JUDE 1 - Ottawa New Testament Penteteuch and Psalms 1874

¹ Jude, oobuhmeetahgunun Jesus Christ, kuhya wejekewaün James oodoozhebeühmahwaun enewh kahmenoo‐ezhewabezeähjin Kesha‐Muhnedoo Wayoosemind, kuhya enewh Jesus Christ kahbemahjeähjin, kuhya kahnundoomahjin:

² Mahnoo kegahahyaunahwah ashkum nebewah shahwandahgoozewin, kuhya pezaunewawin, kuhya sahgeëwawin.

³ Suhyahgeënenuhgoog, uhpe kekeche‐ahnookeeyaun keëzhebeühmoonenuhgoog debahdooduhmaun ewh bemahjeëgoowin azhebemahjeëgooyung kuhkenuh, ningenundahwandahgooz chemahjebeühmoonenuhgoog, kuhya chekuhgekemenenuhgoog chekeche‐minwawezeyag guhnuhwanduhmag ewh dabwayanduhmoowin ningooding kahpuggedenuhmahwindwah egewh anuhmeähjig.

⁴ Ahnind mahween enenewug, keemooj kepepeendegawug, kuhyet kahenahkoonindjig oo‐oo cheëzhenahneboomindwah, enenewug quasahsegoog Kesha‐Muhnedoon, ezheäunjetoowaud ooshahwanjegawin owh Kekesha‐Muhnedoomenaun emuh peshegwahdezewining, kuhya ahgoonwatahwahwaud enewh puhyazhegoonejin Tabaninganejin Kesha‐Muhnedoon, kuhya Tabanemenung Jesus Christun.

⁵ Nindenandum dush ween chemequanduhmoonenuhgoog, ahnuhween goo ahzhuh kekekanduhmag oo‐oo, owh Tabaningad kahoonje‐sahgejewenaud enewh ahnishenahban emuh Egypt duhzhe uhkeeng, nahguj kebahnahjeäud enewh kahdabwayanduhsenegoon.

⁶ Kuhya enewh angenun kahguhnuhwanduhsenegoon netum oodezhetwahwinewah, kenuhguhduhmenid dush ween tebenuhwa andahnepun, ooguhnuhwanemaun kahgega minjemahpenegahzoonid emuh magwa kushke‐tebekuk nahnauzh tebahkoonegang uhpe kechetwah‐kezheguk.

⁷ Debishkoo kuhya Sodom kuhya Gomorrha, kuhya enewh oodanahwun emuh kewetuhyeëe kahahyaugin kahezhepuggedenedezoomahguk emuh peshegwahdezewining, kuhya kenoopenuhduhmoomahguk ewh mayugguk weyausemah, pagedenegahdanoon chekekenoowahbunduhming, koodugganduhmoomahguk emuh kahgega ishkootang ahzhittah doodahjegahdanoon.

⁸ Mesuh kuhya oogoo maje‐enahbundungig ooweenetoonahwah weyowewaun, oobahpenuhdoonahwah enewh oogemahwandahgoozewinun, kuhya oomujje‐duhzhindahnahwah enewh kechetwahwandahgoozewinun.

⁹ Pooch owh Michael nahgahnezid‐angen uhpe ahyahgoonwatuhwaud enewh Mujje‐Muhnedoon keduhzhindung ewh weyow owh Moses, kahween kekushketoose chemujje‐guhnoonaud, oo‐oo atuh keëkedood, Kegahnuhnebekemik Tabaningad.

¹⁰ Oogoo dush oomujje‐duhzhindahnahwah enewh uhyeëen kakanduhsigwah; enewh dush uhyeëen wenuhwah tebenuhwa kakanduhmoowahjin, debishkoo nabwahkahsegoog ahwaseeyug, mesuh oonoo wanje‐nishwuhnahjetoowaud weyowewaun.

¹¹ Tahkuhgwahnesugge‐ketemahgezewug oogoo! kebemoosawug muh emuh oomeekunaung Cain, kuhya keche anegook oogenoopenuhdoonahwah ookuhkebahdezewin Balaam chekushketuhmahzoowaud ewh tebenuhwawezewin, kuhya kebahnahdezewug emuh ookuhgaunzetuhmoowining Core.

