JAMES 5 - Ottawa New Testament Penteteuch and Psalms 1874

¹ Umba suh goo kenuhwah kachetwahwezeyag, muhweyook kuhya nuhneenuhwetahgoozeyook oonje kekooduggetoowinewah kapuhgummishkahgooyag.

² Bahnahdudoon enewh ketebenuhwawezewinewah, kuhya egewh oogahwaseeg oomeejenahwah kedahgwewinewah.

³ Ahzhuh bahnahdeze keshooneähmewah kuhya kedoozahwah‐shooneähmewah; kuhya ahgwahkoosing kegahbahtahmegoonahwah, kuhya kegahahmoogoonahwah debishkoo ishkootang. Kegemahwundoosetoonahwah gagoo kaduhgoomahguk uhpe ashquah‐kezheguk.

⁴ Benuh ootebahahmahgoowinewah egewh anookeetahgajig kahkeeshkezhegajig emuh keketegaunewaung, ketebahmahwahsewagwah kewuhyazhemagwah, muhtwa‐pepahgemahgud: kuhya oopepahgewinewaun egewh kahkeeshkezhegajig kepeendegamahgud emuh ootuhwuggaung Tabaningad dabanemaud enewh waqueenoonejin.

⁵ Kegeëzhebemahdezim emuh minwahnegoozewining oomah uhkeeng, kegepezhegwahdezim; kegemenoo ahshundahnahwah enewh kedaëwaun, debishkoo ahwahkahnug ahnuhween goo dabishkoosanig ewh netahga‐kezhegud.

⁶ Kegemujje‐debahkoonahwah kuhya kegenesahwah owh manoo‐ezhewabezid; kah dush ningood kedoodahgoosewah.

⁷ Umba dush, nejekewaëdoog, soongummunduhmook, nahnauzh Tabaningad wahtuhgwishing. Benuh owh ketega‐wenene oobeetoon ewh kache‐ahpeetandahgwuk menewewin uhkeeng kaöonjeging, kuhya kinooäzh oobeetoon, nahnauzh pagumme‐peesaug sahgwunenig kuhya taquahgenig kemewung.

⁸ Kuhya kenuhwah soongummunduhmook; Soongedaäyook; pashoo muh peähyahmahgud chetuhgwishing Tabaningad.

⁹ Kagoo wuhsittahwanindekagoon, nejekewaëdoog, koonemah kedahgenahneboomegoom: benuh, owh katebahkoonewad nebahwe emuh anahsuhmeyeewung ewh ishquaundam.

¹⁰ Kekenoowahbuhmik, nejekewaëdoog, egewh aunwahjega‐wenenewug kahkekedoojig emuh oodezhenekahzoowining owh Tabaningad, cheöonje‐soongummunduhmag enewh kooduggetoowinun, kuhya cheshuhshebanduhmag.

¹¹ Benuh dush, shahwandahgoozewug kedenanemahnahnig egewh swaunguhmunduhmoojig enewh kooduggetoowinun. Kegenoondaum owh Job kahezheshuhshebandung, kuhya kegewahbundahnahwah kaguhpe kahdoodahgood enewh Tabaninganejin; azhekeche‐ketemahganjegad owh Tabaningad, kuhya azhekeche‐shahwanjegad.

¹² Mamwach kedenenim, nejekewaëdoog, kagoo kuhnuhga mushkahwah‐kezhwakagoon chetuhgoo‐wahweenduhmag ewh kezhik, gamuh ewh uhkee, gamuh pakaunuk mushkahwah‐kezhwawin: aahe wahekedooyagoon aahe atuh kegahekedoom, kishpin dush kah wahekedooyag, kah atuh kegahekedoom; koonemah kedahgepungeshinoom emuh nahneboomegoowining.

¹³ Kishpin ahweyah anduhsheyag kooduggetood, mahnoo tahahnuhmeäh; ahweyah nuh minwahnegwandum? mahnoo tahnuhguhmoo ahnuhmeähwine‐nuhguhmoowinun.

¹⁴ Ahweyah nuh auduhsheyag ahkooze? mahnoo oogahnundoomaun enewh katezenejin emuh ahnuhmeähwining; mahnoo oogahahnuhmeätuhmahgoon enewh, kuhya oogahahtahmahgoon ewh pemeta emuh oodezhenekahzoowining owh Tabaningad:

¹⁵ Dabwayanduhmoowine‐ahnuhmeähwining dush tahoonje‐noojemoo owh ayahkoozid, oogahpuhsegwindenegoon dush enewh Tabaninganejin; kishpin dush kahmujje‐ezhechegagwan, tahwabenuhmahwah oomujje‐ezhewabezewinun.

¹⁶ Wahweendahmahdeyook mamashquaud enewh kemujje‐ezhewabezewinewaun, kuhya ahnuhmeätuhmahdeyook mamashquaud, cheöonje‐noojemooëgooyag. Keche-mushkahwezemahgudene ewh oodahnuhmeähwin owh quuhyuk‐ezhewabezid kishpin anegook azheähnuhmeäud.

¹⁷ Elias keënenewe, keëzhewabeze dush debishkoo kenuhwind azhewabezeyung, anegook edush keähnuhmeäh chekemewunsenook: kah dush kekemewunsenoon uhkeeng nesoo‐pepoon kuhya ningoodwahsoo‐kezis.

¹⁸ Menuhwah dush keähnuhmeäh, medush kepungesing ewh kemewun‐ahboo emuh oonje kezhegoong, medush kahezhenetahwugging ahnooj gagoo uhkeeng wanjeging.

¹⁹ Nejekewaëdoog, kishpin ahweyah anduhsheyag oonje wunishenood dabwawining, kewawenegood dush pakaunezenejin;

²⁰ Mahnoo oogahkekandaun owh kakewawenaud enewh maje‐ezhewabezenejin magwah wuhneshenoonepun, oogahbemahjeäun enewh oojechaugoomaun kuhya oogahkahdoonun nebewah mujje‐ezhewabezewinun.