegewanun kayundahwezenejin: ween enandung oogahmeegewan emuh ishquaundamewunenig oodahnuhmeä‐weguhmigoowah egewh mahyahwunjeëdejig anahsuhmid owh Jehovah.

⁴ Ooneenjeen oogahahtahwaun emuh ooshtequaunening enewh ahwahkaunun wahchahgezwahjin; tahmenoo‐oodahpenah dush ween cheöonjewabenuhmahwind oomujje‐ezhechegawin.

⁵ Oogahnesaun edush enewh ahnookee‐pezhekeensun anahsuhmid Jehovah; egewh dush sahsahgewejega‐wenenewug, wagwissemegoojig enewh Aaronun, oogahpedoonahwah ewh misque, kuhya oogahsuhswabeguhundahnahwah misque kewetahuhyeëe emuh sahsahgewejegunahbikoong atag emuh ishquaundamewunenig oodahnuhmeä‐weguhmigoowah egewh mahyahwunjeëdejig.

⁶ Oogahpahkoonaun dush enewh ahwahkahnun wahchahgezwahjin, kuhya oogahpesezhwaun.

⁷ Egewh dush wagwissemegoojig Aaronun sahsahgewejega‐wenenewun oogahahtoonahwah ishkoota emuh sahsahgewejegun‐ahbikoong, kuhya oogahooquissetoonahwah missun emuh ishkootang:

⁸ Kuhya dush egewh sahsahgewejega‐wenenewug, wagwissemegoojig Aaronun, wawane oogahoozhesittonahwah enewh pukkawezewinun, ooshtequaun, kuhya weenin, oogij‐mesheeng atah emuh sahsahgewejegunahbikoong duhzhe ishkootang:

⁹ Nebeeng dush ween oogahkesebeginaunun oonuggisheen kuhya ookaudun: sahsahgewejega‐wenene dush oogahchahgizaun kuhkenuh emuh sahsahgewejegunahbikoong, chahgezega‐sahsahgewejegun cheähwung, kamenoo‐maundung owh Jehovah.

¹⁰ ¶ Kishpin dush ween wahmeegewagwan pazhig ahwahkaunansun, oogahwahwanahbuhmaun mahnishtahnishun, gamah mezahboozoon kachahgezwahjin, ahyahba‐ahyahaun oogahpeenaun kuyundahwezenejin.

¹¹ Oogahnesaun dush emuh oopemayeëe sahsahgewejegunahbikoong kewadinoong enuhkuhkayah anahsuhmid owh Jehovah: egewh dush sahsahgewejega‐wenenewug wagwissemegoojig enewh Aaronun oogahsuhswabegahunduhnahwah ewh sahsahgewejegunahbik kewetahweyeëe ewh misque uhyoowaud.

¹² Kuhya oogahpesezhwaun mahmahwe ooshtequaun kuhya kuhya weenin: sahsahgewejega‐wenene dush oogahoozhesitoonun emuh oogij‐meesheeng atag emuh sahsahgewejegun‐ahbikoong duhshe ishkootang:

¹³ Oogahkeesebeginaunun enewh oonuggesheen kuhya ookaudun emuh nebeeng: Owh dush sahsahgewejega‐wenene oogahpeetoon kuhkenuh, kuhya oogahahtoon emuh sahsahgewejegunahbikoong; chahgezega sahsahgewejegun ahwun, Ashkoodang pagiddenegahdag, kamenoo‐maundung Jehovah.

¹⁴ ¶ Kishpin dush wahmeenaud Jehovahun penasheün chehgezega‐sahsahgewejegun cheähwenid, mahnoo oogahpeenaun enewh keche‐oomeemeen, gamuh oomeemeensun.

¹⁵ Owh dush sahsahgewejega‐wenene oogahpeenaun emuh sahsahgewejegunahbikoong, kuhya oogahkeeshkegwabenaun kuhya oogahchaugizwaun emuh sahsahgewejegunahbikoong; kuhya oogahsegwabenaun kuhkenuh ewh misque emuh oopeemayeëe sahsahgewejegunahbikoong.

¹⁶ Oogahmahmoon dush peenjenuh atanig kuhya oomegwunun, kuhya oogahahpuggedaun emuh oopemayeëe sahsahgewejegunahbikoong, emuh wahbunoong enuhkuhkayah, apuggejegahdag pingwe:

¹⁷ Oogahtaushkeezhwaun dush, kuhya ooningwegunun, kahween ahpeche oogahnanahwenahseen, owh dush Sahsahgewejega‐wenene oogahchahgezwaun emuh sahsahgewejegun‐ahbikoong, ishkootang duhzhe meesheeng: chahgezega‐sahsahgewejegun‐ahwun, meegewawin apuggejegahdag emuh ishkootang, ewh kamenoo‐maundung owh Jehovah.