¹² Ahzhebikoon ahwewug oogoo emuh kesahgeëdewine‐wekoondewinewaung, uhpe wahdoopuhmenagwahnin, wesenewug kootunsigwah gagoo; ahnuhquuhdoong nabeewunsenook enandahgoozewug ahnooj uhyenahsing; metigoon kahbahnahdudenig oomeenewinewah, kuhnuhga mahnewesegoog, neezhing mashewahkoozejig, paquahkoobeje-gahzoojig;

¹³ Debishkoo tegoowug uhpe kache‐maungaushkaugin petawetoowaud tebenuhwa oodahgujjewinewaun, waneshenoojig ahnungoog, me suh egewh ganuhwanduhmoowindjig ewh keche‐kushke‐tebik kahgegakummig.

¹⁴ Kuhya Enoch owh neezwahching keähneka‐bemahdezid oonje Adam, kezhah oogedebahjemaun enewh, oo‐oo keëkedood. Benuh tahtuhgwishin owh Tabaningad, weejewaud metauching metauswauk enewh anuhmeätahgoojin.

¹⁵ Chepedebahkoonaud kuhkenuh, kuhya chepeween-dahmahwaud kuhkenuh enewh maje‐ezhewabezenejin anandahgwudenig enewh oomujje‐ezhechegawinewaun, kuhya kuhkenuh oomujje‐duhzhinjegawinewaun kahmujje‐duhzhemegood enewh maje‐ezhewabezenejin.

¹⁶ Nahnahpuhgaunzetahgoozewug oogoo, kuhya mujje‐kezhwawug, ezhewabezewug dush debishkoo anandahgwudenig tebenuhwa oonundahwanduhmoowinewah; kuhya oodoonewaun kekedoomahgudenewun keche‐muhmequahzoowine‐ekedoowinun, pekinoong enanemahwaud enenewun oonje tebenuhwawezewin.

¹⁷ Suhyahgeënenuhgoog mequanduhmook kenuhwah enewh ekedoowinun kezhah kahekedoonid enewh oodahpostleëmun Tabanemenung Jesus Christ;

¹⁸ Kewahweenduhmoonagwah weähyahwaud bahyahpenoodahgashkejig uhpe ashquauj kezheguk, kaëzhewabezejig debishkoo anandahgwudenig tebenuhwa oonunduhwanduhmoowinewaun.

¹⁹ Mesuh egewh pakajig, tebenuhwa oodenahdezewinewaun mahkindungig, ayahwahsigoog enewh Keche‐Oojechaugwun.

²⁰ Kenuhwah dush ween suhyahgeënenuhgoog ahyaungwahmezeyook chesoongekahbahweëdezooyag emuh pahnuk kedabwayanduhmoowinewaung, ahnuhmeäug emuh Keche‐Oojechaugoong.

²¹ Guhnuhwanindezooyook emuh oosahgeëwawining Kesha‐Muhnedoo, nunduhwahbunduhmag ooshahwanjegawin Tabanemenung Jesus Christ cheöonje‐kahgega‐bemahdezing.

²² Ahnind kegahshahwanemahwaug, papukkaun andoodahwagwah:

²³ Ahnind ezhebemahjeïk emuh sagezewining, emuh ishkootang cheöonje‐wekoobenagwah; sheenganduhmag pooch ewh ahgwewin weyausemaung wanje‐ketukke‐mahnahduk.

²⁴ Owh dush kashketood cheguhnuhwanemenag cheoonje‐pungeshinsewag, kuhya chenebahweënag ningood mujje‐enanemegoosewag emuh anahsuhmeähyahnig oopeshegandahgoozewin emuh keche‐minwahnegoozewining.

²⁵ Owh Puhyazhegood nabwahkaud Kesha‐Muhnedoo Bamahjeënung tahpeshegandahgooze kuhya tahkechetwahwandahgooze, tahkeche‐oogemahwandahgooze, kuhya tahkeche‐mushkahweze, noongoom kuhya kahgenig. Amen.