JAMES 4 - Ottawa New Testament Penteteuch and Psalms 1874

¹ Ahneende wanjeemahguk kemegahdewinewah kuhya kekekaundewinewah? Kah nuh ween oonjeemahgussenoon emuh kemujje‐nunduhwanduhmoowinewaung mahgahzoomahgukkin emuh kepukkawezewinewaung.

² Kemujje‐nundahwandahnahwah gagoo, kah dush kedahyaunsenahwah: keneshewam, kuhya kenundahwandahnahwah, kah dush kekushketooseem cheähyahmagoobun; kemegahzoom kuhya kekekaungam, kah dush kedahyaunsenahwah ewh nanduhwanduhmag, nundoodahmahgasewag oonje.

³ Ahnuhween goo nundoodahmahgayag kahween kemeenegooseem, oonje quuhyuk‐nundoodahmahgasewag, chenishewahnahjetooyag emuh kemujje‐nunduhwanduhmoowinewaung kedoonje‐nundoodahmahgam.

⁴ Kenuhwah pezhegwauj‐enenewedoog kuhya pezhegwauj‐equawedoog, kah nuh ween kekekanduhsenahwah sahgetoong uhkee mesuh wanje‐sheenganemind Kesha‐Muhnedoo? ahwagwan dush kasahgetoogwan ewh uhkee oosheenganemaun enewh Kesha‐Muhnedoon.

⁵ Kedenandaum enuh ahneshah ekedoomahguk ewh Kechetwah‐Oozhebeëgawin, Owh oojechaug kakishkahwung oonundahwandaun ewh kuhgahwanindewin?

⁶ Nahwuj nebewah shahwanjegawine‐wedookahgawin oopuggedenaun. Me suh wanje‐ekedood, Kesha‐Muhnedoo oomegahnaun enewh kachetwahwanemoonejin, kuhya ooshahwanemaun enewh agausanemoonejin.

⁷ Puggedenedezooyook dush chedebanemenag Kesha‐Muhnedoo. Ahgoonwatuhwik Mujje‐Muhnedoo, kegahoozhemigoowah dush.

⁸ Pashoo naunzekahwik Kesha‐Muhnedoo, pashoo dush kegahpenaunzekahgoowah. Penetooyook keneenjewaun, kenuhwah maje‐ezhewabezeyag, kuhya peenetooyook enewh kedaëwah, kenuhwah neezhwuhyug uhyenanduhmag.

⁹ Ketemahganemooyook, kuhya nuhneenuhwanemooyook, kuhya muhweyook; mahnoo kebahpewinewah tahezheäunjeëgahda chenuhneenuhwanemooyag, kuhya kemoojegezewinewah tahezheäunjeëgahda cheketemahganemooyag.

¹⁰ Dahbussandahgooëdezooyook emuh anahsuhmid Tabaningad, kegahoombenik dush ween.

¹¹ Kagoo mujje‐duhzhindekagoon, nejekewaëdoog. Owh maje‐duhzhemaud enewh wejekewaün, kuhya tabahkoonaud enewh wejekewaün, oomujje‐duhzhindaun ewh tebahkoonegawin, kuhya ootebahkoonaun ewh tebahkoonegawin; kishpin dush tebahkoonuhmun ewh tebahkoonegawin, kahween kedoodunse ewh akedoomahguk tebahkoonegawin, ketebahkoonaun dush ween.

¹² Pazhikoo owh kahmeegewad tebahkoonegawin, mesuh owh kashketood chebemahjeëwad kuhya chebahnahjeëwad: ahwanan keen tabahkoonud pakahnezid?

¹³ Umba suh goo kenuhwah oo‐oo akedooyag, Noongoom kezheguk gamuh wahbung ningahezhahmin ewede keche‐oodanaung, kuhya ningahduhnezemin emuh ningoo‐kekenoonoowin, kuhya ningahkishpenuhchegamin, kuhya ningahahtahwamin, cheöondenuhmahdezooyaung ewh tebenuhwawezewin:

¹⁴ Ahnuhween goo kekanduhsewag wahbung kaëzhewabuk. Ahneen enandahgwuk kebemahdezewinewah? ahwun suh enandahgwud wanebik nuhyahgwuk, bahgega dush ungwuhmahgud.

¹⁵ Oo‐oo suh ween kedahekedoom, Kishpin enandung Tabaningad, ningahbemahdezemin, oo‐oo dush ningahezhechegamin, gamuh pukkaun ningahezhechegamin,

¹⁶ Noongoom dush kedoonje‐moojegezim emuh kemuhmequahzoowinewaung; mahnahdud suh ahnooj oo‐oo doowah moojegezewin.

¹⁷ Benuh dush, owh kakandung chedoodung ewh wanesheshing, doodunsig edush, mujje ezhewabeze suh owh.